الملحمة الخياطية الكاملة || من اطول قصائد محسن الخياط واجملها || جلسات مذكرات
Vložit
- čas přidán 27. 08. 2024
- (( أهلا وسهلا بكم في قناة مذكرات ))
اضغط على اشتراك ومن ثم فعل علامة الجرس ليصلكم كل جديد
للتواصل مع قناة مذكرات على فيس بوك
/ mudhakarat
حسابنا على الأنستقرام
....
____________________________
قناة مذكرات لتوثيق الشعر الشعبي
#قناة_مذكرات
جلسات مذكرات
#جلسات_مذكرات
شكرا لكم ولتواجدكم
Hussein breej
تابعونا على التلكرام
t.me/mudhakara...
من سوريا حلب شقد سمعت شعراء العراق بس مثل هيك مستحيل الله يرحمه ويغفر له ويسكنه فسيح جناته
شعراء العراق دائما تخرج قصائدهم مدوية كالبركان الثائر الذي لاينطفئ. ربما بيئة العراق الممتزجة بالحزن والثورات والظلم والانقلابات اثرت على عظمة شعراء العراق ومجدهم الخالد فخرجت قصائدهم تفيض الما وحزنا وثورة وتمرد واسفا على تشقق وتدهور النفس الاسلامية العربية
وانا اهنيك على اللسان الفصيح@@user-z0x13h5il
شاعر القرن ليس له مثيل ولن يتكرر ابدا مات وستبقى اشعاره خالدة الف رحمة على روحه
صارلي ٢٢ سنه اسمع شعر شعبي بعمري ما سمعت قصيده مثل نخوة عشاير مستحيل اكو هيج قصيده كل بيت تلكه صوره او صورتين شعريه قصيده خاليه من الحشو تماماً وحدة الموضوع والتوضيف الي بمحله اعظم قصديه بتاريخ الشعر الشعبي العراقي من نزلوها لليوم كل ما اسمعها كأنما اول مره اسمعها والتفاعل نفسه❤❤
استحقر كل الشعراء امام هاي القصيده العملاقه الف رحمه عله روحه
الف رحمه على روحه شكد أشعاره غنيه وجميله وواقعيه جدا، مستحيل يجي احد مثله .لاتبخلون علينه بأي شي جديد .
كلامج صحيح اعز شاعر عندي هوه ماكو فيديو اله مو عندي
مايغني هوه شاعر الله يرحمه
ما شاء الله نبع لا ينضب
الله يرحمو ويجعل مثواه الجنه
والله صحيح
من أروع القصائد كتبت لتثبت أن لاشاعر يعلى ع محسن الخياط 💔الف رحمه ونور ع روحك الطيبه
ماكو هيج اتحدى شاعر يكتب هيج قصيدة طويلة بدون ماتنمل الف رحمة ع روحك محسن الخياط
هذا مربع مدور من روائع الشعر الجنوبي
او من دون ما يكتبها علا ورق
شاعر العراق الاول بلا منازع اشعلره حكم وكلامه درر وسرده للقصيد من اروع مايكون ،، الله يرحمه ويغفر له
شكد عظيمة هالقصيدة وكل بيت يحتاج له فد ساعة يتأمل الواحد بي
فعلا
حلوه من بنيه تحب هيج شعر . وخصوصا هل نوع الي بيه مفرداد قديمه و ريفيه
الي يدفنون بلحة ختم القصيدة الي دفنو دفانة بلحة صدك
اي والله 😊@@sadiq.iraq.98
شاعر عنده قابلية السرد بالصور الجميلة بكل بيت
رسام مبدع بالكلمات بأجمل طلة مع الاعتماد على اللغة الشعبية العميقة اللي تعطي طعم خاص للقصيدة
اعظم بيت
المايكدر يدفي البردت امن الظيم
يكرمنة بسكوتة ولا يبللهة
كل يوم اول ما اگعد من النوم لازم اسمع هالقصيدة وهسة توني گعدت وسمعتها يلا راح اگدر اكمل يومي ، الله يرحمك محسن الخياط .
