#MM
Vložit
- čas přidán 19. 08. 2024
- #MM #Weekly_pedia // 阿京又戒煙?點解戒煙會咁難 其他戒煙方法會唔會有用?外國最新控煙政策唔畀年輕人買煙 成功戒煙過來人傳授阿京戒煙方法
經歷多年的公眾教育,就算是煙民本身都清楚煙對身體的危害,然而走在路上仍可以見到不少煙民圍在角落,吞雲吐霧地一根接著一根抽,又是為什麼呢?誠然戒煙從來不是一件容易的事,但又為何那麼多煙民深明煙害,卻又不由自主地吸下去。那實際上,戒煙會遇到什麼困難?意欲戒煙的煙民,又該如何對策呢?
戒斷反應與尼古丁替代療法
戒煙難在生理上,難在尼古丁的成癮性。尼古丁會快速地進入中樞神經,令大腦釋放多巴胺,也是煙民平日感到抽煙會「舒暢」的原因。然而一旦停止攝取,就有可能出現焦慮、頭痛、食欲增加等等跡象,即係戒斷反應或退癮徵狀。而雖然戒斷反應難受,也不是無可抵抗,就像坊間也有不少尼古丁替代療法,使用這些產品或有助於舒緩戒斷反應,協助達成戒煙。然而除卻生理上的方法,其實心理上也有一定的方法。
建立「成長型思維」或有助戒煙
很多煙民要戒煙時,未必能一蹴而就,加上前述的戒斷反應,使人更難果斷地立刻停止抽煙。其實在戒煙過程中,如果能有效建立一套「成長型思維」(Growth mindset),可能令戒煙成功率大大上升。例如不以立刻停止抽煙為目標,反而是逐步減煙量,製造出一些可見的進步如煙量減少,以建立出「我一直在向前踏步,總會能完成目標」的態度,增加自信心和成功感。實際上的操作方式,可以試著加入抽煙的規則,例如規定自己只能在家裡某角落抽煙,可能一天下來已經減掉了四分之一、三分之一、甚至二分一的煙量。
各國政策受緊 戒煙刻不容緩
各國控煙政策越來越嚴厲,不少國家推出控煙政策,其中最有名的可說是紐西蘭,其政府今年通過法例,禁止2009年以後出生的國民,即使成年後亦不能買煙。這樣,邁向無煙國家的目標便指日可待。而回到香港也在進行公眾諮詢,未來很大可能會加煙稅、設立更多的禁煙區、加強煙草產品包裝和味規管等等。加強煙控已經是國際共識,主動出擊戒煙才是明智之舉。
第14屆的「戒煙大贏家」在全港18區已經接受報名,只要核實成功戒煙,除了可以獲得500元現金禮券,還有機會獲得28,000元旅遊套票。而且不只參加者,連提名人都有機會獲得1000元超市現金購物禮券,詳情請參考報名連結。
#戒煙 #香港吸煙與健康委員會 #戒煙大贏家 #quittowin
___
MM今年聯乘兩個香港品牌十字牌同望月合作,推出使用香港奶源嘅流心奶黃月餅,包裝有我哋《700萬種生活》唔同故事嘅主人翁,妙妙已經預備好同大家鬥快認出插畫入面嘅所有人啦!
妙妙都已經率先試食咗呢個屬於香港人嘅月餅,一貫望月月餅嘅高水準。
依家仲有早鳥優惠,一盒HK$198,馬上手刀衝㩒入下面條link入貨,自用、送禮都好體面㗎~
Mill MILK x 十字牌 x 望月特別版月餅早鳥優惠預訂中🥮✨👇
www.lalune.com...
___
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 CZcams APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
SAM|@midwin_
/ midwin_
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
阿京之前一日食成包煙咁滯,真係好誇張,其實一定要有動機先可以成功戒除壞習慣,戒煙身體健康D,同事朋友家人唔使吸你D二手煙味,已經係一個好好嘅戒煙理由。
柯先生好厲害,由一日食4包煙到完全唔食,絕對係人生一大成就🥳
我成功戒煙近500天了,記得戒煙一開始時有睇過阿京戒煙條片去了解自己將會面對既問題。最後我成功戒到,係有一個台灣youtuber 既一句說話,你要同自己及身邊既人講“我戒咗煙啦”,千其唔好講“我戒緊煙”,呢一句說話,影響力真係好大,然後我再安裝咗一個計算自己戒咗幾多日煙,身體機能回覆咗幾多%既app。要將成件事引變成打任務咁,同理戒煙一定係己經戒咗,唔可以係戒緊。同埋,一定要運動,幾辛苦都要去行去慢跑,盡可能一個星期至少去到3日,每次最後30分鐘,呢個行為除咗練氣,仲可以幫到你個人開心返一啲。因為戒煙真係會好唔開心。我由500米都跑唔到變成而家可以連續慢跑5公里。 而家唔需要一支煙都可以無壓力,煙仔比到你既快樂同減壓,其實都係假架,你既壓力其實係來自支煙,佢令你以為食煙可以減壓,其實根本就不存在呢件事,我係過來人,我明,我真係明。加油阿京!
💪🏻
勁!
係,我覺得可能最大幫到你心理既,可能就係"身體機能回覆咗幾多%既app"
我以前食左煙十年,依家已經戒左煙十年以上
再之前試過幾次都失敗,係因為一開始認知不足,覺得戒煙好難,尼古丁影響好深,但我參考左醫生講法,尼古丁真正既影響其實比想像中淺,而且戒煙後身體機能回復能力係比所有人想像中強
1. 尼古丁其實係戒斷後頭果幾日影響係最深,但只要停左一星期,尼古丁影響就開始下降,一個月已經影響跌到好低好低,意思係其實只要戒左一個月,腦內已經回復平衡,好多人戒左一個月就放棄,其實係好晒
2. 好多人以為自己食左煙好耐身體就無法回復到以前咁,但其實唔係,事實戒煙後半年,身體機能就以經回復一半以上,三年到五年,肺功能已經回復到同一般人一樣
@@dontshowmynameplease 對,只要停咗一星期,成個人個感覺已經唔同咗,敢講已經成功咗一半🎉
@@dontshowmynameplease有冇用代替物
個人煙齡6年,戒咗煙三個月,心得分享希望幫到大家!
