Основоположник абхазской литературы Д. И. Гулиа и грузины ● Аҧсуа шәҟәыҩҩы Дырмит Гәлиа
Vložit
- čas přidán 31. 03. 2024
- Основоположник абхазской литературы Д. И. Гулиа и грузины
Дмитрий Иосифович Гулиа (1874-1960) - абхазский писатель, историк, лингвист, народный поэт Абхазской АССР, основоположник абхазской литературы
● Аҧсуа шәҟәыҩҩы Дырмит Гәлиа
● აფხაზი მწერალი დიმიტრი გულია
Ссылки на использованные видео:
• დიმიტრი გულია - 140; Д...
• აფხაზეთი 1992 წელი - უ...
• Д/ф «Человек» о Дмитри...
czcams.com/video/ru89X-TgFOg/video.html ← См. здесь: - Абхазский историк Олег Хухутович Бгажба пошел против собственного отца!..● Фальсификация историографической науки в угоду политической конъюнктуре на примере грузинской надписи XI века Беслетского моста
czcams.com/video/qYSF-fdNQoY/video.html ← Это интересно! Абхазы и «История Армении» армянского историка IX-X веков Ованеса Драсханакертци
Академик Кетеван Ломтатидзе (1911-2007) могла по речевым особенностям угадать, жителями какого абхазского или абазинского села являлись ее абхазские и абазинские собеседники ● См. здесь: ↓↓↓
czcams.com/video/IxDudCAOxdw/video.htmlfeature=shared&t=604
В Советское время поэма «Наставник» (груз. „გამზრდელი“) грузинского поэта Акакия Церетели (груз. აკაკი წერეთელი) входила в программу абхазской школы и многие абхазы ознакомлены с ней. В поэме особо подчеркивается великодушие абхазского героя, его верность к вековым традициям, неуклонное почитание и следование обычая аталычества.
Поэма «Наставник» на абхазском языке - сылка на ВИДЕО: czcams.com/video/IuR--0fDTeo/video.html
Акаки Ҵереҭели, «Абаʒʒеи» (аҧсуа аиҭага)
Акаки Ҵереҭели
Абаʒʒеи
Иҟалазҵəҟьа ахҭыс
Ирыхьʒынҩылоуп ҳарҵаҩцəа
I
Ажəҩан иаҵəа азааигəа,
Ашьха ҳарак ду аҿы,
Ауреи ҭбаареи узеилмырго,
Ҵыс ҭыҩраҵас акы убоит.
Ʒынгьы ҧхынгьы аамҭақəа ззеиҧшу,
Иааилышу ҧсыуа ҧацхоуп.
Аʒын иҧхоуп, аҧхын ихьшəашəоуп,
Ашьха наара иадҟаҵалоуп.
Дыди мацəыси еилаҩынтуа,
Ашьхеи агеи анарʒыʒо,
Аҧсҭҳəа еилач аҽыларҟəны,
Абри иахьчоит иахаҧаны.
Амза каҧха анақəыҷҷо,
Амра цаҳəцаҳə ианарлашо,
Аҧсҭеи ашьхеи еибаргəырҕьо,
Дара абарҭқəа ианырҧыло.
Абри аҩны гəырҕьахəхаʒоит,
Бааи хани аҵанарʒуеит,
Урҭқəа абри иузадкылом,
Игəазырҳагахоит, иҧшʒаʒахоит.
Наҟ, аҧацхахь, неига мҩасы,
Иаҿагылоуп ашьха наара,
Имҩа цəгьаны, мҩахəасҭаны,
Шəарахымзар егьзаҿамло.
Уахь инеирц иақəызкызгьы
Имазароуп инеигымкəа
Агəы еицамкуеи абла ҵари,
Аихаҩа зхоу алабашьеи.
Ма дхаҵа ҕəҕəаны дақəтəазароуп,
Ладеи ҩадеи зегьы ззеиҧшу,
Ашьха иааʒаз, шəара ззымдыруа,
Арашь ҧҵəаха, аҽы бзиа.
Уа инхада жəлар ирылкьны,
Ҟəаҧаҿаҧа, ашьха ақəцəан?
Аҧсҭа, арха, аҧшʒарақəа,
Дабатəиу урҭ ирылкыу?
Ҳəараҭахым, уи даҧсыуоуп,
Деилҟьа-еилҕəыцəʒа, деилыххаʒа,
Хəыҷы изырха, ду рацəамшьо,
Ацəгьеи бзиеи зегь изеиҧшуп.
