ازاي تتخلصي من الشخصية الاعتمادية؟..... كوثر سند
Vložit
- čas přidán 8. 08. 2024
- ازاي تتخلصي من الشخصية الاعتمادية
أولا لازم تعرفي انك محتاجة وقت ومجهود عشان تغيري نفسك من شخصية اعتمادية لشخص متعاطف بشكل صحي ومحتاجة فعلا تشتغلي على نفسك كتير
١- اول حاجة لازم تمتلكي افكارك ومشاعرك وآرائك ومتتنازليش عنها ومتعتنقيش أفكار غيرك واراء غيرك ، ولازم ترفضي فكرة انك المنقذ لانه مش دورك ولأنه كان سبب انك تظلمي نفسك ، ارفضي فكرة ان مساعدة الغير اهم من مساعدة نفسك وانك اخر اولوياتك ، انتي مفروض تكوني نمرة واحد عند نفسك ، غيري تعريفك لنفسك جواكي قرري ترفضي الهوية اللي انتي خلقتيها جواكي ضد الطبيعة وضد الفطرة اللي ربنا خلقها ، اللي هي انا اخر واحدة المهم انتم ، دة مش حاجة صحيحة ولا صحية الا في بعض المواقف اللي ممكن الاسرة تتعرض للخطر مثلا وواحد بيضحي بنفسه زي الأفلام ، بعض المواقف اللي مطلوب فيها الايثار وحب الغير ، لكن متكونش هي دي حياتك ،لانك بتلغي وجودك أصلا وبتكوني روبوت بيخدم الاخرين وبس وملوش طلبات ولا احتياجات وبعدين المهم ان مشاعره ميتة ، فمتوصليش نفسك لكدة ، خليكي عادلة وادي كل واحد حقه وأول واحد انتي
٢- اتعلمي متكدبيش ، ايوة انتي اكتر حد بيكدب على نفسه واحيانا ع اللي حواليكي ، ازاي ؟ طول الوقت تقولي حاضر وانتي عايزة تقولي لا ، تقولي موافقة وانتي مش موافقة ، مفيش مشكلة وهو فيه مشكلة عظيمة ، اه حقدر اعمل لك دة وانتي أصلا مش قادرة تاخدي نفسك ، بطلي تكدبي وقولي لا من غير ماتخافي من حكم الاخر عليكي (خدي بالك في العلاقة مع النرجسي انتي كدة كدة مش عاجبة ) ، حاولي تكوني حقيقية يعني ايه؟ يعني لما يعمل لك صمت عقابي وعارفة انه مش حيصالحك وعارفة ان هو اللي غلطان وانك مش غلطانة ومش مفروض تتأسفي له ولا تصالحيه يبقى مفروض تسيبيه يتفلق ومتروحيش تصالحيه لانك لما تروحي تصالحيه مش حتكوني حقيقية حتكوني بتكدبي على نفسك ، متصالحيهوش عشان ميفضلش كل شوية يعمل لك صمت عقابيويفرح وياخد وقود بمصالحتك
٣- اتعلمي تقولي لا ، اقرأي كتاب محمد طه لا بطعم الفلامنكو مهم جدا للي مبتعرفش تقول لا ، فعلا حتتعلمي منه تقولي لا ، على فكرة كلمة مكونة من حرفين لكن لها طعم فعلا ومتعة عظيمة لما تجربيها بعد ماكنتي محرومة تقوليها ( بس لو بيضرب متقوليش لا ، اعملي له محضر)
٤- لازم تبطلي تهتمي بأراء الاخرين ، لازم توقفي تصدقي رأيهم فيكي حتى لو إيجابي لازم تبني رأي لنفسك في نفسك يعني اقعدي اكتبي صفاتك وركزي وخليكي حيادية ومتكونيش ضد نفسك ولما تخلصي شوفي ايه الصفات اللي مش عاجباكي وحاولي تصلحيها وملكيش دعوة برأي حد ركزي انتي في رأيك انتي عن نفسك لانك طول مانتي بتعتمدي على الناس في تقدير نفسك وتقييمك حتفضلي مهزوزة لان الناس بتتغير وارائهم بتتغير وبتتوقف على المواقف اللي بتحصل منك من حيث الإفادة لهم ودة اكيد مش عدل
