بيجو 405 🇨🇵 | الاكثر شهره من بيجو - بالتفاصيل الكامله مميزات و عيوب - PEUGEOT 405 .

بعد كلامنا عن #بيجو 206 هنتكلم عن بيجو 405 بالتفاصيل الكامله مميزات وعيوب ضمن حديثنا عن #سيارات_مستعمله في #سوق_السيارات متنساش تتابع سلاسل سيارات
#دايو #سيتروين #فيات #فورد #لادا #دايهاتسو من #سينما_السيارات
سنه ١٩٨٧ اطلقت شركه بيجو واحده من اكتر العربيات شعبيه وانتشار سواء في السوق المصري او اسواث تانيه وهي بيجو ٤٠٥
بيجو ٤٠٥ و ال استمر انتاحها في فرنسا لسنه ٩٧ و استمر في مصر لسنه ٢٠٠٣ ودا كان نتيجه للشعبيه والطلب ال ذاد عليها في مصر
ال ٤٠٥ جت بتصميم مختلف وممتاز كانت بدايه جديده لشركه بيجو في تصميم سيارات السيدان الخاصه بالشركه و التصميم دا كان عن طريق بينتو رينو من شركه بينن فارينا واتصنعت في فرنسا غير انها اتجمعت و اتصنعت في بلاد تانيه زي ايران و المغرب و تونس ومصر
و موديلاتها اتعددت واختلفت ع حسب الوكيل في كل بلد او ع حسب البلد المصنعه وكانت عباره عن ١٠ موديلات لكن الاكثر انتشارا و ال موجوده في مصر ٤ موديلات بس وهما
بيجو ٤٠٥ gl والموديل دا بييجي مع موتور كاربيراتير ١٦٠٠cc ٩٢ هورس باور و بيتوفر بكماليات و من غير كماليات
تاني موديل بيحو 405 sr بييجي بموتور هاف انجكشن بقوه 1800 cc ١٠٨ هورس باور ودا بييجي بكل الكماليات
تالت موديل بيجو 405 برستيج وبييجي مع موتور انجكشن بقوه 2000 cc ١٢٨ هورس باور ودا بييجي بكل الكماليات باور وفتحه سقف وسنتر لوك وغيرهم
اما اخر موديل ودا موجود في مصر لكن مش بشكل كبير وهو بيجو m16 وال بييجي بموتور انجكشن ١٩٠٠ cc ١٥٥ هورس باور وبينزل بكل الكماليات
بيجو 405 كانت ومازالت بتميل للشكل للعصري خاصه مع التعديل والتصميم دا و ال بسببه خدت جايزه سياره العام سنه ٨٩ و نتيجه لامكانياتها وانتشارها بشكل كبير غير مواصفاتها وابعادها المتشابهه في كل موديلاتها تقريبا
فكانت بيتيجي بطول من ٤ متر ٢١ ل ٤ متر ٤١
وعرض من متر ٦٧ ل متر ٦٩
و ارتفاع من متر ٤٠ ل متر ٤١
وارتفاع عن الارض من ١٣ ل ١٥ سم
وتانك بنزين بسعه من ٥٥ ل ٦٥ لتر
مع معدل استهلاك بنزين من ٧ ل ١٠ لتر لكل ١٠٠ ك
والتسارع من صفر ل ١٠٠ في ١٠ او ١٣ ثانيه مع سرعه قصوي بتوصل ١٨٠ و ٢٠٠ ك في الساعه وطبعا المواصفات دي بتختلف من موديل للتاني
بيجو 405 واحده من اشهر العربيات في السوق المحلي و العالمي حتي هتلاقيها معلمه معانا كمصريين ودا لانها استخدمت لفتره كبيره جدا كعربيه اساسيه للشرطه في وزاره الداخليه و بسبب شهرتها وشعبيتها حققت مبيعات كبيره جدا في مصر وبسبب الطلب الكبير عليها استمر انتاحها زي م قولتلك لسنه 2003 والطلب الكبير كان بييجي نتيجه للميزات في العربيه اولها الاعتماديه فال 485 خاصه التصنيع الفرنسي بتتميز بشكل كبير جدا في الاعتماديه ودا بسبب كفاءه الموتور و الاجزاء الميكيانيكيه وركز انا هنا بتكلم عن التصنيع الفرنسي
تاني ميزه الاقتصاديه فالعربيه استهلاكها في البنزين مقبول و البييجي بمتوسط من ٧ ل ١٠ لتر لكل ١٠٠ ك دا غير ان تكلفه التشغيل و الصيانه رخيصه
تالت ميزه قطع غيارها قطع غيارها متوفره بشكل كبير جدا وسعرها رخيص
رابع ميزه مساحتها الداخليه و مساحات التخزين ال بسبب اتساعها تعتبر مناسبه جدا انها تكون عربيه عائليه او حتي للشغل
خامس ميزه تصميمها تصميمها عصري و ومقبول جدا ويميل اكتر للمديلات الحديثه وزي م قولتلك انه كان بدايه لطفره جديده في موديلات بيجو لتصاميم افضل زي ال ظهر في بيجو 406
سادس ميزه سعرها سعرها مناسب الي حد ما بالمقارنه بعربيات تانيه من نفس الفئه
تامن ميزه المتانه ف ال 405 بتتميز بشكل كيير بالمتانه وقوه الصاج مع نظام تعليق قوي ويستحمل معاك بشكل كبير بكن دا في حاله متابعه صيانتها من وقت للتاني
اما اخر ميزه اعاده بيعها اعاده بيعها طبعا بيكون ع حسب حالتها لكن لو حالتها كويسه فال 405 اعاده بيعها ممتازه وسريعه
برغم انتشار بيجو 405 وشعبيتها الكبيره الا ان ليها عيوب لازم تعرفها لو بتفكر تشتريها
اول عيب خاماتها خاماتها الداخليه و التقفيل فالعربيه في موديلات كتير منها بتفتقد للجوده في التقفيل او المواد المصنعه
تاني عيب كهربه العربيه و ال بتحتاج لصنايعي مختص عشان لو مشاكلها زادت بتأدي لاعطال تانيه
تالت عيب العزل عزل العربيه سيئ مع الطرق السريعه و المسافات فهتسمع صوت الموتور بشكل واضح
بعد م ذكرنا تفاصيل ال 405 بالكامل ونويت تشتريها ركز بقي كويس في ال هقلهولك دا
ال 405 برغم انها اعتماديه وقويه بشكل كبير الا ان في موديلات استبعدها تماما من حساباتك لو فكرت تشتريها و يستحسن تركز علي الموديلات الفرنسي منها وبلاس اي مودلات تانيه ودا بسبب ردائه التصنيع او التقفيل فعندك مثلا ال بيجو 405 المصري صوت الموتور اعلي ونفس النظام استهلاك البنزين عن الموديلان تصنيع فرنسي ودا بسبب تعديلات حصلت علي تكيهات العربيه عشان تتحمل درجات الحراره في مصر ونفس النظام الموديلات الايراني فيها تعديلات تانيه عشان كدا يستحسن لو هتجيب هات الفرنسي منها وافضل موديل طبعا من رأيي بيجو 405 البرستيج موتور الانجكشن
دا كان فيديو بيجو 405 متنساش اللايك و السبسكرايب
سلام ي وحش