Аҽы ҭоуҕан, абџьар бзиа,
Ихҭырҧа рқьақьа, ачыхə ыргьало,
Иуапа хəылда еилаҳауа...
Уаҳагь акы деилаҳауам.
Аха дырҩегь акы ацҵатəуп,
Абзиабара зегь ирыцкыу,
Зегь ирҧхьаʒо гəыҟаҵагас,
Абригь мам ҳəа азиҳəозма?
Анасыҧгьы ааизыгьагьан,
Абри азгьы дхəыданамтəит, -
Абзиақəа хкыла иреиҕьыз,
Убри ишҟа лхы нанархеит.
Абар иҵуеит мызкы иаша,
Дааиган димоуп лыла ҭшаша,
Алмас ҧҵəаха, ахьырҵəаҵəа,
Гəазырҳага, аихышəашəа.
Лара илыхьʒуп Назиброла,
Одышь далиааит - Агыртəыла,
Леиҧш дыҟамызт, хьыʒла-ҧшала,
Деиҭаҳəатəын уи зегь рыла.
Лгəацаҧха, абзиабара
Изаалыртит зегь раҧхьаʒа,
Еижьарамкəа нагʒарала
Абри аҧсуа лылашара.
Урҭ рынхашьа, реибабашьа,
Излаҟаз ҳəа узҳəаʒашам,
Калам ҵаргьы нап ҟазала
Амсыр қьаадыш иазанҵашам.
Дгьыли жəҩани ирыбжьанакыз
Лаҧсуа иеиҕьыз аʒəгьы лбомызт,
Ҟармеи ʒахəеи аҵла ишакəшо еиҧш,
Иара дикəшон, дагьызʒатəуан.
Гəылеи ҧсылеи еибадырны,
Разҟи насыҧи иеидыркылаз,
Арҭ иреиҧшны насыҧ змаз
Даара ирацəам аҧсабара...
Избахьада насыҧ нагʒа?
Ишнеи-шнеиу, ргəаҟгак нахьʒоит:
Ацха хаагьы иналалоит
Зны-зынла аз еиҧш ашак.
II
Аҧсҭҳəа еилачи аҵых лашьцеи
Унарылҧшны акы убашам,
Адыд-мацəыс убасҟак иҕəҕəоуп,
Шəарахкгьы уа изыцəашам.
Ақəа леиуеит ҧҳалк хышəҭызшəа,
Афарҭын суеит аҵла хыжəжəо,
Абна-абра адыд-мацəыс
Аџьқəа ирысуеит аҕьҕьа-гəгəаҳəа.
Абри еиҧш азы аџьаҳаным
Иеибаргəырҕьон иҭази иареи,
Аҧсабара аҵыхəтəа ҧҵəарцы
Егьагʒамызт уажəы-уашьҭан.
Аџьнышҵəҟьагьы игəы ҭʒыʒауа
Дзаҧырҵуамызт иџьаҳаным.
Харатə сасык убри еиҧш азы
Аҧсуа ишəгəашə уа днылагылеит.
Ибжьы рҕəҕəаны аҧшəма иқəҿиҭит:
«Еи, аҧшəма! Сас дуҭоуп-ҳəа,
Иаамҭам, аха уҩагылеишь»-ҳəа,
Аҧсуа «ҳаи»-ҳəа ииарҭа дҩылҟьеит.
Иҽеилаҳəауа амца дҩацхеит,
Аха иџьеишьон, абри еиҧшха
Дабатəхари сара исҭааз ҳəа,
Ашə ааимиҧааит ашацаҳəа.
Саламышьҭахь дааҩнашылеит
Асас ааҧса аҩны аҩнуҵҟа,
Ихҭырҧа-иуапа еилабааʒа
Аʒы ихьыкəкəон ишьап аҟынʒа.
Асас ҿымҭкəа иуапа ишəихит,
Ихҭырҧагьы ихашьҭахь дҩахеит,
Иара убасҟан асас изы
Аҧшəма асқам амцахь днахеит.
Асас иуапа наҟ инкнеиҳаит,
Ихҭырҧагьы навакнеиҳаит,
Акгьы мҳəакəа дааҧышəырччан,
Ишьхəа даақəгьежьт аҧшəма ишҟа.
«Аҧшəма, уаахьаҧш, са сузымдру,
Сара сааира угəы иалсу,
Амца еиқəуҵоит асас изы,
Асас идырра уашьҭаʒами?»