٥- بطلي تاخدي الاذن عشان تكوني نفسك ، وانتي مع النرجسي بتوصلي لمرحلة انك تاخدي اذنه في انك تفكري او انك تحسي انك تفرحي او تحزني وحقولك دة بيحصل ازاي ، دايما تسأليه انا حسيت بكذا تفتكر كان لي حق احس بكدة ؟ انا فرحت جدا هو انت فرحت زيي ، انا بفكر في كذا ايه رأيك التفكير دة صح ولا غلط ، طول الوقت بتحاولي تاخدي موافقته على أي وكل حاجة بتفكريها وتحسيها ، مبتعرفيش تحسي انك عندك حق تزعلي منه الا اذا اعترف لك انه غلطان وهو عمره ماحيعترف فتلاقي نفسك تلفي ع الناس تحكي لهم عشان يقولوا لك هو غلطان ويدوكي الاذن انك تزعلي او تغضبي ، بطلي تدوري على اذن حد عشان تحسي او تفكري ، صدقي نفسك وصدقي مشاعرك وتأكدي انك لما تلاقي نفسك رافضة تصرف من حد فدة عشان هو تصرفه غلط ، عودي نفسك تصدقي نفسك ومتستنيش حد يأكد لك صحة مشاعرة واحاسيسك وافكارك وممكن في الأول تحسي انك بقيتي عدوانية شوية بس مع الوقت حتبقي في الوسط بس انتي ابدأي
٦- اعتني بجسدك واحترميه وراعي ربنا فيه وبطلي تهمليه وكأنك بتنتقمي من النرجسي في نفسك (حالة كانت بتتمنى تموت عشان تنتقم من النرجسي وتحرمه من خدمتها ورعايتها مش عارفة انه حيجيب غيرها الصبح ، شوفي اد ايه الضعف ) وحالة بتتمنى المرض عشان تقدر تهرب منه وتروح لأهلها او تروح مستشفى ، شوفي انتي اد ايه بتؤذي نفسك ، دة غير انك بتخدمي الكل وتنهكي جسدك ودة عشان تنالي رضاهم اوعي تخدعي نفسك وتكدبي على ربنا وتقولي لوجه الله لانه لو لوجه الله مش حتعمليه على حساب نفسك لانك حتتسئلي عن جسدك ورعاية جسدك فرض ورعاية اللي انتي مش مسئولة عنه مش فرض ،اختبري نفسك وشوفي اذا بتعملي لوجه الله فعلا اذا كنتي بتراعي نفسك بما يرضي الله الأول
٧- اسمعي احساسك واتبعي حدثك ومتنسيش انك أصلا متعاطفة وعندك قدرات انك تحسي باللي حواليكي وتقرأي أفكارهم فلما تحسي بعدم الراحة مع حد متجبريش نفسك على البقاء معاه او التعامل معاه أصلا (باستثناء الزوج والاولادوالابوين طبعا) (والمقصود كمان لما بتعرفي حد جديد ومترتاحيش له احسن متكمليش ، سواء معرفة صداقة او عمل او شراكة او حتى جارة )
٨- مش مفروض اننا نتحكم في اراء الاخرين حتى لو كانت غلط ، فلما تقولي لا لحد توقعي وتقبلي ان رأيه فيكي حيتغير وهو حر في رأيه متخلي شدة يأثر عليكي وتتراجعي في االا اللي قلتيها لانك مفروض بدزتي تكوني هويتك الجديدة بناء على رأيك انتي بس
كمان لازم تكوني مستعدة انك لما حتقولي لا وتبدأي تحطي حدودك حتلاقي مقاومة كبيرة جدا من اللي حواليكي وغضب طبعا واولهم النرجسي
افهمي ان التعافي من الاعتمادية حاجة مش سهلة لانك حتواجهي اعتراضات كتير وصعوبات وعدم تقبل الناس اللي حواليكي المستفيدين منك ، كوني قوية وتقبلي الوضع الجديد واستحملي التعب والمعاناة عشان تكوني شخص سوي سعيد
اكونت الفيس بوك
profile.php?...
