StarTalk網上足本版|汪阿姐十日挑戰演三齣劇目 與家英哥下相處更了解
Vložit
- čas přidán 21. 08. 2024
- StarTalk網上足本版|汪阿姐十日挑戰演三齣劇目 與家英哥下相處更了解
多年來一直醉心粵劇表演同發展嘅 汪明荃 近日決定唔再續任八和會館主席職務,專心參與劇團演出同培育新演員,好快佢就會同丈夫 羅家英 一齊演出,仲要喺短短10日時間內演出三個唔同戲寶作品,呢日佢喺《StarTalk》就同 王鎮泉 分享近日嘅準備工作喇。
要短短時間演出三齣唔同劇目,真係聽見都頭暈,不過事事認真嘅Liza姐就對接連交替演出《蝴蝶夫人》、《德齡與慈禧》仲有《荊釵記》有絕對信心,雖然全部都文戲,不過一樣要面對唔同唱腔同對白身段,所以對體力都係一個唔細嘅挑戰喇。
夫妻鬥氣嘅《蝴蝶夫人》浪漫演出,由夫妻檔同台上陣演出就更為浪漫有意義喇,加上劇本有一定改動同調整,原來就係家英哥嘅Idea,仲將劇情更為上昇到唔同層次。
近日Liza姐已經瘋狂專注綵排練習唱歌排戲練習,而家英哥就除咗演戲排練,仲會改編唔同劇目成為本地舞台作品,阿姐仲話家英哥每晚都要睇唔同電影攞靈感,仲話《大鼻子情聖》已經成為下一個改編目標喇。
平時係夫妻,台上就成為演員同導演關係,Liza姐仲話《蝴蝶夫人》演出情緒會因為劇情而有極大起伏,今次演出6場就要睇住家英哥離開自己6次咁多咁話喇。雖然咁講,但係Liza姐亦提到同場演出下會令自己更為自在,亦都可以話得心應手呀。
平時正經又有時百厭嘅家英哥,早前仲同太太Liza姐話過往其實唔算互相了解,不過經過幾年疫情嘅朝見口晚見面之後先更加熟悉,所以更識遷就對方,仲一個唔該贈返主持泉叔要學識忍讓老婆呀。
Liza姐越講越輕鬆,講到有冇機會一反平時印象,由家英哥扮演霸氣惡男而佢就小鳥伊人出演劇集,阿姐就斬釘截鐵式落閘話唔好,仲話呢啲機會敬謝不敏,寧願將時間投入喺其他方面咁話呀。
#StarTalk #網上足本版 #汪明荃 #蝴蝶夫人 #德齡與慈禧 #荊釵記 #羅家英 #導演 #改編 #劇本 #大鼻子情聖
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
亜姐越來越歡容,談吐輕鬆。可以看得出她的心情很好。 希望她身体健以後専心做自己喜歡的事情。心想事成。
阿姐好叻好勁,唱得很好又動聽,正、正、正。
嘩!嘩!嘩!荊釵記;蝴蝶夫人同咪德齡慈禧;我已經睇咗巧多次了@巧可惜今次大多數場數是做@壽款的@不是公開發售的來牙@haha
…
走音阿婆演蝴蝶夫人. SPEECHLESS!