#MM
Vložit
- čas přidán 5. 09. 2024
- #MM #試一次 // 囤積20年成400呎雜物海 直擊遺物整理過程 邊執垃圾邊打曱甴 整理師帶齊敏感藥救命針「高收入高教育人士也會因寂寞而囤積」
當一個人離世,辦身後事、送別亡者的一刻或者仍不是終結,道別之旅的時間可能比想像中長。
為逝去的人整理遺物,對家屬而言是一個療傷的過程。這一天,我來到一位去世不久獨居伯伯的家,為他作最後的遺物整理。
兩周前殯葬禮儀師陳培興收到家屬求助,想他協助剛去世的父親處理身後事,同時希望找到義工整理遺物。常舉辦生死教育課堂的阿興,每當遇上有需要幫忙整理先人遺物的家屬,他就會邀請學員和朋友一起做義工,上門提供服務。阿興與義工團隊上門察看,始知道他居所佈滿雜物,400多呎的家不論是客廳、飯廳、廚房、廁所都堆滿及膝的垃圾和物件,清理前連打開單位大門都有難度,裡面更是舉步維艱,要入屋必須踩踏著雜物,令撿拾難度大增。大型的「雜物海」,儼如災後現場。
「很多時候有家人離開之後,因為很容易觸景傷情,很難再去接觸先人生前的物件,這些時候我們就需要幫忙。」阿興解釋,遺物整理的過程對喪親者而言,是一個不斷挑戰的過程,「有時整理期間看到先人物件他們會傷心大哭,難控制情緒。我們通常建議相片等回憶的物品,盡量避免一開始就收拾。」
我們事前對伯伯背景一無所知,只有限度知道他的妻兒20多年前已移民到美國,三星期前兒子回香港探望他,幾天後父親突然離世,才驚覺他生前居所有囤積問題。聽家屬後來的敘述,知道他們家庭關係良好,子女和太太每次回港都約爸爸吃飯,但父親從不讓他們來家,只能在樓下等。兩星期前再約爸爸飲茶,見他良久都沒下樓,上來找他時發現他暈倒在走廊,送院時已魂返乏術。
獨居、家人離港、孤獨死,都令人直接聯想先人生前那種「悲慘」的既定模樣:貧窮、有儲物癖、跟家人關係不好。然而我們透過撿拾過程重組了伯伯的人生,他的職業、學歷、興趣、生活習慣,都令人驚覺跟想像的形象不同。
阿興說有儲物癖的人一般都有很多回憶,撿拾過程就像為這位素未謀面的人,重組一次他的人生。從他喜歡收集時裝雜誌、以優質布料度身訂造西裝的習慣、優雅的中英文手寫字、堆滿角落書架的英文書看出他的學識和品味。他喜歡攝影、駕駛電單車、使用電子產品,70-90年代的潮流物品和家電他都有不少。伯伯日記寫滿太太移民後每次跟他通電話說的種種生活點滴,兒子那邊工作情況、太太一天做的事情、吃了買了甚麼,都細緻記下來。
以整理師Cat的觀察,覺得從屋內裝修、居住的地區、伯伯的職業看出,他應該是成功人士。「我猜想由很高職位突然退了休、家人離開,好像突然失去很多東西,開始不能自拔地囤積,可能孑然一身而感到寂寞。」Cat憶述,第一次走進房子時,屋內窗口都沒有打開,全部以紙皮箱封住,窗簾緊閉,更有塊木頭頂住窗門,「我估計被這種環境包圍著的的他,感覺有安全感。」
本來做醫護的Cat(又稱一心媽媽),因為喜歡執整物品而修讀了整理收納的認證課程。在醫院工作多年,同時因為疫情見盡生死百態,她開始為逝者處理遺物,「不只是幫助在世的人,還可以幫助離世者傳達一些訊息。」
阿興早前為伯伯辦理身後事,喪禮期間聽過兒子分享父親點滴,「小時候爸爸經常鼓勵他,很愛惜他。我覺得在家屬眼中的伯伯是一個非常仔細、開朗,跟朋友相處時很歡樂的人,所以大家是不會看得出,他在家裡會不會寂寞。執整過程找到的東西全部都跟家人有關,他們寫的信件、相片、孩子的獎狀、證書、校服,看得出他很喜歡跟家人在一起的時光,意義比起幫在世的人做上門家居整理更大。」
是次試一次,我會跟義工們為伯伯執整遺物,從這個案看看社會的不同面向和故事,以及執整遺物的過程。
*另外亦想補充一下,鏡頭以外家屬有自行上去執整的,但實在不方便出鏡或做訪問,好多內容無法完全報道或分享太多他們之間的對話。而阿興是為伯伯處理後事後,主動向家屬提出幫助,不是家屬要求免費執整。阿興一般只做個案家屬的義務工作,希望給生死教育計劃內的學員多些前線經驗,而執拾用的物資、傢俱清拆服務都由家屬負擔,謝謝家屬給予機會讓大家幫忙和記錄。
