大野🐰小煮意🍯蜜糖黑椒薯仔牛柳粒🐮✨附食譜及做法✨

大野🐰小煮意🍯蜜糖黑椒薯仔牛柳粒🐮
大排檔風味小菜呢款一定係頭三位受歡迎菜式，響屋企點樣可以煮到，最緊要記住兩大重點，火及快！炒嘅時候要夠大火重有就係快炒，好容易一樣整到夠鑊氣又好味🍯蜜糖黑椒薯仔牛柳粒🐮
✨材料✨
牛腱扒 400 g
薯仔 2個 （大約600 g)
蒜頭 3 粒
指天椒 1隻
蒽 1 棵
🌟獻汁調味料🌟
頭抽 1 茶匙
蠔油 1 茶匙
蜜糖 3 茶匙
黑胡椒 1 茶匙
🌟醃肉調味料🌟
糖 2 茶匙
黑胡椒 半茶匙
頭抽 1 茶匙
生粉 2茶匙加 1茶匙水開勻
油 1 湯匙
✨做法✨
1️⃣薯仔去皮切塊後（同牛柳粒差不多大細）用水冲洗多次隔乾水份備用。
2️⃣牛腱扒解凍清洗乾淨隔去水份切粒，用廚紙再印乾水份加入醃肉調味料撈勻後備用。
3️⃣蒜頭搞碎做蒜茸、指天椒切粒 、蔥切粒、將獻汁調味料撈勻備用。
4️⃣用3湯匙油將薯仔半煎炸至四面金黃色，裝起用廚紙吸走油份。
5️⃣炸好薯仔後用回原鑊將牛柳粒煎香，大火煎到兩面金黃不用全熟仍有些粉紅色就可以裝起。
6️⃣用回炒牛柳粒的鑊用中火爆香蒜蓉及指天椒，再加入黑胡椒兜炒爆香。
7️⃣加入薯仔粒、牛柳粒炒勻，轉用最大火後倒入調較好醬汁，保持大火炒至乾身再加蔥粒兜炒就完成🍯蜜糖黑椒薯仔牛柳粒🐮
💡大野🐰小貼士💡
✨✨切好薯仔要冲洗多次洗走表面澱粉質及要吸乾水份，會容易炸到表面金黃色。
✨✨加入生粉水及油醃肉，會令肉質鬆軟及淋，記得係撈好其他調味料及生粉水最後才加油 。
✨✨黑胡椒粒要爆炒令香味提升。
✨✨煎牛柳粒時不用煎全熟，大約6成熟表面煎香就要裝起，再炒時吸收埋醬汁就剛剛好。
✨✨記得落醬汁後要大火及快速兜炒，先做到夠鑊氣令牛柳粒、薯仔吸收到醬汁及表面有焦香效果。
#蜜糖 #黑椒 #薯仔 #牛柳粒 #薯仔牛柳粒
#大排檔 #必食小菜 #人氣菜式
#夠鑊氣 #好味
#HKTVMALL #網購
#蜜糖黑椒薯仔牛柳粒
#大野兔小煮意