本身只會返工有壓力先食平均2至3日一包,返屋企放假少食。有次確診咁就7日冇食,順帶放多2日假冇食,咁就9日,接住忍5日返工冇食,最後放個大假咁就戎左。。過咗21日左右就開始冇癮,以家已經完成無feel。但胃口好咗,嗅覺好左,多咗錢放假食放題
第二就係戎煙已經係我最容易達到既個人目標,心裏未完成既✅,終於可以畫上既感覺真係好爽!
總結係要忍住21日,之後就容易。每個人都有自己嘅戒煙方法,搵到出嚟就掂
柯生真係好正,係呢集既亮點🤣
Btw,隔住個mon都睇到阿京係冇決心戒~
佢老婆應該會好感動❤
本人今年36
16歲開始食煙
接近20年煙齡
上年1月戒煙到依家1支都無食過
之前幾次戒煙都失敗 最難戒就係晚飯後嗰支飯後煙
戒煙真係好睇自己
真係唔好話食少幾多支
要成功 就真係一支都唔好食
開初會好辛苦難受
最重要係要遠離班食煙朋友
當年戒煙因老婆有咗,當晚直至今天已15年沒食過煙😉
食翻支回味下,5单只系回味下烟嘅味道,仲有之前年轻,单身,自由的味道。天啊我简直是魔鬼
柯先生真係好正。大隻又識講笑😊
好簡單,食咗40年煙,只用咗一秒決心就戒咗。
原因就係醫生話我知,我有cancer三期,我喺嗰一秒就戒咗了。只有一個選擇,你就唔會回頭。我嗰一秒開始戒,完全冇任何生理心理問題,好平和咁,完全唔想再碰煙仔雪茄,戒咗已經兩年了😅
如果我有cancer, 會繼續享受埋佢, 生cancer先黎戒, 早知今日何切當初
通常就係身體上面要有嚴重嘅重大問題跟住啲人先會戒😂😂😂改變你唔會無啦啦戒煙 我老豆就係一個好例子
阿京加油 我都係因為你之前個條片 參加左戒煙大嬴家 成功戒左煙
最緊要係要有信念 你都搵唔到目標去戒 真係會好辛苦
叻!
這裡分享吓我戒煙的過程, 我戒煙前大約有28年煙齡, 其實中途試過一次戒了有差不多1年, 但因為一些人生大的變故, 又再吸起。 想自己身體健康一直都想戒,但我自己一個住沒有影響他人的問題,就動力唔夠, 有時戒1-2天又吸返。 有一次機會, 我自己心裡就想試試, 有一次跟一班朋友去日本旅行, 住都是榻榻米房間, 幾個人一個房間, 我的朋友全不抽煙, 我就試試這個旅程完全不抽煙, 煙就一定沒有帶啦, 有幾次都想在日本買來抽, 但因為不想影響朋友最後還是沒有買。 10天的旅程後, 回來香港繼續強制自己不吸煙, 慢慢發覺身邊的抽煙朋友抽煙時很臭。 哈哈, 我覺得我會成功了, 之後到現在差不多7年沒有再抽過一支了。 其實慢慢發覺身體之前有些毛病戒煙後都消失了, 決心就更大。 無可否定戒煙絕對係好事, 這裡希望阿京這次成功, 希望全世界煙民都戒煙。
真係,當有日發覺煙好臭,咁戒成功嘅機會就更加大
應該係話當你有日覺得煙好臭證明你已經成功戒咗煙喇,我都係戒咗煙後覺得煙好臭@@YvonneT1027
都吾關事煙臭吾臭。家吓食更 但聞到其他人食煙都好臭 人哋食嗰隻牌子勁濃啫
最主要事主。介煙後。身體各方面有改善
這點 先係最重要 介煙決心
你如果想唔食煙,你要從心底改變身份認同。
例如有朋友問你食唔食返支煙 ?戒緊煙嘅人會講:「我戒緊煙呀,唔食。」你嘅身份係一位戒煙者,當面對多幾次誘惑,幾自律嘅人都會忍唔住。
但係當改變咗身份認同,朋友問你食唔食,你答佢:「我宜家唔食煙啦,以後唔使叫我。」
相信咁樣就可以用少啲自制力 加油阿京🔥🔥
希望阿京半年後,皮膚面色都會好好,再拍一條分享成功戒煙嘅片! 加油,為左自己,為左屋企人,為左同事朋友,努力呀~
為咗隻貓
貓食二手煙都唔好😊
我30歲嘅時候,已經有18年煙齡。
當時眼見老竇因為食煙飲酒,晚年心臟病、血管問題、再中風。
照顧中風病人嗰種心理、金錢壓力真係心力交瘁🥹
嗰陣時先至的起心肝戒煙🥺到今年41歲介咗11年
(到有病嘅時候先嚟後悔已經太遲)
京……後生享受,晚年難受
決心戒咗佢
1. 某程度唔係「點樣」戒,係「為咩」戒。
2. 「戒」其實 唔難,但更難既係:「點解唔食返?」
.
為某個人而戒,就可以拆到『點解唔食返』;隨後就係改變習慣既遊戲,easy game easy play.
