بـ 650ج حماية الإجهزة المنزلية من إنقطاع التيار الكهربى وضبط إعدادات مفتاح الحماية
Vložit
- čas přidán 21. 08. 2024
- فى الفيديو ده هنتعرف على كيفية ضبط إعدادات مفتاح حماية الأجهزة الكهربية من انقطاع الكهرباء ..
المفتاح ده مسئول عن حماية الإجهزة الكهربية والمنزلية من ارتفاع الجهد المفاجىء أو انخفاض الجهد المفاجىء أو ارتفاع التيار الكهربى واحنا فى الفيديو ده هنتعرف على المفتاح ده واللى اسمه Voltage-current protector وهنعمل تجربة عملية عشان نشوف هو بيشتغل ازاى وكمان هنشغل أحمال عليه بحيث تتعدى الأمبير المسموح بيه ونشوف النتيجة لما الأمبير يرتفع ايه اللى هيحصل معاه
لو عايز تشوف إزاى ركبنا مفتاح الحماية فى لوحة الكهرباء عندنا فى الشقة تقدر تشوف الفيديو ده
تركيب مفتاح حماية الأجهزة مع عمل تعديل فى لوحة الكهرباء
• بركب مفتاح حماية الأجه...
#صيانه_الاجهزة_المنزلية #شروحات #كهربائي #كهرباء
يا اخي اصوات المصريين مميزه في كل العالم تشعر مذيع يتحدث معك هذا الراجل ملكمش حل المصريين
صنعت بسمتي جزاك الله كل خير اخي الكريم تشرفت بك
السلام عليك يا استاذنا الفاضل بارك الله فيك على المعلومات القيمة والشروحات المتميزة والنصاءح الهادفة والتوجيهات لنا اخوك خالد من المغرب الدار البيضاء متعلم مبتدىء
عليكم السلام ورحمة الله وبركاته .. أهلا وسهلا بك وبكل أهل المغرب الكرام شكرا جزيلا اخى الكريم لزوقك جزاك الله خيرا
انا حعملك متابعه لشرحك وصوتك الاذاعى الجميل
ده شرف كبير ليا جزاك الله كل خير
شكرا يا بشمهندس علي الشرح البسيط الوافي ده ❤
بارك الله فى حضرتك شكرا جزيلا
ماشاء الله تبارك الله اللهم بارك
مفتاح ديچيتال فى منتهى الروعه
ومعه حمايه آمنه لجميع الاجهزه الكهربائيه المنزليه أو حتى أى منشأه
اللهم بارك
وتسلم يا دكتور على هذا الشرح الوافى
جزاكم الله خيرا وبارك الله فيكم ❤
بارك الله في حضرتك ومتعك بالستر والصحة والعافية اللهم امين شكرا لزوقك وكلماتك الطيبة
انا اللي مخليني مبسوط ان حضرتك بترد علي التعليقات كلها اسعدك الله و جزاك عنا خيرا
اخوك علاء مشترك في قناتك جديد
اهلا بيك تشرفت بك أخي الكريم ..
جزاك الله خيرا
وجزاك مثله وأكثر يارب
احسن واحد شرح الجهاز في كل الفيديوهات اللي علي اليوتيوب
ربنا يبارك فى حضرتك شكرا جزيلا لزوقك
ربنا يبارك فى حضرتك يا دكتور على طريقة شرحك الرائعة وبإستفاضة وعمليا وليس نظريا فقط وهذا ما يميز الفيديو..جزاكم الله عنا خير الجزاء وجعله فى ميزان حسناتكم ووفقكم الله لما يحبه ويرضاه وتقبل الله صالح الأعمال..لو تكرمت يا دكتور اشتريه منين وماركته إيه ربنا يسعدك
اهلا بحضرتك ويبارك فيك يارب .. شكرا لزوقك .بالنسبة للمفتاح تقدر تشتريه من محلات بيع الأدوات الكهربية . الماركات اغلبها تشبه لبعض في الجودة والسعر
فعلا جهاز مهم جدا وشرح عملى رائع
بارك الله فيك شكرا جزيلا
صوتك جميل ما شاء الله ... اذاعي ♥
ربنا يكرمك ياغالي اسعدتني والله 😍😍
شكرا لحضرتك ياهندسة.
