Inkundla kazulu silo Madlela Skhobokhobo.... Isahluko 1

“Ngafundela umsebenzi wokukhangisa (marketing) kodwa sengiwenze okwesikhathi eside kweleSouth Africa ngezwa ukuthi kwakungayisimi ngatshiya ngalandela iphupho lami lokulingisa lokuhlekisa isizwe.
“Ithalenta leli ngavele ngakhula lalo, ngiyakhumbula ngikuGiredi 4 umqondisi wethu weqembu lokuhlabela wangikhetha ukuthi ngime phambi kwabanye kube yimi engiqala ingoma nxa sihlabela.
“Ngaqhubeka ngikwenza ngaze ngaya esikolo semfundo yaphezulu lapho engananzelela ithalenta lami lokulingisa. Salingisa umdlalo wensuku zethu eManama High School. Kulowo mdlalo ngangilingisa u-boarding master wethu okunguye engathatha kuye ibizo leli elithi Philemon engilingisa nginguye kumidlalo yonke.
“Abanengi bangibiza Madlela Sikhobokhobo kodwa ibizo lokulingisa nguPhilemon Madlela ovela koSikhobokhobo. Kumidlalo yonke nje uMadlela ulingisa njengekhehla,” kutsho yena.