SCETATE, chitarra e voce di Giovanni Bernardi

Si duorme o si nun duorme bella mia,
siente pe' nu mumento chesta voce.
Chi te vo' bene assaje sta 'mmiez'a via
pe te cantà na canzuncella doce.
Ma staje durmenno, nun te si scetata,
'sti fenestelle nun se vonno aprì,
è nu ricamo sta mandulinata,
scetate bella mia, nun chiù durmì.
'Ncielo se so' arrucchiate ciento stelle,
tutte pe stà a sentì chesta canzone.
Aggio 'ntiso 'e parlà li tre cchiù belle,
dicevano: "Nce tene passione".
E' passione ca nun passa maje,
passa lu munno, essa nun passarrà.
Tu, certo, a chesto nun ce penzarraje,
ma tu nasciste pe m'affatturà.