بردا وسلاما على إبراهيم 1 - ( شعر مع الرسم والكلمات ) - نوته
Vložit
- čas přidán 21. 11. 2023
- تأليف: حسام ابراهيم - أداء صوتي: ياسر موافي - موسيقى: محمد أبو النجا -Art director: منار عادل - رسوم: هدير عرفة
- فيديو جرافيك: محمد أسامة - هندسة صوتية: مها طه - إدارة إنتاج: أحمد خالد سليم - إخراج: محمد التابعي
Produced by: نوته
- الحلقة الثانية:
• بردا وسلاما على إبراهي...
الكلمات:
على أرض بابل .. في العراق
قبل الميلاد بحوالي ألفين أو أقل من السنين ..
الصبح بدري
الديك بيدن
كالعادة كل الناس بتخرج من بيوتها أوام وتجري ..
وبيعلى صوت الشحاتين والبياعين ..
واليوم بيبدأ عادي جدا
نفس يومهم من سنين ..
بس النهارده اليوم غريب عن أي يوم
والناس وشوشهم فيها إن
الكل خايف
والأمهات حاضنين عيالهم مرعوبين
والأبهات باصين شمال
باصين يمين ..
فيه سهم جاي
لكنّي مش عارف منين ..
قالها
وبص بيأس على ضحكة ضناه ..
شاله
وحضنه
وقال له مايبصش وراه ..
فجأة المكان اتهز جامد تحت رجلين الجميع
تقدر تشوف في الوقت ده جيش الملك
جاي من بعيد ..
بيدوس على الشعب المطيع ..
بيفجروا بطون الحوامل
وبيدبحوا الأطفال
وبيفصلوا كل الحريم بالغصب عن كل الرجال ..
وبيهتفوا للملك
عاش الملك
عاش الإله الواحد النمرود ..
دايما سعيد
فرمان على كل العبيد
الحكم بالموت على أي أسرة تجيب لنا مولود جديد ..
وفي زاوية تانية من مدينة بابل
تحديدا في ساحة القصر
الوقت
بعد العصر ..
متجعصن النمرود في حمام السباحة
بيحتفل بالنصر
حواليه الوزير والحاشية
والأتباع
وكل تابع جاي وقدام منه متبوعه
والحاكم النمرود في احضان الجواري بتوعه ..
وفي ايده كاس النبيذ اللي متخمر من هموم المواطن البابلي .. ودموعه ..
وفي زاوية تالتة من مدينة بابل
من داخل المعبد
آزر بيسجد وبيناجي تمثاله اللي لسه صانعه بإيده ..
والناس كذلك زيه .. بيصلوا
والكل داخل شايل القرابين
يمكن إلهه المرة دي يسمع
والدعوة تطلع فوق وتوصل له ..
في الوقت ده
كانوا العبيد في المعابد مقسومين ع التلاتة ..
التلت كانوا بيعبدوا الكوكب
والتلت كانوا بيعبدوا الأصنام
والتلت كانوا بيعبدوا النمرود
قال اللي كان بيجمع القرابين
يا اللي انت نفسك في عيل .. سيب هنا قربانك !
يا اللي انت صابك مرض .. قبل ما تموت ! سيب هنا قربانك !
يا اللي انت عاوز فلوس ..بوس أيادي الصنم .. وسيب قربانك !
يا اللي انت مش لاقي الغموس .. اقطع من لحم طفلك نساير واعمله قربانك !
يا كل واحد في المكان موجود
يا عبدة النمرود
كل ابتلاء في الدنيا له قربان ..
رد اللي كان داخل بلا قرابين .. أوامر مين ؟؟؟ !
قال الجميع
دي أوامر السلطان ..
وفي زاوية رابعة من مدينة بابل
كان الظلام داخل بلا استئذان
جايب معاه الليل الغميق
اتحبست الناس في البيوت حبسة
تخلي العنكبوت ينسج على الأبواب خيوط
والصمت خيم ع المكان
خيم بشكل يخوف الأب الجبان
يجبره يكتم نفس طفله الرضيع
ساعة ما يبكي بصوت
إلا الخليل إبراهيم
هذا الفتى الحر الجريء
كان ماشي في الشارع طليق ..
وسط الظلام
تتخانق الأنوار عليه ..
النجمة تجري تدله يسبقها القمر
حتى الحجر
يجري ويخبط في الحجر .. يعمل شرار ..
تتسابق الأشجار
على اللي الليلة هتكون راكية النار اللي هتدفي الخليل ..
وفي وسط ما العالم في قاع الليل .. غريق
كان إبراهيم .. ماشي لوحده في الطريق ..
