السلام عليكم ورحمة الله أفضل تعديل لجعل صرفية لاندكروزر تعدا ١٠٠٠ كيلو. ١-تنظيف الانجكترات. ٢-تبديل البلكات (البواجي). ٣-تنظيف الثروتل. ٤-فك وتنظيف الثلاجة من الداخل. ٥-رش إيسي ديلكو داخل مقر الوال(الصباب) وتركه لمدة يوم كامل ثم تنظيف المكان جيدا. ٦-تبديل فلتر الهواء المحرك. ٧-تبديل فلتر البنزين والقليتر. ٨- تركيب مراوح كهرب + حساس حرارة وكتاوت. ٩- تركيب دبل سته(سنقل). ١٠-تركيب فرارات(لوكات). هاذي تجربتي بسيارتي لاندكروزر ٢٠٠١ vxr الحمدلله الموتر خفيف وصرفية قريبه من صرفية الجمس الجديد الفل حكم أن قير ٢٠٠٢ وتحت أربع نمر أيمشي قريب ٩٠٠ كيلو قير ٢٠٠٣ وفوق خمس نمر + الدعسة الالكترونية.
@@Azooz-Lx570 انا معي ٢٠٠٨ نفس مكينتك ماشي ٤٠٠ رغم ان معد فيه تقنيات واحتاج اغيره عشان الانظمة الجديدة الا ان الموتر لسى باقي فيه اداء وكل طلباته استهلاكية، اللي يستخدم لاندكروزر معد يملى عينه اي موتر عن تجربة
@@JustMe-ue3wc ماشاء الله تبارك الله ال4.7 ال2uz معروفه بتحملها لاقسى الظروف وفيها العزم والقوه المطلوبه للسحب والتحميل عادي تكمل معاك الى مليون كم ان شاء الله واكثر
يااخوان انا معي يوكن 2006 ويشهدالله ان التانكي ياخذ معي اكثر من 600 كيلو وسرعتي من 120 الى 130 في الغالب علما ان التانكي عندي 70 لتر فقط ويمشيني 600كيلو ماشاء الله تبارك الله .. ال Vxr يصرف اكثر من الجمس وكان معي جكس ار 2005 قبل 9 سنين اتعبني بصرفية البنزين ايام الرخص .. علما ان
معي سوناتا ٢٠٠٨... فل بنزين ٩٥... ٧٠ لتر يوصلك من وسط الرياض إلى الطائف ويبقى فيها حوالي قرب الربع وأيضاً كامري ٢٠١٦.. فل بنزين ٩٥... ٦٠ لتر توصلك الطايف
خطوط اللتر يمشي 5 كيلو ؟؟؟؟؟ اجل داخل المدينة كم ومشاوير قصيرة ووقوف متكرر تمشي سالب صفر ولا كيف 😂😂😂 ماني حق جيوب لكن مره جربت 470 كم يوم اتوقع هذي صرفية داخل المدينة والله اعلم اما اذا كان خطوط ياساتر من داخل المدينه
@@Lsvvi يمكن قصده في اليمن لان اليمن البنزين فيها مايقارن باللي هنا والشي الثاني خطوط اليمن وعره وصعبه وحفر ورمل لازم يمشي ويهدي يعني الفرامل يعامله معاملة دعسة البنزين لازم رجله عليه
Vxr 2002 من محطة المدينه الين جدة البيت تانكي واحد مايجي في سبير الممشى 140km - 145km حسبت الممشى 400+ اكثر منها ب 10 او 20 وفوق الخط بشوي اذكروا الله علما عدد الاشخاص 4 وطفل الخامس غير ادوات البر اللي فيه والخط كان فيه مرتفعات ونزلات خفيفة بنزين 91 اخضر
وعليكم السلام ورحمة الله وبركاته عندك الخلل احد امرين يا العداد عندك عطلان والثاني اللي هوو عوامة البنزين لانها لو تعطلت ما عاد يشتغل العداد لكن تحتاج كهربائي يشوف لك الطبلون اول شيء قبل تفك التانكي وتشوف العوامه واذا العداد سليم من كهرب وكل شيء لازم تغير عوامة البنزين وضروري جدا تشوف حل للمشكله دامك راعي جيب لابد تمسك خطوط وتطلع بر واجد ولازم يكون عندك كل شيء شغال ويقرى صحيح
في معلومه عن موديل. من 2003 وتحت فكسار احصنه المحرك اقل من 2005 وطالع يعني موديل 2005 نفس المحرك اطول ومرتاح اكثر من 2003 وتحت وهذا معلومه من الشركه الصانعه ومتاكد
يارجال معي 2004 حق والدي رحمة الله عليه وكاله ماشي 180 الف اسافر عليه بعض الاحيان يبلع بلع بانزين المحطات صارو يعرفوني من كثر م اجيهم مع ان الموتر طيب وكل سنه اسوي له صيانه دوريه واغير القطع الاستهلاكيه الي تخرب.