«Сафар уоума? Ухаҵкы сыҧсааит
Убзыцəашьа, иузгəаҟуа!
Са сыблақəа уа иуеиҕьаршьо
Адунеи аҿы дарбан ирбо?»
Игəыдибакылт, еибагəыʒит
Ҩыџьа аишьцəа иеиқəлацəоу реиҧш,
Нас дныҩналан, дарҿыхеит
Абырфын лых иҧҳəыс шаша.
«Нас, амарџьа, бааццакыроуп,
Асас изы фатəык бырхиароуп,
Харатə даауеит, дааҧса дыҟоуп,
Иҟамлари чаҕьак имфацзар!»
«Моумоу,Баҭа, фатəы сҭахым,
Уи ахагьы дук исымам,
Ус дук сашьҭоуп, исылшозар,
Даҽак уаҳагь акгьы сҭахым...»
Абри ҳəаны, ус нациҵеит:
«Са исҭахуп иуасҳəарцы:
Уажəраанʒа суаҩ иашан,
Уажəы ишубо, исцəеилагеит!
Алмахсиҭ ҳəа дудырыр ҟалап,
Арҧыс еилҟьак, Инал-иҧа ҳəа,
Иҽи икəадыри ахьынеимоу,
Дагьымариам рыхə зшьаша.
Зегьы ирҳəоит иара иҭыʒшəа,
Даара дшьахəуп, ҽыла дҟазоуп...
Иареи сареи ҳаимабзиам,
Кыргьы сицəшəоит, изызʒозеи!
Хара инаҩуеит иара иажəахə,
Неирҭас имоуп ҳара ҳахьгьы,
Иуаҩышьа-иҧшʒарала
Иҿхагаахоит ҳаҳəсахəыҷқəа.
Ҵоуп, ииашоуп, Зиа-Ҳаным
Дук дизхьаҧшуам, длыдылкылом,
Егьырҭ дреиҧшны дылҿынҵəаауа,
Дзыҟамлар ҳəа дицəшəаны.
Зиа-Ҳаным леиҧш аҧҳəызба,
Сахьеи, ҧшралеи, уаҩышьалеи,
Макьа дыҟам, дагьысымбеит,
Зегь лызгəаҟуеит уаҩы ишимбац.
Амза каҷҷо, ҧхара амамкəа,
Аҧсабара шарлашо еиҧш,
Лыҟазшьала, лыҧшʒарала
Зегьы лтəылтəуеит жəа рымҭакəа.
Зынʒа длашо илыдлыҧхьалоит,
Уи анахыс рхы дхалыршҭуеит,
Урҭ иралҳəо, рнапы ианылҵо,
Иҧсы-инха инарыгʒароуп.
Сара сақəшəеит убри еиҧш аус,
Гəыла сылгеит, блала сылблит,
Нас исалҳəо, исыдылҵауа,
Инасмыгʒар, сабацахуа.
Са исыдылҵеит, убас салҳəеит:
«Абри ахымшк ирхымгакəа,
Аинал-иҧа иҽыхəа иаҵəа
Иҧаџь-ҧаџьуа саҧхьа иааргыл!»
Аинал-иҧа иҽы ҭоуҕан
Изласоури? Хəыла иҭиуам,
Мчыла зҳазгьы, бзала дишьҭуам,
Иҧсы ихыхны, цəгьала дишьуеит.
Убас сҳəаргьы, анс сҳəаргьы,
Зхы бзиа избо иаҭəамзаргьы,
Ма изʒароуп, ма сыҧсыроуп,
Уи сыманы уа слызнеироуп.
Ари зʒаʒом, аиаша сҳəоит,
Уи Алмахсиҭ иҽларџь акəар
Са изгароуп, илызназгароуп,-
Са сыззаазгьы уи азыҳəаноуп».
Дизыʒырҩуан ибзыцəашьа,
Зегьы иирҳаит, дагьазхəыцит.
Игəы иамыхəаз иаҳазаргьы
Гəахəас икны аҭакс иеиҳəеит:
«Даара иқəнаган, абри еиҧш аус
Иуаҭəашьаны уаламларцы,
Уи аҭыҧҳа лажəа хаазаап,
Уара иуиааит, уагаʒазаап.
Абри еиҧш ашьҭахь ишҧоуури,
Ҳəараҭахым, ма уҧсыроуп,
Ма иноугʒароуп лара лгəахəа
Ахы инаркны аҵыхəанынʒа.