الشكر لله .. تحياتي
شكرااا جدا ليك على تعبك والشرح الممتاز وبالنسبه لى اافضل الاعدادت المناسبه فى حالة تركيبه لشقه سكنيه سواء اافل واعلى فولت والامبير والفارق الزمنى من وجهة نظر حضرتك تكون ايه واكون شاكر جدا ليك
اهلا وسهلا بحضرتك ... أفضل إعدادات من وجهة نظرى هى اللى عملتها فى الفيديو
أقل فولت 190 وأعلى فولت 250 واعلى تيار 35 أمبير والفارق الزمنى 0.1 ثانية
طب من فضلك لو كهرباء مش منتظمه عندى فى شقه هل خطر يبقى اقل فولت ١٦٠ ويرجع ١٦٥ فولت ولا افضل ١٩٠ ويرجع ١٩٥@@DoctorHandasa
الافصل الفولت ماينزلش كتير لان كمان هبوط الفولت معناه زيادة الامبير .. خليك علي ١٩٠
@@DoctorHandasa يعنى اظبط جهاز عندى على اعلى فولت من الاول يعنى ٢٣٥ وبعدين اظبط على ٢٣٠ واقل فولت ١٩٠ وبعدين ١٩٥ كترتيب ظبط يعنى وزمن فصل لكل اكشن علو او انخفاض 0.5 ثانية والامبير على شقه غرفتين وصاله ٣٥ تمام امبير كده مناسب
@@mohammedghanem1171 يمكنك ضبط اعلى قيمة فولت على 250 واقل قيمة على 190 وزمن الفصل اقل مايمكن (يفضل 0.1 ثانية) والأمبير 35 مناسب
الله ينور يا هندسه
شكرا جزيلا لك
شراح اكثر من رائع يا دكتور الله ينور عليك ، ممكن تعرفنا فين مكان البيع وهل عليه ضمان ، وشكر آ لحضرتك
اهلا بحضرتك شكرا جزيلا لزوقك
تقدر تشتري المفتاح من اي مكان لبيع الادوات الكهربية وغالبا في المحلات الكبيرة .. شركات كتير تعطي ضمان
تسلم ياهندسة
الله يسلمك ويحفظك
شرح وافى .. N فى حاله موصليه دائمه وأتسائل ماذا لو عكس التيار ؟
بظبط زى الفرق بين وضع مفتاح على خط الفازة أو خط النيوترال .. لا يوجد فرق كبير انما هو خطأ لانه يسبب ضرر على الأجهز بسبب توصيل فازة اليها بشكل مباشر وادائم
وعموما قريبا هعمل فيديو عن موضوع توصيل فازة مباشر للأحمال
أشكرك .. وأنتظر تجربة عملية فى حاله عكس تيار المدينة وليس بتعمد مستخدم هذا ما اعنيه ... تمنياتى بالتوفيق
@@MohamedDawood-qm2gp فى فيديو بحضره عن توصيل لمبة وعكس التيار عليها ان شاء الله يكون يفى بالغرض .. تقبل تحياتى
@@DoctorHandasa كلل الله مجهودك بالنجاح .. تقبلتك منذ البدايه ولا أدرى لما .. أكرم الله بنى ووضع لك الحب فى الارض
ربنا يكرم حضرتك شرف ليا كبير ان حد شاطر زيك يكون ده موقفه مني
السلام عليكم بارك الله فيك على شرح يمكن تركيبه على مكيف فقط لوسمحت رد أنا من ليبيا وشكراً
اهلا بك وبأهل ليبيا الطيبين .. شكرا لك
نعم أخى الكريم يمكنك تركيبه لجهاز واحد فقط ان كان تكييف أو ثلاجة وهو ما فعلته فى الفيديو بالفعل فقد ركبته للمبة فقط
السلام عليكم شكراً على رد مش غريب على خوتنا أهل مصر حسنا معاملة @@DoctorHandasa
بعض مما عندكم أهلا وسهلا بك
عظمه 👏👏👏👏👏
من فضلك ترشيح نوع او اتنين كويسين و متوسط اسعارهم
اهلا بحضرتك .. اغلب انواعهم شبه بعض في الكفاءة ومتوسط السعر ٧٠٠ ج وفي نوع اغلي قد يكون ب ١٦٠٠ ج لكن الانواع اغلبها شبه بعض
@@DoctorHandasa شكرا 💕
ممكن ترشيح لنوع كويس والسعر
اهلا بك .. الحقيقة صعب ارشح نوع معين كلهم شبه بعض تقريبا
