جالنا ديسمبر محمد امين ( Galna December) mohamed Amin
Vložit
- čas přidán 25. 08. 2024
- الشاعر : محمد امين
vilon - piano - mix and master
by : Mohamed badr
Recording at : Chess Studio
Directed by: Mohamed hgar
Edit by : Adham Mahrous
Media House Production
جالنا ديسمبر
الكل سكوت
كلها كام يوم و سنة هتخلص
و بسرعة تفوت
مين فارقك مين لسة معاك
مين أكتر واحد في أصحابك بتحبة مع أنه أذاك
مين فاكرك وقت ما سابك كل الناس
و نسيتة و هو إستناك
إخترت إزاي مين هيكمل
أخترت إزاي تبعد عن مين
و الله غريبة البني أدمين
قلبك ميال ليها و قلبها مع غيرك بيلين
و البنت اللي بتهواك أصلا و حاططها في قالب متصاحبين
جايبالك صندوق بهدية وجواب غرقان برفان و حنين
قلبك مع مين
خد بالك
تسعين في المية من الدايرة ناس مش سالكين
عيد الترتيب م الأول ليك
غربل و أدفن كل التعابين
وإبدأ بنضافة سنة جديدة
فاضل أيام
دقات الساعات بتجري أوام
عشرين عشرين بتودع و بترميلنا سلام
يناير واقف عالباب ومخبي كلام
ناس شايفينه ضلام في ضلام
ناس غرقانة في الأحلام
وأنا من ناس مقسوم أتنين
نص بيتمنى الأنغام
و النص التاني شاف ألغام
إحذر ألغام
هتغرق نفسك في الأوهام
و سنة جديدة بتكمل مشوار صاحبتها
عشرين عشرين بدأت و الخير كان وياها
و شوية وجت عين و صابتها
قلبت أعصار و سيول
فيرس فتاك قلب العالم
والكل واقف في ذهول
أحداث في حياتنا كتير حصلت
و محال الرويات مقبول
العاقل زي المسطول
أحوال البشرية إتقلبت
وشهور و العالم مقفول
أعداد لمصابي كورونا تزيد
حرايق في العالم بتقيد
رمضان بيعدي علينا في حظر
نايمين وقت صلاة العيد
الوضع وضيع
الكل في حالة مذرية
عام الأحداث الكونية
عام الحسابات الدولية
أيام عدت دول إتهدت
قرارات معظمها إجتهادية
كمامات للكل
و ايدين غرقانة فوسط كحل
و الحالة العامة ملل بيشل
و قعاد في البيت من بعد سنين
ناسيين إننا بني أدمين
وخدانا التوهه و عايشين
تايهين في الدنيا الوهمية
و لا شاغل بالنا غير تأمين
مصاريف أولادنا الدراسية
كان كل حياتنا فطار و عشا
و خناق و مشاكل أسرية
طور متغمي في ساقية و بيلف و فراق بيزيد
البيت واحد واللقا في العيد
أشكال أولادنا بتتغير
عمر بيكبر
و سنين بتمر
الخيط مقطوع
البكر إتكر
البعد مرار
الحوجة أمر
نمل و ماشيين جوا الحيطة
بندور على حبة سكر
و نسينا الجيل اللي اتهمش
مع غربة أهل في دنيا الوهم
و الكل إتصاب من نفس السهم
ازاي هندوق طعم السكر
مع جيل مبيعرفش يفكر
مع أسرة كيانها بيدمر
و الرابط بينهم مش أكتر
من فيس او واتس و كومنتات
و متاهة تودي على متاهة
و مصالح بتقطع علاقات
طب حالنا جميل و أحسن بكتير من ناس مطحونة و مكوية
عايشين باليوم وعيال بتجوع مشفتش لا عيش و لا تفهم معنى الحرية
و في ناس تانيين صاحيين نايميين شاربين واكلين في كروشهم بالكوم ملايين
بشوية أعمال فنية
عايشين في قصور راسمين الدور دا المن يخلي الساقية تدور
و النعمة تزول و تثور و تغور
دا ثواب الطاعة المخفية
أكبر بكتير من كسرة نفس و مد إيدين بطريقة مهينة و مؤذية
عالم مختل
وميزان إختل
و الخير بيقل
و الناس اختلفت
هو العالم ليه محتل
مين السايق مين المتساق
مين قسم وحدتنا لأشلاء
مين ضيع جوانا الأخلاق
الأمر بسيط الدوا جواك
لو تعرف إيه اللي أذاك
مشيك في الدنيا ف ضل هواك
نساك الخالق للكون فاتحررت من العبودية
مهرجانات
أرقص بجنون
الدنيا ملاهي ليلية
كل الفرقة تضيع و بنرجع بس عشان أبطال كروية
جالنا اليوم والكل اتراهن
على وعيك يا حزين
ربك قاصد يدي دروس بس هيفهم مين
و ادي حياتنا و ادي قصتنا احنا البني أدمين
فوق و اتعلم كل دروس عشرين عشرين
حاسب نفسك قبل ما تبدأ قبل ما تبقى سجين
و ابدأ حلمك بسنة جديدة وشوف قلبك مع مين
حلو جدا الكلام بيوجع والله 😥
جامده جدا جدا ايه الجمال ده ياشاعر الله عليك
حلوه فشخ❤️❤️🇪🇬
الله جميل ياشاعر الله على الجمال
ماشاءالله كلمات جميله
شكرا للتعليق و الدعم
الحمد لله بعد ٤٠ سنه قلبي مع ربنا وبس
حلوه يا ابو البنات👍
How
ساحه
وانا بقول اي كلام في اي كلام واحد بالك ياحمام اصل القصه اساساً كلام في كلام اوع تدور علي الكلمات اصل الكلام مفهوم ذي كدا تمام واقف في ديرتك بتدور محلك سر 🤫 كلمة تموت وكلمة بتحي ايك تقول دا كلام عارف ياواد معني الكلمة ياحمام مظنش انك عارف او فهمان اصل انت تيه في الاحلام كان معاكم ابو الكلام