@@3bod_f16 صدقت الجيب ما ينفع مره لكن التاهو انشهد انه عز وينفع خط وبر ويتحمل الموتر وصرفيته طيبه وقطعه ارخص من الجيب الجيب اذا احتاج شي يبي له ميزانيه وخساير
سؤال الله يعطيك العافيه معي كان نفس هذا الموديل قيرعادي فكسار وبعته وناوي اشتري بنفس هذا الشكل تنصحني بالقير الاوتو كيف استخدامه فيه خرابات ولااحسن من العادي مع ان العادي خذ معي٣سنوات وجبار وممتاز ومان مفصول الرباعي
@@user-cc8ti4db7t خرابات ؟ الشيء اللي ما انت واثق فيه او متردد لا تقربه من الاخر دامك نويت على الموتر اشتر النظيف وجربه شهر شهرين ما عجبك عادي بيعه ولا تشيل هم
عندي لكزس ls400مديل 95 ماشي ٨٩٠ الف واسافر عليه اسبوعي ١٦٠٠ كيلو للحد الجنوبي رايح جاي وكل شي فيه شد بلد ورجلي حاره عليه طبلون معظم وقته وماشاء الله موتر جبار ال٤٠٠وال٤٣٠ والفكسار والجيب الكزس نفس المحرك ٤٧٠ افضل محركات صنعت كخدمه واعتماديه يسموها مكاين المليون ميل
يارجال تراه من الموديلات الحديثه ولازالت تتسخدم إلى الآن وبكثره وبالنسبه للسفر فيه ناس يسافرون على مواتر موديلات التسعينات وإذا الموتر أموره طيبه ولايشكي من شي مافيه مانع تسافر عليه
وعليكم السلام ورحمة الله وبركاته اذا شرط دفرنساته من الونه والحنه وعمود الدبل والدوده وعلبة الدركسون مافيها ثقل وسليمه ومحركاته شرط والمكيف بارد ولا فيه حراره وصيانته صيانة جيب ما هو سيدان يعني مثلا السيدان تحتاج 2000 الجيب يحتاج 4000 وعيوبه دودة الدركسون وصوت عمود الدبل على السرعات العاليه عشان رباعي مستمر اذا تبي لاند اقل مشاكل اقل اعطال خذ من 2008 وفووق ولكن مر على اسعارها وشوف اذا تقدر عليها
وعليكم السلام الحل تفك الثلاجه وتنظفها وتفك الدعسه وتنظفها وتفك البخاخات وتنظفها على الجهاز وتركب بواجي واسلاك جديده وفلتر جديد يعني تصفيه كامله عند الورش اللي تسوي تصفيه للمكاين
السلام عليكم اخوي عندي لاند كروز ٢٠٠٧ Vxr بس مني عارف اشبك بلتوث ممكن تنزل فيديو مفصل وفي سئال ثاني الراديو مره يشتغل ومره ما يشتغل ممكن تنزل فيديو مفصل كامل عن الراديو و البلتوث وكل الشكر و التقدير ❤️
خذ اللي يعجبك ما يهم جكسار فكسار لو تدقق في الموضوع اكثر ما راح تطلع بنتيجه وانا مجرب فكسار فقط والجكسار ما اعرفه ولا فكرت اخذه نهائي ولا همني صرفيته ابدا
الخطه اني اواجهك عند مدخل بحره قلت بدون اتصال اسويها بدون ازعاج فهمت علي يعني زياره فجائيه بس انكشفت هههههههه ابد نفس مكاننا اللي تقابلنا فييه اول مره عند المدخل وبكلمك قبلها بعد صلاة الجمعه بس معي ناس المره هاذي وعندي مشكلة الكبوت في الموتر في السفر ما هو ثابت والطبلون نصه طافي بس خله على ربك الموتر طال عمرك يمشي 800 كيلوو
هل مشغل المكيف ؟ وعلى درجة كم لان المكيف يفرق كثير ترا والقير عادي ٤٧٠٠ التانكيين تمشي ١٠٠٠ او ٩٠٠ مع واحد من الشباب والتماتيك اقل منه بشوي ، ال٦ سلندر بلاعه جداا😂💔
@@Azooz-Lx570 ماشاء الله تبارك الله لا الصرفيه ممتازه ترا كنت في قروب لاند زمان وسالتهم عن الصرفية قالو ال٦ سلندر م يمشي الفل تانكيين ٥٠٠ كيلو التماتيك والعادي يمكن يوصل ٦٠٠ ،، لكن ٨ سلندر يوفر اكثر من ال٦ بكثير رغم كبر المكينة الفل يمشي ٩٠٠ الى ١٠٠٠ القير عادي والتماتيك تقريبا٨٥٠ وحولها تقل وتنقص الله يعطيك خيره ويكفيك شره والله يرزقني بواحد٤٧٠٠ قير عادي 🙆🏻♂️
@@binwaleed5495 كلها نفس التانكي لكن توفير البنزين بالترتيب هذا الي يوفر اكثر شي ٤٧٠٠ قير عادي ثم التماتيك ٤٧٠٠ تمشي من٨٥٠-١٠٠٠كيلو ،، ثم بعده ٤٥٠٠ قير عادي واكثر شي يشرب ٤٥٠٠ قير تماتيك هذا بلاعه يمشيك الفل٢٠٠ ريال ٥٠٠ كيلو ٦٠٠ عندي جمس ١٩٩٥ ملكي٤٥٤ ال٢٠٠ تمشيه ٥٠٠ كيلو و٦٠٠ وهو مكينة٧.٤ ٤٥٤ السوبربان
انا عندي جي اكس ار 2004 فللته من الرياض 91 تانكي اساسي وصلت الدمام فاضي مررره هل ممشاه طبيعي انا اشوف انا الي عندي يصرف مو معقوله تانكي كبير وفل حول 100 ريال من الرياض لحد الدمام فاضي التانكي الي عنده خبره بصرفيه البنزين كلوزر يعلمني يمكن موتري خربان وانا مدري
اقول عليكم باليوكن والتاهو نفس المديل قطع رخيصه شكله حلو بالطريق راحه وصرفيته حلووه تعبيه فل ب 190 ريال تقريبن يمشيك 700 كيلو واذا صافي الموتر وبدون دبل يمكن يمشيك 800 عكس الجكسار تفلل ب300 ريال ويالله يمشيك 700 كيلو
شوفه زي ما تبي انت تقارن لاند 2005 بالموديلات الحديثه من السيارات الصغيره في الصرفيه ولا على اي اساس حكمت برايك ؟ و الصحيح تقارنه بفئته من الجيوب نفس المديل 2007 وتحت قارنه مع الفتك وقارنه مع الجكسار 2007 وتحت وقارنه مع الجمس 2006 وتحت والاكسبيديشن 2005
joker aa الله يهبلك حظ قل اميين انت بالله كيف عرفت اني اقارنه ب سياره صغيره 😂 معي لاند 2004 التانكي الكبير 100 لتر والصغيرر 30 حولها يعني قل 135 لتر وتمشيك 800 كان موتري يصرف سويت له تصفيه وغيرت الصفايه والبواجي وذلحين يمشيني حول 1000 وبالخيرر لاتكون انسان هجومي وسلامتك
ali ksa اذا هو شرط مكينه وقير لا يفوتك من الاخر وافحص الدبلات والتكييف والثلاجه تاكد ان كلها شغاله توكل على الله وافحص الموتر وجربه وتاكد من الزيت ما فيه نقص والحراره طبيعيه وموية راديتر مو حنفيه واللي ما جرب الفكسار بيقولك لا تاخذه اكيد لانه ما جربه والله يبارك لك فييه
joker aa الله يعطيك العافية انا دخلته الوكاله وقالو لي انه في الجلد السياره كلها يبيلها تغير وكمبريسر فيه ضعف بس شغال بس البروده مو لهناك والباقي سليم الموتر 2000 وقير عادي ماشي 300 ويبي فيه 38 هل يستاهل بس والله كل ما سألت احد قالي لا تاخذه وانا الصراحه ابيه حق سفر و خطوط ما ابيه داخل المدينه ابدا وهاذا اول موتر لي تويوتا سنين وانا على جمس و الفورد فا ياريت اذا مافيها ازعاج و كلافه تسوي فيديو عن مميزات الvxr واكون لك من الشاكرين
الحقيقة إن اليابانيين في السيارات الكبيرة فاشلين في الصرفية هذا محرك ٤٧٠٠ أو محرك اللكزس نفس الحال مصروفها عالي جدا اليوكن والاكسبديشن خزان الوقود فيها أقل من ١٠٠ لتر وتمشي أكثر من ٨٠٠ كيلو
كم لتر فل كل التوانكي وكم كيلومتر يمشي ماطلعت بنتيجه من الفيديو وهل كل اللاندكروزر كذا ، ارجو حد يفيدني بالتفصيل الممل لاني ناوي اخذ لاندكروزر قديم على قد فلوسي، والله يسعده ويبعده من كل شر من يخدم الناس ويساعدهم على تجنب الأخطاء.
