#TalkFood
Vložit
- čas přidán 27. 03. 2024
- 漢堡包作為很多人的Comfort Food，沒有人抗拒得了，多得隨處可見的快餐店、過江龍、街坊小店，港式、美式、日式漢堡，任何時候，想起，就吃到。
這種以圓形麵包夾着免治牛肉扒的做法，多年來已轉化成千萬種不同組合。但說到最窩心，叫人心心念掛的味道，還是經典牛肉漢堡包莫屬。
1. 太安樓唔止掃街 自創港式漢堡 Cafe Whale
太安樓一向是平民小食外賣的天下，偏偏這裏有間漢堡cafe，平均一個售八九十元，說得上是高消費。
店主兼大廚Nick是甜品廚出身，他也是漁民二代，五年前在成長社區香港仔開了第一間以海鮮主打的漢堡包店Cafe Whale後，及後在太安樓第三街開分店。
「太安樓不一定得掃街，同時可以有間舒服的cafe，好好坐着吃一個優質漢堡。比起其他小食店着實是離地價，不過幸好很多客人也是回頭客。」 Nick說。
單從餐牌上9款招牌漢堡包來看，在這兒能吃到獨一無二，非常港式口味的漢堡包。
想吃牛肉漢堡的話，推介本地騸牯牛肉漢堡。
Nick說騸牯牛肉味濃，脂肪高，牛味濃郁，比其他牛肉漢堡更好吃。老闆Nick每天早上在天后的「鐵騸公主」，拿新鮮騸牯牛肉，特意挑選牛冧肉、脢頭腩兩個部位，原因是：牛冧肉肉味較濃、脢頭腩有咬口，再加些少牛脂肪混合起來，煎出來的肉扒香濃富肉汁。
Nick特製一塊絞肉孔板，令絞好的牛肉更有口感，簡單用鹽及胡椒調味，手打至稍有黏性，便可拿去煎。每塊漢堡重160g，保留一定厚度，煎至漢堡底部焦褐色，翻面再煎即可。
麵包向本地品牌訂製Brioche麵包，每天早上新鮮送到，麵包回彈力高，富麵粉香。最後加上新鮮蔬菜和車打芝士片，及自製蛋黃醬 ，Nick說味道愈簡單，愈能嚐到騸牯牛本身的甜味。
漢堡拿上手份量十足，肉汁飽滿，牛肉細嫩，煎約八成熟，充滿油脂香同時有咬口，牛味濃郁得多了，以這個價錢性價比極高。
另一款非常港式的魚柳包，就是由香港仔店一直有售的黑松露醬龍躉漢堡。
他從海鮮檔訂購原條生猛龍躉，屠宰後起肉，拿回鋪頭再把魚肉起骨去筋，切大塊，約60克。
客人落柯打，蘸蛋黃及兩款粗幼的炸粉即炸。每個包放兩塊魚柳，配自製的黑松露蛋黃醬。魚柳新鮮即炸，特別香脆，紋理清晰可見，非急凍魚扒可比，魚肉新鮮帶魚味，黑松露醬味清淡不過火，味道剛好。很多不吃魚的年輕人及小朋友也愛吃。由於龍躉每日只留一條，龍躉漢堡包每日限量供應。
說到港式最終極，一定是脆脆枝竹羊漢堡。Nick表示：「很多客人抱着試伏的心情過來，但目前為止收到的都是正評」。羊漢堡用手打100%紐西蘭天然羊肉漢堡，加一塊自家製脆脆枝竹，以及靈魂廖孖記腐乳蛋黃醬，就是將腐乳、蛋黃醬、蜜糖調成。
好奇一試，味道就是羊腩煲，很有驚喜。羊肉juicy，吃不到羊羶味，美味極了。
相對於港式漢堡包的粗糙、簡單、廉宜的刻板印象，這裏絕對是港式漢堡的新境界。
手打騸牯牛漢堡 $112
黑松露醬沙巴龍躉漢堡 $94
脆脆枝竹羊漢堡 $108
*所有漢堡均附送汽水
Cafe Whale
地址：西灣河筲箕灣道57-87號太安樓第三街A61 A&B號鋪
電話：5206 2586
營業時間：星期二至日12pm-9pm（星期一休息）
2. 當高級西餐咁做 焦香有肉汁 自創半Smash漢堡 Sick Burger
當精緻西餐，與快餐漢包結合，又會變出怎麼樣的漢堡包？在銅鑼灣後街的Sick! Burger便可找到答案。
老闆即主廚Chef Lai(阿奶)，擁有多年fine dining餐廳主廚經驗。曾於世界各地高級餐廳工作過，澳門Robuchon、英國Tom Akin、瑞典Frantzen，及後跟Bombana的助手 Roland Schuller合作，實力不用懷疑。
做開fine dining，突然轉職賣漢堡？「發現香港漢堡店，很多向供應商買貨，買麵包、買醬汁等，然後把這些公式材料併合起來；外國的漢堡店，基本上所有的材料都是自家研發，我很想把這份誠意與熱情帶來香港。」Chef Lai回想。年前在美食沙漠馬鞍山開店，結果成功殺出一條血路。