@@lk6bm8bv8n جواب يروحي انت
من مدينة الشعر والشعراء الناصرية. نعزي السماوه. ب الوالد العراق محسن الخياط. 😢🇮🇶💔
يا أخي شنو هذا الإحساس العندك شلون تكتب والله والله والله انتة بالنسبة الي من عجائب الدنيا السبعة الف رحمة على روحك
الشخص اللي خلاني احب الشعر واحس بقيمتة ، الله يتولاك برحمتة 🤍
الأبوذيه مو ملك لأحد لاكن القصيده ملك للشاعر الله يرحمك محسن الخياط ايقونة الشعر الشعبي😢 ❤😢😢
اخي العزيز هذه ليست ابو ذيه إنما هي موشح
القصيدة تحمل معاني جميلة ، دعونا نتعاون على شرح معانيها لاجيالنا الجديدة ، ليصبح للقصيدة طعما عميقا .
لا معانيها سهلة خصوصا على ارياف السماوة والديوانية بالذات
@@Mahir-gh9qj ممكن تشرح بعض المفردات الغريبة بيها لان اني حافظتها بس كوم مفردات ما اعرف معناها لان احنا بالكوت لهجتنة ابسط
@@user-ho7nf4wq6j القصيدة طويلها اذا عندچ مفردات اذكريهن للعلم الشاعر من السماوة واني من الديوانية
@@Mahir-gh9qj اوشلهة واماطل بالجعد تغريب
غطت والفرس تتمحلج وتصهل
اتبهرجت بالصيف
اوجاغ
يا نخل البديري تمايلت ويلاه
ادن عالحداجة لو احملهة
@@user-ho7nf4wq6j اوشلهة يعني اخلص دمعها. اماطل بالكعد تغريب . يعني ادفع بالقارب . عكس اتجاه الماي . غطت والفرس تتمحلج وتصهل يعني غرگت الفرس .تتمحلج معناها تضايقت من الالم الي صابهة .وتصهل هو صوت الخيل يسمى صهيل. اتبهرجت بالصيف معناها اتفاجئت وماعرفت اشلون تعبر بالماي والطين لذلك رجلها انخلعت على الرغم كونه صيف والخيل ماتخاف من الماي بالصيف .اوجاغ .انت شايفه بالمضايف يخدرون بيه گهوة وچاي .يا نخل البديري تمايلت ويلاه .ايوصف نفسه الشاعر مثل نوع من انواع النخيل وانه بدل ما چان شامخ اتمايل وتقوس يا حسافة .اردن مو ادن عل الحداجة لو احملهة معناها ارد فارغ وهذا المثل دائما نستخدمه رديت على الحداجة يعني كلشي ما حصلت
محسن الخياط.
هل تعلم انك اذهلتني واذهلت الكثير من المستمعين.
هل تعلم انك اذهلت كبار الشعراء .
هل تعلم انك اذهلت وابكيت الذي يفهم والذي لم يفهم المفرده الذي انفردت بها.
محسن انني لم انساك ومن المستحيل ان انساك اني في كل يوم وكل مساء وكل فرح لي وكل حزن لي استذكرك واستذكر قصائدك واتناقلها ما بين روحي وقلبي ومع اصدقائي ايضآ .
وفي كل يوم قبل النوم استمع الى
روحي تواخذت يلما تحن الها.......
حتى ان تنتهي
لما يگدر يدفي لبردت من الضيم.
يكرمنه بسكوته ولا يبللها.
اعلم انك اصبحت محبوب لكثير من محبين الشعر.
انك اصبحت تجري مع دمي .
انك اصبحت رمز عضيم الى بلدنا العراق.
اهل تعلم ان مدينتك السماوه تفتخر بك؟
يا شوق الغريب أتعلم ان ابياتك توسدت القلوب .
رحمك الله يا محسن الخياط .
الشاعر الخالد محسن حمودي حمد الجياشي
الله يرحمه ويسكنه فسيح جناته
@@user-z0x13h5il لا خويه. يكولون جنابي
گلي بيا كتر عاشور ودة العيد
اليوم الذكرى السنوية الاولى لرحيل الحنين والاصيل الشاعر والاب الروحي لمتذوقين الشعر الشعبي محسن الخياط نسأل الله ان يتغمد روحه وان يجعلها روضة من رياض الجنة
وان يلهم اهل ومحبيه الصبر والسلوان
دنيانه انتهت ماتن هلاهله
صدك ملحمة هاي من معلقات الشعر الشعبي العراقي والله يرحم شاعرها
هاي القصيدة حفظته ع الغيب من كد ما سمعه حتى بالقسم صارو يومية نجمع ويكلولي تعال أقرأها 😢😢😢❤
@فارس خلف عبدالله - اكيد ههههههههه شجابك هنا أعرفك
@فارس خلف عبدالله - ههههههههه حياك حبيبي 😂❤️
@فارس خلف عبدالله - ههههههههه من زمان 😂
شاعر حد ألنخاع يسرد ألكلمات ألصعبه بكل سهوله يتلاعب بألمفردات بأمتياز متمكن ♥️
خياط ورواف بكل معنئ الكلمه اسمن ع مسما رحم الله تلك الروح البريئه التي تعلقت بلمعشوق ولم يتزوج غيره وفاءا للحب الحقيقي الذي اغتزل بروحه وفكره واخذه هيام روحه وعمره الله ع تلك الروح الوفيه لمعشوقها عوضك الله ايها الخياط باحسن منها في عالم الله الابدي نم قرير العين فالله لاينسى وفائك
والله شاعر عملاق وكل مااضوج اسمعه بتاريخ ٣/٧/٢٠٢٤
اني ابد ما احب الشعر الشعبي، لكن هاي القصيدة سمعته الف مرة و فلا مليتهه. بالاخص من يقول: مثل شجرة و سبع ازلام بيهه تهز الله يرحمك
محسن الخياط ....
