#newtibetansong #tibetannewsong #tibetan #tibetan #tibetanmusic
ཨེ་མ་རི་ཁྲོད་དབེན་པའི་གནས།
རྒྱལ་བ་བྱང་ཆུབ་བསྙེས་པའི་ས།
གྲུབ་ཐོབ་རྣམས་ཀྱིས་བཞུགས་པའི་ཤུལ།
ང་རང་གཅིག་བུར་འདུག་པའི་ཡུལ།
བྲག་དམར་མཆོང་ལུང་ཁྱུང་གི་རྫོང་།
སྟེང་ན་ལྷོ་སྤྲིན་ཁོར་མ་ཁོར་།
འོག་ན་གཙང་ཆབ་ཀྱ་མ་ཀྱུ།
བར་ན་རྒོད་པོ་ལང་མ་ལིངས།
རྩི་ཤིང་སྣ་ཚོགས་བན་མ་བན།
ལྫོན་ཤིང་གར་སྟབས་ཤིག་སེ་ཤིག
བུང་བ་གླུ་ལེན་ཁོ་རོ་རོ་།
མེ་ཏོག་དྲི་ངལ་ཆི་ལི་ལི།
བྱ་རྣམས་སྐད་སྙན་ཀྱུ་རུ་རུ་།
དེ་འདྲའི་བྲག་དམར་མཆོང་ལུང་ལ།
བྱ་དང་བྱེའུ་ཡིས་གཤོག་རྩལ་སྦྱོང་།
སྤྲ་དང་སྤྲེའུས་ཡ་རྩལ་སྦྱོང་།
རི་དྭགས་སྣ་ཚོགས་ལག་རྩལ་སྦྱོང་།
ང་མི་ལ་རུས་པ་ཉམས་རྩལ་སྦྱོང་།
ཉམས་རྩལ་བྱང་ཆུབ་སེམས་གཉིས་སྦྱོང་།
ང་དང་དབེན་པའི་གཞི་བདག་མཐུན།
ཁྱེད་ལ་འདིར་ཚོགས་འབྱུང་བོ་མི།
བྱམས་སྙིང་རྗེ་བདུད་རྩི་འདི་འཐུངས་ལ།
རང་རང་སོ་སོའི་གནས་སུ་དེངས།