@@Azooz-Lx570 اش الفرق بين الفكسار والجكسار من ناحية الصرفيه والقطع الغيار ، يعني ايهم اقتصادي اكثر وأقل سعر بقطع الغيار وكذا انا اريد اعرف من أجل اختار الأفضل.
@@user-dm7ew8il9i الجيكسار القديم يجي سته سلندر لكن الجديد ٢٠٠٨ وفوق يجي ثمانية وسته والفيكسار يجي ثمانية سلندر قديم وجديد ملاحظه الصرفية بالجيكسار يصرف بنزين اكثر من الفيكسار مع العلم ان مكينته سته سلندر ما ادري ليش اما الجديد ما ادري عنه
السلام عليكم ورحمة الله
أفضل تعديل لجعل صرفية لاندكروزر تعدا ١٠٠٠ كيلو.
١-تنظيف الانجكترات.
٢-تبديل البلكات (البواجي).
٣-تنظيف الثروتل.
٤-فك وتنظيف الثلاجة من الداخل.
٥-رش إيسي ديلكو داخل مقر الوال(الصباب) وتركه لمدة يوم كامل ثم تنظيف المكان جيدا.
٦-تبديل فلتر الهواء المحرك.
٧-تبديل فلتر البنزين والقليتر.
٨- تركيب مراوح كهرب + حساس حرارة وكتاوت.
٩- تركيب دبل سته(سنقل).
١٠-تركيب فرارات(لوكات).
هاذي تجربتي بسيارتي لاندكروزر ٢٠٠١ vxr الحمدلله الموتر خفيف وصرفية قريبه من صرفية الجمس الجديد الفل حكم أن قير ٢٠٠٢ وتحت أربع نمر أيمشي قريب ٩٠٠ كيلو قير ٢٠٠٣ وفوق خمس نمر + الدعسة الالكترونية.
وعليكم السلام ورحمة الله وبركاته
شكرا على الاضافه الجميله
@@Azooz-Lx570 أسمح النا على المشاركة والمقصد لتعم الفائدة للجميع.
اللي طرحته لو أنه مكلف شوي بس نتائج جدا مرضية وراح تحس في أداء ٨ سلندر.
@@user-hu2oi7ob2q
ما فيه مشكله ضيف اللي عندك
واذا فيه زياده حطها في نفس الرد فوق عشان تكون مرتبه مره وحده
@@kristiansilas8890
حظر
@@lukasjared2666
حظر
جزاك الله خير
ما شاء الله درب السلامه
يعطيك العافيه
اللهم صل على محمد الله يبارك لكم. موتر طاف عليه ١٧ سنة ويعطي هذا الاداء تبارك الله ويقولون جمس وشفر
اللهم امين
كلام سليم هذا للي ينغر بالامريكي عشان السعر ويترك التويوتا
@@Azooz-Lx570 انا معي ٢٠٠٨ نفس مكينتك ماشي ٤٠٠ رغم ان معد فيه تقنيات واحتاج اغيره عشان الانظمة الجديدة الا ان الموتر لسى باقي فيه اداء وكل طلباته استهلاكية، اللي يستخدم لاندكروزر معد يملى عينه اي موتر عن تجربة
@@JustMe-ue3wc
ماشاء الله تبارك الله ال4.7 ال2uz معروفه بتحملها لاقسى الظروف وفيها العزم والقوه المطلوبه للسحب والتحميل
عادي تكمل معاك الى مليون كم ان شاء الله واكثر
@@Azooz-Lx570 خير ماقلت الله يرزقنا وياك والجميع
يااخوان انا معي يوكن 2006 ويشهدالله ان التانكي ياخذ معي اكثر من 600 كيلو وسرعتي من 120 الى 130 في الغالب
علما ان التانكي عندي 70 لتر فقط
ويمشيني 600كيلو ماشاء الله تبارك الله ..
ال Vxr يصرف اكثر من الجمس
وكان معي جكس ار 2005 قبل 9 سنين اتعبني بصرفية البنزين ايام الرخص ..
علما ان
معي
سوناتا ٢٠٠٨... فل بنزين ٩٥... ٧٠ لتر
يوصلك من وسط الرياض إلى الطائف
ويبقى فيها حوالي قرب الربع
وأيضاً
كامري ٢٠١٦.. فل بنزين ٩٥... ٦٠ لتر
توصلك الطايف
عندي جكس الفل ديرة٧٥٠ وخط ٨٥٠ لكن سرعه ١٢٠ فقط والصراحه مواتر وصبورة لكن كثر الفلوس
الله يعطيك العافيه اتوقع لو كنت ماشي ايميا كان روحي يوصل اكثر
تبغى صرفية السيارة تتحسن بخ على الثلاجة بخاخ crc valve
ما شاء الله ، انا عندي نفس موترك فل توانك مشاني ٦٨٢ كيلو اظاهر يبيله تصفيه
كم لتر التانكي الكبير والصغير؟
@@heisenberg307 الكبير تقريبا ٨٠ لتر والصغير ٤٥
كان نعي vxr. 1999 كنتاعبيه فالطايف ولاعاد اعبيه الامن الرياض بس موتر مصين ومهتم فيه وقير عادي لو تماتيك اتوقع يوصلني لين نقطه الرياض بتجاه الدمام
زبدة الموضوع ان التانكي الاساس والاحتياط يوديك تقريباً من 700 الى 800 كيلو
كلامك صح
ما وضحت بكم ريال تعبي الفل
@@user-xs8yz4zu9z ب حدود ٢٥٠ الى ٢٨٠
كم لتر الخزان الاساسي والاسبير يتعبي
الاثنين كلها ١٣٨ لتر
افلح من ذكر الله وصلى على النبي ❤️✅
استفسار اشوف صرفية vxr اوفر في استهلاك البنزين من gxr لكن يظل gmc اوفر منهم في الاستهلاك البنزين
نعم صحيح
@@Azooz-Lx570 من جدكم الفكسار اوفر من الجي اكسار😟 طيب ذاك 8 وهذا 6 سلندر
@@hgkigi9973 عادي م يهم بالعكس الفكسار لنه ٨ سلندر مريح اما ال ٦ سلندر يجي حاشر
انا مشاني جي اكس ار 1998 540 تقريباً على سرعة 120 التانكي الكبير فقط والصغير يمشي 350 على سرعة 120 قير 5 وار بي ام 3
اللاندكروزر تمشي مابين 100-110 كيلو اذا كان كل شي فيها مظبوط .ماتزيد على كذا .
هذا لكل عشرين لتر .