策劃:Phoebe 王秋婷
拍攝:許先煜 麥志豪 李軒 張志孟
剪接:張妮
監製:梁中勝
#獨居長者 #囤積 #垃圾屋 #遺物整理師
#殯葬禮儀師 #遺物整理 #王秋婷 #MM_Phoebe #MillMILK
___
Mill MILK在觀眾的陪伴下成立超過一年,今年推出以傳統撕頁式設計的日曆,選取特色紙張重塑香港傳統日曆的質感。Mill MILK Creators在日曆中以特色造型加上經典金句登場,希望與每位觀眾於2023年「一齊好好過」。
日本藝術家加賀美健為Mill MILK創作全新吉祥物,同時將Mill MILK的標誌及理念重新設計,並以貼紙及襟章形式重新呈現,一套7款貼紙及一套6款襟章陪伴你過每一日。
購買連結:store.mill-mil...
產品:連封面共366頁(單面印刷)、紙製座枱設計、一套6款貼紙、一套7款襟章
尺寸:
日曆:100mm (W) x 166mm (H) 紙製座枱:100mm (W) x 168mm (H) x 80mm (D)
貼紙:9cm x 6cm (最大)5cm直徑(圓形)
襟章:尺寸:3cm直徑(最細)5cm直徑(最大)
預售日期:2022年11月30日起(數量有限,售完即止)
售價:正價$438,會員價$418 (結帳時輸入 CZcams 會員專區優惠碼)
本地觀眾領取方法:於2022年12月15日至2023年1月15日到HOW三間分店領取
(香港觀眾只限領取,不設送貨)
海外觀眾可選擇郵寄(郵費自付)
HOW分店 (@how_dept)
營業時間:12PM至9PM
店舖地址:
銅鑼灣:軒尼詩道500號希慎廣場4樓414-417號舖
尖沙咀:河內道18號K11購物藝術館2樓201-01號舖
荃灣:大壩街4-30號荃灣廣場3樓343-345號舖
海外運費
歐洲(意大利除外)- HKD 150
澳洲 - HKD 150
美國 - HKD 160
加拿大 - HKD 290
亞洲 - HKD 80
注意:
逾期未取,不作補發,一律作廢
不設退換
___
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 CZcams APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
MANYI|@manyishum
/ manyishum
SAM|@midwin_
/ midwin_
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
老實講,今次接觸的個案同我想像中的遺物整理好大出入
當初亦係帶住一啲既定印象去理解先人的生活狀態
但我哋見到的,係同想像中相反的故事
因為要判斷物件係咪需要留低
過程中睇到伯伯唔同的文字紀錄、生活習慣
佢事無大小都鐘意用紙筆細細咁記低
英文手寫字、文筆都有種英式優雅
衣櫃摺得整齊嘅衫、隨處可見的包裝袋、櫃上面書籍嘅排列
物品放得井然有序
見佢同家人合照,係個精神奕奕,斯文有禮的長輩
有好多細節同內容想分享
但因為尊重家屬私隱,唯有放喺心裡😢
如阿興所講,伯伯係個用情好深、有愛的人
呢種同想像中差距之大
比起執屋時面對惡劣環境更加深刻同震撼
社會好多人同面貌 人前人後的模樣都可以好唔同
多謝阿興同義工s,對大家做緊嘅事200% respect
亦多謝家屬信任(家人唔方便出鏡,佢哋鏡頭以外自行上門執整)
知道家屬仍然經歷緊喪親的痛
呢個時候畀我哋上門紀錄
將摯親部份私密的生活曝光
一定會承受唔少壓力
外人亦好難明白呢種心情
惟望將呢個充滿回憶的屋企還原
家人可以心安
伯伯可以好走🙏
大家亦有機會見到社會唔同一面
*另外亦想補充一下
鏡頭以外家屬有自行上去執整的
但實在不方便出鏡或做訪問
而阿興是為伯伯處理後事後,主動向家屬提出幫助,不是家屬要求免費執整
阿興一般只做個案家屬的義務工作
希望給生死教育計劃內的學員多些前線經驗
其實執拾用的物資 傢俱清拆服務都由家屬負擔
是家屬給予機會讓大家幫忙和記錄
Phoebe 你好厲害!
