三個未能重見天日的商場 - 被封閉的荒廢商場 | 城市遊走 彩虹商場、協和廣場、海濱廣場【CC字幕】
Vložit
- čas přidán 13. 07. 2022
- ［宜家係 surfshark.hk/partner/hebeface 訂購Surfshark VPN，打hebeface呢個promo code可享有17折，仲可以獲得3個月額外免費期限！］
*繼上次提及的長城購物中心，鬧市裡確有一些被封閉的商場，廢置於鬧市一角。位於新蒲崗的彩虹商場與荃灣的協和廣場及海濱廣場就是好例子。不管怎樣，這些商場背後都有著曾經風光的時刻。*
［PAYME支持此頻道］：payme.hsbc/hebeface
香港不是一個製作者追夢的地方，如果你認為我的製作值得你支持，
可以選擇成為頻道會員，彌補製作上的開支：
/ @hebeface
BGM：lukrembo - rose (royalty free vlog music)
• lukrembo - rose (royal... - Krátké a kreslené filmy
1）彩虹商場三層前身係黃金酒樓，本身三層面積都非常之狹窄，當年酒樓本身係老人場，家上擺枱位置唔多，經常要走上走落，對於行動不方便長輩係有困難，而新蒲崗大把酒樓適擇及鐵皮大成街街市做埋早茶，因此結業。
2）早期彩虹商場因近學校區，主打漫畫、遊戲、影印及補習，開始時連自由人漫畫書檔都係彩虹商場開鋪，但整個場先天問題，又迫又窄又細，就是高峰期都得一半左右營業，最後變死場，加上業權太散無能力付擔管理費，所以丟空至今。
3）彩虹廣場隔離角落位，前身係「英華戲院」，80年代係屬於新藝城院線，有普通同超等兩種票價，平日早場及四點場係播咸片，所以有網友話係咸濕戲院都係啱，之後易手「麗斯戲院」轉為新寶線同有時播下大熱西片，再之後變康x老人院及補習社，搞左一輪最後只有老人院，而地鋪位置向彩虹道方，原先係購票位早期做豬肉檔，家下又係無人租荒廢中，另一邊康景街入口係超等入口，家下變左小菜館。
據記憶所及...day one 地下入口已經係大酒樓入口, 二三四樓都係酒樓範圍包埋厨房...如有錯漏, 請指正 !
我以前都有去燒超任博士嘅碟同去自由人買書，講起先記得個場的確係無滿過
以前地下有間兒童機鋪，叫「萬寶」🤭
我淨係會偷去後面條街間成人機鋪架咋😄
其實我都唔明點解樓下d鋪開極都死
我係離職嘅抄錶員，一年前左右都要入海濱商場內抄錶，而本人亦第一次入去開工的，首先商場側邊有防煙門可以進入商場，沿樓梯落可以到商場卸貨區，亦都會見到保安室，保安員問我係咪第一次入去，我話係，我仲問你可唔可以帶我入去，但佢地話人手不足，淨係比一支電筒俾我，咁我就要自己行入去啦，當時仲有一部貨喺可以運作的，我係由商場頂層開始工作，當時喺上午入去但因為落緊雨個天好暗，因商場無開燈，一到我已經嚇一嚇，手震震咁即刻開電筒，又開住手機大大聲播歌分散注意力，因為第一次上去，要搵一啲房間入內工作， 要左搵右搵， 突然之間見到一個人影出現，即刻腳都軟埋，我再眼尾望一望，原來係一塊好大既鏡反射自己，可能係因為光線不足嘅關係吧，之後當然急急腳做完嘢即閃人啦。咁我亦都有第二，第三次入去，無咁驚脚步放慢咗行，見到所有裝修停留咗九十年代，地下報紙，牆上海報廣告等，好多店舖仲保留少量傢俬，好多灰塵，上層有好似係老人院，中層小店。下層溜冰埸，好似有個水池，因為我係佢未時末得過，所以無乜感覺。
嚇死喇一定，成個商場眼見嘅得你一個人...
