الباقلاوة الجزائرية بطريقة بسيطة👌 ، سهلة و بدون تعب مصنوعة بالكوكاو، بدون بيض و بدون آلة
Vložit
- čas přidán 21. 08. 2024
- La baklawa Algérienne très réussie avec méthode très simple et facile vidéo détaillée
ليصلك الجديد اشترك في القناة
La traduction en français sur le mur :
/Mon blog : cuisinemaghreb...
Mon groupe facebook: / 1686611108291017
مكونات العجينة:
-500غ فرينة او الطحين (3 كسيان)
-175غ زبدة او مرغرين طرية أو ذايبة قليلا (3/4 كأس)
-5غ ملح أو نصف ملعقة صغيرة
-220 ملل مزيج الماء و الماء الزهر : 110ملل ماء+110ملل ماء الزهر (كأس ناقص 1سم)
مكونات الحشو:
-من 500غ إلى 600غ كوكاو او الفول السوداني محمص، منزوع القشرة و مطحون على شكل حبيبات متوسطة بإمكانكم تعويض الكوكاو باللوز
-200غ سكر عادي (كأس ناقص 1سم)
-1/2 ملعقة صغيرة قرفة، الكمية على حسب ذوقكم
-40ملل أو ½ كأس لاتاي ماء الزهر
-عطر اللوز إختياري
نحتاج أيضا:
النشاء أو المايزينة
كمية من الكوكاو او الفول السوداني او اللوز على شكل قطع كاملة
200غ زبدة او مرغرين أو سمن ذايب (كأس ناقص 1سم)
500غ عسل او 02 كيسان ناقص منهم 1سم
هذا الوصفة راها موجودة في
mon blog
منذ عام 2014 و ها هو الرابط :
cuisinemaghrebine2014.blogspot.com/2014/06/la-baklawa-algerienne.html
السلام عليكم يعطيك الصحة على الوصفتن اي راكي تقدمي فيهم
مع فاطمة الطبخ الجزائري و العالمي حبيبتي فاطمة انا مشتركة جديدة في قناتك ولقيتها بالصدفة وعجبتني بزااف البقلاوة تاعك .بغيت نسالك نتمنى جاوبيني اختي .انا كي ندير البقلاوة .نديرها بطريقة القديمة كل طبقة ندير بيناتهم السمن او زبدة .ونحلها بالالة .وكي طيب نعسلها .المشكل انها ماجينيش مقرمشة جي طرية وكانها بلاستيك ماعرفتش وعلاه .جاوبيني ربي يحفضك وحبيت ندير طريقتك هل جي مقرمشة .راني متمنية جيني بحلاوة مقرمشة ومورقة كيما تاعك بالرغم لي نديرها انا تاني جي مورقة بصح القرمشة مكاش فهميني المشكل وين راه .واحلى لايك وراني ابوني معاك .عجبني صوتك وطريقة شرحك .شكراااا
أختي العزيزة لو تتكرمي بالإجابة ورب يجازيك عنا خير الجزاء. بقايا البقلاوة نقدر ندير بيهم صامصة؟؟؟
مع فاطمة
الطبخ الجزائري و العالمي
مع فاطمة الطبخ الجزائري و العالمي شكرا شكرا
فديـت الجزززززائررر واهلها قسممم بالله قمممه الذوووق انا يمنيه وزرت الجزائر مده شهر قمه الذوق والبساطه بتعاملهم مع اليمنيين 😍😘😘😘🇾🇪🇩🇿❤️
ها دو هم الجزائريون دائما متواضعين وشكرا يا أختي
