H. Lalrinawma (Marina) - Ramniengmawi
Vložit
- čas přidán 28. 04. 2015
- Naupang kum 12 mi vel ka ni a, ka nu leh pa an inthen vangin ka nu hovin rethei takin kan hmeithai a; lungngaihna leh beidawnnain nasa takin min delh bet a, hlimni hmel kan hmu khat hle thin. Chutih hunlai chuan zan khat chu ka mumangah hian Vanram ka lo hmu a... Ni-engmawi takin a chhun en raih mai, hmun thawveng leh nuam em em mai niin ka hmu a ni.
Naupang mai ka nih vangin ka sawifiah thiam lo va, mahse ka mithlaah a cham reng mai. Ka sawi thiam danin ka zing tho chu ka engthawlin ka lungawi em em a, ka lung a leng em em bawk a.
Hunte lo herliam zel mah se, ka thinlungah theinghilh ni reng a awm thei lo. Tleirawl sualnaten min luah khaha ruihtheih thil nena ka inhnuhkawi viau lai paw'n ka ram hmuh kha ka thinlungah a cham reng thin.
Ka damchhung kum a lo tam telh telh a, chu ram ka ngaih chu a lo zual telh telh a. Hetia rawngbawlna kawng zawh tura kohna ka dawn ve hnu pawhin Chu ram chu ka ngai em em thin a. Zoram dung leh vanga Rawngbawltu ni ve-a Camp, Crusade leh Conf. vela Speaker min hman rim ve viau lai pawh khan vawikhatmah ka sawifiah zo ngai chuang lo.
Hringnuna harsatna ten min bawhbeh a, Vanduainain min run lai leh ka mirin tak tak ten min phatsan lai te, hringnun hian min diriam ngawih ngawih nia ka hriat lai pawha ka beiseina neihchhun chu ka ram ngaihah hian a awm tlat thin.
Kum 2011 Nov. thla a lo herchhuak a, zan khat chu rawngbawlnaa ka rim ve deuh vangin ka damsam lo hle mai, Upper Republic a kan In luahah chuan taksa bawrhsawmna vanga thinlung ngui leh chau takin kan Thuthlengseiah chuan ka muzal a, tukverh inhawng atang chuan Van dumpawl ruih mai, Arsi phe uarh mai leh, Thlasik intan boruak vawt ver tawh te, Arsi zinga thlasik kawngpui paw chuk mai te chu ka thlir reng a.
Ka lungleng hle mai a. Kawmthlang lamah rannung an hram chiar chiar a, Chutih lai chuan Chu ram ka ngaih chu a lo zual leh ta a. Ka hriat loh laiin ka mittui a lo luang ngiai ngiai a. Bible ka la a, Isaia ziak ami, "Chumi khuaa awmte chuan, ka damlo.. an ti ngai tawh lovanga......" tih kha ka chhiar ta a. Ka nun chu a tuiral zo ta hian ka hria.
Ka awmna hmun atang chuan ka thlawk chhuak daih ni berin ka hria. Ka lunglennna ram chu suangtuahnain ka'n luhchilh ta a... Chuti chuan ka ram buaipui thin chu hla hmingah chawi ka duh a. Mizo tawnga tawngkam khat hian sawifiah dan ka zawng ta a. Fiah zo chuanglo mah se, ka rilru damna ber nia ka hriat tawngkam....'RAMNIENGMAWI' tih hi thupuiah hmangin he hla hi Lalpan remtihna leh tanpuinain ka buatsaih puitling ve ta a ni.
A ngaithla apiangte tan damna ni se.. tih hi ka tawngtaina a ni thin e!
By - H. Lalrinawma (Marina Hauhnar) - Hudba
2023 ah pawh ka la ngaithla e... a ropui, Pathian ropui zia a pholang e...Amen
He hla hian min va vel ngun ngai em! 2006 kuma cancer avanga ka chân tak, ka nu min tingai vawng vawng.....