兩登好似都有d post有講呢個場既鬼故傳說🙈
補充返d資料: 海濱廣場早幾年有搞過deadrising官方活動! 小弟有去親身試玩過， 環境氣氛真係不錯， 好有死寂的氛圍， 可惜個場咁大得一條固定路線，10分鐘內就行返出黎，冇癮呀。
可惜 當時 沒去舊地重遊
1. CC字幕已上
2. 除海濱廣場耐唔時有租借出去拍戲拍MV外，其餘兩個都已經消失封閉多時，影片並不鼓勵大家進入以上提及的商場。
3.［宜家係 surfshark.hk/partner/hebeface 訂購Surfshark VPN，打hebeface呢個promo code可享有17折，仲可以獲得3個月額外免費期限！］
彩虹商場係1994年開業，1998年左右結束。
前身係酒樓相信好多人都知道，呢個商場絕對係我嘅童年回憶，我係遊戲機迷，又住黃大仙區，有段時間為睇新game，每個星期都會去一走趟。所以對呢個商場印象深刻，甚至裡面結構都仲好有印象。
彩虹商場的鋪頭主要係GAME 鋪、漫畫鋪，VCD鋪、影印鋪、電腦鋪。其中GAME 鋪佔大約6成。
一樓主要係影印鋪、1-2間電腦鋪、管理處。
二樓賣漫畫、VCD、同小量GAME 鋪。
三樓集中GAME 鋪。
商場外圍睇好似好大，但裡面每間鋪嘅面積大約50-100尺，中間由一條大樓梯，間開左右兩邊商鋪。商鋪細又密集，話係劏鋪始祖亦唔過份。我自己就好鍾意去3樓，開業當時為超任、MD、PS、SS、N64交替時期，所以裡面有GAME抄、亦有當時好流行嘅翻旦遊戲GAME、GAME書賣。3樓左手邊有一間GAME鋪，好鐘意開住部電視播新GAME opening，個間相對好生意。
成個商場人流唔算太多，從未見過水洩不通嘅情況，幫趁主要係同區嘅中小學生，或者附近嘅中學生放學會走過去，週末會有家長帶小朋友買GAME，但購買力有限，亦導致商場變死場。
大約2000年左右，商場𨋢位已被封，但地下鋪位都仲有間診所開住，後期連診所都無埋，變成而家咁。唔知係未真係無入口，有機會真係好想再入去懷緬下…
哈哈，我咪係三樓嗰間囉！！😂😂😂 一有新game我就一定開大個喇叭開住個電視播住吸客 🤣🤣🤣🤣
彩虹商場最旺果陣（其實都未必講得上係旺），係超任老翻dup碟最橫行果兩三年，響龍珠要十蚊八蚊一隻4-16m碟，但響彩虹，3蚊一隻起錶，最貴32m（分兩隻）都係每隻八蚊，其實係一眾無咁多零用錢既細路，響龍珠商場以外一個好選擇黎。當然，果陣讀緊小學五六年班，放學就緊係拉埋班同學一齊去，彩虹係無扶手電梯既，一起手就行樓梯，通常係近樓梯口果幾檔老翻碟最旺，響大張由4m到32m既game list哂出黎，自己要邊隻就隨手羅紙筆抄底比檔主，比錢等十零分鐘就有得羅。咁響大家等羅game既空檔時間有乜野做呢，就緊係行去食腸仔魚蛋，閃卡果陣我無乜興趣，反而順便租漫畫都有試過，畢竟呢個場，除左game鋪多之外就係漫畫鋪多，借一本真心平，如果無記錯既話，4蚊一日。
當年，話大唔大話細唔細，自己又未夠大個可以殺落銅鑼灣，除翻學以外就無乜細藝，呢d「湯場」其實係比左好大既空間比呢一堆朋友仔（包括我自己）消磨時間。
多謝咁詳細嘅分享🙇🏻♂️🙏🏼
其實3樓後樓梯附近有間鬼鼠機舖，自從樓下間兒童機舖萬寶執咗之後，啲細路就走晒去嗰度打機😂
彩虹商場有lift架喎
@@maywong5860 sorry...我指冇扶手電梯。。同埋果陣一來形住果部lift唔多妥，好似係好易壞，同埋行樓梯仲快，所以其實係冇乜留意過果部lift。
同路人，我炒完game 就去後面長江機鋪整番2鋪，難得撕左個校章就比入，魔術貼校章都係咁發明出黎
以前細個住喺海濱廣場對面 我間房可以望到溜冰場 through 天幕, 以前細個放學會去商場度買魔神英雄傳，聖道士星矢玩具， 佢好似7樓有間機舖，成日放學去打街頭霸王， 如果冇記錯八樓係 food court，會考嗰陣時上去搵張枱讀書， 亦試過喺呢個商場見過淘大宇喺度拍劇集， 亦試過同朋友去戲院睇周星馳戲仲記得全場得我哋兩個，呢個商場真係充滿記憶..
九五至九六年學校放假都會搭巴士上去機鋪打機；好似小學四；五年級；最初個時都俾小朋友入；後來捉得緊都冇去啦😅😅
協和廣場前身係大屋圍，金玉滿堂有段戲喺度拍，亞B落泊果段
未拆之前成條大屋街大部分都係傢俬鋪，老夫曾經喺果度做過兩年傢俬學徒 （1986～88年）
我記得該處未拆前的樓非常舊，有一條好舊的行人天橋，由荃灣大會堂行去個d舊樓。
@@little-man4377 舊到得人驚....無人管理, 後尾有人收購就重建
荃灣大會堂行去果邊係四季大廈, 可以行去大屋圍, 當年有間7仔喺新村街, 而家無左, 條新村街都無左截 (間7仔我喺84-85年做過半年左右)
栛和廣場前身蘭官戲院
平時真係唔為意荃灣有個咁大嘅荒廢商場,多謝HEBE為我地啲觀眾再補拍返啲畫面,咁熱嘅天氣都咁有心真係辛苦晒你喇
海濱舊街坊
89年4歲時搬入海濱花園
老豆老母會間唔中帶我去海濱廣場8樓美食廣場大家樂食飯。當年大家樂外有鋼琴手彈琴伴奏。
7樓有瀚騰閣酒家，有親戚探望時會去飲茶。對小朋友印象最深刻係甜甜的芒果布甸。仲有曲奇船長餐廳，以前上午班放學後老母會帶我食午餐，非常懷念兒童餐。再樓下2至5樓係永安百貨。對出就係裝咗射燈的噴水池。08年返香港時記得仲運作緊。所有事都已過去……
我記得海濱早期時有會所。
@@katycheng9751 會所唔喺廣場，而係對面，而家國際學校個位
足不出區都幾美好,座數多養不起個商場好可惜!