能有一眾義工幫忙整理,亦被好好記錄成為後生的養份,屬往生先人的福氣。
各位都平安❤
今集勁洋蔥, 一路睇一路喊....
Phoebe 👍你嘅片好有質素!
我也有家人身前喜歡把每天瑣事細細記低,雖無儲物癖,但背後原因亦是寂寞。
最後伯伯家人話唔明父親為何有儲物癖,從伯伯字跡、衣著、喜好等等修養,睇到佢年輕係對生活有追求嘅人,處事態度認真,執著於細節,後生時有能力向前看,事業固然可以做出一番成就。
寂寞就是,你的生活不再有新的體驗(不管是自己還是家人帶來),所以年老時只可往後看,最後一事一物無數回憶成為執念,尤其重情嘅人會更加難放開懷抱。
呢種義工真係唔係人人都做得到,要接受到一啲都唔容易,respect!
我用左5年時間,都未能夠全完處理到我細路ge 遺物,呢集真係邊睇邊喊,多謝mm 團隊做左一個咁好故事
平安!
學𢤦斷捨離,家人同朋友一樣係緣份。
我用咗八年時間,細佬嘅遺物仍然存在。
真係好傷感!心好酸的!
支持你,首先整理好自己的心緒!
多謝你地尊重逝去的人, 不是踩他們的囤積習慣. 而是嘗試去了解他生前的生活
好可能到咗某個年紀有囤積病態佢哋唔知道。亦都好難分話。亦好難話究竟個病有幾可怕。每一個人接受能力都唔同。
囤積不是病態,係缺乏安全感,係咁儲係咁堆。我太太都有一樣習慣,搬了三次屋,卅年前東西仍然係度。
咁多位義工, 真心好尊敬你地.
伯伯的故事, 由你地整理好然後表述岀來, 一d都唔簡單, 尤其伯伯寫日記話好掛住屋企人嗰段, 我睇到喊
呢條片帶出好多層次、好多角度:社會對這樣的先人和仔女嘅刻板印象、義工嘅出發點等等,讓觀眾有新的思考空間,非常高質! 謝謝Pheobe同團隊
我也有獨居親人,他走時也是我去清理,留下的物品,相片,書信令我第一次用第二個角度看看他的人生😔今集另我想起一D我放下很久的心情
可以多謝這次機會🫶🏻
我了解多D你們
feel到MM已經特登唔將呢集剪得太嚴肅沉重,但無減佢背後帶出嘅意義,人生在世時無論幾風光都好,到臨終可能都係帶住無盡既遺憾同隱瞞入棺材;曾經珍而重之嘅物品,在人哋眼中可能只係冇用嘅垃圾;家中堆積如山咁多證明自己曾經存在過嘅證據,幾日內都可以清得一乾二淨。如果人到盡到都係孑然一身,咁你又會覺得人生既意義係咩?
就係因為人生無意義,所以人只可以珍惜自己覺得應該珍惜的。
我甚至乎一路睇既時侯都覺得會唔會有啲好不起眼而當係垃圾/界定為垃圾既物品其實對伯伯可能有一定既意義而被丟棄呢?呢集真係睇到個人有空虛感。。。
有或者伯伯如片中想講係好想清理,但又無咁嘅體力同唔識求助。。。
簡單講,依啲喺強迫症嘅一種。
@@whatzupchak 物質上消失唔表示無意義。
@@mideastsociety 自己覺得有就可以了😆
不批判. 全心的幫忙與尊重. 很感激有這樣美善的義工!
