هاد الوصفة حافظيلي عليها😌إكلير المحلات😍(ليزيكلار) بعجينة الشو الناجحة.بمقادير مضبوطة و أسرار نجاحها👌

#أم_عبد_النور #اكلير #الجزائر
💓💓وصفة ليزيكلار من قناة أم عبد النور💓💓
🌸ملاحظات👇🏻👇🏻
الكاس المستعمل 240مل
مدة الطهي:من 50دقيقة الى ساعة
درجة حرارة الفرن:180°(و نقصولها غير شويا)
🌸مكونات عجينة الشو من قناة أم عبد النور🇩🇿👇🏻
نص كاس حليب
نص كاس ماء
مغرف صغيرة سكر
نص مغرف صغيرة ملح
125غ ماغرين طرية و مقطعة(2مغارف كبار معمرين)
كاس و ربع فرينة
مغرف صغيرة لافاني
4حبات بيض(+نص حبة بيض اخرى و نتوما ديرو غير 4 حبات بيض يكونو كبار)
🌸كريمة الباتيسيير👇🏻👇🏻
2كيسان حليب
مغرف كبيرة و نص معمرين مايزينا
نص مغرف كبيرة معمرة مليح فرينة
نص مغرف كبيرة لافاني
حبة بيض
مغرف كبيرة مارغرين
2مغارف كبار بودرة الشونتي(اختياري)
🌸للتزيين👇🏻👇🏻
200غ شوكولا
2مغارف كبار حليب ساخن
مغرف كبيرة زيت

[@MohamedMoh-dg2bq]

ادعوا لختي ربي يرزقها بذرية قلبها راهوا محروق دعوة غريب مستجابة وربي يجعلهالك في مزان حسناتك بليز متتجهلونيش

[@user-jc7qc9kj6y]

ربي يعمر حجرها ويفرحها يارب

[@meddoursabrina638]

أنا راني بلحمل وتوجوغ ندعي ربي سبحانو يرزق كل انسان محروم بالذرية الصالحة يااااارب يحنين ويكريم ازقها وارزق كل انسانة طيبة فاقرب وقت

[@user-sb2gb6rh2n]

يا رب يرزقها ويرزقني انا تاني ويرزق كل مشتاق الذرية الصالحة انا عندي 19 سنة و مزال على باب الله نطلب و ندعيه يرزقني ان شاء الله يفرحني ويفرح اختك وكل محرومة من كلمة ماما 💔😢🤲🤲🤲🤲

[@aminaamona5620]

ربي يرزقها بذرية الصالحة ان شاء الله

[@takioron174]

ربي يرزقها ويفرحها ياربي 🤲🤲

[@loveme-zp1gn]

كفاش هاد القناة موصلتش للمليون و وصفاتها ناجحين

[@Lisa-jg5oc]

ديري لنا وصفة القلب اللوز ولا شامية شكون معايا يدير جام باه يطلع الكومنتار وتشوفه

[@oumselsabilrwn7156]

راهي دايرتها حوسي فالقناة

[@abedabed9129]

راهي دايرى شعال من وصفه دخلي لقناة وحوسب

[@oumselsabilrwn7156]

جربتهم لبارح خرجولي روعة كملوا في دقيقتهم ربي يحفظك ويعطيك صحة

[@user-cl6bs3wy2e]

زعما تجي بنينا

[@oomalaa5298]

سبحان الله كنت غير نخمم نديرهم ومالقيتش لاروسات بلا ميزان حتى لقيت ام عبد النور دارتهم ❤❤

[@embzah7687]

دربي طلة عندي وصفات سهلة و سريعة بلاك تعجبك وصفاتي الله يفرحك ديريلي ابوني

[@user-hz9ew4lc7r]

كريمة زوج كيسان حليب وزيد 4 مغرف كبار سكرحبة بيض ومغرف ونص معمرة مايزينة ونص مغرفمعمرة فارينة ونص مغرف لافاني ومرغارين وزيد زوج مغارف شونتي

[@chaimahamada2403]

ربي يلطف باخوانا في سوريا وتركيا والله يرحم لي ماتو يعطيك الصحة ام عبدو والله الوصفة تشهي تسلم الأيادي

[@safaatv-yp5hx]

دريلي أبوني لله يخليك😃

[@hocinemechta4157]