يتعب من المشي الكتير
يرتاح شوية
يتذكر الناس اللي أمنت بالحجر
بالشمس
والنار
والقمر ..
ويشوف بقلبه وعقله قبل عينيه ..
ويقول بلهفة لكل شيء حواليه ..
أنا عاوز أعرف ربنا
والاقيه ..
الشمس رب مايعتمدش عليه ..
يا رب أنا متأكد انك هنا
وانك خلقت القمر
والسما
والنجمة
وخلقتني
وخلقت كل البشر ..
أنا عارف انك فوق ..
اديني أي دليل
في هذا الليل
من حق كل اللي نفسه يدوق حلاوة الحقيقة .. يدوق ..
..
فجأة الخليل تلمع عينيه
ويبص فوق
ويشوف
يتبدل الخوف بالسكينة
تتبدل الحيرة
ببصيرة ..
تتفتح السماوات قصاد عينه لحد العرش ..
يتأمل الملكوت ..
يلمح ملايكة ربنا في السما
يلمح حياتنا التانية بعد الموت ..
يتبدل القلق الشديد .. بالهدوء ..
ويبص فوق
ويقول
دلوقتي بس يا رب شفت الفروق ..
وأمنت بيك
يا خالق المخلوق ..
-------
لدعم نوته على patreon :
/ notah
لمتابعة نوته على مواقع التواصل الإجتماعي :
Facebook: / notah.official
/ notah_official
Instgram: www.instgram.com/notah.official
Twitter: / notahofficial1 - Zábava
رووووووعة ... متألقين كما عودتونا... تحياتي من فلسطين
يا هلا بكلمات حسام يا هلا✨
كل شوية افتحها واشوفها تاني بجد شيقة ❤
جميل جدا🤍
سلمتم 💜💜💜
عمل فنى متكامل ورائع والموسيقى مجدوله مع صوت الفنان ياسر موافى بحبكه من الكلمات رائعه لتوصيل المعنى بوضوح وبساطه.شكرا والى مزيد من التقدم.❤
جميل ..تشويق في انتظار التكملة
موفقين وتحياتي للمبدع المتالق حسام ابراهيم
حلو جدا
جدا رائع ويذكرني بالمقامات
ما شاء الله حلقات مفيده وجميله ❤
عمل رائع استمروا في قصص الأنبياء كلها كده بالتوفيق لكم جزاكم الله خيرا ❤❤❤
عاش ياشباب
تسلم ايدك يا حُس
عمل مزيج من العظمة و الجمال ♥️
رائع ❤❤👏
عاش يا شباب
عظمة يا حسام♥💪🏻
عيشنا ❤
اللَّهُمَّ إِنِّي أَعُوذُ بِكَ مِنَ الشِّقَاقِ وَالنِّفَاقِ ، وَسُوءِ الأخْلاقِ
أداء قوي و محتوى هادف و راقي
جميله..ربنا يوفقكم....يارب❤
روعه❤
عمل عظيم في انتظار باقي الحلقات 👏👏
بالتوفيق .. ودايما بستمتع بما تقدموه
تحفا بجدددد❤❤
كنا في انتظارك فينك من زمان❤❤❤
❤❤مبدع
اللهم صل على محمد و على آل محمد كما صليت على إبراهيم و على آل إبراهيم و بارك على محمد و على آل محمد كما باركت على إبراهيم و على آل إبراهيم إنك حميد مجيد .
اللهم صل و سلم و بارك على سيدنا محمد و على آله و صحبه أجمعين .
هتبقي سلسلة رائعة لانكم لاتقدموا الا كل شيء قيم 👌💪
جميل
متحمسة لباقي الحلقات ♥♥
ماشاء الله ،، روعه بجد
❤❤❤جميل جدا جدا وياريت يبقى فى فديوهات من القصص تانى وبنفس الطريقه ❤ روعه
حلو اوى ما شاء الله
عاااااش يا حسام ❤
💙🥺😭😭😭😭😭
♥️♥️♥️♥️♥️♥️♥️♥️♥️
لو تلغوا الموسيقى!!!
لكن ما دخل هذا في النوته ؟😮😮😮من المفروض النوته تعني النوته الموسيقية
أنا مش فاهمة ايه القصد من الحلقة دي؟
ممكن يكون ايه المقصد غير سرد قصة نبي الله ابراهيم بطريقة جميلة ومبدعة
@@mohamdalaaagag3772 شكرًا جدًا 🩷
دى قصه سيدنا ابراهيم بس دى اول حلقه لسه فى حلقتين تانى ❤