كبيرهم الذي علمهم السحر ....
لروحه الرحمه والخلود 💔
الشاعر اللّي ما يتكرر آبا ظاهر الرحمة والخلود لروحك الجميلة يا روحك الحنينة السماوية .
وداعت العباس كل قصايد محسن الخياط حافضهن علئ كلبي وبالخصوص نخوت عشاير
اهنيك وهنيالك
@@jaffarali4390 حبيب كلبي انت 🥰
معدل
انه مچوچي عليك بليل ونهار
سامع بهاي القصيده 😭😭😭
@@user-xf7ym6ls3r اي يكول انه مجوجي عليك بالليل ونهار
درت عمرين وياك العشك دار.
يمكسر وبثنيه والوكت حار يروححك مستحميه وشوكه كدار
يروحي المنهه بيهه هموم الكبار مثل دلت الطركي الشايله النار
تره اني من اشد وياك تحتار انه اضفر وكت العناد منل الكوار
شفت حبيت اشوفك بالكت تقار شفت لاذت طويله بسد الاكصار شفت هرفي النكل شاخ اعلئ كنطار
شفت طير الشلوحي صفك وطار يحال طلوك عميه وجاهه خطار مشيت وما دريت صار ما صار
عطشنه والمطر يوكع علبيار
هاي كلهه حافضه وتحياتي الك اخوي
قابلية السرد بالصور الريفية الواقعيه اللي تعيشك بالزمن القديم نابعه من معايشته لبيئته ومن البستاين ومن الناس الوجهاء اللي جانت تحل مشاكل بزمانه.....فعلا شاعر كبير الله يرحمه
طريقه الشاعر حسن البركي محلي طعمه اكثر الي يقرئ القصيده مع الخياط
ماكدر اكمل القصيده كل بيت يقراه اتوقف وصفن وحلله هذا الشاعر العضيم كل بيت شعري يصنع لوحه بذهنه
رحمك الله يا حاصروست الشعر
عجائب الدنيا سبعه
وشعر الخياط ثامنها🖤
إن قصائد المرحوم محسن الخياط
واقعية وجميلة جداً فهي تحكي الواقع الذي نعيشة😔
الف رحمه ونور على گبره يشهد الله اگثر شاعر احبنه وسامع گل قصايده وقسم منهن حافظهن
شاعر كبير ومدرسة في الشعر رغم ظهوره على الساحة متاخر ومظلوم اعلاميا لا انه ارتقى قمة الجبل الشعري بفترة قصيرة جدا رحمك الله يا شيخ الشعراء وجعل قبرك روضة من رياض الجنة شكرا اخي الناشر
اخي شبيك هذا كان ملك الساحه ايام السبعينات والثمانينات عريان وكاطع كانو تلاميذ عنده
بس هو بتعد عن الشعر وعن الناس
مبدع. ابو ظاهر الله يرحمه ويسكنه فسيح جناته. والقصيدة نظمها على شكل مربع مدور .حتى لاينحذف منها بيت او شطر من القصيده . .وشكرا للي تحدى وحرك مشاعر وافكار الشاعر محسن الخياط .الي خلى ينتج مثل هاي الأبيات الشعرية ومفعمه بالصور . الى جنات الخلد يا ابو ظاهر
فدوه لحلكك الله يرحمك.ابو ضاهر
حرامات مانصفك الاعلام
بالقران مدرسه تدرس
خوكم من ذي قار💜
الكبير محسن الخياط لم يبخل على السماوة وعشائرها وعوائلها بهذا الجمال .. اتمنى من قناة مذكرات نشر قصيدة (رحت گوة ) ان كانت متوفره
اتمنئ اذا عندك قصائد للكبير محسن الخياط
تنطينياهن حته لو كانن كتابات ولس مقاطع
@@user-sp9bc9fj6y مدونهن كتابة كلهن بتلكرام اذا تريد واغلبهن منشورات بمذكرات
ممكن تنطي معرف القناة
@@sha3er_100 شنو قناتك ب بل تلي
@@sha3er_100
ممكن رابط تلي مالتك
الشاعر الوحيد الي مسيطر ع ذائقتي وحافظ كل قصايده
وعلي لو اني احمد منفي اله اسويله تمثال بنص سماوه🤕😥
الف الف رحمه ونور تنزل على قبرك أيها الشاعر
حقا انه امير الشعراء الشعبيين فلا احد يستطيع احد ان ينكر ان أشعر الشعراء في العراق
الله يرحمه برحمته الواسعه.