تقول طليتي على قلبي يعطيك الصحة انا والله مع هاذ البرد راني داخلتها عليهم غير الكعك تاعك يهبل ميما و جربت شحال من حاجة روعة

[@marwalifa7658]

شكرا أم عبد نور بزااااف على هادي لوصفة خرجت تهبل والله ربي يحفظك

[@minouchaminoucha4972]

ها ميمة يعطيك الصحة راهم يشهو مع هاذ البرد ان شاء الله نحربهم راهم في خاطري 👍👍👍🫔🫔🧇🧇🧇🫔🥞🥞🥞🥯🥯

[@Decor_khiyata]

اللي دارت لي ابوني روحي يا أختي الله يخلي شملك مجموع وكلامك مسموع وين ما رحتي وربي يعطيك وقفة في مكة ويعطيك برنوس الستر ولهنا وصحة وسلامة يارب

[@fatimaassia6570]

راني حابة نجربها و خايفة متنجحليش بصح منين راهي الوصفة نتاعك نجربها وعينيا مغمضين شكرا حبيبتي ❤️ ربي يخليك لينا ملكة المطبخ

[@safaatv-yp5hx]

دريلي أبوني😁

[@Bnz984]

😮راني فرحانة اول مرة يجيني هايل الله يعطيك الصحة وصفة ناجحا 100 / 100 الله يجعلها في ميزان حسناتك

[@Sara_95bou]

طيبتيهم في كويزينيار ولا فور؟؟؟

[@zizou9070]

ربي يحفظك ويفرحك يا اختي يا أم عبد النور هذا شحال وأنا حابة ندير ليزيكلاغ 🥰 يعطيك الصحة.

[@hiba2032]

ربي يرزقها ذرية الصالحة❤

[@user-wy6mg2gm3l]

اختي ام عبد النور والله غير نووووور عليكي انتي مثل امي نحبكم بزاااف ودايما نتستناك ديرينا وصفات جديده ربي يحفضك ويسعدك دنيا وآخرة و غير نموووت عليك ونبعد نقول لأمي ديرنا هاذي الوصفه دائما انتي في القمه انتي افضل طباخه عندي واتمنى انك تثبتيني ارجوووك ماتكسريش خاطري وثبتيني كل دعوة خير ليكي اختي او امي ام عبد النور انا دايما فخورة بيك وبوصفاتك الشابين ارجووووك ♥️♥️♥️♥️♥️♥️♥️♥️🥺

[@youyouticno8473]

جربتهم اليوم هادو لي زيكلار وش نقلك يا ام عبد النور الله يعطيك ماتتمني توب تعصح برافو نرفدلك الشابو سيت سحال من الحاجة نجحولي كامل الله بعطيط الخير علا الخير

[@matbakhoumabdenour]

بصحتكم حبيبتي مرة جاية حطيهم تطبيقات في القروب تع فايسبوك ميما ☺️

[@abdessamadabdessalam3480]

جيت نشكرك راني جربت ليزيكلار خرجو تحفة يهبلو وخير من تاع برا ربي يفرحك حمرتيلي وجهي الله يعطيك الصحة ❤️

[@Lounalina0902]

ختي لازم فرن بالمروحة؟؟؟

[@abdessamadabdessalam3480]

@@Lounalina0902 لا ختي عندي كوشة تاع الحديد تاع زمان

[@user-zh4qm9fy4e]

الراعي الرسمي للوصفات السهلة الممتنعة
اي حاجة نخافها ماتنجحليش ندير ام عبد النور حبيبتي وصديقتي ربي يفرحك درتهم خرجولي تحقة تحفة تحفة ماتوقعتش خلاص ننجح فيهم

[@aminasadhouari2412]

سلام اختي راني درتهم دروك خرجو روعة ربي يحفظك ويفرحك

[@fatimahouda7701]

راني من البارح وانا نستنى فيهم غدوة ان شاء الله نجربهم مشكورة اختي على الوصفة

[@hmidaahmida6370]

قوليلنا كيتجربيهم كيفاه جاوك

[@yousefmahboub4786]

وشني النتيجة

[@malakemalake9062]

درتهم و جاوني يهبلو يا اموعبد نور كملي خيرك و ريلنا كوزنيار راني حابة نشري و معرفتش

[@karimasalem7738]

سلام اختي ام عبد النور يعطيك الصحة والعافية، الله يرحم الشهداء زلزال يارب، راني جربت الوصفة تاع جينواز والله العظيم جات خير من تاع المحلات مشكورة على المصدقية تاعك 👍👍👍💐💐💐💐