انتم اهل الخبره والجيوب ماشاء الله
خطوط اللتر يمشي 5 كيلو ؟؟؟؟؟ اجل داخل المدينة كم ومشاوير قصيرة ووقوف متكرر تمشي سالب صفر ولا كيف 😂😂😂 ماني حق جيوب لكن مره جربت 470 كم يوم اتوقع هذي صرفية داخل المدينة والله اعلم اما اذا كان خطوط ياساتر من داخل المدينه
@@Lsvvi يمكن قصده في اليمن لان اليمن البنزين فيها مايقارن باللي هنا والشي الثاني خطوط اليمن وعره وصعبه وحفر ورمل لازم يمشي ويهدي يعني الفرامل يعامله معاملة دعسة البنزين لازم رجله عليه
شكرا لك
بس ياليت تذكر عدد اللترات لان اسعار اللتر متغيرة
اللاند معروف من بدايته ليين اخر موديل 138 لتر
وما اقدر اعطيك رقم دقيق 100٪
قير عادي نفسه الكبير ٥٤٠ وقطع بنزين الصغير ٣٠٠ وقطع
القير العادي محشور معي واحد امشي ١٢٠ الضغط ٣
وين يعني الاثنين ٨٤٠ مستحيل
اذا مومحتاج انه يشتريه فيه حلول افضل منه بالنسبه لي انا ماخذه وللأامانه يعذبك بالبانزين وله ميزانيه خاصه في سيارات افضل وماتشرب بانزين مانصح للدخل المحدود ، اقصد المكينه 4.7 الفيكسار والكزس
صحيح
Vxr 2002 من محطة المدينه الين جدة البيت
تانكي واحد مايجي في سبير
الممشى 140km - 145km
حسبت الممشى 400+ اكثر منها ب 10 او 20 وفوق الخط بشوي اذكروا الله
علما عدد الاشخاص 4 وطفل الخامس
غير ادوات البر اللي فيه
والخط كان فيه مرتفعات ونزلات خفيفة
بنزين 91 اخضر
كم المسافه المقطوعه
@@Azooz-Lx570 410km - 415 تقريبا
@@user-yi2nc3vh3n
ماشاء الله
لكن التانكي الواحد يمشي 600 تقريبا بدون اسبير
@@Azooz-Lx570 ما شاءالله يعني اللي عندي يشرب شرب
@@user-yi2nc3vh3n
لا انت ماشي فوق 140 وقابلت طلوع ورد نمر طبيعي صرفيتك عشان طبيعة الطريق ما هو مستوي
نفس موتري عداداته خربانه كثير الي يستخدمون vxr يخرب العداد
اييه خربانه ويبي له قيج احسن من عداد الوكاله
العداد سعره غالي واحسن شي حق 2006 يجي ليزر
السلام عليكم عندنا جيب عبيت ب٤٠ريال عداد بنزين مايشتغل موتر مايشتغل أفيدني إذا عندك معلومة الله يجزاك خير
وعليكم السلام ورحمة الله وبركاته
عندك الخلل احد امرين يا العداد عندك عطلان
والثاني اللي هوو عوامة البنزين لانها لو تعطلت ما عاد يشتغل العداد لكن تحتاج كهربائي يشوف لك الطبلون اول شيء قبل تفك التانكي وتشوف العوامه
واذا العداد سليم من كهرب وكل شيء لازم تغير عوامة البنزين
وضروري جدا تشوف حل للمشكله دامك راعي جيب لابد تمسك خطوط وتطلع بر واجد ولازم يكون عندك كل شيء شغال ويقرى صحيح
عندي فكسار ٢٠٠٧ التانكين يمشون ٥٥٠ حده ٦٠٠ مع العلم الصيانه اول باول
طيب سوو تصفيه كامله
وغير بواجي + فلتر مكينه+ صفاية البنزين +ونظف الثلاجه + فك الدعسه ونظفها ورجعها
واستخدم مثبت السرعه 130 ليين توصل
الخزانة الرئيسي بعد ما يعطيك الكمبيوتر صغيرة .. يمشيك 80 كم..
بعد اجرب مره ثانيه على بنزين 95 ليين يصير 0
@@Azooz-Lx570 لا تغير من الخزانة الرئيسي الي ان تشوف السيارة تتفتف..
Ibrahim Uae
في التجربه الجايه ان شاء الله
استمر
الحين كم لتر تانكي البنزين تبع الجيوب للمديلات ذي وهل يختلف من مديل الى مديل مثلا مديلات ال 99 تختلف عن ال 2003 و 2006 ولا كلها نفس اللتر
كلها نفس الشي 93 اساسي +45 احتياطي
كان عندي واحد والله داخل المدينة يصرف
انا معي سكويا تانكيه ٩٠ لتر اذا صفر عبيته من محطه فالرياض وصلني الطايف تقريباً ٨٠٠ كيلو سرعة ١٢٠
ماشاء الله تبارك الله
يعني لو نفس تانكي اللاند يجيب فوق 950
غريبه اعرف سكويا يشفط بنزين
موتري فكسار اوتوماتيك ٢٠٠١
عبيته فل من الدمام وصلني بعد القويعيه
طبعا بنزين ٩٥ ومثبت السرعه على١٤٩ تقريبا والضغط ٣١٠٠ او ٣٢٠٠
كم كيلو 700 ولا 750 لان فوق 140 تزيد الصرفيه اكثر
اوف الاربي ام عندك عالي عندي على 140 2700 فكسار 2005
في معلومه عن موديل. من 2003 وتحت فكسار احصنه المحرك اقل من 2005 وطالع يعني موديل 2005 نفس المحرك اطول ومرتاح اكثر من 2003 وتحت وهذا معلومه من الشركه الصانعه ومتاكد
يارجال معي 2004 حق والدي رحمة الله عليه وكاله ماشي 180 الف اسافر عليه بعض الاحيان يبلع بلع بانزين المحطات صارو يعرفوني من كثر م اجيهم مع ان الموتر طيب وكل سنه اسوي له صيانه دوريه واغير القطع الاستهلاكيه الي تخرب.
عليك بالتاهو او اليوكن صرفيته احسن بفرق طيب
@@Azooz-Lx570 معي Ltz 2018 ماشاءالله الصرفيه ممتازه بس الجيب كل شهر كذا استخدمه لكن بالوعه.