فيه حاجه مهمه يا دكتور انا لاحظت اثناء قراءة التعليقات بان مفتاح شركة فينوس لحضرتك عليه ملاحظه فيذلك من فضلك علينا ترشيح مفتاح يفي بالغرض و بدون ملاحظات أن امكن
اهلا بحضرتك .. مفتاح فينوس جيد بدرجة كبيرة ولكن يؤخذ عليه السعر وموضوع عدم وصل الكهرباء الا عند انخفاض الجهد بقيمة معينة ولكن ممكن التغلب علي الاوبشن الاخير ده بالتوصيل اليدوي كل مرة ... بالنسبة للأنواع فكلهم متشابعين مع يعض في الجودة والسعر .. يمكنك شراء اي مفتاح من مكان ثقة لبيع الأدوات الكهربية
كيفية ضبط اعدادات الجهاز على شقة بها سخان كهربائى 50 لتر وتكييف 1.5 حصان وفريزر افقى 6 درج وثلاجة 450 لتر وشاشة 32 بوصة وفرن كهربائى ومبرد مياه
نفس الاعدادات بالفيديو وممكن.بس تخلي الامبير علي قيمة ٤٠ امبير
لو سمحت ممكن اعرف انضف شركة واحسن نوع ايه
بعتذر ليك مقدرش اتحمل مسئولية تزكية منتج عن الأخر ولكن من خلال خبرتى المتواضعة ركبت انواع مختلفة عند اصدقائى وكلهم كويسين محدش اشتكى من حاجة
لو سمحت يا هندسة
لو الشقة فيها ثلاث مكيفات
ينفع فيها جهاز حماية 63 أمبير ولا عايز أكبر من كده
الحصان الواحد فى التكييف بيستهلك تقريبا 3.5 أمبير يعنى لو كل تكييف عندك سعته 1.5 حصان يعنى التلاتة هيستهلكوا 16 أمبير
الله ينور عليك ياهندسه ...سؤال مهم ومستعجل هل يعمل كرافع جهم مثلا جهد الدخول ١١٠ فولت هل يخرج لي جهد ٢٢٠ مثلا ؟
اهلا وسهلا .. لا الجهاز لا يعمل على تغيير قيمة الجهد
لو سمحت يا هندسة
عندى ماتور 20A
اظبط الجهاز علي كام امبير لحماية الماتور
اهلا بيك .. الامبير اللي حضرتك بتظبط عليه الجهاز مش بيحمي الموتور بل بيحمي السلك اللي عندك من ارتفاع الأحمال .. الجهاز بيحمي الأجهزة المنزلية من ارتفاع وانخفاض الجهد وبيحمي بيتك من ارتفاع الاحمال التي تفوق قدرة تحمل الأسلاك
لو الاجابة مكنتش شافية لك اخبرني
يعطيك العافيه يارب
لو بدي استخدم هاد الجهاز يمكن استخدامه مع الانفنتر الي بيتركب مع الطاقات الشمسية بقصد بدو كهرباء الدولة احيانا بتمون الكهربا من الانفنتر قوية وبتعطل الاحهزة امثر شي الابتوب تعطل اكثر من مرة اتمنى ترد
اهلا بحضرتك .. هو الحقيقة انا مجربتش بس الجهاز ده بياخد من اى مصدر تيار
متردد وبالتالى ان شاء الله يكون مناسب ويحل مشكلتك
كنت محتاج لو شقة فيها اجهزة كهربائية وتكيف ٣ حصان يبقى ايه الاعدادات السليمه والصحيحة
اهلا بك ... الإعدادات الموضحة فى الفيديو هى الأفضل والأنسب تقريبا فيما عدا مقدار التيار يمكنك تغييره حسب الأحمال .. إجمع كل الوات لكل الأجهزة اللى ممكن تشتغل مع بعض فى نفس الوقت
الأمبير = الوات / 220 فولت
أو ممكن تشوف شوف المفتاح الرئيسى كام أمبير وممكن تنزل عنه شوية صغيرين
أفضل نوع ايه لو سمحت
الأنواع كتير واغلبهم متقاربين من بعض في الجودة والآمكانيات
لو سمحت عندي غرفة في المنزل دائما تحترق فيها الأجهزة الكهربائية بعد عدة أيام من استعمالها ممكن نصيحة من فضلك و جازاك الله خيرا
اهلا بحضرتك ... هل الغرفة دى لوحدها فى المنزل واخدة كهرباء من الصاعد؟؟ يعنى مثلا ممكن يكون داخلها 2 فازة بدل فاز ومحايد وبالتالى فرق الجهد بيكون 380 فولت ..