جروب ادرس عدوك النرجسي
/ kawthersanad11 - Krátké a kreslené filmy
لا الاحسن حضرتك تبتدى تنزلي فيديوهات، ازاى نقوى شخصيتنا و نعالج الناقص و ازاى نكون اشخاص اصحاء نفسيا
صح..ياليت تبتعد عن الأسرة حاليا..تدمرنا..ونحن بندادي للكل!!!
صحيح ودا حيسعدنا اننا نتعامل مع النرجسي من وضع للحدود ورفض حاجة من عجباني الأخ.... ياريت
حقيقى تطوير الذات والاستحقاق نشتغل بنفسنا كفايا ع النرجسيين اوى كده ربنا يبعدنا عنهم ونتعلم بقى نتشغل بنفسنا ونطورها
نعم اقتراح ممتاز 👌🏻
امنزله حلقات التشافي شوفنه
كثري من المقاطع عشان نخلص من اعتماديه
لاني تعب جداً دايم اعيط اذا كنت مع نفسي لحالي
متابعتك من السعوديه
بكفي نرجسي وخلينا نهتم بأنفسنا ونوصل للتعافي التام بليييز يا سيدتي الرائعه
بحبك كتير وكلامك منطقي 💝
ياريت حلقه كمان عن ازاي نتعافي من الاعتماديه ب امثله اكتر
ياريت
تكتبلنا اسماء الكتب
كتابة بعد اذنك يا بنات حطو لايك ليصل للاستاذة .فضلا وليس امرا .
انتي من الشخصيات اللي ساعدتني افهم حالتي اني اعيش مع نرجسي خفي خبيث الله يفكني منه ويجبرني ويجبر كل زوجه نرجسي ❤
الأولاد تساعدهم الأمهات السعيدة و يحبوها و لا يهتمون بالأم التي لاتهتم بنفسها ..مما رأيت بعيني
فعلا عايزين نهتم بنفسنا. ونتغير ونعتمد على نفسنا خليكي معانا وخذي بإدينا لبرالامان و هاتي كل اللي عندك وربنا يسعدك ويحفظك ياحبيبتي
عملت كل حاجه لوجه الله. ولكن ربنا نصرنى عليه وخرجنى من تحت ايده. الحمد لله. الذى عافانا.
شكراً لك
كيف أعطي نفسي قيمه وحب من داخلي ولا أطلبه من الاخرين
وأعوض نفسي من دون ما أبحث برا
دون التقليل من نفسك او تكبير ذاتك يعني خير الامور الوسط واستعيني بقول الله ولقد كرمنا بني ادم
قدري نفسك بانك تقتنعي ان ربنا انعم عليكي بنعم كثيره ويوجدناس كثيرون حرموا منها وان اكيد عندك قدرات كامنه في شخصيتك وانك مش محتاجه تظهري القدرات دي للناس عشان تحبك او تقدرك وانك داخلك بتحبني الناس وتقدريهم علشان ربنا سبحانه وتعالي قال كده وماتعطيش خد اكبر من قدره ولا تقللي من قدرنفسك ولا تتعالي بها يعني خير الامور الوسط واستعيني بقول الله العظيم ولقد كرمنا بني ادم
بإخلاص العبادة لله والثقه بالنفس ووضح حدود للحياة الخاصه
إهتمي أنت.. بنفسك.. بتركيزكِ عليها.. بدل أن تركزي على الآخرين... كلما احتجت حب تذكري كم تحبين الله.. وهو سبحانه يحبنا جميعا.. حبه يغنيكِ.. يملأ كيانك.. ربنا هو الوكيل يكفيكِ عن كل البشر.. حبي الكون الذي يحبكِ هو من مخلوقات الله..