@@3bod_f16
صدقت الجيب ما ينفع مره
لكن التاهو انشهد انه عز وينفع خط وبر ويتحمل الموتر وصرفيته طيبه وقطعه ارخص من الجيب
الجيب اذا احتاج شي يبي له ميزانيه وخساير
@@3bod_f16 الظاهر موترك ٦ سلندر
ال ٨ سلندر م يصرف
التجربة كانت على بنزين 91 والمكيف شغال والسرعه 130 الى 135 مع المثبت
مشكور
سؤال الله يعطيك العافيه معي كان نفس هذا الموديل قيرعادي فكسار وبعته وناوي اشتري بنفس هذا الشكل تنصحني بالقير الاوتو كيف استخدامه فيه خرابات ولااحسن من العادي مع ان العادي خذ معي٣سنوات وجبار وممتاز ومان مفصول الرباعي
@@user-cc8ti4db7t
خرابات ؟
الشيء اللي ما انت واثق فيه او متردد لا تقربه من الاخر
دامك نويت على الموتر اشتر النظيف وجربه شهر شهرين ما عجبك عادي بيعه ولا تشيل هم
بيض الله وجهه وهو يسافر فيك بهذا المديل ❤️ماشاء الله تبارك الله
انشهد
يارجل طبيعي سافرت من خميس مشيط الى الدمام ومن الدمام الى الخرج ومن ثم الى خميس مشيط على جكسار ٢٠٠٤ هذي مواتر كفو لولا البنزين غالي
عندي لكزس ls400مديل 95 ماشي ٨٩٠ الف واسافر عليه اسبوعي ١٦٠٠ كيلو للحد الجنوبي رايح جاي وكل شي فيه شد بلد ورجلي حاره عليه طبلون معظم وقته وماشاء الله موتر جبار ال٤٠٠وال٤٣٠ والفكسار والجيب الكزس نفس المحرك ٤٧٠ افضل محركات صنعت كخدمه واعتماديه يسموها مكاين المليون ميل
@@alghamdi8874
ماشاء الله تبارك الله
صحيح افضل محركات اعتماديه
يارجال تراه من الموديلات الحديثه ولازالت تتسخدم إلى الآن وبكثره وبالنسبه للسفر فيه ناس يسافرون على مواتر موديلات التسعينات وإذا الموتر أموره طيبه ولايشكي من شي مافيه مانع تسافر عليه
السلام عليكم بسالكم عن فيكسار 2001 توماتيك فل كامل هل تنصحوني فيه وايش هي عيوبه وكيف تكلفه صيانته عاليه ولا معقوله هذا وشكرا لكم
وعليكم السلام ورحمة الله وبركاته
اذا شرط دفرنساته من الونه والحنه وعمود الدبل والدوده وعلبة الدركسون مافيها ثقل وسليمه ومحركاته شرط
والمكيف بارد ولا فيه حراره
وصيانته صيانة جيب ما هو سيدان يعني مثلا السيدان تحتاج 2000 الجيب يحتاج 4000
وعيوبه دودة الدركسون وصوت عمود الدبل على السرعات العاليه عشان رباعي مستمر
اذا تبي لاند اقل مشاكل اقل اعطال خذ من 2008 وفووق ولكن مر على اسعارها وشوف اذا تقدر عليها
الدفع الرباعي المستمر من ٢٠٠٥ وما فوق@@Azooz-Lx570
والله يابن الحلال ٢٠٠٧ ياكلك اكل بالصوف والدوده والطرمبة كل شوي تخرب
وقطع غياره نااااااااار دبل ال٢٠٠٨
سلام عليكم اخوي عندي صالون ٢٠٠٠ جكسار يتعاطى بنزين بشكل متتوقعه وش الحل له
وعليكم السلام
الحل تفك الثلاجه وتنظفها وتفك الدعسه وتنظفها
وتفك البخاخات وتنظفها على الجهاز
وتركب بواجي واسلاك جديده وفلتر جديد
يعني تصفيه كامله عند الورش اللي تسوي تصفيه للمكاين
شيك على السره حقت البنزين
@@Azooz-Lx570 اذا سوينا الطريقة بتفرق معانا طيب واش حكاية البرمجه تنفع
@@Khalid_aborital
ما فيه برمجه على هذا الموديل غير تشتري كمبيوتر ب4000 ريال وتبرمج
السلام عليكم اخوي عندي لاند كروز ٢٠٠٧ Vxr بس مني عارف اشبك بلتوث ممكن تنزل فيديو مفصل
وفي سئال ثاني الراديو مره يشتغل ومره ما يشتغل ممكن تنزل فيديو مفصل كامل عن الراديو و البلتوث
وكل الشكر و التقدير ❤️
غير فيوز الراديو والبلوتوث انا شابك على قطعه ب30 ريال تحصلها في حراج
والله يبارك لك في الموتر
من كثر مانت سلمت ماحد رد على سلامك...
خير الكلام ماقل ودل ...
كان سلام عليكم واحده تكفي ...
تحياتي لك ورحلة سعيده
السلام لله
و شكرا لك
عليكم السلام
والله صرفيته طيبة والله مايشرب كثير
اخوي الحين وش اللي يصرف أكثر
الفكسار او الجكسار ؟
وش الأحسن بوجهة نظرك الجكسار او الفكسار
وش رأيك في الاستاندرات هل هي تصرف
ووش الفرق لا هنت
خذ اللي يعجبك ما يهم جكسار فكسار لو تدقق في الموضوع اكثر ما راح تطلع بنتيجه
وانا مجرب فكسار فقط
والجكسار ما اعرفه ولا فكرت اخذه نهائي ولا همني صرفيته ابدا
@@Azooz-Lx570
الكل يقول الفكسار أحسن من الجكسار
هل هذه صحيح
@@user-bb8vy5pv8s
انا مستخدم للفكسار فقط
والجكسار ما اعرفه ولا فكرت فيه نهائي
@@Azooz-Lx570
بس لاند كروزر 2007 فكسار يصرف كم بالضبط
@@user-bb8vy5pv8s
كلها تصرف لاندكروزر يوكن تاهو كلها فيها صرفيه
اذا فيك تعبي فل ب300 اشتر والله يبارك لك
طلعت من جده لين أبها كنت دايما اعبيها فل وصلت راس عقبه ضلع والغطا حق البنزين انحرق ويطلع دخان والعزم صار ضعيف جداً
الحمدالله على سلامة الوصول اخر المشاكل ان شاء الله
عندي جكسار حق الوالد شارية قبل اسبوع وش الزيت الممتاز له
الجكسار ما اعرف نوع مكينته ولا جربته شوف اصحاب الجكسار يفيدونك فييه اكثر مني
كاسترول جي تي اكس 20w50 كل اربع آلاف بدله
اعبيه احمر من تبوك إلى جده وصل التنك الثاني الربع
ماشاء الله تبارك الله
اجل بجرب اعبي احمر دام فيها فرق اكثر لكن في الخط تبين
معروف الأحمر يطول
حيالله ابو علي يعني ماتبينا نكلمك اذا جينا الرياض
ماشاء الله تبارك الرحمن يعني مشاك 800 كم تقريباً
الخطه اني اواجهك عند مدخل بحره قلت بدون اتصال اسويها بدون ازعاج فهمت علي يعني زياره فجائيه بس انكشفت هههههههه