愛因斯坦都食煙LA,其實我有時覺得D人過份誇張,有D人話食煙臭,我通常行開自已食,食完噴番D香體,D人唔知你食過煙就無問題,然後又有人話健康問題,健康係一件好複雜既事情,唔係你唔食煙你就長命百歲,你做左運動就一定長命,所有野都係由好多複雜因素組成,再講我食左煙就做唔到運動?咁唔通食左煙就50歲死,跟住做左運動所以長命百歲,所以就復活?再講我認為食煙果時個狀態舒服,呢D唔係優點黎?然後最重要係你個狀態影響到你個思維,如果唔係你以為愛因斯坦點解會食煙。雖然你既思維除左狀態就係經驗同智識量,但係狀態決定運作效率,即你見一個人心情好,通常會聰明一D,原因就係咁。
所以我覺得食煙好閒姊,D人聞唔到煙味就無野GA LA。雖然我有時聞到人地酒味臭,我都會覺得人地有飲酒既自由,關我鬼事咩。
最後想講,呢個世界係好拿複雜同精密,D人話要簡單或者精簡,係因為人腦既短期記憶量有限,一次過記唔到咁多野先至有人提倡,第二係D人先要求唔好簡單問題複雜化,係講緊多餘同無謂既事情就無謂係度增加複雜性同理解難度,但問題係複雜問題簡單化,你都會導致以偏概全架67。(唔係鬧緊樓主,係鬧緊果種有咁既認為既人)
第一次咁認真留言
其實戒煙黎講絕對唔需要聽人既意見/講法,因為每一個人食煙既原因都未必一樣,而每一個人越食越多既原因都係唔同
意志力係好重要,但唔係話堅持就代表意志力,而係你要認同呢一件事,你覺得戒左煙(或任何壞習慣)係一件好事,因為戒完煙食返/越食越多係總有籍口,當初正正係你說服左自己先會踏出呢一步去食煙
唔係話專家講野係唔啱,但佢地既理論就好似你讀書一樣,你讀書同你出嚟做野實踐係兩回事,出嚟做野好多都係隨機應變,所以同樣道理,人地既方法唔會永遠有用,只有自己認同呢件事係合理/正確,咁你先叫做站在戒壞習慣既起跑線上面
我食左2年半煙,因為去左澳洲而且當地煙嘅價錢真係好貴,逼於經濟壓力下成功戒左😂
都係好事!
咁一支煙係咪真係HK$100😂
係澳洲有無隊草?😂
話說男朋友食十幾年 知道我唔鍾意煙味 用半年成功戒到💕 戒真好需要決心同意志力💪🏻 加油阿京 !!
好男友難遇
愛嘅力量
你信就好了😂
好天真
係天真信佢戒到嫁😂 其實佢之前都試戒(佢同我識之前)不過唔成功 我留言既原因係分享佢既經驗 希望阿京可以搵到你戒煙既動機☺️ !
戒煙經歷:做左三十年人 我上年十月中無聊買左包雙爆珠食 就食到今年4-5 月 平均每日1-6 枝 都係玩下咁食 ,食唔同味濃度 牌子
無吸落肺 但好老實都會有少少
自從見到新請中年同事又口臭又蛀牙 又肥 極度令人厭惡之後
唔想幾廿年後自己都變到咁樣 就無再食 戒果陣其實都唔算戒
最後一包黑萬食左一個月 😂 加上煙加價 真係好無謂 又要搵地方食 搵地方掉煙頭 好麻煩 ,於是就戒左 心癮黎姐 唔食唔會死。
要諗起煙既禍害唔係實時 而係好多年後先發出黎 成份又毒 根本慢性自殺
煙成份有死形毒氣 地板水 石油提取液 穿梭機燃料 尼古丁 一氧化碳 焦油 仲有好多雜質
長遠落黎大家都知 會令心血管收細 人有三條主要心血管 食左幾廿年一定會有影響 我老豆就係人版 塞左兩條半 十年前塞埋最後半年 即刻急性心臟病成個訓低 搶救救得番 醫生話十個病發 十一個救唔切 又要通波仔又要做支架 仲要咁岩係醫院或送得切去做手術。
真係唔係講笑,飲酒同食三高野都會 但我老豆就無飲酒 醫生話係長年食煙導致 13 歲食到60 幾 食到差啲提早收檔 係呀 係食幾十年都無野 但一有事就大大鑊 辛辛苦苦搵到錢買樓供樓仔大女大孫都出世 臨老整個心臟病 一日食成堆藥吊命 仲要食成世 大家真係要諗清楚 同埋陽x 肺癌 喉頸癌 各種
為左自己 身邊既人 戒煙啦 漸漸會唔記得左要食 就成功。 加油
點解好多人會成癮係因為食煙果陣手指夾住枝煙會將濾嘴夾實左 尼古丁濃度會高過煙盒所標 就會成癮。心癮加物理原因 大家要知道呢一點。切記 希望大家都係有緣人 睇到呢個留言。
我以前有兩個老細 兩個都係食幾十年成功戒煙。
一個係老豆臨終叫佢戒 佢應承左 信守承諾
一個係老婆話再食帶埋小朋友走 佢係廁所偷食 老婆真係帶仔走 佢就知錯 以後都唔食。
睇番都係用動機同意志力加考慮後果 影響而成功戒。不過真係唔容易 果然係腦細 對自己心狠先可以成功
你點知 煙成份 有甘多垃雜有毒成份。在那𥚃查到?。
好多人明知。而繼續食。諗住幾十年後先生癌。到時至介都未遲。老大歎咗先! 包括自己都係甘諗法😂
但睇到你的。忠告!內心開始識驚!
係咁嘅。食煙係收窄血管。揼吾到啲血去其他內臟。心肺 淋疤 肝臟 而慢慢損害機能 引至生乜乜腫瘤 ,
總之。食瘀。乜癌都有得生 爭遲早
甘當然!越有錢人家。越容易介煙成功!
因自身做老細。絕不會用條命耒愽。來日方長。 有錢人個腦係吾同啲嘅!我識嗰個老闆又係戒咗煙十幾年!全靠巳智力!吾食就吾食。頭2次不成功!