ان الله يدافع عن الذين امنو
شكرا لكي.
فيديوهات عن الشخصية الاعتمادية كيفية تكوينها كيفية التخلص منها.كيف يمكن التخلص من الشعور بالذنب.و كيف نحب أنفسنا
ذبحنا الشعور بالذنب😢
@@user-lt8ik7zj5g التخلص من جلد الذات ..قناة داليا رشوان
@@duhaa.abdullah1562 تسلمين 🥺
نعم انا شخصيه اعتماديه واعترف الصدق اني مليت وتعبت منها ومن ارضاء الناس على حساب اهتمامي وصحتي بس اركض واركض وابغى هالتقدير من برا وابغى اتغيير يارب للافضل
صحيح انتي مبدعه بهاد المجال جدا
الله اعلم اذا غيرتي شو راح يصير ...كل كلمة مفيده اسمعت ل١٠ غيرك ما في حد بذكائك بسم الله ماشاءالله...انتي جسمك جميل وانحيل واتخيل لو حكيتي نصائح صحيه راح اتجيب مشاهدات ...وكمان لا تزعلي مني ياريت يكون المكان اللي وراكي أجمل فاتح والوان
كملي يا دكتورة ،كملي بالأسرة ،طرحك أكثر من رائع
جزاكي الله خيرا ...والله محتاجين نركز على نفسنا وكيف نتعافى ونعيش بسلام ..وشكرا لك
تربية الأطفال و كيف نقيهم هذه الشخصية و تربيتهم في هذا الجو و بعد الانفصال..هذه مواضيع التي تهمني
فيديوهاتك جميلة وعايزين فعلا حضرتك تركزى على تقوية شخصيتنا ونتخلص من النرجسى نهائيا
السيدة زينب زوجة النبي.. لما قال (اسرعكن لحاقا بي اطولكن يدا) وان اطولكن يدا يعني الأكثر انفاقا... وكأن هيا السيدة زينب رضي الله عنها
حلقه رائعه جدا وجميع موضوعاتك رائعه
من المفيد جدا انه يكون هناك حلقات تركز على عيوب الذات بهدف اصلاح الشخصيه وتقويتها ورفع مناعتها
حدثينا عن ابناء النرجسي والام الاعتمادية!! كيف نكتشف انهم يعانون من اي شيء علامات
كثري من هذي المقاطع تنورينا وتفتحين لنا طريق لنوقف على رجلينا ونعتمد على نفسنا
فعلاً الشخصيه الاعتمادية تقاوم بعدها تستسلم وتموت مشاعرها وتعيش بدون احساس
انا لسه متابعه بصراحه من اسبوع واحد.. بس حضرتك كملى بالنسبه الأسرة والأطفال وتربيه الام لأولادها .. ده اصلاح وصلاح الأحوال .. أنا بدعم حضرتك بشدة ؟ ربنا يوفقك وبحب جدا جدا جدا ضرب الأمثال من بيت آل النبوة عليهم الصلاة والسلام.. لأنهم اصل القدوة الحسنة التى أمرنا الاقتداء بهم..
استاذة كوثر
نحتاج ڤيديو عن كيفية اتخاذ قرار صحيح لا نندم عليه ولا نتخبط في الحياة
ياريت نعمل حلقه عن وسائل تقوية الذات وكسب الثقة بالنفس
احسن شيء اننا نتعلم ازاي نكون اسويا وتأثر على أولادنا علشان يكونو اسويا
فعلا نريد يا دكتورة إرشادات مهمة في مشاكل الحياة بشكل عام...وتطوير الشخصية..
