༩༼གངས་རིའི་ཚིག་མཛོད།༽ 2016 གནམ་མཚོ་དང་དཔལ་ལྡན་ཚུལ་ཁྲིམས།

དྲི་བ་དྲིས་ལན།
རྩོམ་པ་པོ་ཁྱུང་ཁྲི་ལྡེ།
ལེན་མཁན་གནམ་མཚོ་དང་དཔལ་ལྡན་ཚུལ་ཁྲིམས།
གངས་ཀྱི་ཀློང་ནས་བཞེང་དུས།།
འོད་ཀྱིས་ཤར་ནུབ་ཁྱབ་སྟེ།།
བོན་གྱི་བདེན་མཐའ་གསལ་བའི།།
འཛམ་གླིང་ཉི་མ་སུ་རེད།།
གནའ་དེང་ཤེས་རིག་ཀློང་ནས།།
མཁྱེན་པའི་རྩལ་དྲུག་རྫོགས་པའི།།
ཁ་བ་གངས་རིའི་ཚིག་མཛོད།།
སྨན་རིའི་ཡོངས་འཛིན་མཆོག་ཡིན།
ལག་ན་ཁ་ཕོར་མེད་ཀྱང་།།
རྒྱབ་ལ་པོད་ཆེན་ཁུར་ནས།།
དུས་འགྱུར་རླུང་ནག་གཤགས་པའི།།
ས་མཐའི་ཨ་སྐྱོ་སུ་རེད།།
ནོར་རྫས་སྒྱུ་མར་གཟིགས་ཤིང་།།
རྒྱལ་བསྟན་སྲོག་ལས་གཅེས་པའི།།
ཞང་བོད་རིག་པའི་བླ་སྲོག།
སྨན་རིའི་ཡོངས་འཛིན་མཆོག་ཡིན།།
རྒྱུན་མེད་ས་མཐའི་ཡུལ་ན།།
མགོན་མེད་དྭ་ཕྲུག་འཁྱམ་པོས།།
རེ་བའི་ཐལ་མོ་སྦྱར་ས།།
བོན་གྱི་ཕ་མ་སུ་རེད།།
འབངས་ཀྱི་བདེ་སྡུག་གཟིགས་ནས།།
ནུབ་ནས་ཟས་གོས་བསླངས་ཏེ།།
བྱེས་ཀྱི་ཁྱིམ་གཞིས་སྐྲུན་མཁན།།
སྨན་རིའི་ཡོངས་འཛིན་མཆོག་ཡིན།།
ཞྭ་དཀར་བོན་གྱི་བསྟན་པ།།
ཡོངས་རྫོགས་ནུབ་ལ་ཉེ་དུས།།
བཤད་སྒྲུབ་མེ་རོ་སྤར་མཁན།།
བོན་གྱི་ཀ་ཆེན་སུ་རེད།།
གདོང་དམར་བོད་པའི་ཕ་ཆོས།།
རིམ་དགུ་ཐེག་པའི་བང་མཛོད།།
འདི་ཕྱི་གཉིས་ཀྱི་ལམ་སྟོན།།
སྨན་རིའི་ཡོངས་འཛིན་མཆོག་ཡིན།།

[@tsetendorjee9040]

གསུང་གཞས་སྙན་བྱུང་ནང་དོན་ཡང་ཡག་བྱུང་ཐུགས་རྗེ་ཆེ།

[@dondrup6243]

ཧ་ཅང་ཡག་གི

[@Chewanglama52992]

Really nice song 🎧 ❤❤❤❤❤❤

[@YungdrungBon2024]

Than you for sharingབཀའ་དྲིན་ཆེ།

[@jannielee4552]

both are nice voice and really nice song 🥰🥰🥰🥰