自從覺得食煙好on9之後,就戒咗喇🎉
係完全買返嚟 沒用 偉哥都可以硬下 煙只係燒$燒時間燒健康
恭喜你🎉
On9 都算 係你自己事
但害人迫人吸二手癌就最仆街
呢個動機好強
價值觀!
我食左30 (幾) 年煙,一野就戒到。 呢家我戒左 2年半一支都無食,成班朋友食我都無食。
根本係意志力問題:
1. 你要承認自己係弱者,
2. 你要知道自己係因為已經食夠, 唔想再咁落去
3. 點都頂住 1 個星期一支都唔食。 唔理幾辛苦都唔食。
4. 唔係食少30% 50%, 而係 100% 唔食。 無中間點。
咁你就戒到啦。
我都食咗40年煙,上年9月開始戒煙,到現在一支都未食過。完全同意你嘅觀點。
好嘢師兄
我12歲上煙癮,食左20年,每日2包或以上,10年前食夠了做夠奴隸了,1枝都唔食,10年後今日發夢有時自己仲係擔住枝煙,然後夢中鬧自己食番煙,尼古丁真夠毒。
@@kinchau5832 多謝師兄先!
係真㗎,啊京。 戒煙要成功無得用30% ,50%, 70% 慢慢減又用代替品心態。
一去就要 0%, 支持7 日, 咁先可以。否則根本浪費時間。
@@leungalan3701 我都係差唔多 12/3 左右開始食。
成功戒左後,我覺得食煙真係幾嘥錢!
我都係睇咗你第一次戒煙嘅短片
我覺得你拍得好好笑,好傻
然後自己就嘗試下,我有十幾年嘅煙齡。
而家我成功咗半年啦🎉都係睇你嘅短片啟蒙到㗎❤多謝你呀❤⋯⋯你都要加油❤
雖然遲左少少睇到阿京嘅戒煙片
不過我都由好細個11~12歲食煙
到依嫁3張野 煙齡都加加埋埋都最少15年
中途都有戒過煙 話唔食就唔食
最後又因為另一半食煙 所以自己又食返煙
之後又因為返salon嘅關係
唔想食完煙一陣煙味令到啲客唔鍾意
就減到由朝早起第一支到放工返屋企一支 瞓覺前一支
之後覺得反正都食咁少
不過連嗰兩三支煙都戒埋佢啦
由2022年11月戒到依嫁
阿京同大家都一齊加油
分享一下,我2016年6月成功戒煙,之前試過戒煙香口膠,戒手癮吸癮的假煙,同埋逐步減抽煙支數,但都唔成功。我用的方法是「貧困戒煙法」,當時我貧困到只可以在食物和煙之間二選一,我抽完最後一支後,便不再購買,也不再實際抽煙,為什麼我這樣說呢?因為戒煙後我大約有三個月的斷癮期,幾乎每晚都會夢到自己抽煙,而且身體反應感覺非常真實。自抽完最後一口煙後,至今也再沒有沾上。不購買,就不會抽。
阿京, 你有戒煙嘅心, 係好嘅開始. 就算失敗, 不要介懷, 可以再接再厲. 唔使理人哋點睇點講, 自己過得開心便可以了. 加油.
我喺蘇格蘭揸巴士,我哋伊度好多人食煙,其中一個司機係煙民,四十幾歲已經食煙食到高血壓,應付唔到日常工作,要轉行。我覺得為咗自己健康已經好重要。 唔知你自己點諗。😄
只要阿京一日未戒煙,呢個系列可以一直做😂
其實我覺得咁樣為做而做係無意思。比個藉口阿京唔戒煙。一係請多個同事係吸煙既,阿阿京一齊去玩呢個項目
食咗十幾年煙,戒咗六年左右,cold turkey,一支都冇再食過。
動機:想有個健康嘅身體同老婆白頭到老。
方法:
1. 準備戒煙前嗰一個星期,開始減少食煙。
2. 煙癮最辛苦係頭嗰72小時。選擇戒煙響一個長假期度進行,或者請星期一1日病假,俾自己有72小時去狂瞓覺,休息。
3. 星期五晩瞓飽,星期六起身之後開始唔食。有煙癮的話就攞一支煙去吸,但係唔點火,狂飲水,運動,打機,拍拖,瞓覺,瞓覺,再瞓覺,等煙癮響睡夢中渡過。
4. 其實每次煙癮只係得幾分鐘,捱過就冇事。
5. 過咗72小時之後,煙癮會減弱好多。想再食返的話,就會覺得最辛苦嘅時間都捱到,點解而家都捱唔到呢?
6. 減少飲酒,唔好企響食煙嘅朋友附近。
好有心嘅分享!
柯生好好笑😂我婆婆好勁,食左四五十年煙,舅母一句食煙唔好抱我個女,佢就成功戒左,仲要佢無掉到啲煙,放左係當眼位成年幾就掉,大癲👍🏻👍🏻有位舊同事又係成日戒唔到煙,有次屋企樓上火燭,啱啱大廈維修有棚俾佢爬到落樓逃生(仲要幫手救左個小朋友),之後佢就覺得大難不死,要好好珍惜生命,咁就戒左喇
煙齡8年 上年開始戒煙,問過戒煙熱線話最關鍵係頭十四日。
所以 Plan 左個 14 日戒煙旅行比自己,專登去日本郊區,等自己難搵到吸煙區食煙,最後成功挨過左!
加油啦
希望阿京下年唔使再拍 戒煙片🥺 或者拍黎話畀大家知,佢已經成功戒煙
戒煙最大問題係心癮!我食左廿年煙,武肺期間成功戒煙!我有少少心得分享:
1. 將所有聯想到食煙既用品拋棄晒或者離開一切視線範圍,例如打火機,煙灰缸等
2. 遠離所有食煙朋友起碼一年以上,等自己戒甩埋「戒買唔戒食」!所以武肺三年大家都唔見係最好時機!😂
當心癮一減,食煙既心癮就會轉移去其他地方,例如睇咸片,打飛機咁🤣
第2點呢~🤔
我是來支持阿京的,加油!階段性的成果,慢慢就成功。今日一小步,代表你又離成功近一步
真係外表改變好大,好靚仔,身形又fit!