Ас сҳəеит ҳəа, уара иудыруеит,
Урҭқəа зыгхо аʒə уакəʒам,
Аҕəҕəарагьы, аџьбаррагьы
Ирылоу удыруеит, зегь ҧушəахьеит.
Арҭ аҩбагьы дук иагьеиҧшым,
Шəара захьʒу даҽакыуп,
Ахыхьчарак уи даҽакыуп,
Иеилаҩашьом, иеилаʒҩахом.
Уцашт, аха уабацари?
Аашьара ҳəа улоуҵашам.
Амҩа ззымдыруа, цқьа иашьцылам,
Абри дхымҟьар ҧсыхəа имам.
Ари аус сара исыдҵа,
Уара уҧсы шьа, ухы нкыдҵа,
Ма иузаазгап убри аҽы,
Ма схы ақəысҵап, бзала схынҳəрым.
Уара уҟаз, абра унышьҭал,
Амца унырҧха, цқьа уҧсы шьа,
Сманшəаланы аҽы сзаагар,
Нас ҳаицəажəап сџьабаазы!»
Абас иаҳəо дааихыхəмарын,
Ишаха шьҭыхны ашə дындəылҵит.
Адыд-мацəыс имҩа арлашоит,
Абри еиҧшқəа игəы архаҵоит.
III
Иаацəылашоит. Аҧсаа ҿыхоит,
Адыд-мацəыс аҽеиқəнакуеит:
Аларџь ҭоуҕан нықəырҧало,
Абзыцəашьа ашҭа дҭалоит.
Иҽы нҿеиҳəан аҩны дааҩналт.
Ара дыцəоуп иуапа икəырша,
Аҽы ззаигаз - ахəыҧҳа бзиахə,
Амҩа иашьыз, амца иаршыз.
Уи днаиҩсит, дмырҿыхакəа,
Диаша днеиуеит иҿаҧарашҟа,
Уа дышьҭами иҧҳəыс лаша,
Дынлацəажəашт шьыжь фатəы ҳəа.
Цəгьа иагьибом Назиброла
Дынлыхəаҧшыр, дҭахəхəа дшыцəоу;
Абар димбацт иахаижьҭеи,
Иҧсы еиҧш иибо иҧҳəыс шаша!
Иҟалазеи, ара иибазеи?
Иҧҳəыс ҧшʒа, алмаз хьыбла,
Длаҕырʒышо, лыхцəы нашьҭны,
Лиарҭа бзиахə еилажəжəаʒа.
Лыбжьы ныҵак, лыла ҭырчаа,
Дҕызы-ҕызуа лиарҭа дықəтəоуп.
Арҭқəа аниба, нас идырит,
Иҧҳəыс дшақəшəаз амчымхара.
Лхаҵа дшанхан, ииуа изымдыруа,
Хара дтəаны лгəаҟра даҧшуан,
Нас днахəыцны, цқьа даахəыцны,
Дышныҟəашаз иҳасабқəеит.
Дналхагылан, дынлацəажəеит:
«Шьҭа бымҵəыуан, уи азхазааит,
Бара бзықəшəаз зегь ҧхыʒқəазааит,
Урҭ иаарласны наҟ ибхашҭқəааит!
Уаҩ дзынио зегь лахьынҵазаап,
Уаҩ иҧеиҧшу дзахымҧозаап,
Бара бзықəшəаз бара ибхарам,
Бақəшəеит, ииаст, анцəа ихаран».
Дгəыдкыл-дхыдкыл, дигəыʒуа,
Лылаҕырʒқəа уа ирбеит,
Длыҳəо-дылчо, дыҵəи-ҵəиуа,
Зегь башоушəа агəра лиргеит.
Нас длагьежьит асас ишҟа,
Жəа хаала дыниацəажəеит:
«Амра халеит, уҩагыл шьҭа,
Умҩа хароуп, аамҭа уцəцоит!»
Сафар длаҵҟьеит дыцəаʒамшəа,
Дшəа-дырҳауа, игəы ҵысуа,
Аха аҧшəма дычча-хəмаруа,
Гəалак змам иеиҧш даниҿаҧшы,
Даахəыцит: «Анцəа иџьшьоуп,
Иҧҳəыс акгьы иалымҳəазаап,
Мап анакəха, ма ҟамала,
Ма ҳəызбала уа дсылгауан.
Дыҧхашьазаап аҭаца хəыҷы,
Илымҳəазаап дзықəшəаз акы
Шьҭа издыруада, изаҳауада,
Убри азыҳəан сзырҧхашьода?»
