ازاى تجددى مطبخك من غير ما تتكلفى ويبقى مريح و شيك وعاوزة تقعدي فيه ليل نهار؟؟
Vložit
- čas přidán 8. 09. 2024
- ازاى تجددى مطبخك رغم الغلا
كنت قاعده مع ام يونس جارتى وصاحبتى وبتقولي نفسى يا ولاء اجدد المطبخ بتاعى بس الفلوس مش هتكفى قولتلها قوليلى نفسك تعملى فيه ايه قالتلى نفسى اجدده كدا واحس انى غيرت شكله خالص بس خلى بالك مش عاوزه اصرف كتير قولتلها طيب انا هقولك تعملى ايه ماهو جارتى وصاحبتى وحبيبتى
١/تبدأى اول حاجه ترمى كل الكراكيب والحاجات اللى ملهاش لازمه علشان اكتر حاجه بتضايق وتتعبك نفسيا فى المطبخ هيه الكراكيب ارمى ميبقاش عندك اقتناء بالاشياء
٢/التنظيم اهم حاجه انك تنظمى كل حاجه فى المطبخ اللى ملوش علبه ومحطوط فى كيس فضى كله فى برطمانات الحاجات الصغيره جمعيها فى باسكت وفى دولاب الخزين ورصيه والباساكت ديه رخيصه ومش مكلفه
٣/لو مطبخك خشب ومن كتر الغسيل لونه غير وعليه دهون عليه او مش نضيف ممكن تصنفريه صنفره خفيفه وتدهنيه لاكيه اللون اللى انتى عاوزاه وهيغير شكله خالص وهتحسى بتغيير فظيع وانتى بتدهنى متنسيش تحطو جرايد فى الارض علشان البويا تقع عليها ومتبهدليش الدنيا
٤/هاتى رول الاشرطه اللاصقه وفيها اشكال والوان كتيره وممكن تلزقيها على الرخامه وممكن تلزقيها على السيراميك وخلى بالك تبقى ضد الميه وبتبقى سهله فى التنضيف وبتغير شكل المكان خالص
٥/الأضاءه اهم حاجه فى المطبخ لازم تكون الأضاءه عاليه علشان تريح العين وتنور انا شخصيا بحب النور العالى فى المطبخ بتشوفو وانتى فاتحه الضلفه تلاقيها منوره من جوه
٦/لو عندك توابل كتيره وبرطمانات هتعملى ايه هاتى كام رف خشب وعلقيهم فى المطبخ عاوزه تسبيهم لون الخشب حلو عاوزه تدهنيهم حلو بردو ورضى عليهم علي التوابل الزياده مش هتلاقيها منحكشه ومتنوره فى كل مكان
٧/تفضيه الرخامه بتاعه المطبخ من اهم التجديد والراحه والانجاز علشان موضوع زحمه رخامه المطبخ بيضايق جدا اشوف ميكروويف على فرن كهرباء علب توابل طقم سكاكين طقم معالق وغيرهم زحمه زحمه فاكرين ارفف الخشب اللى قولتلك عليها كل ده يترص عليها وفى حامل الميكروويف بيتباع فى ايكيا والمرشدى والعتبه هاتيه وعلقيه وحطى عليه وانتى بتشترى ممكن تلاقى اى اكسسوار مطبخ انتى كنتى محتاجاها هاتيها بالمره
٨/جيبى حامل المعالق رخيص ب٢٠ ج الباغه بتخطى عليه المعالق اللى بتستعمليها وانتى بتطبخى بدل ما توسخى كذا معلقه واحده على الحوض واحده على الرخامه وواحده على البوتجاز كل المعالق بتاعه التقليب ديه هنجمعها فى معلقه كبيره ونحطهم عليها يبقى الشكل حلو واحنا بنطبخ ومش ببهدل الدنيا والمعالق مرميه فى كل مكان
٩/علقى شماعه جنب الحوض ضروريه جدا وعلقو فوطه للتنشيف علشان متمشيش تنقطى بعد ما تستعملى الحوض لو فى مكان جنب البوتجاز علقى واحده وجنب باب المطبخ علقى شماعه وكام فوطه نضيفه على كل شماعه حاجه حلوه اوى
١٠/اخر حاجه زينى المطبخ بفاظه ورد شويه تحف صغيره بسيطه وشيك زرع اخضر بيخلى المطبخ جميل ومريح وشيك وبيخليكى عاوزه تجيبى كرسى وتقعدى فيه ليل ونهار
الأروبة
انا بقدم نصائح تساعدك في كل حاجة في حياتك، كل الحاجات اللي تهمك ك بنت او ست بيت، ازاي تقدري توفري وتمشي بيتك، شرح لاتفاقات الجواز والخطوبة وكل حاجه تخص البيت والأسرة في مصر. وحبايبي المصريين في الخارج.