[@user-nf9dz5ji4k]

جزاك الله خيرا.. بس لو من غير موسيقى أفضل شرعا

[@zouaouiazouz4461]

انا جزائري عندي واحدة موديل 91 وأعدت المحرك وهي تنافس السيارات الجديدة وهذا فضل من الله

[@muhamedawad8193]

فعلا هي عربيه ممتازه واعتماديه بشكل كبير
#بيجو #سينما_السيارات ❤️

[@user-gg7to9pw1o]

علاش يقولو 405 بلي فيها ماشاكل ميكانيك بزاف فالدزاير و ماهيش اكونوميك مقارنة مع 205 او 505؟

[@zouaouiazouz4461]

الحمد لله الذي علمني ما لم أعلم

[@noneabouttech]

استمر تحفه

[@muhamedawad8193]

#سينما_السيارات ❤️❤️

[@adelaboud6059]

محتوى متميز

[@muhamedawad8193]

#سينما_السيارات ❤️

[@amirmostafa1031]

الله يباركلك

[@muhamedawad8193]

#سينما_السيارات ❤️

[@user-tw2hj6ht4e]

ايه رأيك ياباشمهندس في العربيه البيجو الإيراني

[@muhamedawad8193]

الايراني وارد تكون افضل من المصري لكن اقل من الفرنسي . لكن لو هتجيبها شيك عليها كويس وشوف لو في مشاكل في السخونه او اجزاء تانيه او لا .
لكن في المجمل انصحك ب الفرنسي عشان تتفادي اي عيوب
#سينما_السيارات ❤️