+مع فاطمة الطبخ الجزائري و العالمي ايه عجبتني بزاف
Ahnas Nona مرحبا بيك في بلادك الثانية انتم اخوتنا اليمنيين قمة الاخلاق ربنا يفرج همكم و يرجعنا يمن سعيد مرة اخرى
Ahnas Nona أنتم أيضا شعب طيب ومتواضع كثير
ىثا
من أروع وصفات البقلاوة لي جربتها في حياتي و عمري راح نبدلها وكل ما نحب نديرها نرجع للفيديوا حقيقة قناتك كنز ربي جازيك
حتى انا منبدلش هذ الوصفة والله روعة . من الذ البقلاوة بشهادة جميع لي جا عندي و ذاقها
@@nanaben7074 حقيقة اختي وراني رجعت الفيديو باه نزيد نديرها في هذا العيد
@warda warda صدقيني تهبل ديريها وعينيك مغمضين
الشكون ليتفرج فيها في زمن الكرونا يضرب جام
اني في 5 سنين كل رمضان نجي نتفرجها ❤❤❤
حتى أنا هههه العام لي فات شفت وحدة دارتها كيما هاك وعاود حلت بين الطبقات ودهنتهم، جربتها وندمت خرجت كي سواد السعد😢
مام انا والله يعطيها احة وصفة ناجحة مليار بالمئة ❤❤
جربتيها ؟
@@fatoumafatouma764 نعم جربتها ياختي راني ف خمس سنين غير هيا نديرها
نقدر نديرو نفس المقادير في ي سنية40/30@@fatifleure463
يعطيك الصحة ختي ولله ملي شفت الوصفة تعك وليت نديرها غير هيا درتها فلخطبة تاعي ولفتحة وفعرسي وفي سبوع تع وليدي لحمدلله ديمن تحمرلي وجهي ربي يفرحك وكل ما نروح نديرها نجي نعود نشوف لفديو وندعيلك هذي لمرة نديرها للعيد لكتب ربي ربي يبعد علينا هذا الوباء
اختي نحب نديرها وخايفة
El
ياختي انا رايحة نجربها ربي يعيشك واش من مارقرين ديري واسكو تخلطها مع السمن او لا ردي علي ربي يحفضك
@@mechtarhanan4071 انا نخدمها بفلوريال برك تخرج هيلة وسمحيلي هذا وين شفت لمساج
الي يحب الجزاير يدير جام
😒😒😒😒😒😒
ما شاء الله طوب
من أروع وصفات البقلاوة الي جربتهم ونعتمدها غير هيا وراني هنا باش نديرها لعيد 2021 ونجدد الشكر ليك حبيبتي فاطمة
صح حتى انا ثاني نعتمدها وناجحة مية بلمية
درتها العام اللي فات جاتني شابة وزدت درتها اليوم
حتى انا
@warda warda تجي مقرمشة وتقعد مقرمشة غي تبعيها شاراها تقول والله انا درتها العيد اللي فات وزدت درتها هدا العام وراجلي خلعته بيها
@@nourbrahimi2702 احتي نقدر نطليبها في بلاطو تع زجاج من فضلك جاوبيني
أفضل شاف تعرفت عليها في اليوتيوب شرح ومقادير شافية وكافية أ
عانك الله إلى الأمام
نموت على البقلاوةجات رائعة.يا اروع و ابدع شاف. والله ما شفت شاف مثلك يعجز اللسان عن وصفك. الحمد لله انك جزائرية. بارك الله فيك وربي يعاونك ويفرحك ويجزيك عنا كل خير و يخليك لينا.