安全睇唔出做地盤工作,令我覺得地盤原來都有非常之有型大隻佬!
預祝阿京你戒煙成功,我老豆都戒煙戒咗四年幾,如果以我所知,佢食煙都食咗冇四十年都三十年,我阿媽都睇死佢戒唔到,都話佢試過戒但唔成功,不過佢而家四年幾無食,都當佢成功戒咗,都問佢點解戒到,佢話而家啲煙太貴。我諗都係佢講,可能佢都覺得人老咗,食少支會健康啲!
17歲開始成為煙民,
當年一日兩包煙=40支(7年煙齡)。
成功戒菸係因為冇錢買煙(理由係煙太貴而本人收入有限😂)當年大概24歲開始停,今年已經39歲,15年來一支煙都未食過。
我戒煙係因為,我同自己講我話戒就戒到,唔想輸俾自己✌🏽煙癮起就搵單車內胎練背負投既動作同打沙包,係街既話我會即刻搵個地方做掌上壓(係街無啦啦做好柒,所以呢個限制既力量好大😂),如果戒煙途中我食煙,我就要食兩個生果(我唔中意食生果,要令到自己有懲罰,感覺好折墮咁🤣)。俾懲罰自己,俾動力自己,俾磨練自己,俾信心自己💪🏾戒煙唔難,戒緊嗰時想食煙又唔俾自己食就係好難😂我係一刀切就戒左,中途食過兩支煙。3歳偷老豆煙食,12歳戒,兩個月內完成。嗰陣讀書要周圍向損友拗煙食😂一知我戒煙個個都話請我食,點埋俾我,又噴煙黎我度,煙盒又會開住擺枱面😏少啲意志都會俾呢個險惡既人心吞噬🤣🤣
加油,阿京💪🏾
我絕對相信你係戒唔到架😂😂😂你無睇錯,我係信你戒唔到🤣
一拳超人入面有句對白好正:你哋呢班人完全沒有任何信念可言🤭
食左10年,男朋友唔食煙,一野戒左,已經2年幾
依家覺得食煙好戇居,又嘥錢又臭.......
強呀, 你一句得罪曬所有煙民
仲好撚自私
@@tooXtoo 咁講事實姐. 朋友屋企人同自己屋企人都不約而同因為食煙有cancer搞到晚年好辛苦, 食來做咩呢?
我食左20年,4年前當我個仔2歲的時候,都係一野戒左,所以動機好重要,我相信當有病的時候戒煙已經太遲。
@@winglau3128 好怕係街遇到d火車頭
過來人...食左十幾年...一日兩包....一野就戒到...
首先戒煙唔可以慢慢戒, 一係食, 一係唔食...唔可以用減支數既方法黎戒...
因為你一食...血液就有尼古丁...咁你就一路都會有癮出現....(尼古丁係起癮既主因)
只要你忍到7日-10日唔食一支煙(包括二手煙), 你就已經成功左80%....(因為你血液入面既尼古丁排哂出身體咁濟)....癮其實已經無乜...
跟住就係你會唔會傻仔到食返既問題啦🤣
總之, 要戒無話戒唔到既...第一步...戒左買煙先啦😝
牙京, 分享一招比你。
戒煙唔好戒動作:吸氣既時候用吸煙既吸法(si~~咁吸氣), 呼氣都一樣。煙癮起既時候,呼吸幾下當食左。
點解咁多人話戒煙一係得, 一係唔得。
因為心癮先係戒煙難關。
戒煙呼吸法:你同樣滿足到吸煙既感覺,而唔需要食一支煙, 好快你就唔需要煙, 祝你成功。
本身已經食了20年煙一日食1-1.5包,自從睇咗一個節目講器官捐贈,個病人冇人捐俾佢就死㗎喇,咁我而家好地地再食煙落去一定出問題,決心戒煙,食完最後一支煙便戒了10年,首先一定要改變你嘅想法,食煙對身體係唔好嘅,如果好想食嘅時候就扮食煙,當你呼吸呼吸嘅時候10多次,之後就已經冇咗想食煙嘅感覺,心靈也已經放鬆左便可以戒掉啦
想食煙個陣深呼吸堅work 之後試過用黎止癮
我係一個十幾二十年每日一包半至兩包嘅煙民, 因為健康同覺得食煙好笨實好嘥錢。所以三年前我就join左個戒煙program用咗大概七個月左右戒甩咗。 服用一星期份量輝端戒煙藥物再加每星期見醫生評估一次。二至四星期後對煙產生反感就係咁慢慢逐步成功。個人意志同埋改變習慣好重要例如飯後煙。
柯生Respect,有種好貼地大方嘅幽默感
我個人經驗『只要你唔覺得食煙有問題, 你係唔會戒到煙』我本身煙齡十幾年, 戒咗十年左右, 當時每日一包煙, 只用一個月時間就成功戒甩。強烈動機『食煙會生cancer, 你係咪想死?』咁啱個期身邊有啲人因為長期食煙入院照肺得知肺癌。突然有一日我支氣管炎發作, 咳到死去活來, 個時好驚死, 心諗不如趁機戒煙啦... 於是嗰一個月配合病情休養, 順便戒埋煙。當你個強烈動機話你知要戒煙, 身體係會配合你嘅選擇作出相應嘅反應... 支氣管炎3星期後好返, 有有試過心癮起點咗一支煙, 但點都無法吸入... 自此就無再掂返煙啦
其實你都叫半個公眾人
拍一大個片黎掩飾自己戒唔到煙唔樣衰架咩 個受訪者話得你啱 一睇都知你唔係戒係為左拍片
作為極憎人食煙既人 你地陣煙屎味或者開口講野陣味令人想嘔 人地都冇義務捱你地d味