[@nourzizo4103]

من البتتيسري المفضلة عندي بزاف نحبها ما شاء الله عليك وعلى وصفاتك الرائعة مشكورة 🌹🌹😘😘😘😘 راكي في القمة نتمنى ديرينا اطباق رمضان سهلة واقتصادية وصفاتك اصبحو رقم واحد عندي لانه ناجحة _

[@safaatv-yp5hx]

دريلي أبوني

[@mimisam2666]

ماشاء الله جاو هايلين يعطيك الصحة حبيبتي ربي يحفظك وشكرا على الشرح الدفيق في ميزان حسنانتك موافقة ان شاء الله.

[@safaatv-yp5hx]

دريلي أبوني

[@nazihaouchene4778]

يعطيك الصحة ياختي على المصداقية والنية والله انا نديرهم بهاذ الطريقة ويجو هايلين ونتحيلك على التقنيات مهمة لنجاح الوصفة ونترحمو على اخواننا المسلمين 😭😭🙏🙏في سوريا والترك

[@oumhamasset2812]

نموت على les éclairs يبانو يشهو روعة 😍 الله يعطيك الصحة حبيبتي ♥️
الله يرحم جميع ضحايا الزلزال و ربي يتغمدهم برحمته إن شاء الله يا رب 🤲🏻

[@user-zm8uc4gh3w]

يعطيك الصحة و شرحك يدير للواحد الكوراج بأه يديرهم ربي يبارك ❤️❤️❤️❤️

[@aminemohamed6453]

ربي يحفظك ام عبد نور درت لي زيكلار وخرجو روعة الحمد لله كل وصفاتك ناجحين

[@gaimer2152]

يعطيك الصحة على الوصفة. جات في وقتها مع الفروض والاختبارات وربي يرحم اموات زلزال سوريا وتركيا

[@louizahouichi4988]

روعه ماشاء الله تبارك الله اللهم ارحم موتى المسلمين مسكينه طيلة تتفكري كل واحد الله يفرحك

[@ahlemeallali9162]

يعطيك الصحة درتهم و خرجولي هايلين
سلام من فرنسا

[@haniabenali2959]

شكرا جزيلا،لأول مرة نخدم ليزكلاع ،الوصفة ناجحة مئة بالمئة بفضل شرحك الدقيق و الكامل

[@SamSung-bd5xu]

Slm oum abdnour ya3tik saha 3la wasfa les éclairs magnifique macha allah top de top merveilleux habibti tohfa ghazel hayel vraiment formidable taslam ayadi bsahatkom bisaha walhana naharokom zwine bi tawfik wa najah dawman ya ghaliyati b8 👍👍💖💖💖👌👌🌹🌹🌹👏👏💜🧡💛💙💚❤💑💑💑🌺🌺🌺

[@bibabiba2023]

ام عبد النور حبيبتي ديرهمنا مالحين ثاني و يعطيك صحة ميما❤️❤️💋💋

[@faridmca5423]

طريقة شرح رائعه انا اليوم اشتركت ربي يوفقك

[@user-wf3yr9qx8b]

سلام اختي يا اختي شانقولك هبلتينا بليغوسات يهبلو خلينا نديرو شوية ريجيم رانا مدمنين عليك البارح درت غراتان تاع الدجاج والبطاط يابنيتي الله يعطيك الصحة الله يفرحك كيما راكي مفرحتنا ويشدلك في عبد النور وصفاتك روعة توب

[@ritejbenouti8547]

اممم راهم يشهو خرجو روعه نجربهم ونرد لكم الخبر اللهم ألطف بإخواننا وارحمهم برحمتك يا أرحم الراحمين

[@kayrakira2641]

يادرا كجاوك اتي

[@bibabibo9999]

شكرا جربتها رووووعة كيما نتاع المحلات مالفة نجرب وصفات اخرين مي هذي والله رائعة❤

[@Oummehdi26]

الله يبارك جاو روعة جربت لاسوب تاع البارح وجات روعة يعطيك الصحة

[@zakariaelagrari3279]

ملي كنت صغيرة نبغيهم قاع فالابتيسري نبغي هذو صحيتي ميما ربي يحفظك ياربي برك نشري لابوش ان شاء الله راكي مسامحة حنونة شكرا جزيلا دمتي وفية لنا بسلامة تهالاي في روحك

