مملكتنا عزنا شيلة مهداه من الشاعر : زياد بن نحيت ونايف بن نحيت الى منطقة الجنوب

شيلة من كتابة الشاعر: زياد بن نحيت
ورعاية كريمة من المستشار : محمد المدرع
مملكتنا عزنا فخر كل المسلمين
القمم منزالها والفخر يرقى لها
العرووس الفارقة كل ماتكبر تزين
وكل ديرة قصة ابداع وشرف بلحالها
انطلقنا للجنوب وباذن ربي واصلين
جوها وبيوتها وجبالها ورجالها
من وصلنا الطايف استقبلتنا غيمتين
ابرقت ثم ارعدت وارسلت همالها
واستهلت وامطرت من يسار ومن يمين
غنت بصوت الفخر والسعد غنا لها
واستمرت رحلةٍ كنت ابيها من سنين
لين اجي الباحة وعيني تشوف جبالها
طيّبة من طيبها كل اهلها طيبين
بالكرم والمرجلة طيب الله فالها
والنماص الماس ناس على العليا تبين
صيتها من دلّة مابرد فنجالها
السحايب تحتها مثل ورد الياسمين
الهنوف اللي غفت ثم شالت شالها
ما سمحنا من غلاها ولا هم سامحين
واعتذرنا وانحدرنا غلا منها لها
من عسير وفي عسير وضلعها اللي ما يلين
تستمد القوة الديرة من عيالها
ياسلام الله على اهل عسير الغانمين
ديرة يعنى لاهلها وهي يعنى لها
كل بيتٍ من حجر له بنجد بيوت طين
قصة امجاد وفخر حبرها بافعالها
الختام ( ابها ) قصيدة بها حب وحنين
خالد الفيصل كتبها وتركي قالها
#زياد_بن_نحيت #نايف_بن_نحيت