باختصار...نريد معرفة مفاتيح النجاح في الحياة واسرارها...
كل اللي بتقوليه حلو . ومفيد ومهم جدا اننا نعالج الاخطاء . وتكون القناة للاسرة .
اه.يادكتوراه كلامك صح. ياريت صدقت احساسي من قبل. واصلي.كل موضوع تختاريه يفيدنا.دمت متالقة 👍👍👍👍👍👍
ياريت حلقة عن المشاكل النفسية التي يعاني منها الشخص الذي عاش طفولته ك كبش فداء او كالطفل الغير مرئي ثم حلقات او دورة للعلاج.. و الله يجزاك خير💞
كلامك صحيح نجعل القناة فيها مواضيع تخص الاسرة والاهتمام بالمرأة .
الله يكرمك يا استاذة كوثر، غيرتي فينا حاجات كثيرة، استمري على هذا المنوال 👍👍👍🥰🥰
كل حاجة تأوليها جميلة و مفيدة .. بجد عائلتك محظوظة فيك .. الله بارك 🌹
والله الحقيقة كل فيديوهاتك مفيدة ومهمة والتفاصيل فيها مذهلة لا تقبل للإختصار والتلخيص أرجو أن تتطرقي لكل ميادين الحياة الزوجية ومشاكلها بالنسبة للمرأة...دائما في القمة عندك موهبة كبيرة في ايصال المعلومات وتبسيطها ليفهمها الكل أنا أتابع قنوات اخرى بالاضافة إلى قناتك لاحظت أن كل قناة لها مميزات خاصة أشكركم كلكم على التوعية والله أنقذتونا من جحيم الجهل الذي كنا فيه 🇩🇿أرجو الدعاء لي بالفرج أختكم سمية من الجزائر🇩🇿ضحية زوج نرجسي خفي خبيث
ربي يرزقكي الجنه بغير حساب ولا سابق عذاب يا أستاذة كوثر صراحة معلومات رووووعه وسبحان الله جت في وقتها 💔
من اجمل الحلقات شكرا استمري 👏
ربنا يريحك مثلما تريحينا عند مدة طويلة لم أشعر بهذه الراحة والعزيمة التغيير شكراااااا جزييييييلا حبيبتي
نعم استاذتي الرائعة يجب ان نركز اهتمامنا على انفسنا لان هذا هو الحل. عليكم انفسكم كما قال الله عز و جل. شكرا حبيبتي🌹
بالعكس يا دكتورة احنا بننتظر حلقاتك بفارغ الصبر وكل مضمونها ومحتواها هادف ومفيد في ميزان حسناتك وحسنات والديك
رأيي ان تتحدثي عن الاسرة وعن كيفية تحسين انفسنا وشخصيتنا. لكن باخذ الاعتبار اننا نعيش مع نرجسي
اتفق 👍
جزاك الله خيرا يا دكتورة ربنا يجعله في ميزان حسناتك
جعل الله كل ما تقدمين في ميزان حسناتك ....قناتك اصبحت مثل حبات الدواء التي لابد ان ناخذها كل يوم للتعافي ومواجهة جنون العظمة التي يعيشها النمرود .....واصلي على هذا المنوال ...من تونس لك الف شكر
لا ، كنت أصالحه حتى أحقق مقولة ⬇️
لا أبات غمضا حتى ترضى
وعلى فكرة لم يكن يرضى
والله كان كثيرا هو المخطيء
ممتنه لك
كنت محتاجه للكلام ده
وانتي نورتيني كيف اهتم بنفسي وفعلا اهتمامي بنفسي التعبانه المرهقه فرض وحق واجب عليه قبل اي حد تاني
متابعتك سعودية 🤍كل الحب لك يادكتوره كوثر
تسلمي يا دكتور كءانك عائشه معانا ربنا يدينك علينا نعمه وزي ما علمتينا احنا بناتك وتعملي اللي ترتاحي له متفوقه امي الطيبه