又或者伯伯覺得最美好日子係依間屋的時光。
家人移民,但伯伯唔想走,默默守護著以前回憶,物件。
想維持當初的狀況⋯⋯😢
分析正确 👍 杂物 表达他内心深处对这个环境的人和事 执着和不舍 留恋和牵挂 就算是一家人 都有意见分歧 但感情不能割舍 唉 唏嘘不已
邊看邊覺得伯伯生前好孤獨,不過佢應該都好欣慰有班義工幫他。老人家往往都不想給後生添麻煩,希望家人釋懷,人生總會有遺憾,唯有現在珍惜眼前人。
Really RESPECT to all Volunteers 👍
真心多謝每一位義工 ❤
多謝咁多位義工嘅付出,真係好大愛好敬佩各位,亦都好多謝你哋拍呢段片俾多啲人明白有呢啲咁有愛嘅義工做緊一啲好多人都唔夠膽接觸嘅事。希望所有睇到呢段片嘅大家可以係家人在生時更多多關心佢哋,特別係老人家😢伯伯嘅個案一定唔係唯一一個,近年好多人都移民,希望大家係追逐夢想同將來嘅同時,亦可以多啲回頭望望留在原地嘅家人,因為我哋年輕一輩其實就係老人家最愛嘅過去,現在同將來,唔好唔記得佢哋其實都好需要被關愛被照顧被記得❤
有時連自己都喜歡用乾淨/齊整程度去judge 一個人。明白這是對健康/公共衛生旳追求,不過事實上唔係人人都有能力可以根據官方要求去好好照顧自己。
當上十人執三、四日都叫苦連天時,這是一個無名者住了二十年的家。
一個內裡孤獨而無力的人,走到最後…我們亦只可以用一間吉屋來祝願逝者平安。
p.s. 思考了一陣子,伯伯在外能當一個得體的人丶一位慈父;回家亦可保有他可以觸及的好物與回憶,這可能是他的幸福。總比跟家人同往卻被迫掉東掉西自在。
題外話
我聽過一個說法:
我今天處理自己的物品,總好過日後身邊人處理自己的遺物
趁自己有氣力,有健康,就要整理下自己既物品。因為唔知幾時,呢啲嘢變咗遺物,身邊人整理就更難,亦更難過
我相信今次呢位伯伯都已經好努力處理好,只係量實在太多,年紀大又有好多野做唔到,所以先變成咁。😢
Respect MM同阿興團隊!
表𥚃不一的時代,太多人,不一定珍惜與難過。
我覺得伯伯睹物思人,屋企空蕩蕩,就用物件來充實空間
不要說親身參與執拾⋯⋯
只是在螢幕前看⋯⋯
已很不容易⋯忍耐著看完,
算是一點點心的參與吧⋯⋯慚愧
感謝🙏🏻人間有情.有你們🌟❣️💫
係,睇到都痕😵💫
可化不安為力量,不用慚愧💪
@@whatzupchak 感謝🙏🏻
睇到最後家人回覆一世都不會知道明明囤積嘅原因,其實原因都好明顯,並唔係咁難理解。或者伯伯得到足夠嘅愛,而不只是子女回來短聚,故事或會改寫,但世事就係沒有如果。大家都要珍惜眼前人
但片中亦有提及當初係伯伯不想移民,我自己覺得家屬已經盡咗力,強扭的瓜不甜,有時有遺憾都係最好嘅結局
多謝伯伯家人首肯這個拍攝,讓觀眾知道獨居老人可能有的「背面」,從而有所預防。Phobe及義工隊應記大功!
呢一集一路睇一路喊,多謝Phoebe, 多謝各位義工! 祝你哋好人一生平安!
03:08 日曆係2014年1月,上面寫住英文,字體端莊工整,相信伯伯生前係有學識嘅人。後來唔知咩原因,而伯伯嘅人生永遠就停留咗係2014年1月。
@Sea 可以係執著,但未至於食古不化,尤其當年老時,各種局限下不能讓人追求新事物。
@Sea001工整還工整,竟然同食古不化扯上關係⋯追求嘅仲有美感😅
@Sea 對做事有要求的人, 可以被形容為食古不化, 真係厲害😅
好難過,伯伯生前一定係個優秀嘅人,想知道更多關於佢故事,阿cat講得無錯,可能因為太寂寞,將間屋塞到滿晒令佢感到無咁孤單、有安全感。願伯伯安息
要有幾無盡嘅愛先會比兒子見到自己只有好嘅一面,因為唔想個仔擔心自己生活寂寞空虛(生活之環境=反映內心狀態)
義工們和看到這片的人都清楚了解到伯伯為何屯積物件,就是填補佢家人離開後孤獨空虛的心情,反而佢兒子話永遠不明白點解……!
