កសិករ ឈិត ឈៀង ប្រាប់វិធីធ្វើ«ថ្នាំពុលធម្មជាតិ» ដែលមានប្រសិទ្ធការពារ-កម្ចាត់សត្វល្អិតចង្រៃលើបន្លែ

ក្នុងរយៈពេលជិត១០ឆ្នាំ ដែលលោក ឈិត ឈៀង ប្រើប្រាស់ថ្នាំពុលកសិកម្មធម្មជាតិ និងជីកំប៉ុស លើដាំដុះបន្លែរបស់ខ្លួន ក្នុងទំហំផ្ទៃដី ជិតកន្លះហិកតា នៅខេត្តសៀមរាប។ បើកសិករវ័យ៥១ឆ្នាំរូបនេះ វត្ថុធាតុដើមដែលអាចផលិតថ្នាំពុលធម្មជាតិបាន និងមានប្រសិទ្ធភាព រួមមានស្លឹកល្ហុង បណ្តូលពេជ្រ ស្លឹកគ្រៃ ជីនាងវង ម្ទេស ស្តៅ និងទន្ទ្រាងខែត្រជាដើម។
កសិករជំនាញថ្នាំពុលធម្មជាតិរូបនេះ បានប្រាប់ពីរបៀបធ្វើថ្នាំពុលធម្មជាតិសម្រាប់ការពារ និងកម្ចាត់សត្វចង្រៃដូចជាពពួកមេអំបៅដង្កូវរយ ដង្កូវចោះផ្លែ កណ្តូប និងចៃ មានស្លឹកគ្រៃ៦គីឡូក្រាម ទន្ទ្រាងខែត្រ៥គីឡូក្រាម និងម្ទេស២ក្រាមចិញ្ច្រាំឬបុក លាយជាមួយទឹក១០លីត្រ ហើយផ្អាប់ទុកក្នុងរយៈពេល៧ទៅ១០ថ្ងៃ អាចប្រើប្រាស់បាន។ ដោយឡែកជីនាងវង អាចបង្ការ ឬការពារពីសត្វចង្រៃដែលមានពីងពាងក្រហម, ដង្កូវយោលទង, ស្រាំងទិចផ្លែ, ពពួកសត្វដែលកើតឡើងពីផ្សិត និងពពួកសត្វល្អិតទៀកគូផងដែរ។
លោក ឈិត ឈៀង បានអះអាងប្រាប់សារព័ត៌មានThmeyThmey25 ថា៖« ថ្វីដ្បិតការប្រើប្រាស់ថ្នាំធម្មជាតិលើបន្លែមិនអាចទទួលបានទិន្នផលច្រើនដូចការប្រើថ្នាំពុលគីមីក៏ពិតមែន ប៉ុន្តែបន្លែដែលប្រើថ្នាំពុលធម្មជាតិនេះ មានតម្លៃខ្ពស់ជាងបន្លែប្រើថ្នាំពុលគីមី ពី៣០០ ទៅ៥០០រៀលក្នុងមួយគីឡូក្រាម ឬមានតម្លៃលើសពីនេះ។ បើយើងទូទាត់គ្នាទៅគឺមិនខុសគ្នាប៉ុន្មានទេ ដោយបន្លែប្រើថ្នាំពុលគីមីទទួលបានទិន្នផលច្រើន ប៉ុន្តែលក់បានថោក ហើយបន្លែប្រើថ្នាំពុលធម្មជាតិទទួលបានទិន្នផលតិច ប៉ុន្តែលក់បានថ្លៃ»។
លោក ឈិត ឈៀង បានបញ្ជាក់ថា ការដាំដុះបន្លែដោយប្រើថ្នាំពុលធម្មជាតិ គឺធានាបាននូវសុវត្ថិភាពនៃសុខភាពខ្ពស់ដល់អ្នកបរិភោគ ពិសេសធានាសុវត្ថិភាពដល់អ្នកដាំដុះ។ ដោយឡែកការប្រើប្រាស់ថ្នាំពុល គីមីអ្នកដែលរងគ្រោះថ្នាក់មុនគេបង្អស់ និងធ្ងន់ធ្ងរ គឺកសិករដែលជាអ្នកដាំផ្ទាល់តែម្តង ហើយអ្នកទទួលទាន ជាអ្នករងគ្រោះបន្ទាប់ធ្ងន់ឬស្រាល ទៅតាមកម្រិតសារធាតុថ្នាំពុលគីមី ដែលមាននៅក្នុងបន្លែទាំងនោះ។ បើតាមកសិករដែលមានបទពិសោធន៍ដាំបន្លែជិត៤០ឆ្នាំរូបនេះ ក៏ធ្លាប់ពុលថ្នាំគីមី ពីការបាញ់កម្ចាត់សត្វចង្រៃនៅក្នុងចម្ការបន្លែខ្លួនឯងផងដែរ។ ការពុលពីថ្នាំពុលគីមីនេះ បានធ្វើឱ្យលោក ឈិត ឈៀង សម្រេចចិត្តបោះបង់ទាំងស្រុងនូវការប្រើប្រាស់ថ្នាំពុលគីមីលើការដាំបន្លែនានារបស់ខ្លួន ហើយងាកមកប្រើជីកំប៉ុស និងថ្នាំពុលធម្មជាតិវិញ នៅក្នុងឆ្នាំ២០១០៕
#ថ្នាំពុលធម្មជាតិ
#កម្ចាត់សត្វល្អិត
#កសិកម្ម
--------------------------------------------------------------------
ThmeyThmey News Social Media:
thmeythmey.com/
/ thmeythmey
/ thmeythmeyvideonews
/ thmeythmeynews
/ thmeythmey