نشكرك بزاف على الطريقه الرائعه في الشرح ،لكن ما فهمتش كي تقصي خطوط الطول وتكملي القصان تاع الحبات هل تقصي الا الطبقات العليا ما توصليش للعجينة السفليه
Anouar Rezag تم
راني ف 4 سنوات نديرها غير هي كل عام نعاود نجي نتفرج الفيديو باش نتفكر المقادير وصفة ناجحة يعطيك الصحة ❤️❤️❤️
ياختي شانقولك الله يعطيك الصحة وانشاء الله تكون في ميزان حسناتك يا رب العالمين ..جربتها اليوم خرجتلي روعة روعة روعة ناجحة،100/100 شكرااااااا
ختي استعملت رطل فرينة ورطل كاوكاو ؟؟؟ كما الفيديو ؟؟
@@user-fr2mi6se9f واه ختي درت كيما كيفها خرجت روعة
انا مغربية وجربتها جاتني واعرة تحمق الله الله يعطيك الصحة شيف
سلام اختي فاطمة شا نقولك ربي يحفظك ويجعل هذ العمل في ميزان حسناتك البارح درت البقلاوة بطريقة تاعك خرجت هبال روعة مشاء الله انا ضاعفت المقادير درت كيلو ودرتها بالسمن للافادة جات توب توب بزاف
السمن المدينة؟؟؟
اختي دهنتي البلاطو قبل ماتحطي ا لعجينة
@@yassinechebbi4242 درتها البارح ودهنت البلاتو بالسمن وجات روعة يعطيها الصحة سهلت علينا ووصفاتها ناجحين
اختي كي نخليها تبات باه نطيبها غدواا نخبيها في فريجيدار ولا نبيتها برا نورمال !
@@nawelkada5166 غطيها وخليها خارج الثلاجة وفي الصباح ان شاء الله طيبيها وبصحتك
من نهار لي جربت هاد الوصفة مبدلتهاش ناجحة 100/100 و حتى الجينواز و الكرانتيكا و البيتزا و العديد من الوصفات ان شاء الله قناتك توصل لبعيد شكرا فاطمة بارك الله فيك
اختي من فضلك قياس الصينية لي درتيها شحال
الله يعطيك الصحة على كل وصفات لي راكي دريهم والله مجربين ونجحين جربتها اول مرة وجاتني رووووووعة تستهلي بوسة في الجبين 😘😘😘
السلام عليكم الف شكر وعرفان لك يا محترفة ربي يحفظك ويخليلك لي عزيز عليك يا سيدة الطبخ الجزائري والله في عمري أكثر من ثلاثين سنة عمري ماتصادفت مع واحدة صادقة في عملها مثلك ربي يجعل هذا الشيء في ميزان حسناتك يا رب 👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍
شكرا صديقتي إلهام
مع فاطمة الطبخ الجزائري و العالمي .
ام إلهام ه
ا
P'titم إلهام un
ام إلهام d
تستاهلي اكثر من جام يا سيدة الطبخ الجزائري و الغربي خاصة
هادي 10اشهر ملي شفت هده الوصفة و راني دايرتها كتر من 5مرات و السادسة رها الطيب في الفرن هههههه، يعطيك الصحة اختي فاطمة. انا و اختي ولينا مشهورين بيها مكناش قاع نعرفوا مين نبدوها ولينا بروفسيونال😁😁😘😘😘
بصحتكم سعيدة لقراءة ما كتنبتي
@@fatmacuisinedzdz ربي يحفظك و يباركلك في ولادك، ان شاء الله يجي نهار و نتلاقاك انا تاني من وهران و عايشة في فرنسا هههه متحصيش نتلاقاو في مدينة جديدة 😘😘
@@alieddine2188 من فضلك نسقصيك ختي ... دهنتي المول من تحت قبل ما تفرشي الطبقة الاولى!!