تابعي صفحتنا على كل المنصات:
Facebook : shorturl.at/nqsGK
Instagram: shorturl.at/oEQTY
TikTok: shorturl.at/hCS49
Kwai: shorturl.at/gm689
اعملي لايك .. شير .. اشتركي في القناة .. و قوليلنا رأيك في الفيديو في التعليقات
Powered by Vertical Network: thevertical.ne...
#الاروبة #البيت #مصر #تربية #طبخ #بنات #عروس #زواج
أفكار كلها جميله وسهله ومش مكلفه أنا عامله وحده صغيره بعيده عن الرخامه وشايله حاجات كتيره أوي كانت علي الرخامه وعامله زحمه وكمان في استيكر بأشكال مطبخ حلوه بتلزق علي السيراميك واخر حاجه سجاده خفيفه شكلها حلو هتخلي المطبخ ينور
تسلم ايديك جايبه سجاده المطبخ نوعها ايه وشكلها ايه
@@elarouba سجاده خفيفه ضهرها جينس بتبقي خفيفه وسهله في الغسيل وبغيرها كل مده للتجديد كل فيديوهاتك حلوه وبتعجبني
افكار جميلة جدا بس نفرش وقت الدهان أكياس كبيرة أو كراتين بدل ورق الجرايد عشان بيكون فيه أسماء الله الحسنى
شكرا للمعلومه عندك حق انتى جددتى مطبخك ولا لسه
@@elarouba بعمل افكارك الجمبلة 🌷🌷🌷
أفكارك حلوة وجميلة
ربنا يقويك
بس ياليت كان في صور توضح الفكرة
ولاء يالهلوبه بلاش استعمال الجرايد في الارض وعموما لان اي صفحه فيها اسماء لله زي اسم شخص عبدالله وعبد الرحمن وغيره وشكرا لك
أفكار حلوة
ما شاء الله ربي يبارك فيك ويحفظك ويعطيك حتى يرضيك انا اول مرة اشوف قناتك واتشرفت بمعرفتك انا متابعة من تونس
اللهم صل وسلم وبارك على سيدنا محمد وعلى آله وصحبه أجمعين
اللهم صل وسلم وبارك على سيدنا محمد
ماشاء الله تبارك الله افكار جميلة
حبيبت قلبى انتى اللى جميله جددتى مطبخك ولا لسه جديد
فعلا كلها معلومات حلوه وبسيطه جزاكي الله خيرا
حبيبتى انتى اللى جميله جددتى حاجه فى مطبخك ولا لسه
@@elarouba انا مفيش امكانيه للتجديد
بس بنقل الاماكن مع نضافته برتاح جدا
لدرجه اني قعدتي كلها فيه خاصه الشتا مع خبز المخبوزات مع بناتي ربنا يدميها عليا نعمه❤️❤️❤️❤️❤️❤️
اللهم صل على محمد وال
لازم صور .وخصوصا الرفوف الخشب دي بكام .والملعقة الكبيرة دي سايكون سليكون؟
اه ديه رخيصه معلقه كبيره كدا باغه جميله اوى
ممكن نشوف اعما الكروشي الي بتعمليها لبيتك وشكرا
حاضر ❤❤
@@elarouba شكرا علا الرد
❤
ما شاء الله عليكي يا قلبي عايزه رايك في حاجه ضروري جدا ازاي اتواصل مع حضرتك
بالله عليكى ازاى اتواصل معك ضروري
الله يبارك في حضرتك ممكن تقوللي ماركه حلل المونيوم كويسه اجيب كم حاله علي قد الاستعمال
الدهان انا عندى الدهان حلوه اوى
شكرا ليكي وعايزين افكار للمطبخ تاني