描述完全正確，海濱去到九十年代中期都出租百分百，好多細舖賣不同種類貨，連銀行都有（無記錯係匯豐），97年前永安執笠就開始出租不足，死下死下。反而對面海灣原本有間Value Club量販，97年執咗剩返間潮州菜酒樓，以為變死場誰知而家反而唔死得。
3:45 呢期啲新片成日拍到好有靈探feel😂都幾有新鮮感
今集啲音樂好正！好有靈探嘅感覺！👍肯創新係好事嚟！加油呀！💪
來自馬來西亞的觀眾🤞🏻雖然我沒到過香港，但是很喜歡hebe拍這類型的影片，能知道更多香港廣場的沒落...希望能多拍...加油💪
謝謝！🙏🏼
我都係馬來西亞怡保嘅觀眾，好鍾意Hebe嘅片，支持你啊！Hebe
@@benjaminchong7979 謝謝你！
香港的沒落
@@aaroncarter99hk 其實自從網購變得好方便之後，唔好話香港，甚至大陸、美國好多實體購物商場都面臨生存問題，所以呢個問題並非香港獨有。
協和廣場應該係幾年前才關, 之前內部商舖有茶葉茶具舖, 多間玉器舖, 服裝店, 但人流不多, 上層有間無記錯係工聯會之類嘅大店, 有服裝, 電器, 傢私, 另外有補習社, 再上層係一間健身中心, 其停車場都幾滿但估計多數車主係泊低去其他地方因附近少車位(未有如心)
好涼，
協和廣場樓上有一間physical健身室和工聯會賣電器，其餘都係小店為主，和外面街市有點格格不入
彩虹商場：
我記得起任年代時會去呢度抄Game。當超任未落時，仲會有賣Gameboy帶，但之後就無以為繼。我記得我呀媽會去買手工藝嘢，我就會去睇Game。
另有一件趣事，當時VCD開始盛行，咁我呀媽喺彩虹商場見到隻我和春天有個約會，見到平過LD咁多，買返去睇啦！結果放入部LD機播唔到。嗰時我呀媽以為播到CD見個尺寸一樣，以為都播到。宜家諗返都好好笑。
隔離戲院由英華改到去麗斯戲院，好似話俾麗宮收購咗再改名。我仲記得喺嗰度睇最後一套係破壞之王。宜家變咗護老院了
😂😂😂 LD VCD呢個好笑
好有回憶啦一定！
去到後期變到好似而家啲格仔舖咁，賣下Yes卡，郵票，有啲寄賣店手工藝舖，印象中PS老番盛行年代都仲未執，過多一年半載就突然全部封晒
如果留心啲睇，樓下閘口其實有張執達利嘅通知，都係搵唔到業主嗰啲咁嘅嘢
地庫最初係遊戲機中心，後來一分為二開咗桌球室，再後半邊變咗網吧……
@@jill3843 桌球室之前係卡啦ok嚟
Hebe
拍片
很認真
努力加油
呢排好熱,辛苦Hebe用鏡頭帶我地城市遊走
係我份工作嚟嘅 咩野天氣都會盡力做🙇🏻♂️
上次留言問Hebe你可唔可以去彩虹商場睇吓，你覆我應該入唔到去，但係估唔到你都特登去拍咗條片，真係非常之感謝你。 呢個商場當年係該區好多人嘅童年回憶，以前都係放學俾錢打機，買番梘碟，買玩具，買零食嘅地方，時間大約到2000年左右開始越來越少呢類嘅舖頭，之後都應該越來越少學生行，後面你講嗰間波樓有間連埋一齊嘅機舖，都留低咗唔少腳毛，Anyway 勾起好多回憶，多謝你Hebe!
記得機舖同桌球 零七零八年仲未摺
辛苦晒你喇Hebe，大熱天時都要係街上遊走拍片
呢份係我嘅工作，我唔會埋怨天氣🤣盡做
嘩，呢個商場其實好大好多層……整間donki入去都重得。
3:46 係咪有怪聲？係咪要搵人嚟靈探下😅。感覺都有啲不安，又係喪屍片場地。
Hebe用心拍片，紀錄香港，實在值得更多嘅支持！Hebe都係用作品說話嘅！
彩虹商場旁邊既新蒲崗大廈CD兩座由於連住個商場,所以其實兩座大廈後樓梯係可以通去商場既,而c座入面以前仲有部lift係for去呢個商場,直到而家部lift同樓梯入口仍然係度(當然係鎖晒啦)點解我會知?因為我住個度囉😂細個要幫手落街買早餐,餐餐都打斧頭一兩蚊就係要去抽閃卡同買game, 打咩機就唔太記得,好似係磁碟黎。記憶入面個場間間鋪都好細好細間,就算最旺個陣都唔多鋪。彩虹前身係酒樓所以屋企會有老鼠出沒,之後改商場亦維持左幾年就冇左,我地業主立案法團打左好多場官司想拎返個業權,因為咁多年黎都係我地成班業主出錢維護。不過到今時今日都未爭得返。
鬼故記憶中聽過三個,話說執左之後有人驚見c座專去商場部lift入面既閉路電視有個長髮女仔係度,但係個陣商場同部lift都冇營運...第二個就係我上面咪有講大廈後樓梯其實通到去商場既,咁有幾個後生仔諗住偷走入去玩,點知係後樓梯隔住鎖左既鐵門居然聽到裡面傳黎喧嘩既人聲,彷彿個商場好像仲營運緊,最後一個係最驚既,因為關我每日都要搭個部lift事,因為c座除左一部專用lift外,另一部住客lift一樣有2-4樓既lift制,但正常係鎖左禁唔到落去,但唔知點解有次有人唔小心禁到,仲真係係個層開左,但一打開唔係彩虹商場,而係一個黑到咩都睇唔到既環境,嚇到個人狂禁關門制。呢幾個故事都令我小小童年驚左好耐,直到而家如果需要行後樓梯落樓,一經過4-2樓都會 快超急步咁飛奔落去😂
