Lu mistieri ri lu piscaturi

Lu mistieri ri lu piscaturi
Ni susiemu cu lu scuru la matina e turnamu cu lu iuornu l'indumani. Ammienz'o mari ni stuccamu la catina pi putiri varagnari 'n piezz'i pani. E nun c'è friddu, nun c'è tussi, nun c'è frevi, nun c'eni malatia o iautru ca teni: ciana a buordu, sciuogghi i cimi, u tiempu è buonu, tutt'a mari, chiddu ca ni veni veni. certi voti 'n'a firamu mancu a stari a tritta, chè rulura fin'a punta re capiddi, ma aviemu 'na famigghia supr'e spaddi, perciò stringiemu i rienti e pinsam' e piciriddi. U mari è granni assai, e ni fa campari, e propria pi chissu niautri ama rispittari, e pi quantu rossa è a varca mai n'ama scurdari ca è sempri 'n piezz'i lignu ca galleggia 'mmienz'o mari. E a ruminica o pi li festi ri Natali, Pasqua, Capullannu, quannu finalmenti ni tuccassi rispusari, quantu voti ha capitatu ca a casa mancu c'iama statu, 'bbiati supr'e varchi pi riparari cocca dannu. E quantu voti ha capitato ca li matri e li mugghieri ana passatu vigghianti li nuttati, priannu la Maronna pi li figghi e li mariti ammienz'o malattiempu. Chista è a nostra vita: fuommu vattiati cull'acqua e cu lu sali, e già ri nichi ni scurrìa 'nta lu sangu 'stu mistieri, lu mistieri ri lu piscaturi.
(Il mestiere del pescatore - Ci alziamo con il buio la mattina e ritorniamo con la luce del giorno l'indomani. In mezzo al mare ci spezziamo la schiena per potere guadagnare un pezzo di pane. E non c'è freddo, non c'è tosse, non c'è febbre, non c'è malattia o altro che tenga: sali a bordo, sciogli i cavi, il tempo è buono, tutti a mare, qualunque cosa ci accada. Certe volte non riusciamo nemmeno a stare in piedi, con i dolori fino alla punta dei capelli, ma abbiamo una famiglia sulle spalle, perciò stringiamo i denti e pensiamo ai bambini. Il mare è assai grande, e ci fa campare, e proprio per quello noi dobbiamo rispettarlo, e per quanto grossa possa essere la barca non dobbiamo mai dimenticare che è sempre un pezzo di legno che galleggia in mezzo al mare. E la domenica, o per le feste di Natale, Pasqua, Capodanno, quando finalmente ci toccherebbe riposare, quante volte è capitato che a casa nemmeno ci siamo stati, costretti a stare sulla barca per riparare qualche danno. E quante volte volte è capitato che le madri e le mogli abbiano passato le nottate senza andare a letto, pregando la Madonna per i figli e i mariti in mezzo al maltempo. Questa è la nostra vita: fummo battezzati con l'acqua e con il sale, e già da piccoli ci scorreva nel sangue questo mestiere, il mestiere del pescatore.)

[@MrTiella]

Paranza reggae..❤