Ep 75 ✅50歲前完成首次全馬拉松
Vložit
- čas přidán 19. 10. 2023
- 首次全馬賽的歷程：
我長跑年資已經有八年的時間，可以堅持到現在我對自己都有點佩服。最初係在2015年12月尾的時候響老公街邊見到有人唔要部跑步機，佢同埋兩位朋友一起搬回家中，就係呢一個時候我開始跑步。
最初5K，10 K，跟住開始半馬。由2018年開始半馬之後都冇諗過去嘗試全馬，直至到今年2023年五月跑完大洋路23 K，我想俾自己一個挑戰在明年一月50歲生日之前嘗試一次跑全馬。我都係一個心急人，在六月份我立刻報名墨爾本馬拉松，真係好運一早報名，因為七月份已經滿額。
接下來開始四個月的自我訓練，當然增加每周跑步里數，還有做體能訓練。大家都覺得我準備充足，但是其實係未完全足夠的，佢最後一次長科只係到30 K，不過我了解到除了跑步之外體能訓練都一樣重要，我比平時做得多。再配合拉筋運動，希望自己減少痛症。在馬拉松比賽前三個星期同一位悉尼朋友傾偈，佢都係有跑步開，他提醒我小心撞牆 (長跑術語 Hit the wall), 記得要準備好能量Gel，跑前一星期食多點碳水。當我知道這個時候我在網上搵了資料，準備好自己身體狀況，希望自己減少撞牆的機會。
接着得知道有很多香港同日本的長跑人士都會用智能貼，聽聞在會減少痛症同抽筋，大家認為係心理上安心居多啲。又咁啱好朋友剛剛在日本旅遊，我立刻叫她幫我買。非常幸運！竟然她很快見到立刻幫我買了一包，在10月初返到墨爾本可以俾到我。
到了跑步當日，而家回想起真係再次感到幸運，因為遇到朋友他是一個擁有多年全馬經驗的人，他提醒我一定要保持心率160以下。因為大家年紀唔細都成五張，一定要保持住呢一個數據，如果唔係30 k後我一定爆，好大機會完成唔到賽事。真是賽前10分鐘的對話，我緊記於心，結果我全程盡量保持心率160或以下，我真的做得到。
今次全馬當日的天氣比預期中好沒有大雨、大風，天陰陰比較涼爽非常之適合馬拉松賽事。我狀態非常之好，只是跑到第37 K我開始抽筋，但我意志話俾自己知盡量堅持，第38K 上斜！這時我的腳趾全部已抽筋了，雙小腿亦都開始肌肉抽搐，但我知道未來的1K我一定可以飲到電解質水，到了水站飲到一杯，冇幾耐已經冇抽筋的感覺。
在第39 K的時候，突然好像 Run high, 越跑越順又保持返一個較平穩嘅pace (步速） ，入到去MCG場內見到大會的時鐘 4hours 23mins 我真的好開心，因為我知道自己仲有貨，可以跑快啲去終點線，仲可以在四個半小時內完成，即是我第二個目標可以達成！我衝線的一刻，我話俾自己知我真係好強 🥳😄
多謝支持！
我已經計劃下一次嘅全馬就係明年嘅黃金海岸 Gold Coast marathon festival 2024 🎉🎉
拍同剪輯都好好
多謝！
謝謝你的分享，我都係新手，跑齡剛滿一年，巧合地都係想50歲前完成初馬...還有2年時間預備，所以見到你分享十分鼓舞，謝謝你呀！！
努力呀！
你叻過我好多！我跑咗八年，都係今年先至第一次跑全馬。之前幾年都係跑半馬… 自己信心不足。
我跑得較慢，所以以完成為目標，不過今年會先試半馬，下年才會試全馬，希望成功。
平時有無訓練低心率跑？？zone2跑
近呢一個月做緊呢樣嘢。