多謝妳，想去參觀下
協和廣場十年前做嘢都會行經
入邊最記得就係有間文具店有slogan:"「阿仔買高達，阿媽唔明白」，位於荃灣協和廣場、因店主經常自創搞笑標語聞名的「知源文具店」"
明報 有提及
觀看時間岩岩好，內容充實，支持
因為有了新的越秀廣場，人流自然傾向大而現代化的商場模式。在越秀廣場附近最近幾年還開了一間日式商場，叫Mikiki 在一座豪宅下面，還有Starbucks,
西班牙餐館，德國餐廳，
有户外座椅，非常優雅，十分中產feel。
連越秀廣場也給比下去了。
呢集差啲可以成為靈探節目，幸好閣下行過協和廣場，沒去拜訪附近當紅的威威豬。協和廣場現在被封的部份，過去一直只有雜貨攤檔，地牢係幾大間的惠康，上面係健身中心。
做咩去拜訪黑社會😂
好鍾意睇你呢個系列 加油
已CLS👍好中意你做呢啲提材👍👍覺得得香港有時真係好奇怪🤣成日話要倒錢落海先有地方，但係鬧市又有咁多廢墟嫁喎🤣👍
協和廣場 地下有知源買模型
又有physical 做gym
3樓有「兒童機鋪」😂
兒時回憶 同呀婆買餸一定要佢帶我上去打機
海濱廣場 細個喺嗰度學溜冰⛸️
你辛苦哂，今次條片background 好恐怖
協和廣場真係好有回憶🥹🥹細細個果時屋企人係入面開左間舖賣衫'所以成日都係果度留連😹😹
一無聊就去睇玩具或者落去惠康買野食🤭
我都係，老母係外邊買餸，我就係入邊玩具鋪打躉，仲記得間野寫住"玩具救世界"
@@mmmcba123 果間野真係好正🤭🤭成日都有d金句貼出嚟🤤🤤
最經典莫過於果句‘吖仔買高達 吖媽唔明白’
@@bonnielam7 早兩三年我仲見到有依句晌個招牌度，我學得勁搞笑
制作認真!
原由太平協和集團持有、位於荃灣街市段川龍街88號的協和廣場連一籃子車位，淪為銀主物業，現推出招標，市場估值約15億元，截標日期為7月29日。撇除九龍灣高銀金融國際中心，料此為近年第二大額銀主放盤物業。
彩紅商場：前身係酒樓，好多人留言話係戲院，戲院係喺隔離，依家係老人院，因我就住喺對面，所以好清楚啲位置
至於點解個場會死咗？聽講係大業主走咗佬，當時新聞都有講，有好多人買咗鋪，但到收到鋪時，尺數比售鋪書上寫既細咗好多，即係比人呃尺，最後成個商場開咗2年多啲就封咗，但其後啲小業主點？我就唔知啦！因當時我都只係個小學生，唔識太多
係，戲院叫麗斯，2000年代好多港產片我都係入去睇，貪佢夠平，仲可以喺隔離d 舖頭買嘢食入去食住睇
冇錯，80年代係酒樓，隔離仲有間兒童機鋪，細個每次去飲茶都快快食完落去打機。而戲院就最初叫英華，之後改咗叫麗斯。
以前英華仲有超等，經常開後門放啲FRD睇免費戲
機舖唔知記得叫乜名，剩係記得新年有利是抽獎
@@ansonng8097 機舖叫萬寶，兒童場
呢條片三個商場係唔同階段都留過腳毛。
讀中學時，彩虹商場正如片中講抄Game，做project去影印。因有同學住樓上，lunch仲會偷時間上去操啤、打麻將。當時麗斯戲院仲營業緊，有入去睇過戲，但唔記得咩戲了。
07年左右，初回流香港時住海濱，當時個商場已死死地，都仲有麥當當，百佳，同個別補業社。呢個商場係幾隔涉，每年最旺都只得春秋二祭嗰幾日，個定向唔係服務屋苑居民都幾難做。
協和商場停業前因做gym而成日去，入面都幾多唔同類型舖頭，玩具，文具，賣衫，食肆都有。朝早如片中街上人好多，但可能係街市既原因，幾雜亂下。晚上街市收咗又過份地靜，加上早上商戶遺留下既垃圾。夜晚無論氣氛同衛生都極不舒適。Hebe係停車場聞到既味，相信係街市傳入既垃圾味。
協和其實本身都幾企理，最大嗰間郭富城健身中心，仲有間類似兒童樂園餐廳唔記得乜名，係類似主題樂園嗰D親子餐廳仲要幾大間，地下有間玩具舖，熱天行到身水身汗會入去涼冷氣，因為有好多地方可以坐，之後搬走晒D舖，然後長期唔開冷氣熱到hihi 就無再入過去，再跟住就落閘閂門就直到而家
有間大既酒樓，飲過一次茶甘啦
唉 海濱廣場 荒廢之後 海濱連唯一一間老麥 都無埋 麥麥送最近 要去到大窩口 仲要成粒鐘先送到黎 … 你叫我情何以堪呢….😞😞😞
以前屋企人係協和廣場對面開鋪，都有10年，我初小嘅時候成日都會入去，以前中庭有部大電視，好多小朋友都會去睇。
地下：四週都有唔同嘅美容，修甲嘅鋪頭，人流唔算多。
地庫：惠康全層，堪比英皇廣場（大鴻輝中心）果間咁大，仲要再大啲。
一樓：有一間類似“冒險樂園”嘅遊戲中心，個名唔記得咗😅。佔咗半層，另外果部分就有一間補習中心、僱傭中心之類嘅鋪頭。
二樓：舒適堡（全層），果時係外面門口都會睇到由郭富城代言嘅廣東banner。
三樓：Food court，遊戲機中心（但半開放式經營），我以前成日都上去挽😅😅😅，似西九龍嘅兒童機鋪咁，啲細路大部分都會係尼到搵返🤣🤣🤣。
四樓：酒樓，都係唔記得咗個名，食物質素一般，見人見智。
