ನಿನ್ನ ಬಿಂಬದ ನೆರಳಲಿ | ಶ್ರೀ ಕಾಶಿನಾಥ್ ಪತ್ತಾರ | ಶ್ರೀ ಗಣೇಶ್ ಬಿಳೇಕಲ್ |

ನಿನ್ನ ಬಿಂಬದ ನೆರಳಲಿ
ಸಾಹಿತ್ಯ :- ಗಣೇಶ್ ಬಿಳೇಕಲ್
ರಾಗ ಸಂಯೋಜನೆ ಮತ್ತು ಗಾಯನ :- ಶ್ರೀ ಕಾಶಿನಾಥ್ ಪತ್ತರ್
,,,ನಿನ್ನ ಬಿಂಬದ ನೆರಳಲಿ,,,
ಭಾವದಲೆಗಳು ಅಂತರಾಳದಿ
ನಿನ್ನ ಚಿತ್ರವ ಬರೆದಿವೆ //
ಪ್ರೀತಿ ಹಸಿವು ಹಸಿರ ಕಾಣದೆ
ಮೌನದೆಡೆಗೆ ಸಾಗಿದೆ //ಪ//
ಬಿಂಬದೊಂದಿಗೆ ಬಂಧ ಬೆಸೆಯುವ
ಹುಚ್ಚು ಕೋಡಿ ಮನಸಿದು//
ಮೌನದಲ್ಲಿಯೇ ಮಾತು ಹೆಣೆದಿದೆ
ಮುಗ್ದ ಪ್ರೀತಿಯ ಕನಸದು //೧//
ತಿಂಗಳಾಯಿತು ಕಂಗಳೊರತೆಗೆ
ಕೊಂಚ ಬಿಡುವು ಸಿಗದೆಯೆ//
ತುಕ್ಕು ಹಿಡಿದಿಹ ಹಣೆಲಿ ಮಾಸಿದೆ
ನೀನು ಇರಿಸಿದ ತಿಲಕವೆ//೨//
ತೇಲಿ ಬರುತಿಹ ಗಾಳಿ ಒಲವಿಗೆ
ಸೊಬಗ ಸೆರಗು ಸರಿದಿದೆ //
ಎಲ್ಲೆ ಮೀರಿದೆ ತೃಷೆಯ ತವಕವು
ನಿನ್ನ ಬರುವಿಕೆ ಕಾದಿದೆ//೩//
ಹಣ್ಣು ಮಾಗಿದೆ ಹೆಣ್ಣಿನೊಲವಲಿ
ಹೊಳೆವ ಹುಣ್ಣಿಮೆ ಬೆಳಕಲಿ//
ಬಾನ ತೋರಣ ಬಾಗಿ ನಮಿಸಿದೆ
ನೀನು ಬರುವ ದಿಶೆಯಲಿ //೪//

[@hegde98]

Very very nice 👌👌👌👍👍👍💐💐💐💐