你畫d zone多9餘 係畀自己有藉口食下去妥協 並唔係真係做到決絕既心lor
終於有人講到真話
終於有人講真話
我煙齡16年,1天兩包從國小6年級開始抽…直到28歲戒嚴成功…好在戒菸後檢查肺沒任何問題
加油阿京,支持你戒煙💪🏻
見證過身邊嘅家人朋友成功戒煙,見到佢哋變得更加精神容光煥發同埋少咗病痛,真心鄧佢哋高興🎉
係時候要對自己好啲❤愛自己多啲❤
我30歲 食左17年煙 , 依家介煙第5日 我覺得最有效係呼吸法 ,幫到我果刻無左想食煙既感覺
希望下期可以分享一下戒J嘅心得🙏🏻因為戒J難過戒煙好多😢
睇CZcams都係第一次留言
1.每一日如果唔食第一支 頂到一果野 你全日都易頂到唔洗食
2.冇錢買(金錢限制)
3.去正生住返一個月
我都食左廿幾年 戒左三四次 戒煙藥果D全部都冇咩用 壓力真係好難搞 一有壓力就想食煙逃避
我當年戒煙係買一包煙之後食左一兩枝就成包掉落垃圾桶,跟住就戒左😂 掉一包唔得就掉多包,最緊要要身邊冇人食煙就OK🎉
其實比起戒煙同時,阿京要留意更多既係頸椎問題。
我指既 唔係觀感上問題,而係健康上問題。
頸部長久向前伸,頸椎承受唔到整個頭部重量,富貴包小事,之後會痛先係大事。😇
食咗十幾廿年煙以上,讀書開始食,為咗隻狗氣管同冇錢關係(留錢畀隻狗睇醫生心臟病),又係一嘢戒咗,有心癮就吸空氣當食煙,呢個動作堅可以頂癮
仲食緊嘅時候遇著有啲朋友唔食,其實可以全日都唔食,但同番食煙嗰班frd一齊就好易煙駁煙咁食
自己食煙嘅期間都好L憎火車頭,我食煙都覺得臭,難為唔食煙嗰啲人仲辛苦,由其一落車即點煙,我咁多年煙癮都唔會咁做,所以唔關煙癮事,係個人本身自私又冇同理心關係
希望阿京睇到我留言。
上年我睇完你條片決定戒煙 (以前3日2包左右), 我有lG PM你同你加油。
我戒咗啱啱一年 (上年8月2号英超開鑼最後一口), 啱啱想再PM你同你 say thank you. 點知見到你出 Part 2😅
我之前為跑全馬戒咗3年都食返, 失敗好閒事。
唔好輸俾支X街煙, 成世俾佢拑制住幾唔抵, 加油阿京💪💪💪
基本上食煙係心癮,我有段時間情緒病發作每日靠煙來頂住,後來好返用一個星期唔食煙就戒走左
我都食咗煙20年以上,現在戒咗5/6年煙,食完嗰包煙後,把所有同煙有關的物品掉晒佢,之後無再食煙了,決心好重要,現在做緊斷食,每日一餐,這種斷食生活也很3年了,要對自己絕啲,加油呀
我居然對呢條片充滿期待!!
半年後再戒多次,又一條新片,加油
之前聽過人話戒煙要一cut 就全部cut, 令自己不能再依賴煙,少少都唔得
btw, 戒煙從來都係為自己,唔好唸啲好偉大的動機🤭
都講都好明白, 為左做個節目而戒煙係唔會work。 我呀爺十歲食到八十歲, 最後一日戒左, 因為醫生同佢講有末期cancer 。 得返半年命。
我諗做任何事都係, 用把口講一堆理論都係無用, 「覺悟」只係一刻既事。
其實戒煙唔難,我中2嗰年1988年開始食,食到2021年仲係買60蚊包嗰陣就一嘢掉咗包煙同火機,咁就戒咗,之前平均一日食25至30支,其實只要諗吓為自己健康諗吓已經有好大誘因
支持你鼓勵你阿京戒煙成功 , 不受引誘 不受誘惑 把持得住 堅決 立心 💪💪💪🚭🚭
我食左18年左右, 1日1包
然後係2022年12月1號開始戒,到兒家為止戒左9個月喇
中途完全冇食翻,而且兒家聞到會覺得臭😂
過路人表示,如果有心戒煙的話,唔好相信話食少D慢慢戒
呢個方法係完全唔店,話戒就一支都唔好食
而戒煙最辛苦我反而覺得係失眠,冇覺好訓
希望戒緊煙嘅加油 為左健康
同埋太貴喇80蚊包 點食😂
每個人戒煙既動機唔一樣。
最重要係搵到自己想戒既原因
我食左20年煙,每日一兩包左右。
試過戒無數次。最後一兩日後又食返。
最近既一次戒煙,戒左大約4個月。
當時好似柯生咁講,想係人生搵個小亮點😂
我就係想挑戰一下,個個都話好難既事。
結果,每日都同自己講,要keep住唔好食,幫自己拿次成就感。
結果,每次朋友見面,都叫我食返枝,而我真係一枝都唔食,係別人既表情見到好驚訝。我就覺得好有成就感。
當然,最後我食返。因為我覺得係呢件事上我成功左。我係試過成就解鎖。之後就無再諗戒煙了。
因為尼古丁係我人生既一部份,唔想離開佢
我自己既戒煙方法:身上要冇煙冇火機,想食就去買,食完一枝or兩枝就成包連火機一齊掉,久而久之就戒到😅有朋友知你戒煙重俾煙你就照拎,拎完係佢面前掉,久而久之佢哋就唔會俾煙你😂
好狠!