@@ph5169 遲吓佢自己嘅仔女離棄佢,佢就會明白。
私樓,廿年前移民美國,有經濟能力,真係需要同值得俾錢人處理。
義工太無私了。
成廿年冇上去自己家人屋企,伯伯生前應該好寂寞。但又唔想麻煩到家人。
有經濟能力但叫義工同佢處理 屋企人又唔理
绝对認同,冇理由揾義工免費,他們應只提供服務給無親無顧長者,除非又是NGO或社企等政府找数的.
多謝禮儀師陳先生的補充回應,是的,尤其是那些舉辦類似ERB、課程的機構,是需要有實踐時数才能乎合政府資助課程的資格.
一定要佢找數
大家好我是陳培興,有些影片沒辦法出或沒有出的(因為拍攝上的困難),我其實也想補充,其實家屬是有執的,只是不方便出鏡而已,另外不是屋企人要找義工,而是因為我本來只做個案家屬的義務工作,也能夠給生死教育計劃內的學員前線經驗,物資和另外傢俱清拆服務等是由家屬負擔的,所以反而是家屬給機會我們幫忙。
他們一直是有相聚的,只是不會猜想到舊居環境,我也實在想像不到。所以其實不是一般人有的刻板印象。所以我還是很感恩他們無私的讓我們記錄。
多謝Pheobe 拍嘅故事。我外公今日啱啱走左,睇完你條片,我好後悔無係佢生前多D探佢,葬禮之後我都會幫手收拾佢嘅物品,希望佢一路好走🙏🙏
唔知點解睇到喊,大概就係覺得伯伯生前最後一段日子充滿對屋企人的牽掛,但屋企人又好少時間陪佢,而佢又好掛住屋企人,所以就係囤積屋企人回憶的地方居住。雖然伯伯試過執但可能太難,無從入手,所以佢都放棄咗。好多謝MM嘅呢條片,多角度咁展示一個人最後的日子。都好欣賞咁多位義工!
真心尊重,欣賞遺物整理師,負責範疇唔係人人可以做到,尊敬
個人意見 呢啲有蝨情況一定一定一定要拉滅蝨公司 如果唔係隔離單位好易中扣 因為蝨係好麻煩 一野到 成間屋好撚大鍋 唔係一次半次搞掂 仲要成間屋啲家私重新買過 仲要搵到佢個竇先有小小用 最大獲幾個單位都野到就真係斷唔到尾 變左啲蝨不斷來回唔同單位
見到蝨就怕怕,我都被咬過,好痕同痕好耐
MM又一次成功衝擊讀者們,背後反思、啟發及學習,非單純拍片咁簡單😊
催淚的一集,Phoebe真係好利害。🥺好沉重,令我重新反思,做人唔好太執著、太多嘢諗🥲
一路睇一路喊
感謝有心人做緊咁有意義嘅事
你地都係好有愛心的年輕人,謝謝你地的努力付出 !
相信 伯伯在天之靈會保佑你地事事順利。
btw下一次整理太零亂的房間,可以先噴消毒藥水,隔一兩天再去,會好一點。
出發點係好, 為義工著想, 唔想佢地受蛇蟲鼠蟻細菌之苦。 但有可能毁壞當中有紀念價值物品, 相片、手記、信件...
@@hitotw_9297 向天花板噴就得,唔使直接噴到物品,生命總比物件寶貴,打救命針都會敏感,好危險。燒艾草都得,用一個罩隔著其他東西,安全啲。
你們為伯伯完成他壓在心多年的心願,讓他安心上路,功德無量!
伯伯, RIP!
佩服一班義工無私嘅付出!亦都感謝MM呈現呢個故事🥺❤️
好感動,感激每位義工!大大力嘅respect!🙏
呢條片可以俾更多人知道囤積症(hoarding disorder)嘅人好多都好似伯伯咁好重生活情。想講有時關注「垃圾屋/曱甴屋」嘅同時,佢地嘅心理支援都好需要。
覺得呢個執屋既動作並唔容易,十分佩服Phoebe 同一班義工!