我印象中，成個商場由上而下咁收購，最後淨返地下果層果時，已經一個人都無，燈都無開，靜到果個點係一個人行都聽到自己嘅腳步聲🫣。
地下：咩都有啲，茶具舖，西裝舖，電話舖，水晶店，服裝店。最後最出名應該係一間玩具舖（就係嗰間「男人買高達，女人唔明白」嗰間）。
一樓：好似有分幾個階段。地下扶手電梯一上，分開咗左右兩個部份。右邊嗰部份冇變過，左邊嗰個部份好似轉變過幾次。最後好似係一間融洽：電器、傢俬、生活雜貨、戶外用品、運動器材等等嘅大雜燴小型百貨公司（格局類似AEON咁，當然未去到咁大規模）
四樓係：紫荊海鮮酒家，後來好似變咗做明星海鮮酒家，都算好抵食。
嗰個位早幾年丟空到而家，地理位置幾乎係荃灣正中間。冇咩特別可以用嚟靈探嘅感覺（雖然只得少量人流，但勝在樓底高，所以都叫做光猛）。希望商場快啲有人接手，可以重見天日。
利申，住咗喺樓上十幾年
13:20 就係珠海書院係海濱既圖書館，無記錯應該係6樓(全層)
海濱最正個位就係要上條電梯仔先見到成個商場中庭，即係姜濤《作品的說話》MV 開頭個廿秒。
協和商場，之前有舒適堡，有好多補習社，都好多嘢賣。收返嚟反新之後無開過。大陸地產公司，將物業同成個計劃，按爆幾十次，賣咗都唔夠填。。。。
蝕到hihi 按爆左 然後依家銀主盤出售
應該係法律問題得所困 . 協和商場沒不是太差
喜歡有新嘗試：鬼片feel嘅 bgm 👍👍👍
Hebe你好
我其實一路都係你嘅觀眾
多謝你一路都堅持拍呢一類題材嘅片
直到你今日講海濱廣場
我即刻諗起另一個商場
雖然唔係死場
但係都極之麻麻
就係紅磡嘅海逸豪園商場
我每次入親去都係小貓三四隻
如果題材適合的話
都希望你會去睇下
支持你
可以順便講埋紅磡廣場，佢入面既裝修仲係停留係８０年代
@@manwah2006 紅磡廣場上次hebe去過了
海逸坊雖然人流唔多但鋪頭種類都算多元啦。而且貪佢人少鋪位大嗰度食肆都坐得好舒服。未賣比中電之前頂樓幾層係咩呢
終於都有字幕睇
海濱廣場唯一真係入到去就係做鬼屋果時, 當時入去玩都唔算太焗, 雖一經過溜冰場時意外地好冷
商場還商場，戲院還戲院，彩虹商埸前身係酒楼，最最期叫永樂，之後叫黄金，戲院叫英華，之後叫麗斯，成四十幾年前嘅事。
係呀，最早期果度係有間酒樓，細個老豆帶過我去飲過茶
名字倒是忘了，永樂同黃金兩個名都冇乜印象
有超等位，上下層
@@stevechiang8750 七十年代叫永樂，後期叫黄金，商埸位置從来都吾係戲院，見好多留言都搞錯哂話係前身係戲院，戲院係隔離😂
講開叫麗斯...初代在旺角山東街與彌敦道交界, 後拆建新廈(後開過間M記), 後被現今之雅蘭商塲鯨吞了 !
彩虹商場個時 90年代初成日去，炒game、影印、漫畫、租機打連補習都有
「聽講」話，90年代尾，消防處巡查話個場唔符合消防條例，一係改裝，一係封場，加上當時出租率唔高，結果就變成咁…
個場聽聞以前係戲院來，不過呢個已經係老過我既野來，連同彩虹道遊樂場一帶係大形主題樂園+消遣飲食娛樂中心。呢個應該係新蒲崗出現既歷史來（舊既蒲崗村搬過來？）。
你講新蒲崗嘅歷史啱
商場本來就係商場，封咗20幾年，已經被釘契，
戲院係喺角落頭，前身叫英華戲院，後來改名做麗斯戲院，跟住執咗笠而家變咗老人院。我細個雖然喺隔離衍慶大廈長大，但我知道嘅嘢係咁多，因為我出嚟工作之後搬走咗，間中會返去探媽咪。
我都聽聞過係消防過唔到 所以封場
細個有去租過漫畫
而家新蒲崗廣場都有多少當年嘅風味
@@edwinvan8692 我仲以為成個商場都係英華/麗斯戲院，原來角落頭位先係。90年代初，經常去睇戲，古惑仔第一集都係麗斯睇。間桌球會唔知係咪叫新康，以前係新蒲崗讀書。d同學經常去新康篤波。
本人是新蒲崗附近老街坊，多謝
hebeface。有商場時已經唔係好旺，可能得附近可立學生(劉德華母校)嚟抄下game，正路註定死場，不過亦冇乜鬼故古怪嘢，可能業權問題死都唔拆。反而下面右側金行前面係郭天王兄長在金鋪刼案流彈遇害地方(他亦因此要照顧承擔照顧其姪)。樓下左側麗斯戲院前身英華戲院前面馬路，是1967中終共策動左派亂港放土製菠蘿的第一彈，同胞勿近，想起都心寒。
當時在下正在該商塲對面聖公會基德小學就讀六年級
又唔止可立，我中學讀基協，放學都會過去抄GAME，買卡，買漫畫
伍華仔都會去抄game，影印
郭天王兄弟件案唔係發生喺北角咩？
@@vttshamlam2382 我就係你間學校旁邊的孔教大成小學讀過，住係新蒲崗大厦(彩虹商場上面)，好近無籍口遲到，近四十年沒有返過去，以前坐小巴時，叫英華戲院(後叫麗斯戲院)有落。
謝謝Hebe重遊舊地，睇到好多人留言(集體回憶)，好有感足。
協和廣場一開始就唔掂. 佢被街市包圍, 做咩檔次都與周圍環境唔夾. 人流多只係去買餸. 買餸嘅人唔會上去行; 行街嘅人見到喺街市隔離, 意欲大減.
