Walang Kasiang || Gereja GPM Manusa
Vložit
- čas přidán 7. 09. 2024
- Walang Kasiang
Walang kasiang, merupakan istilah untuk menyebut gedung Gereja Jemaat GPM Manusa. Disebut Walang Kasiang karena berALASkan tanah dar pergumulan deng perjuangan
BerDINDINGkan gaba-gaba dar tekad yang seng muda lapuk .
beratapkan daun rumbia, deng mata deng hati yang bisa lia,. Biar Cuma bambu jadi tiang,. Tapi bisa par tongka katong pung iman dar malam sampe siang,.
Walang kasiang,. tampa paleng indah for rasakan kesederhanaan Pencipta,. tampa paleng nyaman senyaman didekapan semesta,. Tampa katong dapa ajar supaya musti bakubae kalo katong bakalae, Tampa katong dapa ajar supaya musti biking bae kalo orang biking seng bae, Tampa dimana katong dapa ajar supaya tarus ucap syukur, deng trus baharap for Tuhan Allah..
WALANG KASIANG,.. Kalo ujang, bocor sadiki, tapi seng bisa kas babasa katong pung cinta deng kasih yang su jadi alas par ANTUA DIATAS. Kalau anging datang, katong tahang deng Somba, deng doa supaya seng loga-loga.
Katong pung Walang kasiang akang su miring,. Tapi katong pung langka tetap TUHAN iring, Tuhan su jawab katong pung doa, la deng ANTUA utus Gembala yang setia, yang taat, mau sama-sama susah, sanang deng katong, la bawa berkat banya for banya orang deng gunung deng tana ini.
Antua ni sama deng obor kacil yang manyala di tengah utang (hutan), yang pung cahaya tapancar sampe diatas gunung mai, lalu tasiar buka jalang for orang laeng,.
Taong 2018, TUHAN utus, anana muda dar PELA BERBAGI KASIH yang datang deng pung tujuan yang sama par bage kasih deng jadi berkat disini.
Bukang karena apa katong datang ka sini, mar ini samua tagal Tuhan pung rencana deng Doa yang ANTUA dengar dar dalang (dalam) Walang kasiang.
Perjuangan seng sadiki sampe kaki bisa badiri disini, tangan bisa baku tongka par "tapa Lomai' kas badiri rumah sombayang, deng mulu bisa tabaos par samua orang kalo manusa itu Yerusalem Baru, Tampa Tuhan kas unju berkat par samua bangsa, yang mangalir kaluar dar sungai tala, eti, deng sapalewa sampe ka ujung dunia.
Katong masih tetap jadi PELA yang sama, deng akan terus ada, yang akan tarus jadi sudara meski katong seng sadara, yang akan jadi keluarga biar seng satu atap.
Katong pung doa masih sama,. Semoga, Alas tanah, Dinding gaba-gaba, atap rumbia deng tiang bambu itu katong seng lupa, karna itu bagian dar sejarah yang buat katong tetap randa hati, deng saling taru hormat satu deng yang laeng.
Deng pono harap,. Antua pung ruma baru ni akang jadi Ruma doa par katong samua,.
Narrator - Thonias Rahalus
Voice Over. - Yondri Latumanuwei
Video & Editor - SkyPictures
Music - Reyvelino Paais
Manusa negeri neneku tercinta...salam sayang for samua dari surabaya
Narasi sangat menyentuh hati. Tuhan Yesus Memberkati. 🙏😇
Sekadar saran saja. Jika mungkin, Parpem GPM mulai merancang community development di Manusa. Merencanakan kebun coffee 1 ha per 1 keluarga. Jika kita asumsi bahwa ada 100 kel di Jemaat Manusa, maka dlm 5 tahun sudah ada 50 ha kebun coffee. Nanti jemaat yg lain menyusul mengikuti yg berhasil.
Tuhan Yesus memberkati 🙏
Maju terus Saudaraku...
Terima kasiiih untuk iman yang luar biasa....
TUHAN YESUS pasti tetap berkati....
thank you
pela berbagi kasi😥😥
Luarbiasa... Tuhan Yesus Memberkati 😇🙏
Keren
Tuhan Berkati selalu..
ini sih Mahal Skali,,,,,Narasi yang tambus kadalam hati, kastumpah aer mata for rasakan iman yang hakiki, walang kasiang mengajarkan katong for rendah hati tanpa ada di manusa. visual yang mengoda inspirasi tentang syukur dan sombayang, ....support for karya karya terbaik membantu kami di Gereja Gereja Protestan Maluku lewat OBOR injil digitalisasi, Tuhan Yesus Selaku Kepala Gereja Mau Berkati Yayasan PELA BERBAGI KASIH, Beserta Manajeman dan anggota dan siapa saja yang mau berbagi untuk karya ini,,,,,
#betagpm
Semoga Jemaat Manusa tetap memancarkan Api Injil dari tengah pergumulan di GPM...Sukses Bapen Amy Salampessy...