Иҽааибиҭан, усгьы наиҳəеит:
«Ухха-учча узлазбауала,
Иҟалап, узцаз ноугʒазар,
Исзааугама са сзызгəаҟуаз?»
Анс иеибырҳəеит, ас иеибырҳəеит,
Згəы егьҭаʒам реиҧш инеихəмарит.
Асас изы ʒык ааҭиган,
Иҿы-инапы уаҟа иирʒəʒəеит.
Сас иқəнага уи игхомызт,
Фатəи-жəтəи рзы деиҵахомызт.
Егьымфа-егьымжə дагьышҧацоз,
Дцаʒозаргьы, дышҧаишьҭуаз?
Иҽы кəадырны дынҽыжəиҵан,
Ларџь маʒарах иара дҩақəтəан,
Дəы еиужьҵас, еиҟараҵас
Рыҽқəа идырхəмарт, инықəдырҧалт.
Нас икəалаауа, ишəарҭаʒамшəа,
Амҩахəасҭа, амҩа ҿҟьарҭа
Иҩуа, ихəмаруа, икəараҵауа
Лаҕьа инҭалоит ахҿа иеиҧшшəа.
Уаҟа иахьылбааз, аҧсҭаҿы,
Амҩаду иаша адəы аҿы,
Иҭаххеит аҧшəма игəала иҳəарцы -
Ус неиҳəеит ибжьы неиҵыхны:
«Сафар-бег! Ушламысдаз еилсыргеит,
Сыхəшьад шуҳəаз блала избеит.
Ехьарнахыс уареи сареи
Иҳабжьоуп ашьауга ахы ҕəҕəа.
Хы рқьиага ажəа умам,
Акы сҳəоит ҳəагьы уагьаламган,
Иаҳа ҳаргəаап, ҳгəы ҧнажəап,
Уажə иахҳарҧо ҳнанаргʒап.
Шьҭа уца, усҧырҵ наҟ иаарласны!
Уҽысцəыхьча, усҧымҳалан,
Иахьа иахсырҧаз уара ушьра
Иаарласны иноумыгʒан!»
Убри ажəа ихы ланарҟəын,
Сафар игəы убас инҭнаҟьеит,
Ихəаҧштəы бзиахə наихҟьан,
Дцəышʒа, асы ҧшра неихатəеит.
Аарла иҳəеит: «Иуҳəо ииашоуп!
Акы шҧасҳəо, ҳəатə сымаʒам,
Са сымдырхеит, сара сҩашьеит,
Са сеилагеит, анцəа сишəиит!..
Унапы сануп, сбаандаҩуп,
Иумбои, сабџьар ишнышьҭасҵа!
Унапала са сушьразы
Схы ласырҟəуеит уара уахьҟа...
Сыҟазар аиҳа сыҧсыр еиҕьуп,
Сшьы унапала,сааурҭынчып,
Инароуны сгəаҟра аҵкыс
Иааркьаҿны абра усылга!..»
«Мап, сара схы уара ушьыгас
Сабџар ахьынтə инеирым ушҟа,
Са сан гəакьа илааʒаз уоуп,
Убри лакəын зкыка уахоз...
Аҵас, адаҭ иеилоугақəаз
Ҧсызхоу аʒəы иуџьишьашам,
Ҽыҧныҳəаси, рҧхашьагаси
Уара иузхоуп уҟанаҵы.
Уца, усҧырҵ ус, ушеибгоу!
Иахьарнахыс егьаҳзеилам,
Гəы цқьала, ма бла хаала
Ҳагəра еибаго ҳзеибабашам!
Аха ак уасҳəоит, иноугʒароуп,
Уа ушнеилак уа Ҟабарда,
Зегь раҧхьаʒа иухоумыршҭыкəа,
Аха умоузшəа, уҽахымгакəа,
Унеи, дба уи, уа ууаҩызтəыз,
Ҵара узҭаз, зегь иаҳəа иара:
Иууз, уламысгьы шеилоугаз,
Ахьмыʒҕ бааҧсы шысургаз.
Нас убри ашьҭахь сшазыҧшу
Аҭак ажəа иара иахьынтə.
Ҳаџьы-Иусуф ас наиаҳар,
Ацкы сзааицҳааит убри мцымкəа».
IV
Ҳаџьы-Иусуф дыззымдыруада,
Зегь рзыҳəан дхəарҭа дууп,
Ҵареи дырреи иара игым,
Ацəгьеи абзиеигьы дрызкуп.