協和以前入過一次，入面真係人流少，同條街人流不相稱。
協和以前入過2,3次
好重大陸味道
以前同親友去上面間酒樓晚飯
七十年代時，地下有間金飾手錶二手店舖， 近巷仔還有一間英華戲院，年輕時在新蒲崗工作，很多時候放工都會來這裡，和附件的麗宮戲院，為什麼回憶總是美好的 ！ 🤗 👻
海濱廣塲新開時好旺，有戲院，超市，甚至有Spirit同bossin，顶樓有美食廣塲同酒楼，2樓有溜冰埸，但無以為繼😔協和廣埸前身嗰位置好似係蘭宮戲院。
重有永安百貨㖭？
蘭宮戲院喺下一條街,重建咗做豪華廣場,而家叫百悅坊,協和廣場前身係大屋圍
協和起完無耐就收皮
之後曾經有諗過返新 有裝修過
唔係裝修完就即死既
係有1-2年時間有人流
可惜.....管理不善
地下直頭賣阿婆衫 同D呃人既玉石
最後連超市冇埋 2樓對上冇人承租
D鋪又租唔到出去 慢慢就變死城
連酒樓都冇人去
返新過 頂層有food court 有街機打
今集有恐怖音效, 正
純粹個人觀察, 並非系統化研究嘅結論:
海濱 80、90 年代咁上下落成, 當時周圍無荃灣西站、如心廣場及附近嘅新樓, 只有海濱花園, 出入要小巴, 巴士, 客源相當依賴海濱街坊。雖說開局開得唔錯, 又有溜冰場之頪吸引外區客源嘅設施, 但二千年代後期西鐵伸到入嚟, 2010年代後期陸續有新盤入伙, 不但無為海濱帶來新客源, 反而仲引入新商場競爭, 一來讓海濱街坊有更多唔洗坐車都去到嘅嘅新商場, 二來海濱街坊坐車跨區消費亦更方便。最終海濱廣場無法扭轉地理劣勢之餘, 又因為長年積弱無力翻新, 無法吸引新商戶, 淪為死場。
海濱花園88-89年落成,廣場90年12月開幕,當年以位處荃葵青中心點自居又係區內第一個大商場,初時有租城巴免費接駁青衣,但荃灣就只有收費嘅238M出地鐵站,92年更近市中心又大又有免費車接駁地鐵嘅荃灣廣場落成開始令海濱廣場處於下風,當年尚算仲有永安搞優惠日頂住,但海濱廣場位置偏埋一邊,同荃灣市中心隔咗個工廠區,西鐵規劃時有計劃興建海濱花園站最後又告吹,海濱區開始老化居民消費力下降,而屋苑內本身已經有好多商舖經營民生小店根本養唔起呢個走高級路線嘅大商場,種種因素注定咗海濱廣場嘅末落
純粹係因為新世界賣盤 本身做民生野同老人院冇咩問題
堅正！我以為今集嘉賓會請老潘上黎同你一齊靈探
以前join過協和physical既18個月plan,隔日去跑半個鐘跑步機,沖涼同焗桑拿,諗返都覺得爽
協和廣場最有印象係佢入面個間玩具鋪 好多高達模型賣 入面好多個d細細間既補習班 興趣班之類 記得仲有1到2間剪髮鋪
海濱廣場除左個溜冰場之外 仲有間好似幾大間既舊式M記 仲面記得仲有文具鋪同皮鞋鋪 個溜冰場執左之後都好似有咩特別野會吸引人專登入去個廣場到🥲
之前係圍村
海濱有段時間有無線用來做商場景，當時仲有永安，而且夠靜，到永安走後，個商場就進入休眠狀態。
海濱呢家間唔時都攞嚟比人拍戲
近近地嘅姜濤《作品的說話》
陳木勝嘅《怒火》
陳果嘅《九龍不敗》
都有喺度拍過
我都正規地入過去兩三次做嘢🤫🤫
當年時常由青衣行過去海濱商場打機，再行去荃豐睇game, 睇下模型玩具再塔車返家，咁就同啲中學同學玩咗一日，好懷念，依家啲同學都無再聯絡，自己每次跑步出荃灣經過海濱都回憶滿滿，多謝拍片又令我啲回憶返嚟😄
青衣點樣行過去荃灣？有步行路徑過海？
@@monkeymonkeynibiru 有天橋係可以行的
@@pong88a 呢樣真係唔知，謝謝資料提供。
@@monkeymonkeynibiru 青衣南橋，北橋都可以行，北橋就係青衣城站旁邊的橋，可以行到海濱花園
@@TCH_HK-TY 我一直以為只能搭車上橋，謝謝回覆
小時候每年清明節就去一次海濱廣場，因為隔離係墳場, 去拜山！所以好記得入面有間老麥，仲有間日本城
三十年前仲有戲院，有永安，有高級餐廳，酒樓，今日變成咁只是不肯拆卸的結果，係要留個廢墟獻世。