Kuthnathawk mi a ni a, pa lova min enkawltu a ni bawk. Mipa hna - lo vah, lo hal, hlo thlawh, buh chhek leh phurh aman a ti vek thin. Rim leh hah takin a thawk a, kan tan a inhlan ral raih a ni. Aizawla kan awm hnuah pawh kuthnathawh a bang chuang lo va, anhnah awm laiin anhnah kharin a chhuak a, rawtuai awm laiin rawtuai khawrhin a chhuak bawk a. Nu leh pa nih fawm, ka nu chuan 2006, August ni 1 zan dar 11-ah chiah chuan Jordan ram raltiang, khawpui hluna awm turin min kalsan ta a nih kha! A boral dawna a tawngkam hnuhnungte kha ka bengah a cham reng mai ka ti, "Kan chan hi a va ropui em! Lawma zai mai tur kan ni. Nangni pawh ka ruang chungah rawn lam vek ang che u," a ti a, hriat theih chang changa tawng hriat lohva tawng zuiin he lei ram hi hnutiang chhawnin raltiang min kaisan ta a ni.
He leia a awm laia thawmhnaw tha hak tur nei ngai lo, ka nu khan Van ropuina hain rangka-laitual a fang ta, he lei puan ropui hi a mamawh ta lo ve. Khawpui mawiah chuan a cancer leh tawh ngai lo vang a, 'ka va chau tak em!" pawh a ti tawh ngai lo vang. Damsam lo leh peih lo chung chunga rawtuai khawrha a chhuah a ngai tawh lo va, in luah man a pek pawh a ngai tawh lo. Chhandamtu thuthlung avanga lawmman chu changin a thawhrimnate kha a dah tawh a, buaina leh eng natna mahin a tibuai leh tawh lo vang.
Nakinah chuan hlim takin kan la leng za ang a, Van Mi Thianghlimte nen hnehna hla mawi sain, he leia kan hmuh leh hriat theih eng ang aia mawi leh nalhin buaina chhum piah lui ral ram mawiah chuan Beramno hmel hliam hnu kha kan la fak za dawn a ni. A va ropui dawn em aw.....He kum 13 liam tha chhunga ka ka atanga 'Ka nu' tih thumal a chhuak ngai ta lo erawh ka hrilhhai hle thin..............
Hla phuahtu leh satu Marina, Lalpan malsawm zel rawh se......
H,Lalrinawma marina Ramniengmawi thiam Kavan ti em,khawpuimawi thlen hlan kava nghakhlel em
Ava ropui em i Nu chanchin i rawn sawi hi. Mittui a hnâm thei mai alawm. I nu chu a hahdam tawh e.
@@lanangente8434 Amen.......Masi a lo hnaih changte hian lung a leng zual thin a
Ropui tak ani.
@H. Lalthanpuia lo ngaithla ve ngei ang. 🙏
He hla hi chuan a fawmkim bawka, ka ngaithla kham theilo, PATHIAN mite hla dik tak a ni, ropui tak hi a ni mai.
RAMNIENGMAWI
Jordan ram raltiangah khawpui hlun chu a awm
Sual hnehtu mi thianghlimte an leng e
Kawngkhar mawia lut tura insufai vekin
Lei hnutiang chhawnin raltiang an kai tawh e.
Hlim takin kan leng ve ang, ram ni eng mawi takah khian
Kan khualzinna leiram pela kan thawhrimna kan zawh hunin
Beramno hmel hliam hnu kha van mi thianghlimte zai rimawi nen
Hnehna hla mawi sain kan awi ang
Buaina chhum piah luiral ram mawiah khian.
Chu khawpuia lengte chuan ka damlo e tiin
Lungngaihna biahthu reng an sawi ngai tawh lo
Chhandamtu thuthlung vanga sual ngaihdamte an ni
Buaina ten a chim phakloh khawpui mawiah.
Lei ropuina hnawla Lal Krista thlangtute chuan
An ui lo, Lal rawngbawl nan an hringnun
An hun hlu, an rosum leh thisen thianghlim nen
An hmangaih Lalram tan an luantir e.
Sualna ten thla an zar e, lei hrehawmah hian
Kan dam thei lo i hmangaihte Lal Immanuel
Taksa leh thlarau damlo, nun tuihalte tan
Gilead-ah thinghnai damdawi a awm lawm ni?
ZORIMAWI ava ropui em..Lal ISUA ropui rawh se
He hla ka ngaih thlak tawh chuan Vanram ka ngaih a zuala Van nun ka tem thin, a ropuiin Pathian tana nun hlan tute chuan chawimawina an dawng ngei dawn tih a ti lang chiang hle
A hla thu van tha em awww
@@lalramhlunakhiangte8245❤❤
Lusun tawh tan pheichuan...a va han rilin, a va han mawi vawng vawng tak em.
