قصيدة للشاعر جزاع بن مهدي الرويلي ورد | عبدالله العبار
Vložit
- čas přidán 29. 08. 2024
- ابيات القصيدة
قال الشاعـر جزاع بن مهدي بن شويطر الرويلي هذه القصيدة يرحب
بزميله عبدالله بن دهيمش بن عبار العنزي :
بـديـت بالـلي يـعـلم السـر والغـيـب الـواحـد المــعـبـود عـلام الأسـرار
الشمس بامره تطلع الصبح وتغيب هـو الـذي عنـده تصاريف الأقـدار
ومن بعـدهـا نظمـت قـافي بترتيـب مثايـل يصوغـهـا الفـكـر باصخـار
أنـقـي الـقـيـفـان عـن الـشـواذيــب من خـوف يـنقـد قـولنـا كـل هـذار
أخـذت مـن سـود الليالي تجـاريـب ومن يطلب العليا على الكود صبّار
بالـلي لفـا زلـوم وصوير وهـديـب من الوفاء رحبت في نظم الأشعـار
الشاعر اللي ما فيه شـك ولا ريـب جزل المعاني صاغها صوغ محـار
يا مـرحبـا وألـف هـلابـه وترحيـب ترحيبـة من خـاطـري لأبـن عـبـار
يا مرحبـابـك يا عطيب المضاريـب يا شاعـر الويـلان وافيـن الأشبـار
يا مرحبابـك عـد صـب المـزاريـب وأعـداد ما ينبت على الأرض نوار
فرحت هـل العليا شبابه مع الشيب تسابـقـوا لمقـابلـك يا أبـن الأخيـار
شي تشوف العيـن مـا فيـه تكذيـب ربعي هـل العـليا صليبين الأشـوار
وأنا أحمد الله ما مشينا على العيب من دور وايل نكرم الضيف والجار
حيثك ذرانـا عـن سموم اللواهيـب مـن أجـلنا عرضت نفسك للأخطـار
تشهد لـك الويلان شرق وتغـريـب البدو واللي سكنهم وسـط الأقطـار
أنا أشهد انك ماكر الجود والطيـب يضحك حجاجك لا لفا البيت خطـار
يلقى الوناسة والطرب والتعاجيب مـع دلـة صـفـرا بـهـا بـن وأبـهــار
من راس لابه تذبح الضان والنيب فـدعـان عـز الـلي نصاهم بمسيـار
مـن لابـة مـا يتركـون المـواجـيـب والـنعم بالفدعـان كـان الدخـن ثـار
وبشير وأبو نايف حرار المراقيـب مـن لابـة يـوم الحـرايـب لهـم كـار
اللابة اللي تخضب السيف تخضيب يوم المطارد فوق زرفات وامهار
حـنـا لـكـم خـطـار وأنـتـم معـازيـب وحنـا لكم ضيفان وأنتم هـل الـدار
أنـتـم قـرايـبـنـا وحــنــا الأقـاريـب ولا ظـنـتي تصلح يمينـاً بـلا ايسـار
والنعـم بالويلان ستـر الـرعـابيـب سجـل لـهـم التـاريـخ مجـدٍ وتذكـار
وصلاة ربي عـد ما يهـرف الذيـب على شفيع الخلق زوغات الأبصار
* قال عبدالله بن دهيمش بن عبار هذه القصيدة رداً على الشاعـر جزاع
بن مهدي بن شويطر الرويلي :
مبداي بسم اللي نصر نوح وشعيب الواحـد الرحمن منجي هـل الغـار
فـراج هـم الـلي الـتجـأ بـالضنابيـب رب العبـاد أنجـاه من جـور كـّفـار
ومـن بعـد ذكـر الله كتبت المكاتيب وسجلت منظوم القوافي بالأسطار
جـواب قـرم منطقـه صدق ومصيب جزاع ابن مهدي له علوم وأذكار
عـنـد القـرايب سمعـته والأجـانـيـب سمعـت قـالـوا مـا تـعـذر ولا بـار
حاش العـلوم الغانمه طاهـر الجيـب من طيب فعله له حشيمة ومقدار
أعـتـز بـالـطـيـب ولا لـي مـطـالـيـب لا شـك قـلـتـه لـلأجـاويـد شـكــار
قريت عـذب القاف وأرسلت تعـقيب للي كتب منظوم من فكره أحضار
نـرسـل لدسميـن الشـوارب مناديـب سلام يشملهم من اكبار واصغـار
مـني لأهـل زلـوم وصويـر وهـديـب ولأهل هدبان أهدي تحية وتعبـار