@@3399john 唔係咁，係有財團買咗唔發展，升咗值又賣出去。 有講過做購物城，國際學校，仲話要在頂樓加建，搞到海濱無咗個商場七，八年。
協和廣場由我有印象開始已經係超級死場
我自己係估因為本身周邊都係街市,貌似人流好旺
但實際上大家都係為買餸
唔會亦唔想入去買野
加上荃灣的商場都係多到一個點,而且基本上都有天橋連接
佢係呢個位幾乎係連唔到天橋
所以同樣道理的地皇廣場都係咁半生不死
其實本身目前Aeon荃灣店的海灣廣場我細個果時都係死場咁
唔係有Aeon同連天橋都可能變成另一個海濱
海灣廣場印象係Aeon搬左過黎先番生 (之前Aeon係荃灣廣場)
依家Aeon個位係叫灣景廣場先啱，以前細個淨係會去地下嗰間冒險樂園😂
@@mastervideo4766 以前灣景廣場都唔弱架、有家樂福兩層
依家 Aeon + 連天橋, 逢星期三旺過荃新天地同如心1 期
我記得細個住青衣，要玩波波池最近都一定係去灣景廣場冒險樂園到玩
幾年前工作需要要去一個位於海濱廣場既區議員辦事處交d資料
當初連海濱廣場都唔識係邊，搭的士入去，之後問人：「海濱廣場三樓301號舖點行？」
個叔叔同我講：「個商場執左好多年喇細佬！」
我當時嚇到以為自己遇到鬼故。。。
咁之後點？入唔入到去
@@HEBEFACE 之後個舖位係商場外面...所以仲運作緊，咩事都無🤣🤦只係我個問法令佢以為我要入去商場
全個商場閂咗門後,區議員由3樓搬咗落2樓平台入口旁邊原本係洗衣店嘅舖頭,再自己開個新門口向平台,而且因為平台無廁所,當時區議員係揸住商場鎖匙方便出入3樓個廁所,但聽講佢喺呢個舖位咁耐就病足咁耐,幾年後就搬咗
@@wm8190 我記得蘋果未俾人整死前，有條果籽片係去訪問依位區議員，由佢帶記者去參觀依個封左的商場
@@windtetsu 我都睇過條片
海濱廣場好多年前未封個陣去過，個時溜冰場仲有開，不過成個場D燈好暗。
同埋個場地理太唔方便，街客唔會特登入去
如無記錯 2006, 2009/10年去過一次 海濱廣場
2006年係同朋友去溜冰, 其他野已經唔記得
2009/10年(唔確定) 再去果時 印象比較深刻, 因為最頂果層已經無鋪口, 燈唔係全開, 扶手電梯上最頂果層都停左但重行到上去。
最頂應該係老人院，下一層係珠海書院陳濟堂圖書館。
@@lautoby9165 老人院（4、5，前永安百貨）低過圖書館（6）
協和內籠裝修後曾經招租，都好靚，可惜樓下街舖既雜物阻住，招租都困難
海濱可能真係風水問題，靠住個墳場間唔中又有鬼故聽下，想旺都難
彩虹中學lunchtime經常去，第一次裝女仔裙底就晌呢個場嘅樓梯轉角，個女仔係隔離校嘅
海濱衰位置，距離荃灣市中心遠，交通又差，商場只服務海濱花園既住客，店鋪又唔完善，應有盡無，連住客都寧願出荃灣買餸，商場無人行，店又執笠，後尾又話有人接手，最後流料⋯但點都好，位置註定係死場，
記得當年電視台都有報過因為格仔鋪超細兼管理出現問題
協和廣場，未拆前身叫大屋圍一條小型圍村，而哥哥張國榮的金玉滿堂都在這裡拍的
其實你尼份工作有風險，始終人哋地方係私人地方，而且咁殘舊嘅地方，好危險。叫救命都未必有人理，以為有鬼或道友喺度叫。一切小心，支持你！
感謝hebe哥,小弟以前係海濱果間書院讀過三年書,個場果時都已經冷冷清清咁,空堂都有去過海濱間m記打等😅果時冰場都好似無開,我地書院果時租左3樓幾個舖位做圖書館,不過我地都好少去我讀三年都係去過一次咁大把
講真果個位其實都幾格涉,我果時返學要轉三輪車先入到去,有時早放學都係行返出荃灣算,廢事蝕車錢,果時都未有荃西站
以前會喺協和廣場舒適堡做GYM,中午夜晚食飯泊車又方便
樂悠居商場本身是舖王波叔持有, 變左死場, 1樓餘下8間店, 惠康, PandaMarket, 診所, 髮型屋, 小型社區中心, 補習社, 郵局和順豐智能櫃 ,上年放賣左, 現正裝修中, 可以去睇下, 希望唔好似協和廣場咁! 另外, 海濱廣場間中有人用來拍戲用.