Kan chatuan inpui tur min va han ngaihtir vawng vawng em.
Kal hmasa te nen in tawhkhawm hun a va han nghahhlehawm tawh tak em😭😭
Marina hla te hi ka ngaithla kham thei lo,thlarau niun a va chawm thin tak em!
A thu a tha, a thluk atha a satu in a thiam kher mai. Ava han mawi tak em. Ka ngaithla ning thei lo.
A thiam in a mawi ka ti ber mai e kan dam sawng² e !!!!
Marina pathian in awmpui zel rawh se.amen.
He hla hi chu avan nalh tak, sa thiam bawksi, Kan naute awih mutnan ka hmang thin... chhungte famta te ngaih avan na vawng² tak em....
UPC ni velo tan pawh Vanram min feel tir vawng vawng thei hla;a ropui ka ti ka Pa nen a kan hla duh em em ani..Ka nu min boralsan tawh min ngaihzual tir thin Chang hnih na bik ah..
A van ropui em... Min hneh vawng vawng
He hla hi chu a thu a ṭha bawk a satu hian a thiam bawk sia ka ngaithla ning thei lo a ni e
Marina aw cial tak hi ka rilrem zawng tak a ni....sâng takah hian a ri veng veng mai a ni.
He hla hi zawngin minvan vel ngun em. August ni 11 a kanu minboral ta in ahla duh em2 ania. Ka ngaithla ningthei bawk silo.
A thu a tha in lung a va ti leng tak em, a satu in a thiam bawka, min hneh hle mai, lusun khawhar te hnemtu lo ni zel ang che aw.
Lei ropui na hnawl a lal krista thlang tu te chuan an ui lo, LAL rawngbawl nan an hringnun an hun hlu an rosum leh Thisen thianghlim nen an hmangaih LALram tan an hlan e😭 avan ropui tak em👏
😊
A va dik em😢
Amen ..
A van ngaihnawmin i zaite pawh a ngauhnawme, nangmah iangin kan tuiral zo ve mai dawn a lawm le.
A hla a rilin khawpui mawi luh ve theih loh a hlauhawm in luh ngei chakna min neih tir thei a lawm...thlarau nun a chawm veng veng...mai...A satuin a thiam bawk si.
Marina hi chu awww,,i zai hi ngaihthlak ava han nuam thin tak em,,a hla thu ah hian kan cheng veng veng bik ,,,,
Hehla hian minvel nasa ngawt mai.Lalpan malsawm xel rawhse.
Lalpa ram min van ti ngai tak em marin a hian a thiam vawng vawng hle mai
A mawi tak zet
2021 oct. 13 zan ah ka ngaithla, ka lung a leng hle mai, marina dam se zai zel teh se.
Amen hallelujah! Chu hla chu a vahan tha tak em, Lalpa kan chawimawi che, Amen 🙏
A solfa kan va duh ve aww. Iphal chuan. Amawi kantia, zaipawlin kan zir a.
Kan chhungkua hian ka ngaithla ning thei lo a mawi kan ti tak zet
He hla hi chu a va nalh tak em🙏
Ka ngaithla kham theilo, mitam takin ansak ka hre tawh, aphuahtu hian asa thiam ber mai.... Van min ngaihtir mang e... U marina Lalpan hruai zel che rawh se.
Unauparinawmaivahanthiamtakemkangaithlakhamtheilolalpanhruaizelcherawhserualtehtk
Amen...a satu hian a thiam ka va ti em.A hla thu leh a thluk hian,Vanram min ngaih zual tir..
Zai thiam hle mai, a thu ah i cheng tih pawh a hriat khawp mai ngaih thlak a nuam ka ti hle mai
Aw a va mawitak em athu a tha a Van lam min ngaihtir thin .. zaizel rawh Lalpa ropui nan .
Marina Lalpa thlarau thianghlimin awmpui zel che rawh se.Lalpa ropui ber rawh se
Ka zing thawh hlim atangin ka ngaithl char char mai thin a ka hrehawm na min hnem thin ani
Unaupa marina, he hla hi chu ava han ṭha tak em,,Lalpan malsawm zel rawhse.
