ལབ་དགའ་ལྡན་མདོ་སྔགས་བཤད་སྒྲུབ་འཕེལ་རྒྱས་གླིང་། ། རིག་ལམ་རྟགས་གསལ།

ལབ་དགའ་ལྡན་མདོ་སྔགས་བཤད་སྒྲུབ་འཕེལ་རྒྱས་གླིང།།
དེ་ཡང་ཇི་སྐད་དུ། ཀུན་མཁྱེན་གཉིས་པ་དབྱིག་གི་གཉེན་པོའི་ཞལ་སྔ་ནས་བསྟན་པའི་དམ་ཆོས་རྣམ་གཉིས་ཏེ། །ལུང་དང་རྟོགས་པའི་བདག་ཉིད་དོ། ། དེ་འཛིན་བྱེད་པ་སྨྲ་བྱེད་པ།། སྒྲུབ་པ་བྱེད་པ་ཁོ་ནའོ། །ཞེས་ཇི་སྐད་གསུངས་པ་ལྟར་སྲིད་ཞིའི་ལེགས་ཚོགས་ཐམས་ཅད་ཀྱི་འབྱུང་གནས་ཕན་པ་དང་བདེ་བའི་ཆོས་ཐམས་ཅད་ཀྱི་རྩ་བ་སངས་རྒྱས་ཀྱི་བསྟན་པ་རིན་པོ་ཆེ་དང་དེའི་ཡང་སྙིང་འཇམ་མགོན་རྒྱལ་བ་གཉིས་པའི་མདོ་སྔགས་ཟུང་འབྲེལ་གྱི་བསྟན་པ་རིན་པོ་ཆེ་སྒ་མདོ་ཁམས་ཕྱོགས་སུ་ཐོག་མ་བྱུང་བ་ནི། ཕུན་ཚོགས་སྡེ་བཞི་དཔལ་གྱིས་མངོན་པར་མཐོ་ཞིང་དགེ་བཅུའི་གཡང་དུ་འཁྱིལ་བའི་སྒ་ལབ་ལུང་དཔལ་གྱི་ལྷ་ཡི་ལུང་པ་འདིར། རྗེ་ཙོང་ཁ་པ་ཆེན་པོའི་དངོས་སློབ་བསྟན་པ་ཕྱོགས་མཐར་སྤེལ་བའི་དར་ཆེན་དྲུག་གི་ཡ་གྱལ་མཁན་ཆེན་ཡོན་ཏན་དཔལ་བས་ཕྱག་བཏབ་པའི་ལབ་དགའ་ལྡན་མདོ་སྔགས་བཤད་སྒྲུབ་འཕེལ་རྒྱས་གླིང་འདི་ཉིད་ཡིན་ལ། དེ་ནས་རིམ་གྱིས་ཕྱོགས་འདིར་རྗེ་རིང་ལུགས་འཛིན་པའི་དགོན་སྡེ་དུ་མ་འཕེལ་རྒྱས་སུ་བྱུང་བ་རྣམས་སོ་སོའི་རྣམ་ཐར་ལོ་རྒྱུས་སོགས་ལས་ཤེས་པ་བྱའོ།།
༼དྲྭ་ལམ་གཞན་ནས་ཕབ་ཤུབ་བྱས།༽
རྗེས་སུ་ཡིད་རང་གིས་ཡུལ་རེད་འདུག་མ་ཚད་དབུ་མའི་སྐབས་སུ་བདག་གཞི་བཏགས་ཆོས་ཧ་ཅང་དཀའ་བའི་གནས་རེད་བ།