[@mostafahosame52]

ممكن تعمل فيديو عن ال kia pride

[@muhamedawad8193]

اكيد قريب بأذن الله ❤️

[@hammitoufik2098]

بيجو ه٠ه🎉❤

[@muhamedawad8193]

#سينما_السيارات ❤️

[@Mostafa_Ali-Farouk]

ممكن تعمل فديو لهيونداي اكسيل

[@muhamedawad8193]

قريب بأذن الله ❤️
#سينما_السيارات #هيونداي

[@AhmedAbuhind]

لو سمحت فيديوهات عن
بيجو ٤٠٦
بيجو ٤٠٤
رينو لاغونا

[@muhamedawad8193]

بأذن الله علي قد م نقدر هحاول اوفرلك كل الانواع ال طلبتها
#بيجو #سينما_السيارات ❤️

[@vitoscaletta479]

يوجد نسخة لم تذكرها وهي 405 T16 باستطاعة تتعدى 200 حصان اقوى بكثير من Mi16

[@muhamedawad8193]

ممكن يكون في نسخ تانيه حتي غير ال t16 لكن غير منتشره او نزلت لفتره وكستمرتش لكن احنا بنتكلم هلي ال نسخ ال درجت في السوق ❤️

[@mohammedsalah4306]

شرحك ممتاز... في فيدو للفيليشا!

[@muhamedawad8193]

قريب بأذن الله
#سينما السيارات #سكودا

[@eslamreda666]

بيحو 405 ولا شيري كيو كيو ولا دايو ماتيز
في الاعتمادية ومتتعبنيش فالصيانات والبنزين

[@muhamedawad8193]

يفضل #بيجو 405 ودا لان اجزائها الميكانيكيه اعتماديه بشكل اكبر علي عكس العربيات الصيني من فئه الشيري دا غير ان اعاده بيعها في #سوق_السيارات وغيره افضل . لكن يفضل لو هتجيب يبقي زي م ذكرت في الفيديو بيجو ٤٠٥ الفرنسي ويستحسن موديل البرستيج موتور انجكشن و يكون اخر اصدار من ال ٤٠٥ الفرنسي و ال كان سنه ١٩٩٣

[@benabbasmalek6770]

بيجو. 405 لا وزن لها في الجزائر....بل بيجو 406 هي الأفضل منها....

[@mehdibou1498]

لكن فالعالم كامل 405 هي اكبر سيارة بيجو دارت شهرة كبيرة. تباعت حتى في امريكا و اليابان

[@AhmedKhaled-bp4gy]

اي افضلهم ف ال405

[@muhamedawad8193]

#بيجو 405 m16 هي افضلهم بالتأكيد لكن مش منتشره في مصر لكن لو لقيتها انصحك بيها تاني موديل بعدها و ال موجوده في مصر هي بيجو 405 برستيج عربيه جميله لكن هات الفرنسي والموديل بتاع الفرنسي يبقي ١٩٩٣ موتور انجكشن
#سينما_السيارات ❤️

[@ahmedlashin4127]

اعرف منين المصري من الفرنسي وازاي اعرف البرستيج

[@muhamedawad8193]

بدايه من 1987 ل 1993 موديلات اصدار فرنسي ويستحسن لو هتجيب هان اخر اصدارات منها والافضل 1993 وفي الشكل الفرنسي بيختلف عن المصري و الايراني بالاشارات مش في جنب العربيه بتبقي في الاكصدام من قدام دا غير ان في قطعه سوده هتلاقيها بعرض الشنطه الخلفيه في المصري مش موجوده في الفرنسي
#سينما_السيارات #بيجو 405 ❤️

[@ahmedlashin4127]

تسلم يا رب ...طيب لو وحضرتك وجدت واحدة كويسة امامك بلغني راحاءا

[@hammitoufik2098]

الكثر شهرة عندي ه٠ه والله اعلم

[@muhamedawad8193]

#سينما_السيارات ❤️

[@hannibalbarca4904]

الاكثر شهرة في البيجو هي 205

[@muhamedawad8193]

انا بتكلم عن السوق المحلي
#سينما_السيارات #بيجو ❤️

[@mehdibou1498]

لا، عالميا 405 هي اشهر سيارة من بيجو. 205 انتشرت في اوروبا فقط