لابد من قياس الجهد من احد البرايز للتأكد من موقف الكهرباء فى الغرفة دى
كم سعره الان و ما افضل نوع لاني ساقوم بتوصيلة علي الثلاجة فقط مباشرة لاني بسافر كتير و بترك الثلاجة شغالة و خسارة الثلاجة تطير ( ملحوظة التلاجة الكباس انفرتر )
نفس السعر تقريبا ٦٥٠ او ٧٠٠ ج ... مفيش مشكلة تعمله علي الثلاجة فقط
لو تكرمت يا دكتور كنت عاوز اعرف ماركة هذا الجهاز من فضلك ولكم جزيل جزيل الشكر والتقدير
اهلا بحضرتك .. انا اسف والله انا فعلا مش فاكر الماركة بس عموما اغلب الماركات زي بعض في الجودة والسعر
سلام عليكم يا هندسه
عليكم السلام ورحمة الله وبركاته
عندي تلاجة فيليبس قديمة اية اعلي فولت اضبط الجهاز عليه انا ركبته والكهربائي ضبطه علي ٢٣٥ بيقطع كل يوم الصبح والاقي القراية ٢٤٠ وبيغيب اكتر من ٣ ساعات علي ما يرجع علي ٢٣٥ او اقل
اظبطي علي ٢٤٥ مفيش مشكلة
@@DoctorHandasa كتر خيرك اشكرك 👍
الله ينور عليك يا هندسه بس عندي سؤال محيرني جدا انا جبته من فينوس المهم اظبطه علي كام ارجو المساعده ضروري جدا جدا جدا شركة فينوس بتقول من كلام خدمة العملاء انه يتظبط علي 270 فولت عالي والمننخفض 170 رغم ان الكهربائي من عربية فينوس اللي جالي وركبه ظبطه علي 250 وقاله ده افضل حاجه غير كدا خطر كبير أعمل ايه ارجوكم افيدوني جزاكم الله خيرا منتظر ردك الجميل
كلام الكهربائى صحيح .. أكتر من 250 فولت خطر على الأجهزة
ياريت كمان تعمله240فولت
معاك حق ولكن في بعض الأماكن يزيد الجهد لوقت كبير ولذلك قصدت ذكر الجهد الأقصي الأمن
ممكن اعرف جبته بكام
٦٥٠ ج
لو سمحت أنا عندي مفتاح ماركه فينوس ممكن تعرفني في p5وp6في النوع ده فايدتهم ايه
وأضبط الأمبير علي كام مع العلم أنا عندي ديبفريزر وتلاجه واتنين تكيف ١,٥وواحد تلاته حصان وغساله اتوماتيك
اهلا بك .. لو تصورلي الكتالوج وتتواصل معي علي فيسبوك اللينك في القناة ان شاء الله افيدك
٤٠ امبير كويس
حاليا المفتاح عملي وكويس ولا ايه
وتوصيله بوصله فين جمب العداد ولا عند لوحة الفصل بتاعة البيت
المفتاح عملي وكويس يحميلك الاجهزة
بالنسبة لتركيبه ممكن تركبه ب القاطع الرئيسي .. ارجوا مشاهدة الفيديو الخاص بتركيب ذلك المفتاح في اللوحة ان شاء الله يفيدك
الله ينور
اشتريه منين المفتاح ده واسمه ايه في السوق
اهلا بك .. اسمه مفتاح الحماية ضد ارتفاع وانخفاض التيار والجهد ... أو
switch guard
ويباع فى أى مكان لبيع الأدوات الكهربية
لو انا عندي الكهرباء ٢٥١ هينفع معاها
٢٥١ جهد عالي علي الأجهزة .. يفضل استخدام ستبليزر
لو سمحت عندى تكييف ١.٥ حصان
هل المحاولات غلط ع كباس التكييف ؟
لا مش غلط لان بين كل محاولة والتانية عدد من الثواني بتحدده انت
@@DoctorHandasa شكرا جدا لحضرتك
ربنا يجازيك كل خير
اخر سؤال لو سمحت
هل الجهاز لزم يركب بعد القاطع ؟
اللهم امين ويجزيك افضل منه..
