Lag: Pálmi J Sigurhjartarson
Texti: Björgvin Ploder
Sniglabandið:
Björgvin Ploder, söngur og trommur
Einar Rúnarsson, orgel og söngur
Friðþjófur Í Sigurðsson, bassi og söngur
Pálmi J Sigurhjartarson, píanó og söngur
Skúli Gautason, kassagítar, ásláttur og söngur
Þorgils Björgvinsson, rafgítar og söngur
.
Lagið var tekið upp í Stúdíó Paradís.
Upptökumaður: Ásmundur Jóhannsson.
Hljómjöfnun: Jóhann Ásmundsson.
Upptökur og klipping á myndbandi: Eiríkur Hafdal.
Danshöfundur: Tinna Ágústsdóttir
Haltu kjafti
Fólk er misjafnt og fólk er flest
að lifa sinn vana dag
Tíminn líður það ákvarðast
hve vel það unir sínum hag
Sumir leggjast í sófann
og ger' ekki neitt
aðrir lifa og leika sér
geta leiða í gleði breytt
Allt fram streymir endalaust
það er erfitt að meta hvað
það er sem drífur og hrífur fólk
að hætta eða hald' af stað
Stundum sýnist það ókleift
virkar svo breytt
ekki bugast og beygja af
ekki gera ekki neitt
Hjólin áfram snúast
hægjast ei neitt
kvígur í skurðum hjá bændum
landið ofbeitt
Sólin á endanum rís nú samt
Ja svona yfirleitt
Haltu kjafti
því þetta kemur
þetta kemur yfir leitt
Þó leiðin virðist kannski löng
ekki hika við að leggj'af stað
ákvörðunin er aldrei röng
ef þú hugsar bara út í það
Sum pör smíða sólpall
sitja þar sveitt
aðrir byrja á öllu
bara klára aldrei neitt
Síldin og loðnan er horfin
allt er ofveitt
Báturinn sökk nún' í morgun
lánið ógreitt
Sólin á endanum kemur upp
já svona yfirleitt
Haltu kjafti
því þetta kemur
Þó það gerist ekki í dag
Förum eitthvað saman
útá land
á Rauðasand
Gvendur Jaki' er farinn
fólk er enn reitt
láglaunafólkið er lúið
og misrétti beitt
Sólin á endanum kemur upp
já svona yfirleitt
Haltu kjafti
því þetta gerist
og þetta kemur
já þetta gerist
en ekki gera ekki neitt