CCN Channel | Biangreithlep (May) 16, 2024 | Thawngchimnak

A Chungkhar Nih A Thi Cang Tiah An Ruahmi ZRA Ralkap Pakhat A Thih Lo Nak Kong CNF/A Nih Muicawl In An Langhter
===================================
Biangreithlep [ May ] 16, 2024_CCN Channel
Chin ramkulh, Khaikam khuapi pawng kahdohnak ah CNA ralkap nih ZRA ralkap Sut Lam Khai cu April 3 ah a nung in an rak tlaih i caan tlawmpal a rauh hnu ah a thi cang tiah an ruah mi cu nungdam tein a umnak kong cu muicawl he CNF/A nih nihin May 16 ah an langhter.
May 14 ah ZRA ralkap Sut Lam Khai cu CNA nih an hrem i an thah tiah social media ah a hung thang.
A chungkhar nih a thi cang tiah an ruah caah ruak thlahnak le lungdonh nak zong an rak tuah piak.
ZRA ralkap Sut Lam Khai nih a thi cang tiah thawngdik lo social media ah an langhter mi cung ah a lung a ṭhat lo nak kong, a ngeih a chiat ngai kong le CNA ralkap nih tha tein an zohkhenh i a dam lo nak zong siikhan ah tha tein an thlawpbul nak kong a chim mi cu CNA/CNF nih an langhter.
ZRA le CNA kar ah kaphnih kahdohnak a chuak pah lengmang i kaphnih a thi le hliamtuar zong an um tiah theih a si.

[@menci302]

Kani lawm thawng rak kan than leng mang mu