هو مش ضروري لكنه مهم جدا عشان امان في حالة القصر
بعد اذن سياتك يادكتور الهندسه لو عايز جهاز حمايه ذى ال فى العرض اجيبه ازى لان عندنا فى الصعيد ليست متوفر ولو ممكن ابعت لحضرتك ثمنه على فودافون كاش+مصاريف شحنة وتبعتلى واحد واكون شاكر لك يا هندسه جزاك الله كل خير
اهلا وسهلا بيك تحت امرك .. يشرفنى تواصلك معى على صفحة الفيسبوك وانا أخليك تتواصل مع أحد التجار مباشرة
لكنى انصحك تبحث تانى عندكم فى الصعيد فى المحلات الكبيرة اكيد تلاقيه وعموما اهلا بك أى وقت
لو سمحت يا هندسة انا لو حبيت اظبط الاعدادات بحيث مايعملش اي محاولة الا لما ترجع القرايات مظبوطة كدة اختارها off ولا ايه بالظبط
اهلا بيك .. ممكن تعمل كدة بس في الحالة دي لازم انت تشغله بنفسك بعد ماتتأكد من انضباط التيار
طب بعد اذنك انا اخدت بالي ان الامبير عند التشغيل بيوصل القيمه القصوى ف خلال ثانيه او اقل عشان يقوم المروحه و بعد كده يرجع تاني للحمل الطبيعي المظبوط عليه طب مش كده ممكن يفصل منا كهربا على طول و هيفضل يحاول على طول مش المفروض ال cutting time يبقى اكتر من ثانيه كده عشان يعرف الحمل يستقر ف الشقه ؟
ملاحظة جيدة وسؤالك في محله . ولكن اخي الكريم احنا بنظبط الجهاز علي امبير كبير ٢٥ امبير وذلك اكبر من اي امبير مبدئي للجهاز منفردا يعني
ارجوا ان تكون فهمت مقصدي
لو سمحت
انا ظبطته على فولت ٢٤٠ يفصل بعدها
لكن لو فصل بسبب فولت عالي مش بيشتغل لوحده لازم اشغله بنفسي
إيه الحل؟
هل المفتاح فينوس؟
@@DoctorHandasa
لا مش فينوس
مكنتش اعرف ان فينوس عاملاه أصلا
طيب هو عموما واضح ان المفتاح اللي مااك بيحتاج ان الجهد ينزل لقيمة معينة عشان يشغل نفسه تلقائي والا فا انت اللي تعيد تشغيله وللأسف دي بترجع لنوع المفتاح فا ممكن حضرتك تزود لحد ٢٤٥ لو حابب او ٢٥٠ علي الأكثر
@@DoctorHandasa
شكراً جداً لذوقك والله
هعمل كدة فعلاً
شكراً 🙏🏻❤️
لو سمحت هو لما بيفصل لازم انا اللي اشغله ولا هو بيشتغل مع نفسه
هو بيشتغل لوحده لما القراءات تنضبط
هل ينفع اركب القطعة دى على مشترك مثلا علشان احمى جهاز واحد لان مفيش امكانية انى اركبة على اللوحة في الوقت الحالى
الجهاز دا 750 وات هو جهاز كمبيوتر
ينفع مفيش مشكلة
تحويل ترانس المنزل 7 ك الي سبلايزر
لم يتم فهم السؤال
ممكن لو سمحت تقولي ماركة جهاز الحمايه اللي بتشرحه ده
صدقني انا فعلا مش فاكر الماركة بتاعته .. افتكر بس انه كان ماركة مش معروفة لكن ادائهم كلهم لا يختلف بشكل كبير
السلام عليكم يا هندسة
حضرتك أنا ركبت جهاز الحماية ده نفس النوع بالضبط
ولكن ضبط العالي على 240 فلقيت الكهرباء بتفصل على الفجر
فهل لو رفعت العالى الى 245 غلط
أو ايه أعلى فولت مفيش فيه خطورة على الأجهزة
وجزاك الله خيراً
عليكم السلام ورحمة الله .. اهلا وسهلا بك .. مفيش مشكلة عند ٢٤٥ فولت وعن تجربة كمان ممكن لحد ٢٥٠ ان شاء الله
وعشان تكون مطمن اكتر فاممكن ماتسيبش فيش الاجهزة الحساسة زي شاشات التليفزيون والحاجات اللي شغالة علي بوردة .. بس عموما لحد ٢٤٥ امان ان شاء الله
@@DoctorHandasa شكرا جزيلا لزوق حضرتك وسرعة ردك وإفادتك للناس
جزاك الله خيراً وبارك الله فيك
وجعله في ميزان حسناتك يوم القيامة