ابد نفس مكاننا اللي تقابلنا فييه اول مره عند المدخل وبكلمك قبلها بعد صلاة الجمعه
بس معي ناس المره هاذي وعندي مشكلة الكبوت في الموتر في السفر ما هو ثابت والطبلون نصه طافي بس خله على ربك
الموتر طال عمرك يمشي 800 كيلوو
@@Azooz-Lx570
تعرف المكان اللي تعشينا فيه الوجه بكرة له يا بعدي ماحن جايين بحرة بكرة
@@Westernlion لاوصيكم فالتجارب وكذا ماشفت مقاطع كثير ل٤٧٠٠ ٨سلندر 😁
هل مشغل المكيف ؟ وعلى درجة كم لان المكيف يفرق كثير ترا والقير عادي ٤٧٠٠ التانكيين تمشي ١٠٠٠ او ٩٠٠ مع واحد من الشباب والتماتيك اقل منه بشوي ، ال٦ سلندر بلاعه جداا😂💔
المكيف على 2 والثلاجه شغاله بعد والهواء قبل الطايف ب100 كيلووو مواجهني فييه مقاومة هواء
@@Azooz-Lx570 ماشاء الله تبارك الله لا الصرفيه ممتازه ترا كنت في قروب لاند زمان وسالتهم عن الصرفية قالو ال٦ سلندر م يمشي الفل تانكيين ٥٠٠ كيلو التماتيك والعادي يمكن يوصل ٦٠٠ ،، لكن ٨ سلندر يوفر اكثر من ال٦ بكثير رغم كبر المكينة الفل يمشي ٩٠٠ الى ١٠٠٠ القير عادي والتماتيك تقريبا٨٥٠ وحولها تقل وتنقص الله يعطيك خيره ويكفيك شره والله يرزقني بواحد٤٧٠٠ قير عادي 🙆🏻♂️
الشيخ : ابو حسن الشهري اللهم امين وانا مقتنع بصرفيته خط حلوه جدا
والله يرزقك اللي تتمناه ان شاءالله 2007 vxr
الشيخ : ابو حسن الشهري عند ٦ سلندر تانكي كبير يمشي ٤٠٠ تانكين يمشي ٦٥٠
@@binwaleed5495 كلها نفس التانكي لكن توفير البنزين بالترتيب هذا الي يوفر اكثر شي ٤٧٠٠ قير عادي ثم التماتيك ٤٧٠٠ تمشي من٨٥٠-١٠٠٠كيلو ،، ثم بعده ٤٥٠٠ قير عادي واكثر شي يشرب ٤٥٠٠ قير تماتيك هذا بلاعه يمشيك الفل٢٠٠ ريال ٥٠٠ كيلو ٦٠٠ عندي جمس ١٩٩٥ ملكي٤٥٤ ال٢٠٠ تمشيه ٥٠٠ كيلو و٦٠٠ وهو مكينة٧.٤ ٤٥٤ السوبربان
انا من الجزائر الاحظ انكم تقولون بنزين على حد علميةانها المكنة تشتغل ديزل مكن اكون غالط، تحياتي
فيه يا اخوي مكاين تشتغل بل ديزل بس مب متوفره عندنا ف الخليج موجوده برع مثال لندن ما ينزل عندهم بترول كله ديزل
الفكسار 2007 كم تعبي البنزيم فل التانكيين وكم يمشييك كيلو
احسب 2.18ضرب 138 لتر يطلع لك كم ويمشي 800 خط
ماودك تجرب تركب له قير عادي 6 نمر حق البرادو والاف جي
لا ما يحتاج القير اللي عليه يكفي ويوفي ان شاء الله
@@Azooz-Lx570
هو كفو ما اختلفنا لكن اقصد من ناحيه صرفيه البنزين.
@@user-uv1di9ls1d
كل الجيوب تصرف
صار يركب عليه قير ست نمر؟
@@sultanalrashidi1400
لا ال6 نمر العادي نزلت عالافجي والبرادو طبعا كلهم 6 سلندر وكذلك على مكاين الديزل ال4 سلندر من تويوتا فقط.
معي GX 2007 افلل التانكيين 145 لتر ب 335 ريال
السرعه بالخط 140 يوصلني 700 كيلو ويطفي
ماشاء الله
هاذي صرفيته ال6 وموترك صافي دامه جاب ال700
التانكي واحد يوصل ٧٠٠ ؟
@@Azooz-Lx570 افلحت
@@Azooz-Lx570 ما شاء الله ٧٠٠ تانكي ولا تانكيين
@@user-yi2nc3vh3n
تانكيين معروفه الجكس والجكسار تصرف اكثر من الفكسار واللكزس
سلام عليكم اخي عاشت ايدك اني اريد اشتري لاندي كروز ٢٠٠٥ شني افظل محرك ٨ لو ٦ كير عادي لو اوتو
وعليكم السلام
اعتذر عن الجواب لاني ما اعرف وش اللي يناسبك فيها
@@Azooz-Lx570 اخي اني قصدي الثمانيه اقل صرف من السته سلندر
السلام عليكم عندي سؤال عداد ضغط الاطارات تنصح فيه وشنو اسم الشركة وكم سعره ومن وين وجزاك الله خير
وعليكم السلام
اشتره من علي اكسبريس ب120 اوفر لك
في السنيدي ب450 والتركيب ب100 ريال اي بنشري
اي شركه عادي اهم شي بلف حديد داخلي
@@Azooz-Lx570 مشكور يالغالي
@@user-wj6lw3ff3v الو
طيب بسئلك تعبي اخضر و كم فل التانكي اذا سعر اللتر الأخضر ١.٤٣
مدري كم السعر لانه يتغير كل شهر
واعبي اخضر
اخر مره كم طيب
جيبها تقريباً يعني مثلن بين 180 وال200
ابيي جيب لكزس او فكسار من4 لين 7 اللي يبي موتر اقتصادي عندي
الله يرزقك اللي تبيه
ياخوي انا عندي 2005 gxr 6 سلندر صريفته فالمدينه التانكي الاول 230 والتانكي الثاني يصل بالكثير 100 هل طبيعي فالمدينه ولا الموتر فيه شي ؟ لان اصلاً توني مبدل البواجي ومنظف الانجكترات
طيب موترك سليم ماشاء الله لكن لا تعبي التانكي الاسبير الا في الخطوط استخدم الاساسي في المدينه
واظن قصدك السعر مو الممشى 230 و 100
@@Azooz-Lx570 الممشى 230
@@Azooz-Lx570 والتانكي الثاني يمشي 100 واعبيه بحول 300 فالامارات
@@its3lix847
عندك مشكله لكن مدري وش هي
شوف دائرة البنزين وشوف التانكي نفسه لا يكون فييه ضربات وطعوج لان الصرفيه ماهي طبيعيه ابدا
@@Azooz-Lx570 كم الممشى الطبيعي فالمدينه مهوب الخطوط ؟
V8 وبس 2007
ههههههه ماتعبت
٢٠٠٠ سلامووو عليكووووو 😂😂😂😂😂💔
ياشباب مين افضل في العزم vxr او gxr
الجي 6 سلندر الفي 8 سلندر
مكينة ال8 سلندر حقت كرف تمشي اكثر من السته حسب ماسمعت والله اعلم
@@Lsvvi صدقت معي فكس ماشي فوق ٨٠٠ الف والى يومك يجيب فصلته 😂😂 ماشاءالله
سلام عليكم توي شاري واحد بالله وش نوع زيت المكينة لا هنت
وعليكم السلام
10w30 العلب البلاستيك
