{الحراق}(103) أحمر ع السكين يا سبيط! Squid Game

في روائي امريكي مشهور اسمه جوزيف هيلر.
في يوم من الأيام كان بيحضر مع واحد صاحبه... حفلة عاملها ملياردير... فصاحبه بص له وقاله مش غريبه ان صاحب الحفلة دي بيكسب فلوس في اليوم الواحد أكتر من كل اللي انت كسبته من كل رواياتك؟
جوزيف رد وقاله: فعلاً غريبة... بس انا عندي حاجة عمرها ما هتبقي عند الملياردير ده.. صاحبه قاله: ودي إيه ان شاء الله..
جوزيف رد وقاله
"عندي..... اللي مكفيني"
لما نزل المسلسل الكوري "سكويد جيم" علي نتفليكس وبأه اكتر مسلسل اتشاف على المنصة من اول ما ابتدت لحد
النهاردة..
النقاد قالولك المسلسل بينتقد الرأسمالية... الفكرة كانت غريبة بصراحة وشكلها فيها فلسفة الموضوع ميستاهلهاش، احنا مسألناش المؤلف يعني كان يقصد ايه بالظبط وهو بيكتب.
بس لو فكرنا بهدوء هنلاقي ان المسلسل بيقدم صورة مصغره لمجتمع بيخرَّج ألعن وأحط الغرائز والأطماع في نفوس البشر... من أجل شيء محدش فيهم محتاجه أساسا...
وشعار كل واحد فيهم.. "نفسي نفسي"
في العالم الرأسمالي اللي احنا عايشين فيه... فكرة انك تكتفي بالقليل لمجرد انك مش محتاج اكتر منه هي فكرة مربوطة بالفشل والاستسلام.. النجاح والعظمة دايما مربوطين بإنك عاوز أكتر... عاوز أكبر وأحدث وأسرع وأجمد وأعظم وأفشخ شيء من كل شيء.
وبعد ما اقنعونا ان الحياة لعبة، والشاطر هيكسبها..
بنكتشف متأخر ان احنا اللي كان بيتلعب بينا..
والكسبان الحقيقي..
هو اللي رفض يلعب.
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ghasilmokh
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