[@mohamedyoucef8286]

سلام عليك ام عبد النور الحمد لله راه لحق الفيديو الله يعطيك الصحة شهتيني 😍

[@moonsnieghte2896]

ام عبد نور حبيبتي نقعد كل يوم نكتبلك حتى ديريهلي ههههه خاصني لمقيرط التلمساني ووصفة سكندرانيات بجوز الهند الله يفتح عليك ويفرحك بعبد نور وبصحتك ختيتو

[@matbakhoumabdenour]

نديرهم لحبيبتي والله ماني ناسيا خيتي

[@moonsnieghte2896]

@@matbakhoumabdenour ربي يحفظك ويخليك لينا راني كل يوم ماكلتي وعشويتي من عندك الله يعطيك ماتتمناي

[@moncefabbassi1320]

يعطيك الصحة ام عبد النور راني جربتها وجاتني روعة فرحوا بيها ولادي

[@firashellali4110]

يعطيك الصحة درتهم ليوم لقهوة لعشية جاو روعة ناجحين يهبلو ❤ هبل عليهم راجلي

[@amalbachir7659]

نموت عليهم يعطيك الصحة حبيبتي وقلبي وقاع شعندي وصفة ماشاء الله ❤️ ميمتي حمبوك ديريلي بقلاوة الكاذبة حمبوك لي تعجي عجينة صابلي حابة نديرها 🥰😘

[@basmalasihama3972]

ربي يرحم موتانا وربي يلطف بينا و ربي يحفظك اخت ام عبد نور

[@tataoui8868]

الله يبارك ما شاء الله عليك أم عبد النور جاوك الله يبارك هايلين يسلمو يديك 🇩🇿🇩🇿🇩🇿

[@ghachiferiel4579]

راني درتهم و ناجحين خرجولي ماشاء الله يعطيك الصحة ختي ♥️♥️

[@amiro-habibi]

اللهم ٱمين يارب العالمين 🤲🤲🤲🤲 بارك الله فيك حبيبة

[@user-ld6db3yd6q]

ماعندي مانقول مرا ونص وخليلك صحيحتك 👏👏👏👌🏻👌🏻

[@user-jv6yg8ud6l]

تسلم ايدك يا قلبي هدرتك من القلب وما طولتي ما ولو اول مره منملش من فيديو في ليوتيوب ريح نجربهم انشاء الله منبعتكي من تبسة ❤❤

[@user-bz2zb7rt4z]

بغيت ننبهك "إن شاء الله" تكتب متفرقة كي لا يختلف المعنى

[@riadkhordj6261]

الله يرحم خاوتنا في تركيا وسوريا😭😭😭😭
الله يعطيك الصحة حبيبتي الغالية راكي فالقمة😘😘😘👍👍👍🇩🇿🇩🇿

[@dadidoda116]

بارك الله فيك وفي والديك وفاليدين الزينين لي يقطرو عسل ويمدو الوصفة بمصداقية

[@asma7799]

يعطيك الصحة حبيبتي 💗❤
و ربي يرحم اخوتنا المسلمين ضحايا الزلزال 😢💔🤲

[@djafichaima1597]

ويااااا كل وصفة نجي عند خيتي تخرجلي توووووووب راني كل مانسحق خاجة نجي هنا ربي يحفضك ويخلسك ويرزقك من بابه الواسع ياربي❤

[@user-ev5gt4md3h]

يعطيك صحيحتك ولله غير ضحكتني عندك صح انا كنت نطيب لناس داري تقولي عجوزتي ايه فرينة شابة ويلا درت مسمن تققول ايه سميد فيه لعلك اه هدايا واش نديرو ههههه

[@rakallami8600]

انا ديما نديرو دخلت عندك لقيتك اديريه بنفس طريقتي لي عبيتها من الشاف ماما نعيمة كي كانت اطيب فالشروق

[@nouratabale4684]

الحاجة الوحيدة الي درتها شحال من خطرة و عمرها ماصلحتلي ، بصح الوصفة تاعك والله غير نسييها ان شاء الله تصلحلي

[@kortalikortali9841]

امممممم درتيلنا القلب ربي يحفضك

[@safaatv-yp5hx]

دريلي أبوني لله يخليك😃

[@user-vs3gc3zb4w]

ام عبد نور انا نموت عليك يا عمري يا قلبي والله العظيم ما عندي مانزيد عليك كل.وصفاتك في القمة

