БУЛАТ БАДМАЕВ - ЗYРХЭМ ЮУНДЭ ДОhОЛШООБ

Буряадай арадай поэт Алексей Данилович Бадаев нэгэтэ уулзаад намда хэдыхэн шүлэгүүдээ үгэжэ ,аялга зохеожо туршаарай гэжэ захяа бэлэй. Тиигэжэ " Зүрхэм юундэ доһолшооб " гэжэ дуун мүндэлһэн. Бага наһанһаа хойшо энэдхэг кино хараха дуратай, дуунуудыень гоешоодог байһан ушарһаа энэ дуунай аялгань энэдхэг маягтай болоһон байжа магадгүй. Анха түрүүн Булат Гомбоев найзамни дуулаһан байбашье энэдхэг дуунуудые дуулаха дуратай Булат Бадмаев олон жэлэй туршада гүйсэдхэжэ ябана. Һаяхан шэнээр фонограмма хэгдээ, найруулгыень Булат Бадмаев нэгэ бага шэнэлээ.
Үгэнь Алексей Бадаевай
Хугжэмынь Цырен Шойжонимаевай-Булат Бадмаевай
Зүрхэм юүндэ доһолшооб, зүгнөө ха гү жаргалаа?
Хүлгөө уудам замби дээр хүнүүд өөрын зүргэтэй,
Зүрхэн соогоо бөөмэйлһэн зүүдэн һайхан дангинам
Зүргэнүүдэй уулзуур дээр зүгөө алдаад байнагши?
Дабталга:
Зүгөө алдаад байгаа haa,
Зүгнөөд ерыш намхандаа.
Дурлаад, дуулан байналби
Дуугаа барин шамхандаа.
Зүрхэм юундэ доһолшооб, зүгнөө ха гү жаргалаа?
Гаһар томо гэрнүүдэй гансал сонхо гэрэлтэй.
Зүрхэн соогоо бөөмэйлһэн зүүдэн һайхан дангина,
Балай һүнеор сонходоо намай хүлеэн байнагши?
Дабталга:
Намай хүлеэн байгаа haa,
Наашаа ерыш намхандаа.
Дурлаад, дуулан байналби
Дуугаа барин шамхандаа.

[@user-kk9qd6rl9f]

Браво! 🎉🎉🎉🎉

[@batozandanov6603]

Супер!!!!! ❤❤❤👏👏👏👏👏

[@jwisnu8895]

Nice 😊😊😊

[@axegao-099]

🎉молодец!гое дуун🌹