شكرا جزيلا لك أستاذة من المغرب
جزاك الله كل خير على علمك النافع ومجهوداتك الجبارة. بارك الله فيك
شكرا علحلقة ممتعة ومفيدة جدا جدا
نحن السند لك استاذة كوثر سند .🤗
الأفضل الأسرة وإزاى نشتغل على عيوبنا الشخصية التى تجعل منا ضحايا مثالية للغير وهدف للفشل ☘️🍀
اوعى تغيرى اسم القناه دائما نقول لبعض
شوفى كوثر سند بتقول ايه
وفعلا زهقت من النرجسى كبوس حياتى
محتاجه فيديوهات عن تطوير الذات
والثقة بالنفس أحلى لايك 👍🏻 وشير
بصراحة يادكتورة انااستفد منك على رغم من قصر المدة إلي تابعتك فيها احس تغير تفكيي نمط حياتي اليومي استمري بارك الله فيك
صحيح كلامك ربي يوفقك لكل خير ورؤيتك أحسن لنا احنا شويا شويا حنتحسن ونستفيد ونعرف كيف نطور حالنا ونتعامل مع أولادنا ونربيهم صح جزاك الله خيرا عن الإسلام والمسلمين اجمعين
شكرا جزيلا لحضرتك علي مجهودك و تعبك معانا و فريق العمل ربنا ينفع بكم
و ينفعنا باللي بتقوليه
رأيي نركز علي نفسنا اكتر و الاسرة
فيديو جاء في وقته وفي لحظته سبحان الله.
دائماً اعطي لأولادي وأنا لا، وهم لا يحسون بي ولا يقدرون ولا يعطون قيمة لما أقوم به ،
فعلاً استخسر في نفسي اي شيء واراهم يستحقون كل شيء.
كيف أكون سوية ومتوازنة في عطائي لنفسي وللآخرين؟
شكراً كثير ليك على هذا الموضوع 🙏🙏🙏
جزآك الله خيرا سنكمل معاك حتي لو استكملتي موضوع النرجسي فلم ننسى فضلك وفضل القنوات الاخري فى إسترجاع كرامتنا ونرى ثمرات جهودكم فى أنفسنا فلله الحمد والمنة
عندى اقتراح تعملى قناة تانيه تبدأى فيها عن الأسرة وتتركى هذه القناه عن النرجسى واضطرابات الشخصية
كلامك جميل و يرفع معنوياتي مرات اكون تعبانة و تتكلمي عن مشاكلي بالضبط المزيد من فضلك من كلام للثقة بالنفس
و جزاك الله كل خير
يعطيكي الف عافيه استاذتي الغاليه
فكرة جميلة انها تسير قناة الأسرة فعلا لازم نتخلص من قيود النرجسي ونتطلع لحياتنا لقدام ❤️
استمري ولا تتوقفي أبدا...فقد كنت طوق نجاة للكثيرات ممن عانين مع شخصيات مشوهة مريضة .فكما شخصت المرض سابقا وأريتنا أن العيب لا يكمن فينا بل بمن حولنا وبمن استغلوا أجمل صفاتنا ليستغلونا ويقضوا على أحلامنا وحياتنا، وممن استغلوا جهلنا بحقيقتهم وسوء التربية الذي يفرض على الأنثى الطاعة العمياء وأرضاء من لا يستحق أحيانا ، أكملي وفقك الله
انا تعرفت عليك اليوم
اشكرك جدا جدا والله كلام ذهب واحسن من الذهب. والله يجزيك الخير
اللهم صلي علي نبينا محمد وال محمد.
اعتقد السيده صفيه بنت حيي بن اخطب امنا ام المؤمنين.
جزاك الله خيرا وجعل فيديوهات حضرتك في ميزان حسناتك
اختك من سوريا
الحلقه روعه ماشاءالله تبارك الرحمن عليكي دكتوره شاكره لجهودك.