A changtawp dawn,music solo hma ami hi tihṭhat theih ava chaka
A va han zai thiam tak em, a thu a tha bawk si, ka nun min kai hruai Tu a ni fo thin
Thlarauva ka chak loh em em lai pawh a min chhawk thin tu ka hla duh em em mai, hetiang hla tha hi mi tam tak hian ngaithla ve thin se ka van ti em aw.
2019 ah a la mawi reng
Ngaihthlak pah in ka hallelui pap pap mai lalramngaih ava ti zual em
U marin, Hla i van phuah thiam thin tak em!!a lunglenthlak khawp mai, Pathian in malsawm zel che rawh se.
Marin, hlathar i nei leh dawn hnai em, Lalpa ropui nan han nei leh vat teh
He hla Ka ngaihthlak apiang hian engtin amaw ni hian Ka awm ka nun hi a tuiral ni mai hian Ka hre thin Ka tahpui fo thin
I va han sa mawi tak em!!a mut ah min hruai
Khawpuimawi ngaih ati zual mang e. Ava mawiin beiseina nung min va pe nasa tak em.
Engtik hunah pawh ngaithla ila ala nalh reng mai nih hi.
Analh hi ka va ti em.. He hla hian min vel tap thin... Vanram ngaihna nasa tak ka nei thina. Nie traw helei hi chhuahsan hi a chakom em thin ani...
Amawiin ava han thiam Tak em ve aw, ka nhaithla Ning mawlh lo sualna ten thla an zarna he lei hrehawm kan pelh hunah chuan Beram no fakin hlim takin Lui ral ram mawiah khian kan la leng ve dawn nia🙏🙏
Thinlung ava hneh thin em!!, ka ngaithla ning thlawt lo.
A va nalh tak . Vanram ngaih a ti zual... mittui a ko chhuaklo theilo.. chu khawpuia leng te chuan ka damlo ve tiin lungngaih biahthu an sawi tawh ngailo, chhandamtu thuthlung vanga kan chan tur ram ah chuan..
A van nalh dep dep em,ka duh ltk
Iva thiam tak em aropui hle mai
Kan khua ah he hla thupui chawi hian nauye hming an phuah... Ramniengmawii tiin... he hla hi chu a nalh lungrun thlawt.....phuahtu in athiam bok
van nalh tak em, kanpa min ngaihtir, kan ngaithla dun nasa thei 😥😥😥😥
A mawi lutuk tlat he hla hi chu k ngaithla ngun lutuk ringot
A satu sak hian ka ril hi arem ber maiin ka hria... ka ngaithla kham ngailo.. Lalpan malsawm mawlh mawlh rawh se..
Heti em em a hla thu tha leh thluk mawi satu thiam bawk si hi ka la ngaithla ngai lo, a nung ani tawp mai, thinlung in buaina chhumpiah luiral rammawi min thlir tir veng veng mai, Amen
Ka sawi chhuak thiam lo, ka feel veng veng a ni.Lung a ti leng mange aw
Ava chakawm ve,,'an hmangaih lalram tan,an luantir e' tih hi.
He hla hi chu aw...ka va han duh tak em..Kan thawhrimna kan zawh hunin hnehna hla mawi sa in kan awi ang..😥😥🙏🙏🙏
Gospel hla a min hneh bertu ala ni
A van ril rai rai tak em...!"Hlimtakin kan léng ve ang.
A hla thu hi van tha in , a phuahtu hian thlarau thianghlim awmpui na hnuai a a phuah tih a chiang reng mi
He hla hian k rilru a va khoih tehlul em. K lunggaih leh mangang taka k awm in he hla hi k ngai thla a min thlamuan hle thyn. Lal pa ropui rohse amen ......
Ava han mawi vawng vawng em!!! A hla thu lah hi rilru atihlim veng veng mai😢😢
He hla mawizia hi chu aw. a satu hian a sa thiama, a zai a mawi em em bawk a. a rau em bok a ni. Lalpan a ngai thlatu apiang tan malsawm mawlh rawh se.
Pu marina hi chu aw eng hla pawh hi sa la i zai hi englai pawn ka kham thei mawlh lo...hla phuah thiam si zaithiam/ nung reng mai bawk..Lalpan malsawm zel che rawh se
He hla zet zawng kum tam a liam hnu ah poh k la tahpui reg mai ava ropui em.....