Fatma cuisine DzDz فاطمة كويزين ry..r.. t7tuh. Ub.gof7.. gogog.. fogot7tii
@@hafida1133 هذا البقلاوة تندار بزبدة التوريق خاطر الزبدة العادية تجي معجنة
مقادير مضبوطة وصفة رائعة النتيجة ناجحة 100% جربتها عدة مرات واعتمدتها. المزيد من النجاح
ملي تلاقيت قناتك موليتش نستغنا عن وصفاتك كلها ناجحة ڤاطو تاعي تع 2020 العيد ڤاع من عندك شكرا جزاك الله خير حبيبتي 😘😘
ربي يخليك ختي والله غير راني نجرب في الوصفات تاوعك نجحولي ڨاع وحمرتيلي وجهي نتمنالك التوفيق في حياتك وتڨولي نعرفك في شحال وهدرتك حلوة
تستاهلي ملايين اللايكات والمشاركين شهادة حق لله..... اختك جزائرية من ألمانيا 🇩🇿🇩🇿🇩🇿❤❤❤❤🌹👍
هايلة جربتها و خرجتلي رووووعة😙💝💖💋👍تحفة ولااروع
السلام عليكم يا فاطم جربت وصفاتك بما فيها البريوش الخبز البقلاوة خرجو لي اللهم بارك سلمت يداك وتبؤت من الجنة مقعدا
بصحتكم
يعطيك صح جربتها بقلاوة البارح جاتني رووووووع متقهمش بقلاوة موأرق متقهمش شكر اختي
يعطيك الصحة اختي فاطمة جربتها مند يومين جات هايلة مقرمشة كما نحبها
بصحتكم
درتها لبارح اول مرة نجربها وقطعتها اليوم جات روعة يعطيك صحة اول مرة نجربها
جربت البقلاوة جات اكثر من ممتازة
انا هذه الطريقة اامعتمدة عندي ولكن بمقادير مختلفة ولكن ولكن ولكن بمقاديرك وطريقة جات احسن بكثيير حقيقة النتيجة ابهرتني احسن بقلاوة ربي يحفظك ويجازيك بكل خير
راني جربتها البارح روووووعة وجد سههههلة الله يجازيك عنا الف خير
أختى هل الطبقة الأخيرة بقت بقاع السنبوة أم لا
مقرين تاعمن. التوريق ولا عادي
الله يبقي عليك الستر جربتها اكثر من مرة هايلة مزيدا من التالق حبيبتي فاطمة وشكرا.
مسا الخير سيدتي جربت البقلاوة ديالك خرجتلي روعة يعطيك الصحة وحبيت نعاودها فالعيد في سنيوة تع نص متر من فضلك قوليلي شحال ندير المقادير وخاصة الحشو وشكرا
يعطيك الصحة يافاطمة بقلاوة وعليها الكلام جربتها خرجت رووووعة حمرتيلي وجهي قدام ناس داري ربي يكملك بالخير فيما متمنيا يارب
ياختي واش من مارقرين ديرتي ربي يحفضك
والله غير تشهي ضروري نجربها و راني درت لامونة و رولي بذوق الليمون وجاوني روووووعة الله يعطيك الصحة بنت بلادي وبالتوفيق 👍👍👍👍👍👏👏👏👏👏👏
بصحتكم
يمي يمي ...انت قربتي الحبة للكاميرا و انا حليت فمي..ههههه ربي يباركلك في صحتك
Wafaa Wafaa قتلتيني بالضحك الله يعطيك الخير😂😂😂😂😂
ههههههه أرواحي عندي مازالها باقية
مع فاطمة الطبخ الجزائري و العالمي بارك الله فيك مدام انشا الله مزيد من التألق
انا تاني والله تشهي يا جدك
هههههههههههههههه
اليوم 24 رمضان شهر ماي 2021
يوم ااجمعه جربتها صباحا و طيبتها و خليتها نهار كامل جاتني روعه روعه تحفه خفيفه و ساهله.. راح نجرب قاطوات العيد نتاوعك.