ولأهـل النظـايـم سالميـن العـذاريـب وجميع ما بالشويحطيه من أنفار
وأهـل الزبارة مـع جميع الأصاحيب واللي بخوعا من محبين وأنصار
والنعـم بالـلي ينطخـون المصاعيـب لابـة هـل العليا صواريـم سنجـار
يـا مـا رعـت قطعـانهـم بالمـزيريـب يرعون من تدمر إلى حد الأغوار
تـدلـه بهـم الـلي زهـيـت بالدبـاديـب شقـح العشايـر دللـوهـا بالأقـفـار
يـروون حـد المـرهفـات المحـاديب ما نال فود اللي عـلى ذودهم غـار
يتلون نسل اللي تسمى على الشيب الشيـخ ابن شعـلان قـدامهم سـار
من ماكر الصيرم شطيـر المخاليـب يرمي جزيلات الحبـاري اليا طـار
شعـلان لرقـاب المعـادي قصاصيب بالسيف واحدهـم للأخصام جـزار
زيـزوم لابـه باللـقـا جـمعهـم هـيـب يوم المغازي والحرايب والأشرار
بالعـصـر الأول يـوم لـوط الـتلابيـب نطيحهـم تتلـف اعصابـه وينهـار
العصـر الأول بـه مـكـايـد وتـعـذيـب لاشك زال وزال كابوس الأضرار
كلن سكـن فـلـه عـلى خيـر تشطيـب والما القراح من المواسير فـوار
ونفح المكيـّف رطـب الجـو ترطيـب بالقيظ بـرد وبالشتاء ينقلب حـار
وصلوا عدد وبل المزون السواكيب على الرسول اعداد ما هل مدرار
تحيه لك من القروعي الجعفري العنزي💙🤍🤝⚔️🌍✔️🔥👏🏻🤲🏻
عليه افضل الصلاة والتسليم
الله يطول عمرك يابو مشعل شاعرنا انشهد انك ماقصرت قبل والان ورايتك بيضاء دافعت عنا الله يصلح لك عيالك ويطول عمرك ونعم باهل العليا وشاعرهم
عبدالله بن عقاب الشن الخمعلي/ صح لسان الشاعر جزاع بن مهدي الرويلي ويشكر على تعبيره الصادق المنصف بذكر الحقائق وصح لسان ابو مشعل محامي وشاعر ومؤرخ وأديب فبائل ربيعه عامه وقبائل عنزه خاصة حفظه الله فخراً وذخراً
ونعم والله بأهل العليا وبالفدعان بواجة الدار
ونعم باهل العليا ربعنا تحيه لكم من اهل الجدعا
صح لسان الشاعرين ونعم ببني وايل جميعا
والروله هي حربه بني وايل عموما ويكفيها انها حكمت بلاد شمال الجزيره
ونفوذها من بلاد الشام لين تاصل الصمان ماحد ياقف بدربهم
في رحله الشتاء والصيف
طبعا اتكلم عن الاونه اما الاونه الاولى ديارهم بنجد وتشهد ابارهم بذلك وللان موجوده وتحمل اسماءهم غرابيل الروله قلبان الروله الان في ديار عتيبه من شمال والدغمانيه بالقصيم ووووووو
ولاكن عندما اجذبت ديارهم نجد سبع سنوات متتاليه ومات اكثر حلالهم وخلال اغلب قبايل نجد غربو لين وجدو الارص الخصباء وفرو من كان امامهم من قبايل الشمال بذلك الوقت واستحلو مكانهم لقوه الروله
مالك لوا حربة عنزه الفدعان وعنزه تكمل بعضها اغلب الحروب الكبيره عنزه متوحده مع بعض واليد لحالها ماتصفق
صح لسانك والله
صح السانك يارويلي
كفو ينطح كفو👍👍
صح لسانك يبن عبار اشهد بالله شهاده انك شاعر عن ١٠٠٠ شاعر ونك شاعر عنزه وسيف عنزه
اشا من اشا وابا من ابا
لن يعيدك اتاريخ
صدقت والله
95c and you
ابو مشعل لاهنت نبي قصيده فيها لغز اضنه الصرافه مع رويلي اظن اللي تقولون احيان نملى منها صحنى
هل تقصد بالرويلي الشاعر محمد عصويد الذرب والا شاعر اخر
القصيده مع الشاعر عذال ابن سليمان الرويلي حسب اعتقادي وهي قديمه
2:33