قمة من قمم جبال الشعر .
لن يتكرر مثله
اشعاره حكم ومعاني بليغة
وامثال رائعة ومفرداته راقية ببساطتها
وحنكة المعنى.
رحمك الله يا شيخ واحسن اليك
اعظم قصيدة شعبية بتاريخ الشعر الشعبي...
لو جنت بس انت شاعر بالسماوة
هم يحق الها تكون مدينة شعرية
فعلاااا مو بالكثره بالنوعيه 😢
مانولد هيج شاعر بزمانه ماتلحك ياكبير ألف رحمه على روحك الطيبه
كلي بياكتر عاشور ودة العيد!!
كلام في غاية الروعة
دنيانه انتهت ماتن هلاهلها
روحي اتواخذت يالماتحن الهه
مثل عودة زرع راﭽـبهه منجلهه
* * *
رﭽـبهة المنجل وحاصود لاويها
والف عونة حصاد اتهوس اعليها
تكولب مال حاضر صبخة حريها
وغدة ايضيع الفرس ريعان عاذلها
* * *
عاذلها تنيح والزم السكان
وانا برجلية رحة وناحرت موحان
تاركني الوكت والصبر واحضيضان
وكل ربعي هذيج الجنت اجاملها
* * *
اجاملها جنت ومكرم ومعزوز
واكرم بالعزيزة ابغير ﭽـيل وروز
تاليهه حمه اﭽـويريدهه ابتموز
ثـﮔـبت والربيع ولا يلحجلهه
* * *
اشيلحجلهه وسهم باجيهه صم ارماد
ثالث دخل بيهه وصار بيهه اعناد
حشمت العطاوة وعبس وآل زياد
والبركات والصفران رحتلهه
* * *
رحتلهه ورحت مثل المضيع نوﮒ
عدكم يال غانم يشتكي المبيوﮒ
عدكم من عـﮔـب ما روح لال صفوﮒ
يالزرﮔـان عدكم عيني اوشلهه
* * *
اوشلهه واماطل بالكعد تغريب
اوّجي اعله الخزاعل انشد اعله الطيب
شتسوي الغزاله التوهه تبغي اتجيب
والـﭽـيله اجتهه ابحد مفاصلهه
* * *
ابمفاصلهه الـﭽـيله وشامت النووج
تعكز للظوالم ياخبر وادرج
انه ابليل وابهيمه ورمل وبعج
ﭽـملهه الولاني وذيب حطلهه
* * *
ﭽـملهه الولاني وخله بيه الصوچ
اغزل بالمصايب والقصيدة اتحوچ
ياروحي العزيزة ابيا عطش ذبوچ
محلت والسواجي انـﮔـطع منهلهه
* * *
منهلهه انـﮔـطع والعمر ظل معطوش
مريت ابجماعه وعرف لال حنوش
ﮔـلتلهم اصير ابرايكم يرفوش
بس كون اليحـﮔـني العله يندلهه
* * *
يندلهه ويشخص ضيمهه ابيا حال
انه الذبه الوكت والذبه وكته اشـﮔـال
ياطين الغميج الدافرة الخيال
وينك يابو طلبه الـﮔـاع بدلهه
* * *
بدلهه ابشر يعه الموت بيهه ايحل
دفرت والفرس تتمحلج وتصهل
مخنوﮔـه ورسنهه اشداد جلد الصل
الـكـدهه اعله كيفي وخايف اكـتلهه
* * *
اكتلهه واخليهه ابسرجهه اتموت
واحذر خاف يشتمني العليهه ايفوت
رايح لال بلحه ومعتني وبسكوت
بلـﭽـي العارف العدهم يحجملهه
* * *
يحجملهه وينزعها السرج ياحيف
مخصوصه وحذاهه من حديد السيف
ﭽـا شنهي وشجاهه اتبرهجت بالصيف
لااﮔـدر اروح ولا اردلهه
* * *
اردلهه واناخي ويا عساهه اتعيش
الف اشماغي الازرﮒ وامر بال احويش
وانـﮔـز مثل نـﮔـزة حرمل الدرويش