اشكر حضرتك جدا جدا على هذه الحلقه الراءعه تكلمتى عنى وفهمتينى نفسى ووصفتيها بكل دقه يارب يساعدنى على حل هذه العقد والتشافى التام انشاء الله
جميل جدا الفديو ... جزاك الله خير
ممكن تتكلمي كمان علي انواع الشخصيات العصبيه او المندفعه وازاي نعالجها صح
وموافقين علي الكلام علي الاسره
كل كلامك مفيد ورائع وبيسيب علامه في قلوبنا للأحسن ...الله يكرمك ويزيدك من فضله
بارك الله فيك، اختنا الغالية،. الله لا يحرمنا منك، احبك في الله ❤️
قناة الاسرة احسن عشان كل العائلة تستفيذ الله يحفظك دكتورة
جزاك الله خيرا أستاذة كوثر
فعلا دكتورة من احسن ما طرحت الفيديوين الاخيرين روعة قمة والله
جزاك الله عنا كل خير يا دكتور...
بجد كشفتي أنفسنا قدام نفسنا ودي حاجة ع اد ما أنا الحمد لله فرحانة إني وصلتلها على أد فعلا ان اتصدمت بيها...بس معرفة الداء أول مرحلة للشفاء إن شاء الله...وربنا يجعل من اسمك نصيب لأنك فعلا سند لينا بعد الله سبحانه...
وفعلا انا جبت كتب د.محمد طه وبقرأ فيها بعد ما سمعتك قبل كده قولتي عليها 😊
ماشاء الله عليك عجبني تواضعك وطريقة إلقاء الكلام
ياريت تعرفينا ازاى نخلى الاولاد ميطلعوش نرجسيين زى والدهم
بقالي سنة وشوية بتابع حضرتك للحمد لله بعيد في بعض لفيديوهات . احس في تحسن بشخصيتي صحيح انو بسيط . الحمد لله الحمد لله الحمد لله .
بارك الله فيك وجزاك خيرا وذادك علما اللهم ارزقنا ماينفعنا لو سمحتي كلمينا عن أنفسنا اللهم اجعله في ميزان حسناتك آمين يارب العالمين
الله يسعدك ويقويك ويعطيك العافيه انا احتاح اكثر عن نفسي 🙏🏻
الفديو دا يتشاف عشرات المرات. حقاءق عميقة
أنا مبسوطه اني اتعرفت على قناتك الجميله استفدت منك كتير اشكرك
ربِ يجزيك خير الجزاء في الدنيا والاخرة ❤️
انا مش عارفه اشكرك ازاى انتى كأنك عايشه معايا ياريت تكملى فى الشخصية الاعتماديه
انا مش قادرة اشكرك ازاي انشاء الله في ميزان حسناتك الى الامام واحنا معاكي لحد منقوى ونقدر نتعايش مع النرجسي
نتمنى من حضرتك ان ترشدينا لافضل وااسهل الطرق لعلاج تاثر الابناء بالاب النرجسي او الام النرجسية حتي نتفادى ميلاد اجيال جديدة من النرجسيين قبل فزات الاوان وكلنا ثقة ان حضرتك لن تدخري جهدا لصالح الشباب تعجز السنتنا عن شكرك ولكن قلوبنا تنبض بالدعاء لكي جزاك الله كل خير مع اطيب امنياتي لك بمزيد من التوفيق والنجاح
جزاكم الله خيرا على هذه المعلومات القيمه وعلى مجهودك الطيب وكلامك صحيح وبيساعدنا كتىىر على التعافى والتعايش مع النرجسى ربى ىحفظك وىعزك وىرفع قدرك ويشرح صدرك ىارب وشكرا الف شكر والف لاىك وىارب القناه توصل لملىون مشترك
ابدعتى استمري في الكلام عن الشخصية الاعتمادية والمتعاطفة
نهارك سعيد يا جميل مواضيعك كلها مفيدة وفقك الله لما يحب ويرضى❤❤❤