我相信幫人既時候都係幫緊自己
Rip伯伯
所以點解人要斷捨離,某程度上都係睇自己對於好多野放唔放得開
影片拍的好棒😭大家最好能前期收拾也带护目镜和更加专业的口罩,特别是有扫地、拆卸物品时灰尘、细菌对眼睛、呼吸道真的不好,希望都好好保护好自己。Respect ❤
多謝阿興同義工陪同家屬-齊處理。個人而言,對於喪親,執拾遺物的過程是最難過的。媽咪離開了7個月,我依然滿屋她的遺物,不想面對/捨得掉。甚至有段時間去了酒店短住,就係太悲傷又吾想面對一屋遺物。通常完美主義者都比較容易有抑鬱。而hoarding/囤積又係積神病的-種。如果我無估錯,伯伯可能係high functioning depression 病患者?好難想像他末段生活是如何渡過的。-定好艱難。如果家屬敏銳一點,實在不難及早發現情況。伯伯不讓仔仔入屋,自己老家啊,每次回港只是樓下等,做仔的,不會覺得奇怪嗎?可惜⋯⋯
我爸爸離開了12年, 好些他的物品我放在一兩個大袋中, 一直KEEP住. 疫情剛開始時WFH, 見到一支他發病前還健康時叫我給他買的男士香水,幾乎未用過。我拿了出來放在浴室, 間中噴一下, 捨不得太快用光。這樣慢慢用到現在還有三份一瓶,我現在也不會太捨不得用, 順其自然。我對自己說,也許這瓶香水用完了,就是另一個段落,讓我把爸爸的遺物再處理掉更多。
@@wongelinor4717我完全明白你的感受。媽媽親手做的咸柑枯,我都完全吾捨飲用,只係之前covid 喉嚨痛才捨得食,因為食一粒就小一粒,食哂就無了。媽離世前係醫院用過的防壓瘡長枕,依家晚晚陪住我睡,感覺媽仍然陪伴著我。之前我參加了一個遺物轉化的工作坊,有一位參與的太太,先生離去了12年了,有一刻我好shocked, 估唔到12年了,原來仲未走出傷痛。請留意香水有機會自然揮發啊!大家一齊努力💪🏻,祝新年蒙福平安❤
多謝主持報導,感激義工們同主持幫伯伯有條不紊整理遺物,辛苦哂🙏
物件帶唔走,但留底啲嘢可以令咁多人反思生死,真係好足夠。伯伯 Rest in peace 🙏
感謝Phebe 做呢個專訪,真誠又勇敢。義工們更是令人教敬佩。先人伯伯的個案絕非單一,這片別具意義令其他家屬有警覺作用。
Thank you for doing a content like this - this allows us to look beyond the surface. Thank you MM for not just 'tell a story' but really bring messages and a few open questions to the audiences. May the bakbak can RIP.
多謝各位義工付出!🙏🏻
好人一生平安🌹
我今次真係好多謝PHOEBE , 攝影師 , 片中出現既每一位幫手既朋友 , 伯伯 , 伯伯既家人 , 好初段已經睇到眼濕濕 , 真係同我想像中去處理一間屋有好大出入 , 無諗過會見到一個咁"特別"既情況 , 睇到一個好..."香港"既故事 , 我平時會用招_王稱呼PHOEBE , 不過我今次絕對唔可以咁樣形容, 首先我非常尊重先人 , 二次我真係認為伯伯衣個故事好感人且帶點痛心 , 每個人都的確唔係表面咁簡單 , 親如至親也可能有忽略既細節 , 要打落去可能太長 , 都係簡單D 多謝多一次每一位 , 同埋開心見到林進
感激MM團隊,Phoebe,同行同隊。
了解一個人有好多方法,包括你們所做的,珍惜眼前人
呢集好好睇❤🥺😢希望伯伯一路好走 🙏🏻 多謝phoebe, 攝影同團隊用心製作呢集
一邊看一邊忍不住流淚。
實在令人敬佩的義工團隊,感謝你們🙏🙏
好有意義的一集,感動
謝謝義工,謝謝MM。
睇到喊,也好開心而家嘅後生咁高質素心地咁好,謝謝你們。
相信去世嘅伯伯 唔捨得兒子移民 導致到有 depression, 但又唔想令家人有壓力... 呢啲就係無條件嘅愛. 見到佢屋企咁樣, 真係好 sad. 義工好大愛, 好人一世平安, 喃嘸阿彌陀佛!