والفازع لروحي ابحزن ﭽـملهه
* * *
ﭽـملهه ابحزن واتلهوجت بوجاغ
واصعد للجوابر وارد للصياغ
وارد انذر نذر مرياح بيه ادراغ
للينطي امرادي وقصتي ايفلهه
* * *
ايفلهه ويشوف اشلون وكتي اوياه
عثروا بالمتيهه واليدّور تاه
يانخل البديري اتمايلت ويلاه
وين ابن الحلال اوياي يعدلهه
* * *
يعدلهه وهي درجه اعله خورة ماي
صعبه اعله النشيط اسهلهه من بلواي
حطني يامضيف اولاد عجه ابراي
اصعد عالحداجه لو احّملهه
* * *
احمّلهه وهي حرة ودربهه ابعيد
ﭽـنه الفرج ينفذ وشيسوي الحيد
ﮔـلي ابياكتر عاشور ودة العيد
دنيانه انتهت ماتت هلاهلهه
* * *
دنيانه انتهت والعمر مل وبات
وارم كتر مني ولاخر مات
يطارش تعتني لاولاد ابو ﭽـفات
يغبش للسماوه وخل يطبلهه
* * *
يطبلهه ويخلي اجنازتي اعله الراﮒ
عالشط والصبح واﮔـبال عجد الطاﮒ
جيبولي هذاك العافني اعله افراﮒ
يوﮔـف عالـجـنازه وخل ينـﮔـطلهه
* * *
ينـﮔـطلهه وبعد يتواله بالنـﮔـاط
هسه انه اويه ملـچ الموت عندي ازماط
انه البالسوالف ما تلحـﮔـه انشاط
ﭽـذابه الـجـنازه وخل يعطلهه
* * *
يعطلهه الظلام الهودر ومختط
وعزراييل مني ايأيس ويفحط
اﮔوم امن الـﭽـفن واشبـﮒ عليه واشحط
واﮔله الموتتهه اتـﮔـوم تعدلهه
* * *
تعدلهه وترﭽـدهه وترد تنكز
عطشانه وخطيه العطش بيهه ايحز
ﭽـن شجرة وسبع تزلام بيهه اتهز
هابس تنحني الحطابه تسحلهه
* * *
تسحلهه وتوﮔـد ارواﮒ يا تنور
مهرة امعربه وبسرج حبهه اتدور
ياشرجي السماوة واسمك المشهور
ﮔـوم اتمكمش العله وتدﮔـلهه
* * *
تدﮔـلهه ابعرفتك بلـﭽـن الله اتفوخ
لاتكشف اثيابي امن الجروح اتدوخ
ﭽـانت ما امبينه النوب صارت طوخ
وينه الينزل الـﭽـالي ويغط الهه
* * *
يغط الهه ابسنع وايناحر الخوره
يشاطي حاج يونس روحي منذوره
واروح انخه الطوايل وره الخافوره
واﮔـوم اتمكمش العله واحبللهه
* * *
احبللهه واشوف اشلون وكتي امنين
طحت ابير خابط والظلام اثخين
وصلت للكرار النوب لحس الطين
ودي اوياك ست ﮔـامات نزلهه
* * *
نزلهه اعله وحشه وبيهه اتسله
يـﮔـوام الخضر ما اندل العله
خذه ﮔـلـبي العشـﮔـته وفور الدله
شرب منهه العشـﮔـته اشلون يقبلهه
* * *
يقبلهه هذاك البيه ضوة الوهاج
برديه اشتراله وعاف عظم العاج
لحد ياثمر بستان ال سراج
ترة وﮔـفـت احوالي لاتشمللهه
* * *
تشمللهه وتلاﮔـت نار كبرة ابآب
منكم يال توبه نطلب العطاب
انه ابدهليز زكزاﮒ وحدر سرداب
والسرداب بيه عظمت مراجلهه
* * *
مراجلهه ﭽثيرة اتزود عالمسطاح
صرنه اشير الاخرس واليسولف راح
ترة الهدهد تمحّن والهليجي ارتاح
والهيلـﮒعرف للمايعرفلهه
* * *
اليعرفلهه عبر والما يعرف ايهيم