A description pawh hnuk akhawih hle mai. A ropui e. I phuah alo ni leh zela. I suangtuahna ram khawhar lunglengthlak tak atanga i phuah chumi mitthla chunga lungleng taka i aw hrisel taka i sa hi avan mawi chiang em❤❤❤👍👍👍
Mawi lutuk.zaithiam si🙏🙏🙏
Pres nimah ila ka ngai thla kham thei lo 🙏🙏
Amen, Halleluiah !!!!! a va ropui tak em... Ka ngaitla a, ka ngaithla leh thin.....Lalpa'n malsawm zel rawhse. Halleluiah.
A van ropui em lalisuan ropui na chang rawh se AMEN.
Tun lai chu he hla hian ka lung min len em em mai a ni Amen
Ka nun hahdamna hla
marina zaithiam kati lutuk pcrohmingthanga khawhai upc nei
He hla hi chu ka van duh tak
lalpsan ropuina chang rawhse ,
A lunglen thlak vawng vawng ṭhin e.👍
buai Na chhun piah lui ralram Mawi ah khian amen
A va mawi em, ka pa duhtak PC Zaliana nikum February ni 3 a min boralsan ta khan a duh thin si a.
2020 ah poh a la mawi hlee ni. A hla thu hi a tha bawk si, A va ropui emm😊😭
Ramniengmawi ah Lalpa fak a zai ka va chak tawh em.
Ka duhin min van hneh tehlul emm
upc min hmu sit tu te zong zong cung ah lalpa rorel roh se
UPC zawngin irilru ngaituah hmang ngai suh pathian hla tha tak ani my...
Nunsang Pathian hi hmangaihnaa khat Pathian a ni, ringtu tan midangte hriat nuamlo tura thusawi hi a thalo ka ti...
Marina hi a zaithiam mai bakah a aw a mawia hla phuah thiam pawh ka ti
ka mittui ava tla nasa tak em.... Lalpan malsawm zel che rawh se
Ka van duh tehlul em..phuah thiam bawk zaithiam lutuk
Marin i aw moi lutuk mai hian min fan chhuak ka tuiral zo ta
❤️❤️❤️
💞💞
Kum 2020 ah pawh hian a van mawizual em ve le.. He hlaphuahtu leh satu Lalpan malsawm zel rawh se..
He hla hi chu aw atha in Ava nalh Tak em🥰 athluk hi a UPC Chuang silo,kohhran hrang hrangin an sa han hriat te hi Ava nuam em.
Khawhar in thlengin sak ahlawh ania,ka ngaithla kham theilo.LALPAN hmang zel rawhse🙏🙏
Avan zai thiam ve aw Lalpa afak chiang hle min hneh aropui
Thlarau atang a i phuah ani tih a va chiang em i hla phuah hi duh loh ka nei lo
He hla hi chu a thain a mawi thlawt s ni...👍
marina zai hi ngaihthlak nuam dap dap e 👍
Ka ngaithla kham thei lo a tha ema.
Mawi lukuk e
Amen.... Halleluiah. A va ropui em
Ka nau Lalbiakhlui Kum 2017 a min boral san ta khan a duh em em thin a,kum 2013 district children's meet-ah te khan an zirtirtuten zai tura an ruat ve avangin sound track kan ngaihtuah a,Unaunu RZI'n a dang siam buai ngai miah lovin a track neih sa min copy tir a,a sa ve kha a nia..he hla ka ngaihthlak hi chuan ka nau kha min ngaihzual tir thin.Bial PYD in ralna program an siamah hun tawp hlaah kan sa ho a,kha zanah te khan sa hlei thei lo in ka awm a,ka mittui a ti tla nasa a nih kha.He hla hi chuan ka lung a ti leng thin...
Tin,nikum kum 2020 khan ka pa in min boral san ve leh a,anni chu hripui leng awm tawh lohna,lungngaih leh tah awm tawh lohna, sualin a tih buai tawh lohna khawpui ramniengmawiah hlim takin an leng dun tawh awm si a...
March27 2019 tuge LA gaithla ve ceu...avan nalh tak em
Keiman kala ngaithla
Ngaihthlak a van nuàm em,zingkar boruak thianghlim nen phei Chuan a ropui zuàl in Ka hria.
Amen,Isua ropui ber rawh se
Haleluiahh Amen a van ropui tak em
Ka ngai thla kham thei lo ka pa kum 1984 a boral ta leh ka pu te min ngai zual tir thin
A va mawi Tak em aw he hla hi chu