شيري QQ 🇨🇳 | الاقل استهلاكا للبنزين و الاكثر اقتصاديه - تفاصيل كامله مميزات و عيوب . CHERY QQ .
Vložit
- čas přidán 12. 01. 2024
- من #سينما_السيارات هنتكلم عن شيري كيو كيو ك واحده من #سيارات_مستعمله في #سوق_السيارات بسعر اقل من ٢٠٠ الف ومتنساش تتابع سلسله #بيجو #دايو #لادا #فيات #فورد وغيرهم .
مع تتابع الاصدارات الصينيه وانتشارها في السوق المحلي في مصر و اسواق تانيه في الشرق الاوسط ظهر موديل جديد من شركه شري و كان من انجح الموديلان ال تم تصدارها لعربيه اقتصاديه في الوقت دا و الموديل دا هو شيري كيو كيو
تم اصدار شيري كيو كيو سنه ٢٠٠٣ و كان الهدف الاول هو انتاح عربيه اقتصاديه بسعر مناسب جدا ومغري عشان تحقق المبيعات العاليه و الانتشار القوي لشركه شيري
وتقدر تقول ان العربيه دي نجحت الي حد ما في تحقيق هدف الشركه ودا بعد انتشارها القوي واستمرار تداولها لحد النهارده واجيال شيري كانو جيلين
الجيل الاول شيري و الكان من ٢٠٠٣ ل ٢٠١٥ و الجيل التاني من ٢٠١٣ ل ٢٠٢٢ وكلامنا النهارده هيبقي عن الجيل الاول منها
تصميم شري كيو كيو كان جزاب وعصري بشكل كبير وكان قريب الي حد ما في التصميم من جيلي باندا خاصه في الجزئ الامامي فهتلاقي كشافات بشكل دائري مع كشافات شبوره وبينهم شبكه تهويه صغيره والتانيه في الاكصدام بين كشافات الشبوره .
برغم ان ال كيو كيو بتنتمي للسيارات صاحبه الفئه السعريه المتوسطه الا انها بتمتلك مواصفات خلتها تتميز عن عربيات تانيه من نفس الفئه السعريه
فمن ناحيه الموتور نزلت بموتور قوي من ميتسوبيشي صغير بقوه ١٠٠٠ سي سي ٧٠ هورس باور تقريبا وبرده نزلت بنسخه كهربا لكنها منتشرتش بشكل كبير
اما الفتيس فنزلت بفتيس مانويل ٥ سرعات و نسخه تانيه بفتيس اتوماتيك
التجهثزات ووسائل الامان
شيري كيو كيو جت بتجهيزات اساسيه زي سنتر لوك وازاز كهربا وباور وتكييف وساوند سيستم دا مع امكانيه التحكم في وضعيه الكراسي بأشكال مختلفه لتقديم الراحه بشكل اكبر بالاضافه للمبات زينون في الكشافات وجهاز انزار و نظام متابعه ضغط الهوا بالنسبه للكوتش اما وسائل الامان فنزلت ب abs و ebd وايرباجات طبعا مع احزمه امان و التجهيزات ووسائل الامان كانت بتختلف ع حسب الوكيل في كل بلد عن التانيه يعني في مصر مكنتش بتنزل بكل التجهيزات تقرييا .
زي م كان في اختلاف في التجهيزات ووسائل الامان من بلد للتانيه
اختلفت برده المواصفات من ناحيه الابعاد وغيرها لكن بشكل متقارب جدا .