واشداد الجرح مو اصلي بس ترهيم
المايـﮔـدر يدفي البردت امن الظيم
يكرمنه ابسكوته ولا يبللهه
* * *
ومن عد هيست جبت العذاره وجيت
انخه البيه غيره افر ماخليت
ضم روحه السمع نخواي وسط البيت
امن اعاجيب وربايع وي طوايلهه
* * *
رحت البني زريج وخاطري مكسور
رديت البني عارض واحشم ابدور
منهم ايست والـﮔـلب دله ايفور
شـﭽـاهه الناس محد يرد عايلهه
* * *
وكتي العال ماهي العيله من انسان
رحت اشتـﭽـي البيهم شيخ عالي الشان
ميران العطيه ونعم من ميران
ابو موحان كثره الحل مشاكلهه
* * *
ﭽـثيره الحشمتهه او امري مو خافي
ﮔـلهه ايست منهه وﮔـصرت اشفافي
حـﭽـت وادم قضيتي الفاتك الصافي
موش اجواد حـﭽـايه ابرسايلهه
* * *
ماشفت الفزع من ناس عدهم شان
ﮔـلـهه الناس ربحت واطلعت خسران
اطب للسوﮒ ويلاﮔـيني الديان
تظل بهروش ﮔـلبي اتحش مناﭽـلهه
* * *
مناﭽـلهه تحش والدمع تجري العين
وانخه ابآل عيثم والعويليين
رايح لآل غزي واﮔـصد الطيبين
ابدور الناصريه وي مشاعلهه
* * *
انخه الناصريه وديرة الغراف
وي ﮔـرمة بني اسعيد والطيبه الاسلاف
تراني اتبللت من المطر ما خاف
خلهه الناس من نخواي تبسلهه
* * *
انخه الناصريه وكل نواحيهه
وعشايرهه الاكرام انه اعتني ليهه
لعد سوﮒ الشيو خ وشطرته البيهه
العبودة وخفاجه كون اوصلهه
* * *
افتريت العشاير رحت لاهل الهور
اﮔـلهم راح عنبي وباﮔـني الناطور
غدر بيه الصديچ وعادة المغدور
اباب الفريضه دمعته ايهلهه
* * *
ارد انخه السماوه وبخت ابن طفار
ورباط البخيت اليشع وجهه انوار
وبني حـﭽـيم النشامه ويهل دمعي اعبار
السمعني ايـﮔـول ﭽـاره مايصير الهه
الف رحمه ونور على روح ابوك ماعبالي اكو تكمله عبالي القصيده بل فيديو خلص لمن قريت هسه منك كله
ليش ما تنسخ
اشلون انسخ
كلي بيا كتر عاشور وده العيد
دنيانه انتهت ماتن هلاهله
خسارة كبيرة لم نكتشف هذا الشاعر الكبير في شبابه ومكسب كبير حينما عرفنا عليه بعض الشباب من محبين الشعر فاغنى الشعر الشعبي العراقي بفترة قصيرة بهذه الدرر الجميلة .. رحمك الله يا شاعرنا الطيب
الف رحمه ونور على روحك الطاهره محسن الخياط كلمات تخرج من أعماق القلب لذا يتأثر السامع مباشرة شاعر مضلوم مع الاسف الشديد حسجة فريدة من نوعها
شكرا قناة مذكرات
على مايقدمون خدمات للشعر الشعبي
محسن الخياط احدى جواهر العراق شعرا النادره جدا
رحمك الله يامحسن الخياط برحمته الواسعة !!!
جواهري الشعر الشعبي !!
والناشر شكرا"لك وأحسنت على تسمية (الملحمة ) فلا يليق بهذه القصيدة الا هذا التوصيف
فعلاً ملحمة شعرية ، محسن الخياط ما يتكرر رحمة الله عليه ..