@@mm.millmilk 成功戒到係有賺的
京 你要加油呀⋯⋯
我食咗十幾年煙 戒咗又十幾年
話戒就戒 一次成功
祝你都一樣🎉
Hello, 啊京,我睇左一本書叫做「一千萬人都認同有效的輕鬆戒菸法」。大部分人一開始都唔相信通知睇書可以戒菸,但實際上這本書或者這個方法已經在全世界幫助超過1000萬人戒菸。
其實認為戒菸困難是因為恐懼,但這世上真係存在一個可以讓人輕鬆、一口氣戒菸的方法。
戒煙係無食少啲,一戒就要戒,我食咗30年煙,已經戒咗一年半,戒煙最大成功率就係要遠離食煙嘅朋友😅
其實重點唔係用咩方法 , 而係用咩理由去戒....我食左二十幾年 , 另一半有氣管問題 , 我一個月內戒左 , 到而家都5年有多
原子習慣這本書有說過: 習慣來自身份認同。如果你不覺得自己是吸煙者,戒煙對你來說毫不費力。 如果你想戒煙,你要想像不吸煙的自己而去做。我以前日日smoke 煙,之後weed ,話停就停。秘訣系你首要想像自己唔食煙之後多左既時間你會做咩事,你當系一個新既健康既人生。期間生理上有介斷症狀可以用你喜歡的方式來渡過,因為只系一段時間而已唔需要比注意力,我自己系用手勢扮食煙深呼吸。深呼吸期間我會想像自己食緊煙,深吸一口煙,感受到放鬆。放鬆呢樣就係代替尼古丁俾你嘅感覺。
個人覺得獎賞機制無法從根本戒煙。你諗諗,你本身唔食煙有冇人比獎勵你。
重新建立習慣,身分認同開始
17年煙民戒左4年,其實唔洗好強烈既動機,撐過頭7日尼古丁癮加會很眼訓既階段,之後個D其實都係心癮,我就用好勁薄荷味既香口交膠代替,一想食就食香口膠代替。
在下成功戒煙十年 煙齡十幾年
第一 就係唔買煙 無煙係身 自然食少左
第二 仍然會食 但只會r身邊嘅人拎煙食 r到幾多食幾多
一日復一日 身邊嘅人開始怕左你 會嫌棄你日日r r到煙情況就會越黎越低 咁變相你就會食少左
日子有功 就會發覺開始煙癮降低左 有啲魔鬼見你食少左 又會比下煙你食 怕你真係戒到 當你開始拒絕到魔鬼引誘 就係你戒煙之路見到曙光 再繼續堅持多一排 就好接近成功 在下就係咁樣成功戒煙架喇😂
想介煙,食左十幾年,試過介煙貼介煙糖,到最後都係食番😢😢睇左d留言,又想再試介一次。希望成功~
食煙係心理因素想,只要下定決心,同自己講,我可以唔食都得嘅,咁就自然戒煙成功啦
分享戒煙個人經歷:
食咗20年煙,2020年生日讓戒煙成為自己生日禮物,最辛苦頭一個星期
11:19 個停頓位好正
坦白承認自己未有動機戒煙,不迫自己,值得欣賞
16歲食到36歲,最高峰時期一日三包煙左右,之後平均都一日一包,36歲果年去門診睇醫生,醫生問我有冇興趣戒煙,我話冇所謂可以試吓,跟著佢就轉介咗我去參加戒煙班,跟足個療程貼左一個月煙貼,就係咁就戒咗煙,到宜家都戒左7年,其實到而家心引點都會有啲,同埋身邊啲同學朋友都食煙,有時望到都會幻想吸返一啖會點,不過果刻就要即刻叫停自己,因為吸得一啖,就會不停吸落去,所以戒煙都真係要靠自己意志,加油吧。
雖然都睇得出阿京你係為咗幫公司完成呢個 sponsorship 而再戒一次煙,但聽到你食少咗,都係好事。
希望你慢慢搵到個強烈動機,令你愈食愈少,最終一支都唔食。加油!
煙齡廿幾年,因為得咗個差d會死嘅大病,瞓咗兩個幾月醫院
瞓院當時基本係床都落唔到
出院後無咗鋪煙癮,超級無厘頭+無啦啦就戒咗
我食咗20年,啱啱戒左一年,為自己好難戎,但你有下一代做咗人老竇自然會有個決心戒煙,愛嘅力量係最大😂老土,但係真
忍到感到壓力同不安時想食果一支, 你就會成功, 加油!!!
我食咗廿幾年
話唔食就唔食
介左超過一年
食煙又嘥錢又唔健康重要請人食二手煙
千祈唔好做尼古丁奴隸呀~
次次同人講點戒煙,一句講哂話唔食就要唔食!所謂食少啲係一定冇用,戒煙朋友加油
我大概食咗12年煙,以前一日一包甚至1.5包。不過我試過連續一兩個禮拜冇食都冇咩影響,只不過身邊朋友都食,同佢地一齊嘅時候就好難忍住。平時返工除非壓力好大如果唔係基本都唔會食,宜家大概一個月一條咁上下
我接近40年煙齡,今年2月1日開始戒煙,戒咗足足已經半年有多…意志好緊要💪🏻
食咗15年,因為結婚,所以戒煙,而家戒煙行動第9日,有時只係一個諗法,唔好繼續諗,搵其他嘢分散注意力,唔記得咗就唔會去食煙,希望成功
冇錯,冇強烈嘅戒煙動機,成功戒煙嘅機會係零。
減量係完全冇用嘅,你今日食少左聽日食少左後日你可能會獎勵自己食返多啲。
我食左廿年,用減量方法去戒煙,失敗過好多次。
但最後為左自己,咁就戒左好多年了。
阿京犧牲自己,一世都唔戒,但每年就翻炒做戒煙主題一次警醒其他人啦(西西弗斯的神話)
柯生心水清到
個感覺同釋囚翻唔翻去坐之類嘅情況一樣,就係點樣唔重蹈復轍
希望大家唔好因為食煙搞到自己成身病,將來要麻煩人哋照顧返自己個時,感到後悔同尷尬就嚟唔切啦!要身體健康啊!