協和入過去，入邊有幾間補習，不過好多位唔知點解幾步路就有啲樓梯，要啲人上上落落。
加上啲通風唔好，冷氣有陣味，所以越來越少人。
協和廣場前身係大屋圍。以前裡面係有間租碟鋪，一間冒險樂園咁嘅鋪頭，再樓上有間gym room 。
利申：荃灣友
好大間physical。
協和以前係有規劃過一個室內街市，即係後門恵康嗰個位置（需要落一層），但商場岀面已經有個街市同楊屋道街市，租唔去先變咗做惠康
你開心，我安心。閣自努力。
協和末封之前其實都係冇乜人行，大部分都係小店，除咗有間健身中心（唔記得加洲定舒適堡）同埋惠康呢兩度係多啲人流之外其餘地方都係靜過鬼
海濱末沒落之前都有入過去 果時仲有溜冰場同M記同埋好似仲有間百佳有啲人流其餘地方都係差唔多冇人流 另外商埸入面有部份鋪位比珠海學院租左黎用
利伸：細個果時荃灣人
係舒適堡
最高果層仲有個收錢嘅兒童遊樂場
一路讚。一路睇
當年曾經在協和廣場補習，上面仲有間 play room
協和廣場因為老闆財政問題變咗銀主盤，如果有投資者買咗就可以開返，裏面嘅設計好正
協和廣場以前去過、唔記得4定5樓係間茶樓、而下一層就好似西九龍中心頂樓咁好多遊戲機。
跟住到尾期開始變死場頂層租晒比舒適堡
協和廣場係荃灣知名金句模型店, 第一代知源玩具模型既創始地
彩虹商場，佢嘅前因我自己就唔係太清楚啦
我自己憶起就係小學嘅時候即係講緊06至08年左右商場正門門口曾經租咗比就係09年嗰張圖嘅南方行嘅鋪頭仔嗰間嘢就買啲雜物嘢食多同埋有得夾糖因為都幫襯過好多次所以特別有印象，同埋大廈應該係同商場連接嘅當時搵朋友撳錯樓層2-3樓𨋢門打開後發現係好黑咁嗰陣時仲係仔所以驚就冇應該就係通商場嘅
細個中小學都係附近讀書，彩虹商場係90年代超任時代就開始有人流。附近既學生放左學就去，入口樓梯邊係雜誌店，最旺係又有GAME COPY又有得俾五蚊打15分鐘機既舖頭，視乎你屋企有無機同埋想唔想同人挑戰，分佈係1樓同3樓，個時我同一間COPY GAME舖熟左，由20蚊一隻碟玩到後來5蚊一隻碟。商場內亦有賣正版GAME、遊戲配件、攻略同CONSOLE既店，我個UFO都係果度升級做32M(唔係打唔到街霸同DONKEY KONGIII)；其次係有模型店，模型好平，15蚊就有盒高達戰艦，30蚊就有盒1/144(當然唔係HGMG)；其次係有小食店(1,3樓)、橡皮糖店(3樓)、有人賣飯盒熟食(3樓, 9蚊一隻油髀)、有比印傭打躉既舖頭(2樓)、有漫畫店(1樓3樓)、有電腦店(唔記得幾樓)、有花店(2樓)，仲有一D賣下女仔野，但我又唔會去睇所以唔記得賣乜，我個童年有20%係果度渡過。都係專做青少年巿場。我唔再係附近讀書時個場亦完全封左，我都有點唏噓。好多人話前身係戲院，應該唔係，戲院係再前D近公園仔同巴士站個個角落地方，間戲院叫麗斯，都係三級小戲院黎。
多謝你嘅分享 你一定好多回憶啦！
美好嘅時代⋯
Hebe會唔會考慮下除左舊嘅荒廢嘅商場，都介紹下現有 有一定歷史嘅商場？例如沙田新城市，荃灣廣場呢D已經裝修過，成個場唔同晒嘅商場~可以新舊對比下
以前住新蒲崗大廈c座，樓下就係酒樓，門口仲有一檔報紙檔，細個响度買唔少公仔書，後尾搬走咗就冇返去睇過，多謝hebe帶我舊地重遊🙏🙏🙏👍👍👍
係，有檔報紙檔，80年代，仲有一間涼茶鋪的。
海濱廣場最記得頂層美食廣場食過排骨上海麵，豬扒分開上，好好食
多謝Hebe等我瞭解離開後HK嘅變化⋯⋯ 無盡傷感及無奈😮💨！期望大家健康平安！
荃灣栛和廣場以前有間茶樓都幫襯過， 好快就執咗笠。
前身呢度間圍屋都入過去睇過下天台間廟
Thank you hebe! 我已經8年沒有回香港了. 影片好有回憶, Thank you :D 我既童年回憶係美孚新邨, 你有時間去睇下行下? ( From Vancouver )
多謝你係海外收睇！我會研究一下~
協和啱啱開果時係幾靚咖，有工聯會購物中心，賣電腦同模型既鋪頭，有類似冒險樂園既鋪頭，第4層又有間酒樓，另外我都經常去Physical去做Gym，開始果時地方又大又覺得方便，但係後尾個商場啲管理都係真係好唔掂，成日夏天大熱天時都可以無冷氣，我諗Physical都應該頂唔順佢😆，宜家搬到去八咪半果邊點都覺得無以前協和咁方便同埋已經細咗好多，最衰係間商場管理到晚年真係管理得好差，變曬個死場🙃
之前珠海書院仲係度讀書個時海濱仲有啲食肆同少量民生野
細個成日去海濱踩冰，協和就08年個陣有係個度做尖
彩虹商場: 魚檔當年係戲院...
海濱: 當年拜完山去食野同涼冷氣... (好似有做過疆屍主題既野...)
彩虹商場對面小學校友揮手...
基德 🙋♂️
基德
What about Tai Shing?
基德🙋♀️
海濱廣場以前未圍封前入過去行1次
當時已經得返百佳＆M記
仲有一間護老院
每年去荃灣華人永遠墳場掃墓時一定會約親友喺嗰度等
我是為個 icon 入來給讚
海濱 我每年拜山先會去。。
要荃灣再搭車入去唔方便。。
去一幾年 得番幾間鋪同M記，廣場大部分燈己關
彩虹商場以前會去抄game，印象中有啲影印舖，印象中未執前啲鋪都無 5成租出
隔離麗斯戲院未執前都有啲人上去商場。
我既童年回憶得番彩虹機舖仲未執🤣新康，新光波樓，宜利機舖都執晒
以前協和廣場G至2樓都有人流,3樓以上就好多吉鋪
彩虹商場買明星相之外,有中港巴士呢度(好似係)
協和廣場有超市,玩具鋪買衫
記得細個嗰陣時去過海濱廣場，嗰度有一間食自助餐 。