احد اساطير الشعر العربي في العراق برزت شخصيته وفصاحة لسانه اجمل القصائد لديه برد لو لاك سن منجل كصيدي الفرحمه ع روحك الطاهر يااجمل شاعر سمعت له عده قصائد تبقئ في ذاكرتي وحفضت له عده قصائد الجميله الرومانسيه لانني اعيش في فتره حب ومراهقة حميله
انا توقعت شاعرنا الكبير عايش اكول الف رحمه ونور على روحك الطاهره مثواك الجنه يارب
الله يرحمك انته اعضم شاعر بالوطن العربي كله
الف رحمة على روحك مثواك الجنة ان شاء الله شاعرنا الكبير محسن الخياط ستبقى كلماتك خالدة
الله يرحمه والله من اسمعها ترتاح نفسيتي
هالقصيدة اتمنى يسمعها كل الي يستنقص من الشعر الشعبي
كل ليلة اسمع قصيدتك التي اذهلتني حقا تغمدك الله برحمته الواسعة
اجمل قصيده فعلاً ملحمه
الله يرحمه برحمته الواسعه ...
الشخص الي ديقرأ القصيده صوت و اداء اكثر من رائع عاشت ايدك
القارئ الثاني إلقاءه جدا جميل اتمنى ان يقرأ بصوته قصائد الشاعر كاظم اسماعيل الكاطع
الشاعر حسن البركي
التفق
ياريت
اتفق
اتفق
مدرسة عن حق الله يرحمك قصيده حسجه عجيبه عجيب شلون تنظم بهاي الصور الشعريه عبالك بلبل ويغرد شعر 💔
قسما ب الله باقي بلقناة كلي امل انو اكو مقاطع لمحسن الخياط لهسه مامنشورة، وان شاء الله راح ابحث عن كتاب المجموعة الكاملة وشتري واول ماابني غرفة الي اسوي صورة اله اخليها بغرفتي ابو ظاهر مأثر بيه حيل، وحيل احبه، الله يرحمه
المشكله معدك بين يوم ويوم اسمعه بالاسبوع ٣مرتين اسمعه تقريبا صارلي سنه ونصف عله هاي الحاله بس ماگدرت احفظه والسبب انه بعض الابيات تعصف بمخيلتي وتسرح بذاكرتي والدي متوفي حقيقه امانة الله ورسوله
الله يرحمه بالعكس احسها سهلة كلش وحافضها كلها
الف رحمه على روح الشاعر الكبير محسن الخياط
ما اعرف ليش اي قصيده اسمعها اله ابجي يمكن لأن هو يترجم حزنه بالقصيده 🥺😭
يارب
الله يرحمه كلامك واقعي يترجم مأساة مرت عليه
والله العظيم هاي القصيدة المفروض من المعلقات
عظيمة عظيمة عظيمة بمعنى الكلمة
حسن البركي .. اهنيك على هيج اعمال وعاشت ايدك .. الف رحمة على روح محسن الخياط
الله ايرحمه محسن الخياط شاعر فطحل اشعر الشعراء الشعبيين
والفازع الروحي بحزن جملها
شكد الله
ليس شاعراً بل اديب الشعر الشعبي رحمة الله على روحه ♥
الف رحمة ونور على روحك الطاهرة '
اكو مصطلحات ماعرفهن فضليت اسأل عنهن واعرفهن واضل صافن على هيج امكانية وقدرة مو طبيعية بمفردات الشعر
فدوة ادور ع معنى هليجي هم عرفته؟؟
@@noonalaanzi الهليجي طير يعيش بالاهوار يكون شكلة أسود ويتغذى ع الاسماك
@@8-8_ ممنونه منك 🤍
@@noonalaanzi خـادم
الله الله ياحسن البركي، صوت جميل و القاء مميز وفقكم الله دائما وابدا
الصوت الثاني حسن البركي؟
@@user-hd4yl2zx1b اي نعم صوت المرحوم محسن الخياط والصوت الاخر هو صوت المتالق حسن البركي
الله يرحمه كبير
الله يحفض حسن البركي على هذ الاقا الجميل
ياخي مادري شنو اوصف هل انسان
شاعر فريد من نوعه لم تنجب الساحة مثله ابدا
الرحمة والغفران لك ايها الجبل والقامة الشامخة والسحابة الماطرة ابداع
رحم الله ذاك العظيم الخياط .. والشكر الجزيل للكبير حسن البركي
مليون لايك للقصيده .. رحمة الله على روحك محسن الخياط
جمت ماسمع شعر بس من سمعتله قصيده انا شوك الغريب صدك حرك احساسي. وصرت مدمن لغصايده الف رحمه عل روحه