يعطيك الصحه
ديروها لبنات والله والله والله ماتندمو روعة في روعة انا لافامي تاعي قاع عطيتهم هادي الوصفة وراهم معتمدينها الله يجعلها في ميزان حسناتك انشالله
طريقتك شجعتني نجرب البقلاوة 👌👍👌👍 جزاك الله خيرا ،انا نخاف منها تبانلي معقدة وتأخذ وقت لكن طريقتك بسطتهالي👏👏💓💓
كعكة
الله يعطيك الصحة اعمالك كلها ناجحة على حساب صدق نيتك في ايصال المعلومات الدنيا مزال فيها الخير معاكم
ديرتها 2 مرات هايلة و ساهلة دقيقة كملت سنيوا و نتيجة روعة
الله يعطيك الصحه تهبل والله غيل شرف كبير تكوني جزائريه
الله يبارك سهلتي علينا البقلاوة انا كنت نديرها و بطلتها على خاطر ولات تشدلي بزاف اليد بصح بطريقتك ان شاء الله غادي نعاود نديرها لان زوجي يحبها ربي يعطيك ما تتمني وانشاء الله مجهوداتك في ميزان حسناتك وتستاهلي 1000 جام
الله يعطيك الصحه والعافيه وان شاء الله تبارك الله
الله يعطيك الصحه والعافيه وان شاء الله تبارك الله
احسن بقلاوة جربتها في حياتي و كل ما نحب نديرها نرجع للفيديوا حقيقة قناتك كنز
Allah ykhalik mayjich fiha gou taa maizena
@@mariamirou9305 لالا اختي جربيها وراح تولي معتمدتها كيفي بالتوفيق
خرجتلك مقرمشة وشعال مدة طياب الله يخليك اختي الكريمة 🙏
@@nanatop2896 خرجت مقرمشة وبينية تهبل مازلت مصممة على هذه الوصفة مانبدلهاش كي تجربيها تفهميني مدة الطياب حوالي ساعة او ساعة الا ربع حسب الفرن وتبعي واش قالت على طريقة الطهي مهمة جدا انا طبقت الطريقة بالتفصيل فالفيديو وبصحتك اختي
@@noursinenoursine9710 المقادير مضبوطة ندير كما هي نخافها لبقلاوة بصح دروك غادي نجربها وارجعلك الخبر شكر جزيلا اختي 🤝🤝🤝🤝👍🏼👍🏼👍🏼😊😊
جربتها روعة روعة روعة ...اضفت فقط م ك خل احمر للعجين وفي حشو وضعت 100غ سكر داتلي 1ساعة لصينية مثلك
Mercii beaucoup j’ai 18 ans et c’était ma première fois à faire la BAKLAWA c’était tellement bonne et croustillante que tout le monde m’a demandé la recette vraiment merciii
يعطيك الصحة نقصتي علينا تعب وخدمتيها بكل احترافية 👏👏👏👏👏
merci pour la recette vous nous avez facilité les choses .j'ai jamais voulu préparér la baklawa car je la voyais tres compliquée comme preparation.mais avec votre recette je vais inchaallah l'essayer j'espere la reussir comme vous
اشكرك على هده الوصفة رائعة و البسيطة وهي في متناول كل يد مراة جزائرية.غير مكلفة وتنجح في كل طريقة عملها💯💯🤌👌🤌👌👍👍 راح نجربها
و عيدكم مبروك👋
انا من الغرب الجزائري سييت البقلاوه والله جاة روعه وساهله الله يعطيك الصحه و يجازيك كل خير
اختي فاطمة الله يعطيك الصحة ويرزقك ما تتمناي انا كنت باغية نجرب البقلاوة بصح خايفة منها اليبارح راني جربت الوصفة نتاعك بكل الخطوات والملاحضات الصراحة خرجتلي رائعة وباقي العجينة خليتها ارتاحت في التلاجة وعملتها قريوشة جات تهبل حبيت نشكرك بزاف ونتمنالك عيد مبارك سعيد وحبيت نشارك تجربتب مع اخواتي متابعينك ونقول لكل واحدة مازال ماجربتهاش وتخاف ما تنجحلهاش ازدمي وديريها وان شاء الله راه تنجح معاك
شكرا اختي الكريمة راكي شجعتني 😍👍
MN Laty بالتوفيق ان شاء الله فعلا تستاهل التجربة انا درتها بالزبدة صول
شكرا لك.. حبيتك تقوليلي واش نوع الفرينة الي عملتي بيها.