Tmpa ktg dp ajar msti bkg bae kl org bkg z bae,kl hujan angin ktg ht susah paskli tp Tuhan pung syg akang ttp badiri😭😭 Danke bapen almie salampessy yg sngt luar biasa juga tim pela berbagi kasih yg tuhan utus par manusa,Tuhan yesus berkati deng kasi berkt pono par pribadii keluarga kk dong sllu😇🙏
Samua yg su bantu adalah alat yg Tuhan Yesus pke. Antua mau berkati Basudara samua yg su bantu jemaat GPM MANUSA
Salut untuk yang ambil gambar, editing, pengisi suara, & pembuat naskah narasi. Special thank's Sky Production : Gery, Kelo, and friend's 🙏
Bapen Ami 🙏😇 Tuhan Yesus sayang dan kasi berkat melimpah par Basudara Jemaat GPM MANUSA. Z janji, tapi suatu saat b akan sampe disana 🙏😇
nonton akang seng sadar aer mata gugur ee..
LUAR BIASA..
TUHAN YESUS PALENG DAHSYAT...
Luar Biasa, Tuhan Yesus Memberkati Tangan2 Yang Sudah Baku Bantu , Air Mata Terharu Malele 😭😭
Berkat selalu tatumpah par dong samua. 🙏🙏🙏🙏
Respect buat Jemaat GPM Manusa dan Pela Berbagi Kasih 🙏🙏
Kerja Buat Tuhan Selalu Manise 🔥🔥🔥
Teringat jelas AMGPM Cabang Elim I tahun 2016 ber koinonia di Jemaat Manusa.. sangat berkesan dalam cerita pelayanan... Tuhan Yesus Memberkati...
1 kata sa Luar Biasa, samua karna KasihNya, tetap biking bae, Ontua pasti kasi yang lebe bae lai🙏❤️
TUHAN YESUS BERKATI DONG PELA BERBAGI KASIH, turut bersyukur bisa naik Di peresmian dengan PELA BERBAGI KASIH 😇🙏🙌🥺
Tuhan yesus buka jalang par katong pung negri MANUSA🙏
🥺 sioo .. Tuhan Yesus luar biasa ... Zg sadar Aer mata tumpah 🙏
Tuhan Yesus berkati Jemat Manusa sllu🙏
Luar biasa anak2 tuhan semoga selAlu di berkati kesehatan dan kekuatan untuk berbuat yg terbaik bagi masyarakat serta jemaat...SALUT 👍👍👍
😭😭😭 Tuhan Yesus tetap memberkati 🙏🙏
Teruslah jadi berkat vor banya orang, SALUT 🙏
Berkat selalu tercurah buat" anak" pela berbagi kasih serta semua yg terlibat didalamnya. 😇😇😇😇
Terharu😢. Yg diberikan seng jatuh sia-sia ke tanah. Tuhan Yesud berkati😇
Luar biasa 🙏🙏
Sinode uang banyak tu
Tuhan Yesus pake anak2 Latta dg luar biasa
L̶a̶t̶t̶a̶
Pertahankan iman sampai Tuhan Yesus datang...
tuhan yesus luar biasa 🙏😇
Diberkati umat Tuhan di manusa ❤️❤️❤️❤️
Blessed to be a Blessing 😇
Berkat pono2
💞😇
aer mata kaluar
walang kasiang jadi ruma doa par katong samua.. walang kasiang (susbtansi narasi ini adalah Gereja) dalam perkembangan Perspektif Teologi dewasa ini, Gereja bukan lagi Gedung, organisasi, tetapi Tubuh, karnanya dalam 1 kor. 12:1-12 mengambarkan bahwa gereja terdiri dari Bnyak anggota tetapk 1 Tubuh. Jika di tafsir lebih jauh maka muncul banyak pemahaman tentangnya. B hanya meniliknya dalam pahamam ini, Bahwa walang kasiang itu bukan soal Gedungnya, bukan soal organisasinya, tapi kita sebagai Gereja. Walang kasiang ajarkan kita bahwa dalam sekian bnyak perbedaan kita adalah satu, satu yg mesti terus bersama dgn tujuan yg sama. Walang kasiang juga memberikan nilai untuk kita tetap rendahati, untuk bersyukur, untuk sukacita, untuk tetap semangat memberitakan Injil dalam ketaatan dan kesetiaan kepada Tuhan..
Walang kasiang juga adalah tempat untuk kita Berdamai dgn diri sendiri, dgn orang lain, dan alam ciptaan Tuhan..
PELA Berbagi kasih adalah wujud Pemuridan, bukan dari legalitas duniawi tetapi langsung dari Tuhan untuk jadi berkat voor manusa n voor bnya orang..
Dankee paleng banya su kase kesempatan voor b tulis carita ini deng tinta aer mata, deng kata2 yang paleng nyata dari hati deng rasa... danke bnya Basudara PELA Berbagi kasih,. Usi Nia Wakanno yg su bantu review tulisan ini... Walang kasiang ajar katong voor jadi berkat Voor orang banya. Inga e. Biking ekstrim par Tuhan, Tuhan akan kase Ekstrim voor katong ( k Jo Latumanuwy),.
L̶a̶t̶t̶a̶
#koreksi
PELA bukan lagi Pemuda Latta..
Tapi PELA dgn konotasi orang basudara 🙏
Siap kk@@alternardjimmywaas9385yg b tau dari sumber lain bagitu jadi. Danke untuk pencerahannya 😇
😭😭😭😭
Ini yayasan dari gmp sandiri atau dari luar gpm??
Bukalah CZcams lalu ketik
INTI INJIL
Keren
Tuhan Berkati selalu..