БЭЙЭ ТУОЙА

“Бэйэ туойа” уус кыһата, Хаҥалас нэһилиэгэр, Варвара Андреевна Петрова аатынан түмэл балаҕаныгар тэриллэн, таһаарыылаахтык үлэлии олорор. Олохтоох көҕүлээһин сылыгар былырыын, бырайыакка кыттаннар, 4 туойу эргитэри, муфельнай оһоҕу,туойу ыгарга уонна да араас наадалаах тэриллэри ылыммыттар. Туойунан дьарыгы Елена Антонова иилээн-саҕалаан ыытар. Кини икки төгүл анал куурустарга үөрэммит. Билигин бу уус кыһатыгар ким баҕалааҕы дьарыктыыр, үөрэтэр. Былырыын Сата куруһуок оҕолоро уонна түмэл улэһиттэрэ буолан Сунтаар Кэмпэндээйитигэр баран булбут туойдарын сууйан, онон үлэлии сылдьаллар. Хаҥалас нэһилиэгин эбээлэриттэн саҕалаан, оскуола оҕолоругар тиийэ быыс буллулар эрэ, балаҕаҥҥа кэлэн туойунан араас оҥоһуктары оҥороллор. Бэйэ туойа уус кыһата инники былаана киэҥ, бу сайын экспедиция тэрийэннэр, бэйэлэрин сирдэригэр туой булуутугар үлэ ыытыахтаахтар.
#трснюрба #нюрбинскийрайон #ханалас