@@chaiman5861 Allah ifarhak ma chérie 😘😘😘
Nadjla Aib العفو اختي انا نستعمل فرينة السفينة هايلة فيى المعجنات ودرت بيها التشاراك وكل انواع الحلويات والمخبوزات بيما فيهم البيتزا
سلام أختي أنا مشتركة جديدا عجبتني قنات تعك أكثر حجا عجبتني كي ديري مقادير في صندوق الوصف هك نقدرو نكتبوهم و مننساوش الله يعونك و نجاح في مشوارك و دائمن في تألق 👍👍👍👏👏👏
متشرفين و مرحبا بكم معانا
راني درت بقلاوة جاتني روعة يعطيك الصحة فاطمة عندك وصفات رائعة و ناجحة 100% درت بزاف من وصفاتك و هاد خطرة قلت ندير بقلاوة و الله جاتني خير من تاع برا شكرا على مجهوداتك و وصفاتك الرائعة
شكراا على الوصفة درت بقلاوة لأ ول مرة و خرجتلي روووووووعه
أحبتي في الله ادعولي ان يرزقني الله الولد الصالح دعوة الغريب مستجابة
ربي يرزقك الذرية الصالحة إن شاء الله
أسأل الله ان لك ذرية صالحة
Nchlh rabi ya3tik matetmeni wyfareh 9albek bel doriya el salha
ربي يحفظ ويسعدك بولد صالح ان شاء الله
الله رزقك بنت جميلة يارب العالمين
والله عندي 3سنين ونا نديرها تهبل وبنينة جزاك الله خيرا❤️❤️👏👏👏
باغية نديرها ليوم لأول مرة
سلام والرحمة قبل مانتفرج الفيديو نديرلك جام الله يبارك عليك درت البريوش جاني يهبل او درت العجينة المورقة او درت الميلفاي جاوني روعة ربي يعطيك صحتك يا زينة النساء رانا معاك دائما من الجزائر 😍😍😍😍😍😍
يعطيك الصحة ملي شفت الوصفة نتاعك جربتها وخرجتلي هايلة موليتش نستغنى عليها 😘
السلام عليكم. تبارك الله عليك للا فاطمة. جربت تقريبا جميع حلوياتك و كلهم ناجحين ما شاء الله. مزيدا من التألق. أختك من المغرب
لابنتتةابلااقببتكغلةةاقمتة غيمان
Je l’ai essayé hier wajat raw3a mashallah, très facile à préparer prend pas de temps et super bonne 😍😋😋 Ya3tik saha ma sœur. D’ailleurs j’ai essayé pas mal de tes recttes wa ga3 najhin mashallah
يعطيك الصحة . جات هايلة . والله نحبك و بقلاوة خرجتلي حلوة كالسكر و رغم انها مرة الأولى . الله يبارك فيك يالالة نسا
والله يا لبنات جربتها شحال من مرة وتفكرتها راني عاودت وليت باه نشوفها روعة روعة روعة
روعة يعطيك ألف صحة تعجبيني بزاف و خصوصا طريقة شرحك للوصفة ماشاء الله😍
هادي وصفة جربوها وعيونكم مغمضة اقسم بالله جربتها وخرجت كاااارثة كملتلي في يومين
السلام عليكم ورحمة الله تعالى و بركاته حبيبتي ما شفتهاش دارت السمن فالبلا قبل متحط العجينة قوليلي حبيبتي نتبع طريقتها و لا ندير السمن فالبلا ارجوك جوبيني حبيتي
@@user-fe5wg8ck1n لا ما تديري والو ديجا هي كي تحطي العجينة وتشمخيها بالمرغرين تنذهن وحدها لا ما تديري والو
@@-freeyourmind4179 السلام عليكم ورحمة الله تعالى وبركاته شكرا حبيبتي ران نطيب فيها و انشاء الله تخرجلي مليحة و تفطري بالصحة حبيبتي
عطر لوز ختي واش من نوع ؟؟لوز مر ولا لوز حلو،صح فطورك.
