MAMBUAT TUA NI GONDANG , SUDAH BANYAK YANG KURANG PAHAM?

Nungnga be gabe hasomalanni halak batak ( toba ) molo makkuling do gondang sabangunan ( maung-maung ), denggan manian mabbuat tauni gondangna.
Alai ala naung tahaporseai do Debata do digijangni saluhutna ( Agama Kristen ), gabe dimulai mai sian acara huria marhite naposo-Na ( somal mai di dok KEBAKTIAN ). alai dung sae dibukka huria, langsung ma dipasahat tu hasuhuton, asa dibuat tua ni gondang na,
Alai dang piga be naubbotosa , tar songon dia do partordingni ulaon mangalap ( mambuat ) tua ni gondang di sada-sada ulaon molo makkuling do gondang sabangunan.
Tarsongonon ma partordingna :
Andorang so dipasahat satti-satti tu pargossi, parjolo ma dipangido hasuhuton asa dipalu ( tep tep ) satokkin gossi-gossi na somal mai di dok ling ling manang tep tep mulani gondang, dung suman dibege sipareonni hasuhuton, dipasahat ma naung pinaradeni hasuhutoni parbue satti, somalna dibagas hajut do, alai nungnga godang be namabbaen diatas pinggan pasu ( piring ). Dung dipasahat tu pargossi, denggan ma dihatahon partording ni ulaon hatihai dung adong sukkun2 sian pargossi.
Jala somalna mulak mai sattappuk napuran tiar, sallebbar sihumisik, namarlapatan mai asa sisada tahi ma hamu sude hasuhuton nalaho mangulahon ulaon ta sadarion, dohot boras sipirni tondi namarlapatan ma i asa pir ma tondi ni sude hasuhuton, jala luju-luju ma nang pangomoan, jala di rerakhon hasuhuton ima i digijang ni sude akka najong jong tolu hali, asa sude ma dapot parsaulian di pangoluon.
Dung sae i, dipasahat hasuhuton ma partikkian tu pargossi, las disima dihatahon pargossi asa dibuhai nasida ma gossi-gossi na marhite gondang sipitu lili ( gondang nasopola tortoran ), nagabe parhiteanni parggossi manjalo tangiang.
Dung sae i dipasahat pargossi ma tu hasuhuton, asa dipitta hasuhuton ma gondangna.
Sasintongna , hasuhuton mangido ma asa di alu-aluhon tu Omputta mulajadi Nabolon ( Debata ).
Namangihut, asa alu-aluhon hamu ma amang pande nami tu Tuhanta sitolu sada ( asa tanda naung Kristen namangulahon ) jala pos rohatta adat nataulahoni dang maralo tu patik ni Debata.
Namangihut Tu sahalani Oppung namamopar hasuhuton, panippuli ma tu situan natorop.
baru masuk ma tu gondang mula-mula ( asa marmula do nadenggan ), managuduti masuk ma tu gondang liat-liat ( asa liat parhorasan panggabean ), tarsongonima nian nasomal niiada molo mangulahon horja namargondang sabangunan.
Asa molo adong akka nahurang lobi, denggan ma hita marsipature-turean.
Horas
Horas
Horas
‪@SGTV20‬

[@purbagultom8536]

ngapaleleng hu i na pasahat satti satti i.