Jamita Minggu VIII Trinitas
21 Juli 2024
Jeremia 23:1-6
“Jahowa Marmahani bangsoNa”
Huria ni Kristus....
Adong sada sarito na marimpola: Sahalak guru kebatinan margoar Zun-Nun di Mesir marpahean sederhana. Adong muridna manungkun ibana: “Guru, terkenal do ho alai boasa songon i paheanmu ganup ari (marpahean sangat sederhana). Ndang porlu tahe marpahean na dumenggan asa tongam idaon ni halak, ai jolma na terkenal do ho”.
Tarsonggot do guru Zun-Nun mambege sungkunsungkun ni muridna i; alanii dibungka ibana ma tintinna, dung i ninna ma: “Laho jo ho tu pasar an. Boi do digadis ho on saarga sekeping emas?” Rotak do idaon rupa ni tintin i, gabe ragu do ibana manggadis i saarga sekeping emas.
Lao ma ibana tu pasar manggadis. Ditawarhon ma parjolo tu partigatiga abit (Ndang olo partigatiga i manuhor saarga sekeping emas, ai tu ahangku ma on ninna do). Paduahon, ditawarhon ibana ma muse tu tokke botot (ah, ndang langku on kawan, ninna); Patoluhon, ditawarhon ibana ma tu tokke boras (Holan saarga sekeping perak do ditawar). Alai ndang barani si dolidoli i manggadis saarga sekeping perak, ai tona ni guru ZUN ingkon saarga sekeping emas do.
Putus asa do ibana, mulak ma ibana dilaporhon ma songon i tu Guru Zun. Mengkel do guru Zun-Nun umbege i. Didok ma muse: ‘Lao ma ho tu toko emas. Patudu ma tu halak i. Alai unang ho mandok argana, lok ma nasida manawar, manang na sadia arga ni tintin on.”
Gabe saut do ibana lao muse, sahali on tu toko emas. Ndang sadia leleng, mulak ibana sian toko emas marlojong hosahosa, ninna ibana ma: “Guru, guru, naso ditanda partigatiga abit do tintinmon, suang songon i tokke botot, dohot tokke boras, ai tarsonggot ahu ala ditawar partigatiga emas i do tintinmon saarga 100 keping emas; gabe dicurigai do ahu sian dia tintin on, alanii ndang barani ahu manggadis, disuru do ahu paulakhon tu nampunasa”.
Sahalina i mengkel ma guru Zun-Nun, didok ma: Toho do i, ima alus sungkunsungkunmi nangkin, boasa ahu torus marpahean songon on??? Tudos tu tintin on, holan partigatiga emas do na umboto kandungan emas na adong di tintin on. On pe, antusi ma parsiajaran on: taringot menilai ngolu on, ganup dirinta be do na mananda dirinta, bebet, bibit, bobot. Ndang ala ni paheanna, ndang ala ni penampilanna, ndang ala ni pangkat dohot jabatanna, jala ndang ala ni tabo ni hatana begeon. Alai ala ni hasintongan ni ulaonna do! Ai lam torop do nuaeng on na palsu. Sai hira na sintong idaon hape na palsu do. Seringkali disangka emas ternyata loyang, disangka loyang ternyata emas.
Orang yang jujur hanya bisa dinilai orang yang jujur pula. Holan Partigor i do na umboto hatigoran ni ulaonna. Holan parmahan na denggan i do na tumanda na pinarmahanna. Hombar tusi do patindangon ni Debata ma sada tumbur na tigor, na bangkit raja, jala na manghajongjonghon uhum dohot hasintongan (Jeremia 23:5).
Huria ni Tuhanta.........
Ibarat emas dan loyang, asli dan palsu, songon i ma parasingan ni parmahan na denggan dohot parmahan na jahat, ido dibaritahon di turpuk jamita on.
Jeremia dijou Debata gabe panurirangNa taon 627 sM laho manurirangi di Juda. Di tingki i situasi ni harajaon Juda terancam hancur binahen ni tolu hal, i ma: Parjolo, angka raja na mamarenta Juda gumodang sian nasida na manundalhon Debata. Paduahon, nilai-nilai parugamoon dohot aturan-aturan Musa disoadahon nasida, jala marsomba tu ganaganaan do nasida.
Patoluhon, ndang ditangihon bangso Juda sipaingot ni angka panurirang ni Debata na ro pasahathon tona ni Debata taringot tu uhuman nanaeng pinamasa ni Debata siala hadosaon nasida. Gariada sian tongatonga nasida diangkat nasida sandiri gabe Malim di Bagasjoro, ima si Hananya dohot si Pashur. Dibaritahon nasida do naso sintong Debata manguhum bangsoNa saleleng 70 taon, holan 2 taon do (Jer.28:3,11).
Siala pamaritahonon ni nasida mambahen gabe so mabiar be bangso Juda tu bagabaga ni angka panurirang ni Debata taringot tu uhum sidabuhonon ni Debata tu bangso i, jala ndang adong panolsolion ni bangso i di hadosaonnasida marsomba tu ganaganaan na binahen nasida sandiri.
Ido umbahen didok Debata: “Marjea ma parmahan, angka na mangago dohot paserakhon birubiru na Huparmahan i” (Jeremia 23:1). Uhumon ni Debata ma parmahan parjahat i. Alai birubiru na marserak i dilului jala dipapungu Debata, laos ditogihon tu panjampalannasida, asa matorop mabue nasida (Jer.23:2-3).
Dung pungu muse birubiru naung sanga marserak, patindangon ni Debata ma di nasida sada Parmahan na denggan, na marmahan nasida asa unang be tahuton manang tarsonggot, jala ndang mago nanggo sada (Jer.23:4). Parmahan na denggan i ma bangkit gabe raja na pistar na pajongjonghon uhum dohot hatigoran (Jer.23:5).
TONTON, LIKE, KOMEN, SUBSCRIBE, SHARE
Salam Sejahtera, Salam Sahabat, Salam Seha.
#jamitaminggu
#jeremia23
#roberthendrasimanjuntak
#robertsimanjuntak