@@sarakessim2346 لا لوز حلو خير مم درك اغلبية يبيعو عطر لوز الحلو المر يتخاف منو
مكنتش نعرف البقلاوة انتي لعلمتيهالي ربي يحفظك حبيبتي وليت نعتمد وصفتك روعة وساهلة ربي يطول عمرك
صباح الربح طاطا فاطمة درتها البارح و خرجتلي توب و اليوم ندير تاع كيلو الله يرزقك مما لا تحتسبين
يعيشك ختيتوو راكي قمه لوكان ديري مزيا وديرلنا الكاس نتاع ام وليد والله الشعب الجزائر ي يكيل بيه وتصحلنا قاع وصفاتها لانها مضبوطه بالكاس من فضلك
انا الكأس اللي نستعمله اللي يرفد 250ملل غادي نروح نشوف كي فاش عامل نتاع أم وليد
مع فاطمة الطبخ الجزائري و العالمي تاع أم وليد يرفد 240مل وانت مشكورة وأعتقد أن كل الناس عندهم الكأس تاع250مل الكأس العادي تاع القازوز واعتذر على التدخل ومشكور على كل شئ
+مع فاطمة الطبخ الجزائري و العالمي انا نحبك نتي وام ةليظ وام اسيل ومكاش عيب لما الواحد يستفاد من الاخر ونتوما تبانو تمدو الصفة من قلبكم شكرا
مع فاطمة الطبخ الجزائري و العالمي 😂😂😉😉
Hanin Hno انا من رأيي المقادير جي مظبوطة بالميزان الكاس يكون تقريبي
ختي فاطمة معك ام انس من وهران ياختي الله يعطيك ويمنيك انا جربتها وخرجتلي اكتر من روعة ولكن خصني مقادير نتع صينية نتع نص مترا في اقرب وقت ربي يسترك
جربتها خرجت روعة بارك الله فيك مزيد من النجاح اختي وربي يحفظك
درتها العام اللي فات و نعاودلها هاد العام ان شاء الله
بصراحة ساهلة و بنتها هايلة تستحق التجربة
شكرا جزيلا
الله يعطيك الصحة j'adore tes recettes bravo bravo
رووووعههه الله يعطيك الصحه يا بنت بلادي والله غير راكي مشرفتنا.. واصلي 💗💗👍👍👍👏👏👏👏👏👏👏
لي تسيي البقلاوة ناجحة 100/100لكن الوزن الحقيقي 600غ فرينة
ان شاء الله هذا العيد البقلاوة تاع شاف تاعنا و الشامية درتها خرجتلي هبال يعطيك الصحو
merciiiiiiiiiiiii beaucoup vous êtes la meilleure chef . Belle recettes très bien expliquées. Thanemirth (cad merciii en berbère)madame
الله الله على حلويات الجزائرية 😍😗😙
والله مشككورة اختي فاطمة جربتها ونجحت فيها وكل عايلتي حبوها
ربي يحفظك 😘
Chaque année je reviens vers vous recettes machallah vous êtes professionnel ❤2023
Franchement atik assaha ses la première fois que je vois une recette de baklawa facile est très bien expliqué et facile je te félicite et macha allah aliki on attends de vous d'autres recette inchallah 👏👏👍👍
La liste est très longue Hhhh
الله يبارك جاتك هايلة بطريقة مبسطة هذا مانحتاجه التبسيط 😙😙😙😙😙😙
صح فطوركم .يعطيك الصحة فاطمة دايما ندير بقلاوة تاعك قاع منبدلهاش و اليوم درتها نص كوكاو و نص لوز جات روعة شانقولك ربي يفتح عليك بيبان الخير ان شاء الله. نصيحة جربوها قاع متندموش. غدوة ان شاء الله ندير بوسو لا تمسو تاع فاطمة كي العادة و نرجعلكم الخبر.