ايوة يا دكتورة كفاية كدا عن النرجسية خلاص
عايزين نركز على نفسنا و نهتم بأمورنا و نتحسن و نتطور للافضل و نعتمد على نفسنا
هلا ومرحبا بيك اختى الغاليه ربنا يجزاك كل خير على وقفتك معنا يارب ما يحرمنا منك يارب
حضرتك جميله جدا وبجد نحسبك على خير ❤️❤️❤️❤️🌹🌹🌹
ربنا يوفقك
انا مع حضرتك تماما. يا ريت تكون القناة للأسرة ككل والاولاد خصوصا عشان نحميهم من الأذى
جزاكي الله خيرا على مجهوداتك الرائعه ربنا يجعله في ميزان حسناتك يارب اللهم امين كملي حضرتك في الشخصية الاعتمادية وكيفية العلاج وتغييرها لأن أري من التعليقات كمية كبيرة جدا نساء اعتماديات مع الزوج النرجسي مثلي كأنك حضرتك تشرحين شخصيتي من الاعماق سبحان الله
مدام كوثر شكرا لكل المعلومات الي بتنفعينا بيها، شكرا على المحتوى ، انا كل مره بارجع اشوف فيديواتك لانو بتنفعني ، و لو نسيت اي معلومه بارجع ادرر عليها عندك سواء على النرجسي او على نفسي او حتى على اطفالي.
احنا محتاجين نطور من نفسنا و نتعلم اكثر فاكثر . انت رحمة من رب العالمين. شكرا على مجهودك و على رسالتك الجميله في الحياة ❤
فعلا الاسم حلو كثير جا الدور علينا 🤩🥰😘😘
اقتراح ممتاز لان ف جوانب كتير ف حياتنا محتاجين نفهمها اكتر ونعرف نتعامل معاها
جازاك الله عنا كل خير ❤
رجاء..حب الذات..نوكيد الذات..كلها..تفتقدها الشخصيةالاعتمادية...مادة دسمة..لانريد الأسرة..
ادعولي ربنا يجبر خاطري و يرزقني بالزوج الصالح عاجلا غير اجلا
امين
لكن ربما كان لك افضل يكون آجل غير عاجل ... والله أعلم .
هههههههه.
السلام عليكم ورحمة الله وبركاته، طلع البدر علينا، كلنا اذان صاغية أملنا فالله ثم في حضرتك
ياريت تكملي سلسلة التخلص من الشخصية الاعتمادية حضرتك بتنوري في دماغنا تحياتي ❤️
الله يعطيك حتى يراضيك
شكرا لوجودك في حياتنا
المفروض هي الحلقة تدرس ..لان فيها كمية بساطة وتوضيح رائع ..حضرتك وصلت للعمق باسلوب بسيييط..شكرا
أنا كثير بشكرك على فيديوهات، كثير ساعدتني على فهم نفسي
ماشاءالله ربنا يبارك فيكِ وفي علمك.
ربنا يبارك فيكى وفى علمك
أقترح مناقشة مواضيع متعددة
بالإضافة لمشكلة النرجسى ومحاولة تعديل اضطراب الشخصيات وكيفية تربية أولادنا تربية سوية لأننا كلنا فعلا بنعانى
شكرا لكِ...على الحلقة الثرية..والدقيقة بالمعلومات..لكن نرجو الإستمرار..بالتبصر بالذات وتطويرها...لازال لدينا البيبل بليزر...نريد النظر إلى ذواتنا...لانريد قناة الأسرة...ولا يهمنا النرجسي...لو لم يتوفر لنا كتاب محمد طه ..لنا..مارأيك..أنتعملي فيديوات بمحتواه...ستكون مادة رائعة...مع اسلوبكِ السلس...🌷🌻🌼الاشتغال على الذات...لطفا...
فيديوهات التشافي ياريت تلخصيها وترتبيها تاني معلش هنتعبك