Уи дыҟамкəа егьрызҳəаʒом,
Изымҵаакəа егьырзуʒом;
Моҳамед ду иҧҟарақəа
Қьаад шьҭымхʒақəоуп ишидырқəо.
Дгьыли жəҩани еимидахьеит,
Ацəгьеи бзиеи зегь ибахьеит,
Зынʒак дажəʒам, макьа дагьҿоуп,
Ишлеи иеиқəеи неиҟароуп.
Абар...Бег днеит Иусуф иҟны...
Уа иҳəароп ииаша-ҵабырг,
Ааʒара уҳəа, ахəыҧҳара,
Зегь иара уа ишеилеигаз.
Дцəажəоит, иеиҳəоит егьынмыжкəа,
Ииуз, ииҳəаз, ацк иаҳази.
Уаҟа дҵəыуоит, игəы инарҳəом,
Рҵыхəа ҧҵəаʒом илаҕырʒқəа...
Илымҳа ииҭан дизыʒырҩуеит,
Уажəы-уажəгьы дааилашəоит...
Дизыʒырҩит, зегь еилиргеит,
Иаҵанакуаз зегьгьы иʒбит.
Нас иааџьеишьан, ус днеизҵааит:
«Иуеиҳəазеи, нас уи лхаҵа?»
«Ажəытə-аҿатə днарызхəыцын,
Исанеижьт са сымдырра.
Аха уалс уи исыдиҵеит:
Унеи, дба уи уабаʒʒеи ҳəа.
Убри иахьынтə са сазыҧшуп
Уара исзууз ацк ажəа ҳəа».
«Зегьы саҳаит уара исоуҳəаз,
Са сыламыс цқьахаразы
Иара иҧхеишьаз, инаимгʒаз
Са снапала инасыгʒароуп!»
Уа иаашьҭихит итапанча,
Иеиҵоуп иара еиҵарпапа,
Сафар днеины игəы имҵеикуеит,
Абџьар шьҭызхыз иабаʒʒеи,
Аха Иусуф
Абри еиҧш иеиҳəоит уа иара:
«Иуқəнагом уара ашьра,
Уи иақəнаго сара соуп.
Усзымааʒеи уара цқьа».-
Абри ҳəаны
Итапанча илыҵеикит.
Иааиқəикшан иныҭҟьеит,
Иусуф Ҳаџьы наҟ дынхышəҭит,
Ахəышəблы фыҩгьы неихатəеит.
Ақырҭшəахьтə еиҭеигеит
Дырмит Гəылиа
23:02 ← Д/ф «Человек», посвященный Дмитрию Гулиа ● О Дмитрии Гулиа говорят: ↓↓↓
В.Д. Авидзба
З.В. Анчабадзе
Г.Д. Гулиа
Е.А. Гулиа
Г.А. Дзидзариа
Д.В. Кортава
К.Б. Ломтатидзе
Б.В. Шинкуба
С.Е. Чилаия
А.Г. Шанидзе
Рукопись первого абхазского словаря 1827 г. издана в Тбилиси ● См. здесь: ↓↓↓
czcams.com/video/UpVb4f-Wock/video.html
В составе Комитета по переводу церковных и богословных книг в 1907 году Дмитрий Гулиа впервые перевел на абхазский язык Требник, а в 1912 году - Евангелие. В автобиографии он писал: «Мне кажется, что с точки зрения языка и точности текста перевод удался. Этот огромный труд, разумеется, не очень-то заметил абхазский народ, равнодушный к христианству - впрочем, так же как и к магометанству.»
czcams.com/video/qYSF-fdNQoY/video.html ← Это интересно! Абхазы и «История Армении» армянского историка IX-X веков Ованеса Драсханакертци
„...აფხაზები არ ცხოვრობდნენ სამურზაყანოში. ესენი შემოვიდნენ XVII საუკუნის ბოლოს, დასახლდნენ მერე...“
აფხაზებმა შეცვალეს ქართველური (მეგრული, ქართული) ტოპონიმები ისტორიულ სამურზაყანოში. ქართველი მეცნიერები სამურზაყანოს ისტორიული ტოპონიმიკისა და ქართველური სახელწოდებების აფხაზურით შეცვლის შესახებ ↓↓↓
პაატა ცხადაია - ფილოლოგიის მეცნიერებათა დოქტორი, პროფესორი
რუსუდან ჯანაშია - ფილოლოგიის მეცნიერებათა დოქტორი, პროფესორი
czcams.com/video/jK1lrABDNzs/video.html