Karakia Tawhito

Takina ake ra te tai tara ki Motukokako,
Whakataha ia ra te tikitiki o Tu-te-mahurangi
He manu kawe i nga kii ki roto o Pou-e-rua
Nga kohu e tatao i runga o Rakaumangamanga
Kei tahuna tapu te riri e
Whai mai ra ki au
Tena ra pea, koe e Pa e te Apatunga!
Te korero a Wharena
Kia houhia te rongo
E kore e mau te rongo
Ka whakarauika a Ngapuhi
Ka tu Taiharuru te moana
I hoea ai e Ngatiwai
Ki raro ki Putawiri
Ka mate ki reira ko te wehenga
Ka ora ki reira ko te au Kumroa
Nga tai e to na ki waho o Morunga
He au here toroa
Whai mai ra ki au