شيلة العزوة الناصرية كلمات الاستاذ/عبدالملك الحارثي آداء المنشد/عادل الشدادي(أفراح بن ملفي&بن حنش)
Vložit
- čas přidán 5. 04. 2018
- العزوة الناصرية
سلام ياقيف نبني له جزيلات التماثيل
ياللابة الي لنا محزم وصندوق الذخيرة
واثني التراحيب من بالٍ هواجيسه محاميل
سواة ذوب العسل في كف من يعرف يشيره
ياقدم قيف يشرفنا نهار الحط والشيل
متوارثين الشرف والجار له حشمة وجيرة
واليا بدينا سوا نثني الخصوم ونَعدِل الميل
والعزوة الناصرية تاج ياروس العشِيرة
والجود يبقى على طول الدهر والبن والهيل
في حلّةً الغانمين الي مواقفهم شهيرة
ومكثور خير الذي من عَصْر يَدنِي في المعاميل
وماهي عسيرة على راعي الكرم ماهي عسيرة
وجاب السمينة لضيفه ماحسب قل المحاصيل
يدفع بما في يمينة من قليل ومن كثيرة
ابن حنش من رياجيل المواقف والحلاحيل
نفخر بهم في نهار الضيق والخيل المغيرة
والخير الى ساقه الرحمن يدفع دفعة السيل
بين الجبال المنيعة والمشاريف الخطيرة
ناسبتوا القرم ابن ملفي خوي الليل والخيل
اللي ينومس وذكره يسبقه في كل ديرة
عبد الله اللي على الطاله يمثل صفوة الجيل
من روس قوم رحاها عالمعادي مستديرة
يالله تحفظ لنا في ساعة الشدة بهاليل
الي لهم في طريق العز والقالة مسيرة
وانا اشهد ان السعد ماله عذر في مثل ذا الليل
يرقص على نغمة الحادي مع نقَّار زيره
يافيصل الليل هذا غير والفرحة مقابيل
الله يهنيك في ليلة معانيها كبيرة
والخاتمة يالله انك تجعل الدعوة تساهيل
ويحقق الله حِلمِك يالعقول المستنيرة
كلمات / عبد الملك بن جرادان
ونعم بالقبيله الناصريه
تحياتي لكل قبايل الناصرية اخوكم من اليمن السعيد
تحياتي من الناصريه السعوديه
صح لسانك يا ابو محمد
والنعم
كفو والله اخوكم من الناصرية
صح لسانك
حي اهالي الناصريه ومنهم الشويلات