多數有積僻僻嘅人都有一定程度既抑鬱。。。RIP。 好感謝呢版義工既無私真係好值得令人尊敬!
感謝各界團隊既努力, 哩個工作唔易做, 一個人屋企就好似佢個腦咁, 多囤積即是多野諗, 好好體諒囤積物件既當事人, 住隔離一定好煩惱, 佢地介意都好明白既, 有勇氣有時間有耐性既可以問候下隔離屋, 可能經你關心一下, 可能會幫到一個人, 屋企人會難受點解自己家人會咁樣渡過晚年, 但每個人都有自己想法, 思緒, 尊重當事人既做法, 家家有本難念的經, 細個唔明, 成長左幾十年越來越明白哩句話既意思同感覺, 好好愛自己, 尊重自己!
多謝 MM 團體發掘香港嘅好人好事,多謝義工們辛苦嘅付出。
我都知有班義工自資買物資,親自為無家者洗傷口,香港真係好需要更多哩啲好人好事美化下。❤❤❤好人一生平安
感謝MM記錄一D咁有意義的事!我們都要及時行樂!非常之Respect同行所有人…..Namaste..Namaste..Namaste..!!❤❤❤❤
辛苦各位義工🙏🏻令亡者可以有尊嚴咁走
真係,我又要讚MM的題材,真的每次也非常有意義,又會令人反思的!!
多謝義工及一眾有心人,大家香港人要對長者,獨居老弱多些關懷及協助。💪💪💪🙏🙏🙏
要有一班有心的年青人,社會才有希望,人生怱怱,仲是不捨,還是萬般帶不走。
好令人感觸的一段片, 生死嘅無奈、義工嘅無私, 都令我感觸落淚!好明白幫仙人清理遺物係對死者嘅一份尊重, 但我哋千祈唔好忘記要多啲關心大家身邊嘅人, 佢哋係活生生嘅, 感受到你嘅關懷係最直接, 而遺物始終都係死物, 逝去嘅人已經感受唔到!
Phoebe 好大感觸…我都睇到喊…😢
加油~💪🏾帶多啲社會唔同既面相俾觀眾知…
萬般帶不走,多謝各位有心人,感恩🙏🏿
真係辛苦了,我覺得阿興同阿Cat可以向有能力的使用者提供收費服務,補貼未有能力負擔的受眾,令到呢個有意義服務可以持續發展便好。
其實阿興是為伯伯處理後事後,主動向家屬提出幫助,不是家屬要求免費執整
阿興一般只做個案家屬的義務工作,希望為生死教育計劃內的學員多些前線經驗
其實執拾用的物資 傢俱清拆服務都由家屬負擔呢
我試過幫走左既親戚清屋,一班親戚邊執邊傾 事主生前係間屋生活既往事,係1個好真實既親屬追思會感覺 帶點稀虛
我最近看到一本書,都是講這些內容,就覺得他們好勇敢,辛苦了!
So meaningful,絕對係我睇過MM最最最高質嘅片!!!(睇到眼濕濕T.T)
被觸動了🥺 多謝Phoebe 同MM 帶比我地知❤ 多謝義工🥺
多謝義工,MM😢 催淚的真實故事
多謝義工,好人一生平安,多謝phoebe,感覺你都想喊,好叻女咁同團體圓滿,非常尊重伯伯
我自己係一路睇一路喊😢⋯⋯
大家要珍惜眼前人啊
你地拍的好好,好震撼😢
相信伯伯在天之靈都會感到恩惠🙏
欣慰❤️
感謝團隊用心製作,有很多啟發,珍惜當下!關愛身邊人!❤
這份工真的好有意義向,但是因屬於厭惡性工作,所以真的要好有熱誠 好有heart,才能做得到~~👏👍👏👍👏
真的要向您們每一位義工致敬!感謝您們無私付出!
我曾經都有整理媽媽遺物,雖然係好傷心⋯但亦都係一個再了解及懷念她的好機會!那些家人亦不是藉口去假手於人去整理
伯伯在天之靈一定十分感激你地🙇
To all the volunteers - I have nothing but respect for you!