[@ravychea3293]

សម្រាប់បងប្អូន ដែលមានកសិផល ឬ ផល ពីការចិញ្ចឹមសត្វផ្សេងៗ បងប្អូន អាចចូលរួមជាដៃគូសហការផ្គត់ផ្គង់ មកលក់ក្នុងបណ្តារសាខាផ្សារទំនើប ជីស៊ីម៉ល ក្នុង25 ខេត្តក្រុង នៅឆ្នាំ 2021 នៅថ្ងៃខាងមុខ ឆាប់ៗនេះ ។ ហើយអត្ថប្រយោជន៍ជាដៃគូសហការផ្គត់ផ្គង់ បងប្អូននឹងទទួលបានផល ត ជំនាន់ រហូត ពីកម្មវិធីគាំទ្រអ្នកចាយ និង អ្នកលក់ ក្នុងសាខាបណ្តារផ្សារទំនើបជីស៊ីម៉ល យើងខ្ញុំ ។ បើបងប្អូន មានចំណាប់អារម្មណ៍ ចង់មកស្តាប់ស្វែងយល់ពីល័ក្ខខណ្ឌ័ និង អត្ថប្រយោជន៍ ទទួលបានមក ក្នុងនាម ជាដៃគូ សហការ បងប្អូនអាច ទាក់ទងមក លេខទូរសព្ទយើងខ្ញុំ គឺ 017 285 297/088 60 65 846 ឬ តាមរយៈ ហ្វេសប៊ុក GC Ravy Chea ។
បញ្ជាក់: ការផ្តល់ឪកាសចូលខ្លួនជាដៃគូសហការ នៅវគ្គទី1 គឺត្រូវផុតកំណត់ នៅថ្ងៃ 28-02-2020
សូមអរគុណ

[@santhandevit9863]

មានលេខគាត់អត់បង?

[@thomasksatriagurkha7]

Petani Chhit Chheang menceritakan bagaimana membuat "pestisida alami" yang efektif mencegah dan membunuh hama pada sayuran

[@user-sj2uk4fp7f]

ល្អបង

[@semsorn8279]

Jt

[@sok9san947]

សូមបញ្ជាក់ផង... បន្លែគីមី គឺប្រើប្រាស់ជីគីមី គីមីធ្វើអោយឆាប់ធំ និង ថ្មាំពុលគីមី !
គ្រាន់តែប្រើថ្នាំពុលធម្មជាតិ ហើយនៅតែប្រើប្រាស់ជីគីមី និង គីមីធ្វើអោយដំណាំឆាប់ធំ នោះវានៅតែមិនមែនធម្មជាតិ !

[@tinaphoneshop1381]

សីុអាចម៏ទៅអត់គីមី

[@sok9san947]

@@tinaphoneshop1381 ធ្លាប់ស៊ីមែនបានដឹងច្បាស់?

[@tinaphoneshop1381]

@@sok9san947 រកធម្មជាតិមានតែអាចម៏