محمد القبانجي. المجرشة - مقام بهيرزاوي

الاستاذ محمد القبانجي في مقام البهيرزاوي وابوذية وشعر مع اغنية المجرشة
يا گلبي عاد اهتدي واطرب بنغمة عود
تركت الحبيب وعدت انته اللي گتلي عود
وانته سبب بلوتي ودعيت جسمي عود
لو جن ليل الدجى يا صاحبي صاح بك
گلبي الذي من حميا خمرتك صاحبك
لا تنخدع بالذي وكت اليسر صاحبك
عند الشدايد يبين لك صحيبك عود
*
ذبيت روحي على الجرش * وادري الجرش ياذيها
ساعة واكسر المجرشة * ما اريد انا راعيها
ساعة واكسر المجرشة * ما اريد انا السواها
واشجم سفينة البالبحر * يمشي بعكسها هواها
ويصير اظلن يا خلگ * متجابلة انا وياها
كل ما يگيرها الرجل * انا بحيلي ابريها
ساعه واكسر المجرشة * ما اريد انا راعي الشلب
وانا اتم اممرمرة * يا رويحتي شنهو الذنب
واشجم گطاة البالفلا * من جوعها ترعى العشب
ودجاجه العمية الدهر * تمن لگط ينطيها
*
أاحبتي والقلب ذاب اسى * بالبعد حتى كاد يشتعل
اني على حمل الاذى جلد * ان تبعدوا عني وان تصلو
لا بد من فرج لشدتنا لا بد * ما دام لي بوصالكم امل
يا گلبي شبيك متخوتل ولابد
جفاك الدهر عن طيبه ولابد
الفرج ياتيك لا تعجل ولا بد
يسرك يوم من بعد الاذية
*
ساعه واكسر المجرشة * ما اريد انا راعي الجرش
وگعدت يا دادة ام بخت * خلخالها يدوي ويدش
وانا استادي لو زعل * يمعش شعر راسي معش
هم هاي دنيا وتنگضي * وحساب اكو تاليها
*
تنام عيوني فيك يا ليل * ساعة ولكن قلبي ليس ينام
رعى الله اوطاني وصوب خطوها * وان صوبت فيها الي سهام
بلادي وان جارت علي عزيزة * وقومي وان شحوا علي كرام
بيدي لأضرب على راسي بلاداي
منك يالعذبت روحي بلا داي
فأن عزت وان جارت بلادي
كرام أهلي وان شحوا عليه
Mohammed al-Qubbanchi - Maqam Bheirzawi
Al-Majrashah - Biladi
iraqimaqam.blo...
/ iraqimaqam