ХЭРХЭН КОНТЕНТ БҮТЭЭХ ЯВЦДАА МӨНГӨ ОЛОХ ВЭ?

“Идэрээ! Одоо хүн бүр халаасандаа телевизтэй явдаг болсон!”
2016 онд Ганхуяг захирал Facebook live-аа хийж дууссаныхаа дараа надад энэ үгийг хэлсэн юм. Түүний live-ийг 400 орчим хүн үзсэн бөгөөд түүнийг ярьж дуусмагц манай оффис дээр манай бүтээгдэхүүн, үйлчилгээг сонирхсон хүмүүс шууд ирсэн.
Оновчтой контент бүтээж, түүнийгээ сошиал медиагаар түгээх нь ямар том ач холбогдолтой болохыг би яг л нүднийхээ урд харсан. Тэр үед Ганхуяг захирал Facebook дээрээ 80,000 орчим дагагчтай байсан бол өнөөдөр 400,000 гаруй дагагчтай болжээ.
"Идэрээ чи ч гэсэн Facebook page нээх хэрэгтэй!"
Энэ бол тухайн өдөр надад өгсөн түүний сүүлчийн зөвлөгөө юм.
2016 онд, яг тэр орой, сошиал медиагийн хүчийг нүдээрээ харсныхаа дараа би өөрийн Facebook болон Instagram хуудсаа нээсэн юм. Би анх ямар хүлээлттэй байсан гээч?
Удахгүй намайг олон мянган хүн дагаж эхлэх байх … Гэвч мэдээж миний буруу байсан.
Би 2016-2020 онд буюу бүхэл бүтэн 4 жилийн турш Instagram дээрээ 400-600 дагагчтай байсан гэж хэлж болно. Найз нөхөд, хамт ажиллагсад, гэр бүлийн гишүүдээ хасвал надад 20 гаран л бодит "дагагч" үлдэх байх.
Ямар ч байсан би өөрийгөө таниулж, дагагчаа өсгөж чадаагүй. Миний хийсэн бүх оролдлого бүтэлгүйтсэн. Би контент хийх байршил, ярьж буй сэдэв, хоолойны өнгө, хувцаслалтаа хүртэл өөрчилж үзсэн. Би богино хэмжээний видео бичлэг, влог, bla bla бүхнийг оролдож үзсэн.
Бүтээгүй.
Мэдээж би цөхрөнгөө барсан тул бусдаас зөвлөгөө авах аргыг сонгоно. 50k, 100k, 200k дагагчтай хүмүүсээс өөр хэн надад үнэтэй зөвлөгөө өгч чадах билээ.
Тэдний зөвлөгөөг товчхон танилцуулбал:
"Зүгээр л өөрийнхөөрөө бай!"
Энэ бол тэдний надад өгсөн хамгийн хэрэгцээтэй зөвлөгөө. Хамтдаа энэхүү зөвлөгөөг илүү тодорхой, ямар ч хүн уншаад контент хийхдээ хэрэгжүүлж чадах хэмжээний ойлгомжтой болгоё.
Та дагагчдадаа үнэ цэнтэй зөвлөгөө, мэдлэгийг түгээх видео хийхийг хүсэж байна гэж бодъё.
Ихэнх хүмүүсийн гаргадаг алдаа бол камер асмагц бүх үзэгчидтэйгээ ярьж эхэлдэг явдал юм.
Хэрэв хэн нэгэн 1000 дагагчтай бол бүх 1000 дагагчдынхаа урд байгаа мэт төсөөлж, төсөөлсөн 1000 хүнтэйгээ бүгдтэй нь ярилцаж эхэлдэг.
Харамсалтай нь тухайн мөчид ГАНЦХАН ХҮН өөрийг нь үзэж байгаа гэдгийг мартаж орхидог. Ганц л хүн хаа нэгтээ суугаад, утасныхаа дэлгэцээр таныг үзэж суугаа.
Тиймээс камераа асаагаад ГАНЦХАН хүнтэй харьцаж байгаа мэт ярь.
Зөвлөгөө ингээд л болоо гэж үү? Үгүй ээ.
Би саяхан 4 хүнд контент маркетингийн сургалт орсон. Бид 5 долоо хоногийн турш 5 удаа хичээллэсэн ба хичээл бүр маань 5-6 цагийн хугацаанд үргэлжилсэн.
Энэхүү хугацаанд сурагчдадаа хэрхэн контент бэлтгэх, бичих, хамгийн гол нь "Сонирхол татахуйц видео бүтээх талаар" зааж өгсөн юм. Зарим сурагчид маань дагагчдынхаа тоог хоёр дахин нэмэгдүүлж, хандалтаа огцом өсгөж, улмаар орлогоо ч өсгөж чадсан.
Хэрэв та контентоороо дамжуулан орлогоо нэмэгдүүлэхийг хүсэж байвал доорх линкээр орж манай дараагийн сургалтад бүртгүүлээрэй. 👇👇
🔗 form.typeform....
Энэхүү хөтөлбөр нь контентын тал дээр аль хэдийн тодорхой хэмжээний туршлагатай болсон, контентоороо орлого олж үзсэн, түүнийгээ дараагийн түвшинд аваачихыг хүссэн хүмүүст хамгийн тохиромжтой.
Хөтөлбөр нь 5 долоо хоногийн турш нийт 5 удаа хичээллэнэ.
Өмнө нь дурдсанчлан нэг хичээл 5 цаг үргэлжлэх ба нэг ангид 4 хүн бүртгэнэ.
Ямар ч байсан өнөөдрийн зөвлөгөө танд хэрэгцээтэй байсан гэж найдаж байна, магадгүй дараагийн сургалтаараа тантай уулзах ч юм бил үү. :)

[@tsababayaraa41]

Гайхалтай шүү. Нарийн олон зүйлсийг сурсан. Амжилт хүсье.

[@odbayartsogoo2198]

👍👍👍👍👍👍

[@ulsaa0317]

GREAT VIDEO

[@Kzlovecat]

Sain bnu namaig Tuvshin-Amgalan gedeg Tani bichlegiig uzeed neeh udaaguich ih sonirhiltoi sanagdsaan bi odoo 14 nastai yaj orlogiin ih uisgvertei boloh vee tuslaach bas zovolgoo uguuch Ali boloh sanhuugiin erh chuluund ert hurj busadda noloolhiig husej bnaa

[@Innoturemarketing]

👍