[@user-px1ei3ej3o]

كنت نتمني نكون أول من لي يديرو لي جام لحبيبتنا بصح الله غالب وصلت روطار راني كنت مع قناة العربية وڨلبي راه يتڨطع على خوتنا سوريين والاتراك الله يجيب الخير

[@user-oe9tz5rl6v]

الله يعطيك العافيه الفرينة بالميزان

[@ImaneImma-lu5jx]

جربتها وجات تهبلللل فارغة من داخل وماهبطتش خاطر خليتها
45دقيقة طيب كي حمارت وطابت حليت فور شوي وساعة باه جبدتها من الفور ماهبطتش

[@omyasser4483]

ماشاء الله لا قوة إلا بالله

[@safaatv-yp5hx]

دريلي أبوني لله يخليك😃

[@HamdoulilahHamdoulilah-zi2sh]

اللهم صل و سلم و بارك على سيدنا محمد و على اله و صحبه و سلم تسلما كثيرا

[@abdadasasata]

صلى الله عليه وسلم الله يرحم اخواتنا المسلمين في سوريا وتركيا الله يلطف ربي يكون في عون يعطيك صح ام عبد نور

[@azdinearabi2491]

صباح الخير أم عبد النور والله غير تقولي طليتي على قلبي شحال وأنا نحوس على هاذ الطريقة ربي يعطيلك ما تتمناي ومتنسايش با الدعاوي نتاعك باه ربي يرزقنا با الذرية الصالحة آمين

[@mamatmohamed2405]

ربي يرحمعم و يجعلهم من اهل الجنة و ربي يرفد عليهم هدي محنة والله السوريين يقسمو القلب

[@polinateurpilay3002]

يعطيك الصحا حبيبتي كل وصفة نحسها صعيبة كديره أم عبد النور تجين ساهلة يعطيك الخير

[@nadiakhidaoui9139]

يعطيك الصحة اليوم الصباح ماقضيت حتى حاجة قاعده فاتحة اليوتوب ونقارعلهم

[@assiamosta446]

الله يبارك طلتي علا قلبي موت عليك😘😘😘😘😘😘

[@ishakbihi1131]

درت الكعك تاعك وكي جا ميمة واش نن هشوف وطراوة جاني كي القطن يعطيك صحة البيض راه عزيز لا جابلي راجلي نسيي هدو ليزيكلار ربي يفرحك

[@sahraouisiham201]

الله يبارك عليك وربي يرحم لي ماتو

[@nanounana7481]

جاوك يهبلوا حتى الكريمة راهي تبان بنينة الله يعطيك الصحة حبيبتي ام عبد النور

[@slimannasroslimannasrokadija.c]

سلام ختي انة من مغنوية ومتزوجة فتلمسان دعيولي ربي ولدي يشفيه دربته لوطو وبغيت المتتبعين يدعيولي ربي يشفيهلي سليمان ولدي

[@assiarh9826]

جربتهوم و جاوني هايلين يعطيك صحة ❤️😉🥰

[@hmidaahmida6370]

ساهلين في خدمتهم إختي

[@assiarh9826]

@@hmidaahmida6370 ساهلين انا كنت نعمل ف لعششا وجدو مع بعض

[@istabraqhamdani1955]

شكرا شكرا عندي راني نقارع فيهم كنت نستنى فيك ديريهم سييت قاع وصفاتك روعة وحبيت هذي الوصفة من عندك فرحت كي شفتهم نسييهم ونقلك

[@neffousabdellah3994]

يعطيك الصحة بالتوفيق دمتي متألقة حببتي ❤️ ❤️ ❤️ ❤️ ❤️
خيتي ماذامني نتبع ام عبد النور منننقص ما نجيب بيبي ههههههههه هههه الله يحلي يامك انشالله ويحفظك من كل شر تووووؤب

[@user-bi2gu9hr4d]

كعشيتي خيتي وحبيبتي وصديقتي وقاع شتا عندي جاوك يشهو المسقم نتاعي يموت عليهم شفت الفيديو خيانة يولي يشوفهم ويقولي نوضي ديرهملي دورك واك قاعد غير يتوحم ربي يحفظك ويعطيك صحيحتك ويباركلك في ذريتك امين يارب العالمين

[@nadjibmosta3530]