أختي شحال طول السنيوة لي استعملتي ؟
@@forzayouve6037 four encastrable plat ta3o 55cm 50 cm
شكرا اختي
صراحة وصفاتك ناجحة بارك الله فيك
اختي الله يعطيك الصحة بغيت نسقسيك انا عندي فور يعني كوشة قوليلي كيفاش لغاز ملفوق و مل تحت و ثاني اسك نشعلهم في زوج مع بعض و شكرا نحبك و الله تدخلي ف قلب باي
يعطيك الصحة الاخت فاطمة ربي يجازيك انا كنت ندير 3كيسان فرينة و نصف كاس يدام كانت دجيني يابسة شفت طرق اخرى قالو بهده المقادير الي درتيهم تتفتت ما تساعدكش فالتوراق لكن شفت كيفاش ساعداتك يعطيك الصحة راح نجرب طريقتك انشاء الله ننجح.مشكورة على مجهوداتك حبيبتي .
المهم العجينة تكون طرية
الله يعطيك الصحة... سييتها فالعيد جاتني روعة قاع عجبتهم...مكاش طريقة أسهل منها وما عياتنيش ..مرة أخرى الله يحفظك أختي 😍😚
جربتها وجات روعه وراهي معتمده عندي جربوها و تندموش
السلام عليكم ماشاءالله ربي يحفظك انشاء الله هاذي هي الوصفة لي نعتمدها للعيد وربي يباركلك في صحتك واولادك
الله يعطيك الصحة جربت نعمل بقلاوى بنفس المقادير وطريقة طلعت روعة الله يوفقك اختي اختك مغربية 😘😘😘😘
شكرا هاذي وصفة جد ناجحة جربتها العام لي فات و السنا راني جيت نعاودها 😘😍
كل مانجي نديرها نعاود نتفرج لفديو .هادي الوصفة محال نبدلها .يعطيك الصحة
الله يبارك رووووعة الله يحفظك ويفرحك 😘😘😘😘😘 شفت قناتك بالصدفه وعجبتني راح نجرب بقلاوة عجبتني طريقه في ميزان حسناتك يارب
اول مرة اكتشف قناتك..والله وصفاتك روووعة..مزيد من الوصفات والنجاح حبيبتي
مرحبا بكم معانا شرفتو القناة
جربتها يعطيك الف صحة والله قمة
نحير في الناس دايرين دسلايك يا الحبيبة وصفاتك تفرح وتربح انا تعلمت منك وراني نشكر ونفخر بيك جزاك الله خير نحبك ميمتي ✨🌺🌺✨🌺🌺✨
🌺🌺🌺🌺🌺🌺🌺
🌺🌺🌺🌺🌺🌺🌺
✨🌺🌺🌺🌺🌺✨
✨✨🌺🌺🌺✨✨
✨✨✨🌺✨✨✨
يعطيك العافية على المجهوات جربتها روعة حبيت وصفة العراءش من فضلك لقيتك حذفتي الفيديو والف شكر وصفاتك كلها ناجحة منك رانا نتعلموا ارجوا الرد
والله العظيم روعة تستحق وضعها في متحف
بارك الله فيك اختي راني جربتها وجاتني هايلة لهذا اشتركت في قناتك
للامانة جربت البقلاوة ومقروط المقلة ونيسلي كراميل ... كل شيء جا روعة اكثر من توقعاتي. شكرا والف شكر يا استاذتي.
ماشاء الله تبارك الرحمان ، حقا قناة رائعة و متميزة . جزاك الله خيرا
يعطيك الصحة قناتك روعة ربي يجازيك بغيتك تقوليلي الكاس تاعك يرفد 250ملل؟
يعطيك الصحة جربتها خرجت رووووعة
شكرا جزيلا يا سيدة فاطمة البقلاوة نجحتلي و فرحت بيها زوجي ربي افرحك ومزيد من النجاحات