فشيري qq كانت بتيحي بطول من ٣ متر ٥٥ ل ٣ متر ٧٢
و عرض من متر ٤٩ لمتر ٥٠
وارتفاع من متر ٤٨ ل متر ٤٩
وارتفاع عن الارض ١٤ سم
مع شنطه خلفيه ١٩٠ لتر وممكن توصل ١٩٠٠ لتر ودا مع طي المقاعد الخلفيه
وتانك بنزين بسعه من ٣٠ ل ٣٥ لتر تقريبا
بمعدل استهلاك ٥ او ٦ لتر لكل ١٠٠ ك ودا معدل ممتاز جدا
وتسارع من صفر ل ١٠٠ في ١٣ او ١٤ ثانيه
مع سرعه قصوي بتوصل ل ١٣٠ او ١٥٠ ك في الساعه
واخر حاجه حجم الجنط و ال ببيجي ب ١٢ او ١٤ بوصه تقريبا
شيري qq نزلت بمميزات ساعدت بشكل كبير في انتشار العربيه
اول ميزه الاقتصاديه فالعربيه اقتصاديه جدا في استهلاك البنزين بمعدل ممتازي زي مقلتلك من ٥ ل ٦ لتر تقريبا كل ١٠٠ ك بالاضافه ان تكلفه صيانتها في المتناول وقطع غيارها رخيصه
تاني ميزه التجهيزات و سائل الامان ودا ال اتميزت بيه ال شيري عن عربيات كتير اعلي منها في السعر كمان ووضحتلك التجهيزات دي بالتفصيل
تالت ميزه سهوله القياده فسواقتخا تعتبر سهله جدا ومناسبه لاي حد بيفكر يجيب عربيه يتعلم عليها فهتلافي التوجيه سهل غير ان العربيه صغيره ومش هتعمل مشكله في المناورات
رابع ميزه الصيانه صيانتها سهله ومش معقده ودا بسبب تشابه اجزائها الميكانيكيه مع عربيات كتير خاصه الكوري
خامس ميزه التصميم تصميمها عصري ومناسب جدا لوقتنا دا خاصه للشباب دا غير انها بتقبل تعديل
سادس ميزه الموتور
برغم ضعف عزم الموتور الا ان في سلاسه في سحب العربيه وصوته مش عالي ولو مقرستش عليه بأستمرار في مساوير وغيره هتلاقي منه اعتماديه
سابع ميزه السعر
سعر العربيه مناسب واقل كتير من عربيات اقل منها في الامكانيات
بعد مذكرتلك مميزات شيري qq الا ان فث عيوب وارد جدا تخليك متفكرش فيها
اول عيب الموتور فبرغم ميزه السحب وصوته و السلاسه ال فيه الا ان زي مقولتلك عزمه ضعيف وادائه علي قده وفي الغالب ممكن ميستحملش معاك الهلك و الماوير في المسافات بشكل كبير
تاني عيب المساحه الداخليه
المساحه الداخليه صغيره وضيقه وصعب جدا تسع لاكتر من ٤ افراد .
تالت عيب نظام التعليق
عفشتها للاسف مش مريحه تماما ودا بسبب متانه العفشه و ال اتصممت بالشكل دا عشان تدي العربيه اتزان نسبي ودا غير انها قريبه من الارض ومع الوزن هتلاقي احتكاك مستمر بالنقر و المطبات دا غير ان شاسيه العربيه مش مصنوع من الحديد فعشان كدا بتتأثر بشكل كبير جدا نتيجه الخبطات.
رابع عيب الامان فبرغم تعدد وسائل الامان الي ان ممنوع تداولها في اوروبا ودا بسبب ضعفها وغير مطابقه لمعايير الامان الاوروبيه
انا عندي شيري كيوكيو متعة في القيادة اقتصادية في قطع الغيار والبنزين ٤ركاب من حجم متوسط سيارة حلوة😃😃
العربيه دي تنفع للمسافات البعيده و الطويلة
السلام عليكم مافيش حاجه حلوة كده من حلوياتك وتقريريك الممتعه المتألقة كالعاده علي سيارات اسبرانزا تيجو ❤❤❤🎉
ممكن حضرتك ترشحلي عربيه ف حدودو 150او 200 الف وميرسي جدا لحضرتك
هي أفضل ولا دايو ماتيز علي اعتبار الاتنين نفس السعر لان شيري بره وجوه فبريكا
عندي كيوكيو تستهلك البنزين
سياره ، زباله