صاي طلع الفديو الحمد الله ربي يوفقك متتبعة داءمة من مستغانم

[@ratibakdm7737]

وصفة راىعة حبيبتي ام عبد النور نحب ليزكلاغ والله غير قلوبنا مع اخواننا في سوريا وتركيا ربي يرحم الموتى ويستر امة محمد عليه افضل الصلاة والسلام

[@ROIYADZ]

اول تعليق ربي يحفظك اختي

[@oumayoubdz]

فضلا وليس امرا ادخلو عندي ربي يرزقك الخير يارب العالمين 🤲❤️

[@hichmed9228]

عجبتني الحية بصح لي يعجبني فيك هدرتك وزعاقتك ادعلي اختي ربي يفرج عليا بالدرية الصالحة كيتها يعلم بيها غير ربي صبحانو

[@user-ug1sk7wf5n]

ديرينا روتين نشوفو حبيبتنا ام عبد النور كيفاش دير بين التربية والدار و اليوتوب

[@asmaalacheb]

يعطيك الصحة راهم يبانو يشهو 😍😍😍

[@houdabns5049]

ياحبيبتي ام عبد النور البيض راه غالي 😭😭 25 دج للحبة إن شاء الله نجربها بسكو راهي تشهي وصفاتك مضمونة وناجحة يعطيك الصحة

[@soukad761]

يعطيك الصحة، ههههه عجبتني تع لي قولك الفرينة مليحة، انا كسرة من نعجنها جيني شابة ملي كنت في دارنا عجوزتي تقولي الفرينة شابة😂😂😂، هدي عليك انت 😜😜😜

[@HoudaCh-ok9og]

ربي يحفظلك الصغيرعبد النور تفهمي غاية الله يبارك علابيها وصفاتك ناجحين يعطيك الصحة ويخليك لينا

[@Sousoutlemcen_]

امييين حبيبتي والله فاجعة عظمى ربي يعينهم ويلطف بيهم

[@wrdess4434]

وصفة رائعة جدا يستحق تجربة الله يحفظك يا رب العالمين والصلاة والسلام على رسول الله صلى الله عليه وسلم على نبينا محمد وعلى آله وصحبه أجمعين وسلم تسليما كثيرا طيبا مباركا بالتوفيق

[@SalihaSali-bb6qd]

مشاءالله استاذة فى طبخ في ميزان حسناتك ❤❤❤❤❤❤❤❤❤❤❤❤❤❤❤❤❤❤❤

[@user-pg6qp7fw3b]

صباح النور ام عبد النور هدرتك رووعة ماشاء الله

[@Om_Mariamwmohcin31]

ياختي ام عبد النور من صباح راني نقارع في الوصفة
وربي معا الإخوة السوريين والاتراك وربي يرحم الموتى ويشفي الجرحي

[@nadiatabache9147]

سلام عليكم يعطيك الصحة هاذي هي لي كنت نحوس عليها برافو تحياتي ليك من فرنسا انا شلفاوية رانا غ جوارين هههه

[@Oumwiam922]

اللهم صل وسلم وبارك على سيدنا محمد وعلى آله وصحبه أجمعين لا حول ولا قوة إلا بالله العلي العظيم الله يعطيك الصحة الميمة ❤

[@zazasetif7469]

عقليتك هي الحلوة ياختي ناس ملاح ونية بكري اللي انقارضت ربي يجعلها فميزان حسناتك .غدوة بربي نسييهم ونردلك لخبر

[@SalahSalah-pm6nj]

ام عبد النور ربي يحفظك ديرينا معمول التمر تعيشي نحب وصفاتك

[@nourmarwa8979]

ولااروع

[@sihemmammar4540]

ام عبد النور وينتا تديرلي المقروط تاع حشو القرفة انا مانبغيش الغرس.

[@oumayoubdz]

فضلا وليس امرا ادخلو عندي ربي يرزقك الخير يارب العالمين 🤲❤️

[@matbakhoumabdenour]

يامات و نديره لحبيبتي ان شاء الله قبل رمضان ☺️

[@sihemmammar4540]

هابنيتي شانقولك ربي يحفظك هذيك هي باش نديره للعيد إن شاء الله

[@ratibabelhallouche6241]

امين يارب العالمين الله ما صلي وسلم على محمد صلى الله عليه وسلم وادخلنا بصحبتهي جنات النعيم الفردوس الأعلى وجميع اخواننا المسلمين امين يارب العالمين