احلى قصيدة سمعتها وراح اضل اسمع بيها ماتنمل
ياخي شكد مااسمعها ما امل منها ♥♥
الله يرحمك محسن الخياط ابداعك بعده عايش يا طيب 🤲🏼💔
بصراحة من اسمح محسن الخياط اروح بغير عالم
يعشك بالقصيده كأنما جاي يحجي بمكانك الف رحمه ع روحك
هالقصيدة ما اكدر اتخطاها شكد ما اسمعها ما امل. الله يرحمك يا ابو ظاهر
وعلي هاي صدك ملحمه 😢
مخلمة هاي مو ملحمة
39 تعليق اغلبهن محتواهن "ما تعجبني المصطلحات الجلفية" ادري مهددينك بيهن لا تسمع و لا تسمع غيرك حجي مو حلو .. مو لو آني غلطان !!@@baqr_saied
قسمن بلله تبكي قصتها هذه القصيده وحافضها وجسمي يكزبر من اسمعها
حقيقة ما يعلى عليك شاعر منا ليوم الدين
طيب الله ثراك
وحق علي احلة قصيدة اسمعهة بحياتي كلهة
الله يا مذكرات
الله يرحمك يا محسن 💔
قصيدة رائعة من شاعر مبدع لن يتكرر
جنت اسمع بهل اسم هواي ومقريت شي لمن شفت هل مقطع الله الله ع الابداع والهاجس والالقاء موهبه بحته شاعر عملاق وانظلم جدا وشعره سابق لوقته ونابغ من مشاعر صادقه ومواقف محزنه
الشاعر الوحيد مختلف عن الشعراء عندي رقم واحد يستحيل أن تنجب أمراءه مثل هالأحساس
اكثر ناس يفهم معناها اهل السماوة و كثير من كلمات القصيدة لاتفهم معناها الاجيال القادمة الله يرحمك محسن الخياط سوف تبقى هذة القصيدة معلقة عراقيه
خوية آنة إبن السماوة و كلشي ما إفتهمت
@@baqr_saied😂
@@sesam_e 😂💔
@@baqr_saied الها تفسير تلگاه بالتعليقات افهمها
@@sesam_e خوية ما اريد افهمها اصلا ما عاجبتني
الله الله شكراً ياحسن البركي من القلب🧡
شاعر كبير لايبارى حقا وبخاصة في معلقته الذهبية تلك والتي تجلت بها عبقريته الشعرية المتفجرة. رحم الله الشاعر ونحن نستمع يوميا له
هل شاعر سوالفه تدخل للقلب
رحمك •اللّـہ̣̥ ابا طاهر
الله يرحمه برحمته الواسعة ويسكنه فسيح جنانه
تحياتي القنات مذكرات 🌹🌹🌹🌹
الخالد 🖤
عثرو بالمتيه واليدور تاه !
اقوه شاعر بل عراق قسما بالله ولا اجه شاعر مثله ولا راح يجي شاعر مثله طبعا بس عزاره الجياشي حاليا حسچه الشعر مالته وهم من ولايتنه من السماوه بس يبقه محسن الخياط الاول عل عراق كله ونشاء الله عزاره يشتهر حته الناس نفهم شنو هوه الشعر تحياتي لجميع المحافضات الباقيه ❤
ادري لعد عريان وين الكاطع وين عبد الحسين الحلفي وين
اكيد محسن فريد لايعلى عليه احد
اهواي امو شعراء بس محسن الخياط الاول عل عراق ماكو اقوه منه باقبل اجه اقوه منه ولا بل وقت الحالي تحياتي @@user-ds9vq5td7f
الف رحمه ع روحك الطاهره يابو ضاهر عل هاي القصيده منتضريها منزمان اطول قصيده واروعهن هي نخوة عشاير
الله وأكبر.
شني من شاعر هذا
الجيل القديم بعد الجيل الذهبي طينته حلوه الله يرحمهم هسه خلصوا واجه هذا الوكت التعبان حتى مابي لذه ودك تكتل نفسك
يالله شعر يكتل هذا شاعر استثنائي
ابداع لا يوصف 😢
اي والله
شكد لله
اعظمة قصيدة بالشعر الشعبي سمعتها وحبقى اسمعها
شنو الأحساس شنو الكلام 🥺💔 رحمة الله عليك مبدع بمعنى الكلمة اخخخخ اخخخخخ من اسمعه اشبع لجمات
بعض الصور الشعريه لايفهمها الا من عاش في مدينه السماوه كونها جزء من التراث الشعبي ♥️ الرحمه والخلود للكبير محسن الخياط🇮🇶
ممكن توضحلنا اذا كدرت لان محتاجين كلش