無論是馬鞍山店或現時的銅鑼灣，很多客人食過他的漢堡，無不大叫：「好xx正！」，也就是店名Sick 俚語的意思。
無他，漢堡由肉、配菜、醬汁、麵包，他堅持用優質食材，自己煮醬汁配料，麵包用自己秘製食譜而成，漢堡新鮮即叫即做，就連配角的菠蘿，用新鮮而絕非罐頭。總之，可以做的，都用心製作，他說每一款漢堡都是招牌。
說到 撚手漢堡 ，一定Sick Burger牛肉漢堡，牛肉挑選美國安格斯，脂肪多肉味濃。堅持不用預先絞碎好的現貨，每天親自把原件牛肉切件絞碎，即使工序多時間長，但為了確保牛肉的新鮮，不能省掉。絞好，搓成120g份量一球備用，煎時才添加調味。
煎法也講究，Chef Lai把牛肉放在爐上，會做「壓下去」的動作，但不會壓太薄，保留一定厚度，「我不敢說是美式做法，因為美式Smash，基本上吃不到肉汁，是一塊很乾身很薄的肉，而我們的牛肉juicy，同時帶焦香，算是我自己風格的漢堡。」
最多客人選擇雙層Double Sick Burger，兩層牛肉漢堡夾着芝士片、焦糖化洋葱、梅子醬和生菜等；即使漢堡被按壓，仍保留肉汁，焦香口感極豐富。
Sick Chicken咖喱雞包是Chef Lai的最愛，紫蘇葉和印度Masala咖喱醃製過，雞肉炸得香脆，皮脆肉嫩，非常好吃！
快餐，是填飽肚子，美食，則是令人回味的東西。Chef Lai說：「很多時我們的漢堡不會做到特別大，做到剛剛好夠飽的感覺，就像你吃出前一丁，吃完一個後感覺還差少少，這種感覺，最美味。」
雙層招牌牛肉漢堡 $103
雞肉漢堡 $73
華牛奶Sick $58 （跟餐$48）
香芋維他奶Sick $58 （跟餐$48）
Sick Burger
地址：銅鑼灣希雲街31號地鋪
電話：938 33401
營業時間：星期一至日12pm-9pm
撰文：Yvonne Lam
攝影：Peter Li
剪接：Peter Li
美術：Anita Lam
TalkFood 先填飽肚子再前進
CZcams : / talkfood
Facebook : / talkfood
Instagram : / talkfood
全自費真實食評，內容反映當日質素，並非廣告！最新價格以餐廳為準。
#CafeWhale #西灣河 #太安樓 #手打騸牯牛漢堡 #騸牯牛漢堡 #騸牯牛 #漢堡 #水上人 #黑松露醬沙巴龍躉漢堡 #龍躉 #龍躉魚 #脆脆枝竹羊漢堡 #羊腩堡 #招牌牛肉漢堡 #SickBurger #食晏 #外賣 #銅鑼灣美食 #TalkFood #TalkFood銅鑼灣
延伸閱讀：
【#吃好吃】香港都食到 卡路里爆燈早餐 三層熱香餅煙肉漢堡！｜Coffee Question
/
【#幫襯小店】屋邨有驚喜 燒烤醬安格斯牛手工漢堡｜手工漢堡
/
0000 推薦兩間港式漢堡店
0058 Cafe Whale
1030 SickBurger - Zábava
正！ 睇完真係好想試！
好掂，有料到
Good stuff, always happy to see someone in HK thats passionate and care about quality
Cafe whale used to have a shop in Aberdeen but it's closed down, coffee is very good there
有技术的，很有新意
呢間好食😮
唔講價錢,淨係聽個老細講，我覺得佢係有心做飲食唔係齋吹水,起碼有勇氣整個枝竹羊腩漢堡😊,香港飲食業就係要呢種態度,大陸樣樣都有，就係冇呢種創新
好吸引人
睇落好有心，下次過嚟試試
一定要！
Y小編加油👏👏👏👍
多謝支持！
Yvonne 加油💪🏻💪🏻💪🏻
Cafe whale 正
❤❤❤支持本地原創！我地元朗MASAM都有新鮮手打騸牯牛漢堡❤❤❤
正
以前去太安樓金明戲院睇毛片
之前試過香港仔 Cafe Whale, .... OK la ......