建議阿京試下去做body check,有時唔照唔知身體差,真係嚇你咁講,可能入面已經惡化,無耐就會生大病或癌症
當睇到份報告,實際感受到身體健康有啲咩因為吸煙而影響到,可能就提供到動機俾自己呢
另外,有位煙齡多年嘅朋友佢近年成功戒煙嘅原因係,佢話突然有日覺得食煙好嘥時間,同朋友食飯都要成日走開,啲煙又貴,所以就一嘢戒咗
可能你都可以諗下,因為食煙,原來自己錯過咗幾多同非吸煙又親密嘅親友嘅相處時間
柯生分析得好有道理😂
戒煙可以難,又可以唔難。我父親小學起跟損友食煙,知道有肺癌後,有六十年煙齡的他立刻戒咗。我同學的父親又係小學起跟損友食煙,知道有肺癌後,也是有六十年煙齡的他仍一面吸煙,一面咳嗽及一面訴說懷疑醫生斷錯症。可是他們兩位在證實肺癌後不久就過身。
其實不吸煙,就不需戒煙,亦唔洗知戒煙難或唔難。
如果戒唔甩吸煙,咁吸煙同吸毒嘅乜分別只係合法同唔合法,會坐監同唔坐監嘅分別而矣。
食咗差唔多20年、一日一包半左右、當初從來冇諗過戒、但有次唔小心買咗一整條好很難食嘅煙(檸檬味之類)、因為住嗰度冇得買食開嗰隻、又唔想浪費、最後真係食少咗、之後我keep住買古怪味令自己唔鍾意(但要食又隨時有得食)、可能煙癮唔算太犀利、後來成功戒咗。另外戒煙千祈唔好講俾全世界人知、唔好俾人哋depress自己、屢敗屢戰就好了!加油各位!
💪🏻
希望啊京可以有日戒到啦
唔係隻貓貓有啲辛苦
柯生有型呀
我係阿京2.0不斷想式用左好多方法想戒我一直搖擺不定好多時感到好疑惑開始想放棄畢如食落去算昨晚突然有一種奇妙感覺好似唔想要煙唔知边個幫我現在我唔疑惑決心要戒煙因為食落去只有壞處有次唔小心燒穿張被身有臭口又息屋企充滿煙味有朋友來都要求開窗而且已經非常嚴重牙周病都剝咗幾隻牙而且簡直金錢瀑血唔食煙可以用啲錢可做其它更有意義嘅事
我而家39歲,我戒左剛剛兩年,我食左28年,因為我9歲就開始食
有機會同身邊嘅人講開戒煙,我係用戒煙貼,個個都話,車,無用嘅,我話,我話係用戒煙貼,對上兩年一支都無食過,我諗暫時都可以叫成功嘅
但全因為我身邊一位同事兼好兄弟嘅一句說話,用咗戒煙貼頭一兩日,我喺公司,佢又喺度,我就大叫一句,頂,貼咗戒煙貼,都仲係好想食煙呀!
佢就話,都要靠你自己忍下架,你估戒煙貼無敵嘅咩,就係咁忍下一次,又忍多陣,到今日,已經兩年冇食過
大家都加油,忍
食煙咁高境界係食唔食都得,間中朋友聚會食返支不知幾爽😂平時亦都可以控制唔食
這個方法還可以戒其他壞習慣 謝謝分鐘😊
都係戒唔到,哈哈哈哈哈!
我十年前戒煙,原因是血壓高體質變差。血壓高不可逆轉,體質不可以繼續差落去,所以其中一樣要做的是戒煙。
當時用很流行的 1/2 方法,每天減半,減三幾日剩返一支。也找戒煙服務協助,戒煙貼對我是有用的。
戒煙同時要配合帶氧運動,釋放多巴氨取代食煙。食維他命B雜有類似作用,首先還是要帶氧運動,懶不得。
一日煙民,食煙永遠都會是一個 option,不要因為中間食過下就否定自已。例如飲酒,打麻雀,身體不適,心情特別差,食煙就食吧,不要逼自已增加壓力,偶然食一支甚至食一排也沒有大不了,千萬不要馬上標籤自已戒煙失敗,失敗就會永遠食落去。
頭三幾年,會用幾耐無食煙去界定自已是否戒煙成功。到真正戒煙成功的感覺是,昨天食煙了,今天完全沒有食煙的想法,這樣就真正斷癮了。
戒煙加上運動的作用,是人精神好,效率很高,渾身是勁。作為男人你懂的,朝朝會起身的部位只是身體的一小部份。
希望阿京可以在身體出現變化之前及早戒煙,人接近40歲時,會在你完全不知道完全沒有意識之下體質出問題,而出問題是不可逆轉不能挽回。在出現這樣的問題,在成世食藥之前,爽快地戒煙吧。祝,朝朝起身,精神爽利。哈!
直接用金錢嘅力量阻止呀京買煙
除咗啱啱好嘅現金嚟做車錢之外 無其他可以買嘢嘅方法
反正用咩搭車都係成人票價 唔爭在啦
(食物嗰啲自己帶/叫同事幫手買
八達通有巴士月票嘅話可以用 但要負錢 同埋要扣返相對應既現金(eg 巴士轉小巴嘅話 現金淨係夠俾小巴來回
(負錢方面,就算八達通入面得一毫子都可以用嚟買$50.1嘅既嘢 雖然買唔到煙 不過呢個係一個趕盡殺絕嘅心態
(戴頭盔:未用過月票唔知佢點work
啲煙總有一日會食曬 總有一日會戒到煙
係就話可以用啲魔法嘅方法捐漏洞去買煙
但方法咁極端都戒唔到嘅話都冇救了
皮諾可 把他電死(????
。
咁樣都戒唔到嘅話 我唔知點樣可以戒煙了 love conquers all? Idk
我想睇倒立行岀去 京你要加油啊!!