@@Azooz-Lx570 اشوف ان ٢٠ على ٥٠ افضل من ناحية ان الموتر موديله قديم ولابد يكون الزيت اثقل
@@Mo7ammed.1999
اللي تشوفه يناسب لسيارتك حطه
انا عندي جي اكس ار 2004 فللته من الرياض 91 تانكي اساسي وصلت الدمام فاضي مررره هل ممشاه طبيعي انا اشوف انا الي عندي يصرف مو معقوله تانكي كبير وفل حول 100 ريال من الرياض لحد الدمام فاضي التانكي الي عنده خبره بصرفيه البنزين كلوزر يعلمني يمكن موتري خربان وانا مدري
لا طبيعي هاذي صرفية الجكسار
ياجماعه انا مقبل على شراء جكسار او فكسار ممكن تقولون كم فل البانزين حقه
160لتر تقريبا
@@AHMED-ALHDRANI ليش الكذب يا الحبيب فل لاندكروزر لجميع الموديلات 138 لتر من 2007 الى 2003 تانكين وباقي الموديلات ما ادري فا لاتتفلسف
@@-serty221 اح يعني تفلل ب 300 ريال 🤭
اقول عليكم باليوكن والتاهو نفس المديل قطع رخيصه شكله حلو بالطريق راحه وصرفيته حلووه تعبيه فل ب 190 ريال تقريبن يمشيك 700 كيلو واذا صافي الموتر وبدون دبل يمكن يمشيك 800 عكس الجكسار تفلل ب300 ريال ويالله يمشيك 700 كيلو
بس مو حلو تعبيها فل وانت ماسك خط طويل يكون ضغط على التانكي حاول تنقصها شوي عشان تكون مرتاح السيارة
اني ناوي اشتري جيب مديل ٢٠٠٠ الو ٢٠٠١اوتو تنصحني لان اعشق جيب قديم
خذه بشرط النظافه قير مكينه دفرنسات
الفل يمشي 800 كيلو اشووف انه يصرف
ياشباب للمعلوميه ترا البواجي اذا مطوله معك بالسياره تصررف بانزين صرفيه ملحوضه
شوفه زي ما تبي
انت تقارن لاند 2005 بالموديلات الحديثه من السيارات الصغيره في الصرفيه
ولا على اي اساس حكمت برايك ؟
و الصحيح تقارنه بفئته من الجيوب نفس المديل 2007 وتحت
قارنه مع الفتك وقارنه مع الجكسار 2007 وتحت
وقارنه مع الجمس 2006 وتحت والاكسبيديشن 2005
joker aa
الله يهبلك حظ قل اميين انت بالله كيف عرفت اني اقارنه ب سياره صغيره 😂 معي لاند 2004 التانكي الكبير 100 لتر والصغيرر 30 حولها يعني قل 135 لتر وتمشيك 800 كان موتري يصرف سويت له تصفيه وغيرت الصفايه والبواجي وذلحين يمشيني حول 1000
وبالخيرر لاتكون انسان هجومي وسلامتك
ym Ym
موتري يبي له شغل كثير
@@Azooz-Lx570 said
السلام عليكم معاي نفس المسجله حقكك بس ما عرفت كيف تشتغل اذا تعرف ممكن تفيدني
وعليكم السلام
يشتغل اذا طلعت الانتل نص واختر اي موجه am او fm وبرمج اللي تبي
والسيدي حق الاسطوانات
@@Azooz-Lx570 ؟
@@user-pz4eb6wv6y
ما استخدم سي ديات ولا اشرطه
@@Azooz-Lx570 طيب ماتعرف طريقة السيدي ي عيني لان انا موتري مايقبل الاسطوانه اذا بحطها م يقبلها
كم تكلفة البرمجة؟
بدون برمجه
السلام عليكم، وش الشاشة اللي مركبها فوق الطاره ؟
وعليكم السلام
هاذي حساسات الكفرات spy وتقدر تحطها في مكان تشوف مناسب
@@Azooz-Lx570 يعطيك العافية على الرد
يعني الحين الجي يصرف ؟؟؟؟
ما جربته
انا اخذ فكسار او لكزس
الجيات والجكسارات ما احبها
كم لتر مجموه التوانك
١٤٠ لتر
وين الشيلات ههههههه ،، كفو وفقك الله
كفوك الطيب
بكم تعبيه فل 91 ولا 95 الله يتسر عليك
91 عبيته بس يفضل تعبيه احمر خط
وبكم ما اذكر
joker aa يعطيك العافيه انا لقيت vx.r قير عادي والكل يقول لي لا تاخذة خذ gx او gx.r فا والله محتار 🤷♂️
ali ksa
اذا هو شرط مكينه وقير لا يفوتك من الاخر
وافحص الدبلات والتكييف والثلاجه تاكد ان كلها شغاله
توكل على الله وافحص الموتر وجربه وتاكد من الزيت ما فيه نقص والحراره طبيعيه وموية راديتر مو حنفيه
واللي ما جرب الفكسار بيقولك لا تاخذه اكيد لانه ما جربه
والله يبارك لك فييه
joker aa الله يعطيك العافية انا دخلته الوكاله وقالو لي انه في الجلد السياره كلها يبيلها تغير وكمبريسر فيه ضعف بس شغال بس البروده مو لهناك والباقي سليم الموتر 2000 وقير عادي ماشي 300 ويبي فيه 38 هل يستاهل بس والله كل ما سألت احد قالي لا تاخذه وانا الصراحه ابيه حق سفر و خطوط ما ابيه داخل المدينه ابدا وهاذا اول موتر لي تويوتا سنين وانا على جمس و الفورد فا ياريت اذا مافيها ازعاج و كلافه تسوي فيديو عن مميزات الvxr واكون لك من الشاكرين
ali ksa
38 مغليه مره تجيب لك 2002 و 2003 فكسار
بالنسبه للعيوب اي لاند مستعمل بتحط فيه ما يقل عن 5000 صيانه
كم حجم المكينة
5.7 لتر
هذا قديم
جحمها ٤.٧
@@user-ib2zi8tv2d غير صحيح
السلام عليكم ورحمه الله وبركاته كم تمشي جيب جي اكس ار 2002 كيلو بال خزانين جير عادي
وعليكم السلام ورحمة الله وبركاته
جرب عشان تعرف بدون تجربه ما ينفع مره
الحقيقة إن اليابانيين في السيارات الكبيرة فاشلين في الصرفية هذا محرك ٤٧٠٠ أو محرك اللكزس نفس الحال مصروفها عالي جدا اليوكن والاكسبديشن خزان الوقود فيها أقل من ١٠٠ لتر وتمشي أكثر من ٨٠٠ كيلو
كلام صحيح 100٪
صحيح لكن في القوة الياباني اقوى
@@mwqq1439 غير صحيح كاقوة تحمل وصبر معك لكن عزم واداء الامريكي افضل لكن يعيب الحراره وقلت التحمل
كم لتر فل كل التوانكي وكم كيلومتر يمشي ماطلعت بنتيجه من الفيديو
وهل كل اللاندكروزر كذا ، ارجو حد يفيدني بالتفصيل الممل لاني ناوي
اخذ لاندكروزر قديم على قد فلوسي، والله يسعده ويبعده من كل شر
من يخدم الناس ويساعدهم على تجنب الأخطاء.
