Khulgaich.flv

Хувийн хэвшлийн дэлгүүр, тэр тусмаа бусдын эзэмшилд төрийн нэрээр нэвтэрч орчихоод хулгай хийсэн гэвэл та итгэх үү. Мэдээж олон хүн үүнд эргэлзэх байх.
Харамсалтай нь төрийн нэрээр хувийн байгууллагад нэвтэрчихээд хулгайн хар мөрөө үлдээгээд гарсан гунигтай явдал саяхан гарчээ. Улаанбаатар хотын баруун дөрвөн дөрвөн замд орших "Талст fashion" дэлгүүрт хяналт шалгалт хийх зорилгоор Шударга бус өрсөлдөөн хэрэглэгчийн төлөө газар, Оюуны өмчийн газар, эрүүгийн Цагдаагийн газрын хамтарсан шалгалтыг өнгөрсөн сард хийжээ.
Төрийн нэрээр яваа эрхэм байцаагчийг тус дэлгүүрийн хамт олон элдэв хориг саад тавилгүй нэвтрүүлжээ.
Энэ байгууллагын байцаагчид шударга үнэний талд зогсч, гагцхүү хуульд захирагдан ажиллана хэмээн тангараг өргөсөн байдаг юм. Харин тэгтэл эрхэм байцаагч төрд өргөсөн тангаргаа умартаж орхиод, дэлгүүрийн бараа хулгайлаад гарч яваа бичлэг саяхан олджээ.
Муу дээрээ муу, муухай дээрээ улцан гэгчээр итгээд явуулсан байцаагч нь хувийн дэлгүүрээс бараа хулгайлсан нь баригдаж шившигээ дэлгэжээ. Одоо тэгээд төрийн хуулийг ягштал биелүүлнэ гэж андгай тангараг өргөсөн улсын байцаагч хулгай хийж, хуулийг уландаа гишгэчихээд байхад Шударга бус өрсөлдөөн хэрэглэгчийн төлөө газрынхан дүлий дүмбэ оргин суусаар байгаа гэнэ шүү. Өнөөх хууль цааз, шударга ёс энээ тэрээ хаачив?