今次呢個課題喺今時今日香港呢個時勢攞出嚟講真係好啱timing, 希望所有移咗民留低長者單獨喺香港嘅你們,返嚟香港探佢時,真係認真咁留意下佢嘅行為,長期唔俾你返屋企要喺外面見係一個極度極度明顯古怪嘅行為,佢唔俾你關心,你就要自己主動諗方法做啲嘢,福爾摩斯查案咁查都要查出嚟
除非你唔想面對血淋淋活生生嘅問題啦,除非你想一直呃自己,同自己講‘’冇事嘅”、‘’佢睇落咪幾開心‘’、‘’佢識照顧自己啦‘’ 等等等等……
條片拍得好好, 一路睇覺得好感觸.
Respect咁多位義工為逝者所做嘅事!
感謝這班善心年青人🙏致敬
多謝咁多位,睇完好感觸😢
伯伯一路好走
好欣賞一個咁年青MM,可以制作出每一篇非一般人可以知道的香港故事,香港情懷,每集都有內涵非常精彩,努力💪😁👍👏👏👏👏
我都是獨居長者,有幸不儲物件,冇用就丢,免得後人處理困難,太多雜物亦令自己活得有壓力,有用或未用到過的送紿人,物在人亡,對後人都不好
我要向你學習,很慚愧,執著太深!
Thankyou ❤你哋帶我哋睇到呢個世界另外一面⋯⋯辛苦你哋。亦相當敬佩義工嘅付出,好難想像你哋嘅偉大同大愛
呢個故仔你地處理得好好呀, 好喜歡你地既報導方式, 特別是厚厚地BLUR左小強我十分之欣賞, 我係黎睇故仔而不是比小強嚇到毛孔張開的. 你地會拎個故仔去新聞比賽嗎? 期望見到你地既報導獲獎! 一開始我見到呢幾位係"義工"都打左個突, 睇完全片同埋見埋你解說就明白了. 呢件事係有意義但同時又十分之厭惡性, 竟然有人肯收工後仆倒去幫手實在太強大了, 佢地既同理心真係大到不得之了. 而且仲要好仔細咁分類, 真係好唔簡單. 我都好驚老左既自己會變成咁, 真係要警惕自己要好好斷捨離.
非常有思考意義的一集,
Phoebe 出品一定高質
成件事好沉重。
平安❤
越睇越心悒,又越睇越心寒,某程度上伯伯嘅嗜好習慣同我有相似,我好似睇緊將來嘅自己... 我時常都諗究竟我死後啲「珍藏」會點,我死前應該要點做....
這集很有意義,也有洋蔥,謝謝mm 團隊,phobe,義工團隊,這種不求回報的精神,很值得學習~
睇到最後,原來阿伯有個仔。
似乎又有另一個故事,所以先攪到間屋咁。
大概係仔女移民,伯伯選擇留喺香港,退休,無左家人喺身邊,無收入,無精神寄託,生活突然轉變,人生變得無目標,不安同孤單,漸漸鑽牛角尖,去儲雜物儲垃圾換取安全感。伯伯生前應該係知呢個行為係有問題,但佢無尋求協助或許係自尊問題,但伯伯死後,佢家人得知佢生前係喺咁既環境生活maybe會感到內疚同自責。
伯伯好有故事,邊看眼淚不其然會流出,謝謝伯伯家人可以分享God Bless🙏
呢集好好睇,,,,,好感動,,亦感謝香港還有一班好肯幫忙的人,,,,
Thx MM, 今集好有意義,亦令我感觸良多⋯⋯
感謝你們🙏🏻
感謝一班無私既義工🙏
執4日垃圾屋既義工真係好RESPECT!
辛苦晒各位😢感恩社會有你們❤
多謝妳們的努力,讓人知道鮮為人知的背後,看後心裡難過。🙏🏻🙏🏻🙏🏻
老人家年紀大咗有時真係有心無力, 想執都無本事執。其實, 政府/社福機構應該設立制度每隔一段時間就為獨居/雙老的老人家執屋, 避免屯積垃圾及雜物, 減少帶來生活上的危險, 亦可為他們提供支援。
睇到眼濕濕,呢條片好高質,希望伯伯安息。
好感人的一集,多謝Phoebe, 多謝義工們,多謝MM
睇到呢個諗起人生電視劇「我是遺物整理師」👍🏼