فل التوانكي الاثنين حول 200 ريال
كم يمشي على حسب وش تاخذ فكسار او جكسار والرد للبقيه يفيدونك فييه
@@Azooz-Lx570 اش الفرق بين الفكسار والجكسار من ناحية الصرفيه والقطع الغيار ، يعني ايهم اقتصادي اكثر وأقل سعر بقطع الغيار وكذا انا اريد اعرف من أجل اختار الأفضل.
@@user-dm7ew8il9i
سوؤالك صعب
انا فكسار فقط ولا اعرف شي عن الجكسار عشان افيدك
ولا جربته ولا فكرت نهائي اخذ جكسار
@@user-dm7ew8il9i
الجيكسار القديم يجي سته سلندر لكن الجديد ٢٠٠٨ وفوق يجي ثمانية وسته
والفيكسار يجي ثمانية سلندر قديم وجديد
ملاحظه الصرفية بالجيكسار يصرف بنزين اكثر من الفيكسار مع العلم ان مكينته سته سلندر ما ادري ليش اما الجديد ما ادري عنه
مرحب حبي انا سيارتي جكساره ٢٠١٤ مشيت الف كيلو صرفت بنزين ٢٥٠ لتره شنو سبب حبي ممكن توضيح منك
ماشاء الله
الله يبارك لك
الجديد ما جربته ما اعرف عنه شي لانه يختلف كله عن القديم
@@Azooz-Lx570 حبي بس انا سلئت كالو خاف من سبب سرعه زاده انا كنت امشي ٢٠٠ سعره
صحيح سرعه زاده تصرف بنزين
علي العراقي
زين انك وضحت
طيب جرب تمشي 130
وشوف كم يطلع معااك
السته سلندر تصرف اكثر من الثمنيه سلندر وانا مجربها
@@Aminmohmmed-fp5uy هم عدك جكساره حبي
يالغالي للحين عندك الاند ؟
لا والله بعته قبل ثلاث شهور
والله يبارك للشاري
@@Azooz-Lx570 الله يباركله بس حبيت اسال اذا تعرف الاشياء اللي تزيد الصرفيه عندي GX.R موديل ٢٠٠٠ يبلع واجد حيل بانزين شنو اسوي بالضبط
@@ndm_8827
غير فلتر المكينه ونظف الدعسه وغير البواجي وغير صفاية البنزين جنب المكينه مكانها
يعني رح ورشه يسوي لك تصفيه كامله وراح تتحسن الصرفيه معك
يربع عندي 6 سلندر توني شارية عبيتة زيت 20w50 هل هو ممتاز ولا وهل يضر
زيت سوبر مبين لانة ثقيل وافضل
سلام عليكم اخي
وعليكم السلام
الي له خبره تنصحوني في فكسار ٦ سلندر
ركز على انه يكون بدفلك اهم شيء وبعدين فصل المواصفات زي ما تبي خلفية لكزس او اسبير علاق حسب مزاجك
كيف عزمه يهمني العزم تماتيك
@@user-be4xe2er5m
التماتيك ما ادري عنه بالضبط لكن اسال اصحابه يفيدونك اكثر
اذا هم موجودين هنااا
يذيبان الي باخذه له فتحه ولله مدري وستبنه تحت الموتر ترا مالي خبره فيه بس هو المطلوب ولالا
@@user-be4xe2er5m
طيب تاكد فييه دفلك او لا هذا اهم سووال
كم ليتر الخزان الاساسي
93 لتر والاحتياط 45
@@Azooz-Lx570 والاساسي والاحتياط كم كيلو يقطعون بلا زحمه اجابه
@@aldbdam1788 ٨٥٠ واكثر اذا ما فيه مشاكل
كم يعني مشاك تقريبا
800
@@Azooz-Lx570 ماشاء الله معي ٢٠٠٣ ومامشاني )داخل المدينه الكبير بس ما وصل ٤٠٠ دونها يمشيني ٣٧٠ حولها
7c. bk
اذا اللي معاك جكسار عادي هاذي صرفيته
واذا هو فكسار سو له تصفيه غير بواجي وفلتر ونظف الثلاجه
وجرب خط
لان الفكسار 2003/2007 نفس بعض
@@Azooz-Lx570 الي معي جكسار قبل الشتاء إن شاء الله بنظف الثروتل والبخاخات
واغير فلتر الهواء والبواجي اتوقع كويسه
7c. bk
موترك ما فيه شي
الجكسار هاذي صرفيته بس بتخف شووي اذا سويت له تصفيه
كم فلها
280
8ولا 6 سلندر
فكسار يعني 8
joker aa اها والله توني ادري وشكراً على المعلومه والله بوفقك❤️
سالم الراشدي
اللهم امين
كيف رساوة و راحة وثبات الموتر في الخط ؟
الحمدالله راسي وثابت
@@Azooz-Lx570 ماشاء الله.. ربنا يبارك لك فيه ويعطيك خيره ويكفيك شره
كم وصلك التانكي الفل مع السبير لو تجمعهم مع بعض
من 850 الى 900 بس لازم بنزين 95 لانه افضل في الخط
joker aa ما قصرت
يجماعة فيه بلوتوث بالجيب ذا ؟
اذا فيه كيف اشغله 😂💔
قطعه تشتريها ب20 ريال تشبكها في الولاعه وتشبك البلوتوث على المسجل
@@Azooz-Lx570 لا هنت اذا فيه قطعة جربتها او تنصف فيها انصحني فيها وين تنباع
@@Sattam_911
افضل شيء للجيب اللي تنشبك في مكان الولاعه الg7
اسمها تحصلها في نون
لان الجيب ما فيه aux ولا usp
القير كم نمرة 5 والا4
خمس نمر
@@Azooz-Lx570 انا حصلت 2006اتوماتيك نظيف ومادري كيف عزمة زين والا لاء
وكيف صرفيتة بالبنزين استخدم هادي داخل البلد
@@user-mo6bf8tw7h
ان كان 6 عزمه تعبان وان كان 8 عزمه زين
و انا استخدمه خطوط وبر عندي سياره صغيره للمدينه
والله قليل ٨٠٠ كيلو تانكيين
سياره 2005 لا تتوقع منها الكثير زي سياره 2020