我都試羊漢堡！
羊漢堡好食！
Whale個burger厚度較好, Sick嗰個壓得太扁
❤❤
想吃
快啲約朋友去食啦
幾時有沙嗲肥牛粉絲堡？😂
呢個幾有創意xdd
咪誅連 都係咪攪啦！後果係舖主瘋狂加租！用良心做乜都夠啦！加油！
點解要食割了的牛好好食D??
太安樓 邊度穩世啊 人來人往喎
而家係唔係都加隱世架喇, 明明地鋪又排晒隊都係叫隱世, 是但啦, 再唔係就加埋"極邪惡", 咁就fit 晒喇
個個90幾1個月人可吃多小次
真心唔知你想表達D咩，窮咪食返M記囉， 無人逼你食，更加無人逼你日日食漢堡包🤣
其實依家M記食個好D嘅餐都要6-70蚊啦，你未試過就彈人地貴，你又知道佢無俾返90蚊應有嘅嘢你咩？ 我雖然都係未試，但係眼見就覺得比麥當勞貴20-30蚊一D都唔出奇啦下話。 十幾廿年前開始已經有Tripple O， Shake Shack呢D連鎖漢堡包店埋單都要接近100架啦窩…. 呢間仲要係小作手工嘢，我都係真係堅唔明你覺得個收費有咩咁大問題？ 係唔係啱啱大陸落黎？ 😂
窮咪唔好食囉。食壽司咁，窮咪食魚生加飯囉，食乜鬼omakase😂。豐儉自己能力去揀
沙爹金菇粉絲肥牛堡有無得諗
絕對有！
Yy❤❤
用$100食一個包 定 用$100掃街？
間間話騸牯牛，香港劏幾多隻牛？
Good point 😂
@@user-gg5tz4bq2z啱呀，都冇寫本地。唔鍾意去報海關囉
香港每日劏約100隻牛，騸牯牛少於20隻。但，供應量少，無代表佢地作假，肯俾貴D、識供應商，咪買到囉。你有証據佢地作假？做hater都俾D實力！咪無料扮4條，有料你就報「柬張」啦！
講埋喺邊間肉店買，要質疑香港有人做假都唔會質疑呢一間先啦🤷🏻♂️
老細有啲似馮智政😂
佢哋價錢食唔起啦！😌
太貴啦, 食返麥記算, 香港過百蚊一餐已成過去, 黎緊係13蚊燒味飯世界 !
成百蚊一個包
仲有呢個價,真係早抖
一日賣50個,你應該好快結業,永別啦！
整到九唔搭八
開始時睇到枝竹羊腩「堡」，非常好奇！枝竹羊腩+漢堡⋯⋯ match咩？
睇完條片，好想好想試吓！
希望還有機會返香港，還有機會試吓！
可以自己試下整 。
我住喺美國，未來都唔會有機會返香港，但好想試，所以自己今晚整咗嚟食，好正，俾你參考吓:
羊肉入邊放麻油，鹽，糖，柱侯醬，酒，胡椒粉，孜然粉，anise seed. 本來磨咗啲薑，但整好晒塊patty雪埋入雪櫃，先見到啲薑蓉坐咗喺度郁都唔郁，唯有放入個腐乳醬入邊 。
炸枝竹: 浸軟咗嘅枝竹，夾一層自己整既墨魚滑 。
腐乳mayonnaise: 腐乳，糖，麻油，冇檸檬葉，用日本柚子粉頂住，mayonnaise，薑蓉 。
有無元蹄漢堡？