Eik Moar Aur Kulang - Urdu Poetry - Ismail Merathi

Eik Moar Aur Kulang
Urdu Poetry
Eik Moar aur Kulang:
Dum Moar ne phool kar dikhai
Aur bola Kulang se ke bhai
Kya khoob hain naqsh, aur kya rang?
Duniya mujhe deikhkar hui dang
Meiri si kahan hai, aapki dum
Kar sakte nahin muqabla tum
Bola us se Kulang hans kar
Haan! aapke la jawab hain par
Lekin nahin kuch bhi kaam aate
Bachchon hi ke dil ko hain lubhate
Urne nahin deiti dum tumhari
Leite hain pakad tumhein shikari
Yeh kah ke paron ko patphata ke
Bola! ooncha hawa pa jaake
Aao karein aasmaan ka pheira
Kuch dam hai, to saath do na meira
Munh apna sa leike rah gaya Moar
Tha us mein kahan uraan ka zoar
Bhata hai jinhein nira dikhawa
Woh loag hain Moar ke bhi bawa
Bas unko hai teep taap ki dhun
Sheikhi ke siwa nahin koi gunn
Deikhein kise yaad hai zabani
Moar aur Kulang ki kahani
Ismail* Merathi.

[@jai-hind82]

sahi baat haai ji..

[@zafartahirkhan8792]

Bohat khoob

[@munisanagori7201]

What is the english name for kulang

[@mahakavi]

Qaaz in urdu, Goose in English.

[@munisanagori7201]

Wow thanks so much. So it's called Qaaz in urdu and Kulung?

[@mahakavi]

Qaaz and Kulang, both names are mentioned in Firozul lughaat, Urdu. Don't know the origin, weather it is Persian or Hindi.