@@mohamedshapan5068 اللهم امين يارب ولك بالمثل شكرا جزيلا لك
❤
السلام عليكم من فضلك الجهاز بيفصل كل يوم ٤ ساعات فنفس التوقيت مع العلم ان مفيش انقطاع الكهرباء ومكنش بيعمل كده اول ماركبته ايه الحل من فضلك
يرجي متابعة قراءة الجهد في توقيت الفصل فغالبا الجهد يرتفع لقيمة معينة في هذا التوقيت والمفتاح مصمم للقطع عندها .. يرجي اطلاعنا علي القيمة التي يفصل عندها ونخبرك ان كان يمكن تعليتها أو لا
@@DoctorHandasaكان مكتوب ٢٣٩ فاللوحه وغيرت القراءات وظبطه نفس الفيديىو اللي حضرتك عامله مرجعتش مع العلم انو بيقفل الكهربا كل يوم فنفس التوقيت من ٤ الفجر ل ٨ الصبح
هل المفتاح فينوس؟ او ما هو نوعه ؟ هل تم التأكد انه تم تسجيل الإعدادات حيث يوجد انواع من الجهاز بتحتاج نسجل الاعدادات بواسطة الضغط ٥ ثواني علي set مثلا
الجهاز مش فينوس ولما بضغط علي سيت بيتبرمج
طيب ظبطي جهد الفصل علي ٢٥٠ الأعلي و ١٩٠ الأقل ولما يفصل تابعي القراءة الي ان يتظبط الجهد واعيدي التوصيل يدوي .. لو وصل الكهرباء واستمر يبقي غالبا التفسير انه في اوبشن في الجهاز بيجعله مايرجعش يوصل الكهرباء تاني الا لما الجهد ينزل بفرق معين
ممكن حضرتك تنصحني اجيبه منين😮
اهلا بك .. ممكن تجيبه من اى مكان بيبع أدوات كهربائية .. يفضل تجيبه من المحلات الكبيرة ذات السمعة الأفضل
اشتريه منين لو سمحت وهل محتاج حاجه تانيه معاه
تقدر تشتريه من أى محل بيع ادوات كهربائية ومش محتاج معاه حاجة تانية لتأدية نفس الغرض وهو الحماية من ارتفاع وانخفاض التيار ولكن اذا حابب تستخدم معاه مفتاح حماية ضد التسريب فا تقدر ويكون بعده ... ولكن عموما فى كل الأحوال لابد من استخدام قاطع رئيسى قبل مفتاح الحماية كما أوضحت فى الفيديو بتاع تركيب المفتاح فى اللوحة
عند الجهد داخل الشقه ٢٥٢ اسيتو ع كام
الجهد عند حضرتك ٢٥٢ فولت ؟ ده كدة غلط عالأجهزة
🌹🌹🌹
🌹🌹🌹🌹
المفروض مايحاولش بنفسه المفروض انا صاحب البيت لما اتأكد ان التيار او الفولت ثابت
كلامك صحيح والجهاز يترك كل الرية لإختيار ذلك من خلال تصفير عدد المحاولات
لو سمحت ي هندسه المفتاح دا كام امبير؟!
اهلا بك .. المفتاح ٦٣ امبير
@@DoctorHandasa طب دا يبقي كفايه للشقة ولا قليل عليها
كفاية وكتير كمان .. بلاش تزود عن 40 أمبير .. الأحمال فى شققنا لا تستدعى أكثر من ذلك
@@DoctorHandasa تمام تسلم ي هندسه الله يباركلك يارب
ولك بالمثل اللهم امين
لو سمحت يا هندسه ممكن رقم التليفون فى استشاره بسيطه
اهلا بحضرتك تحت امرك اي وقت .. للأسف سباسة يوتيوب تمنع وضع ارقام .. في خلال ايام هحضر الأكونت الشخصي عاي فيسبوك للتواصل وابلغ حضرتك
من فضلك ضع رابط الشراء ضرورى
ممكن تشتريه من اى محل بيع أدوات كهربائية ويفضل المحلات الكبيرة
انا محتاج اتواصل مع حضرتك ضروري
اهلا وسهلا تحت امرك اي وقت وممكن تسيب سؤالك هنا لو مستعجل برد علطول
معلومة هذا protecteur de tension ليس جهاز حماية بي معني لا يوفر حماية ثلاثية ضد قصر دارة و التسريب و حمل زائد ولا يوجد معيار يقول يجب استخدامه هذا غير معتمد في حماية و تقنيا خطاء
عنوان الفيديو بقول فيه انه جهاز حماية الاجهزة وعملت حلقتين عنه ماقولتش عنه الا انه جهاز مهم لحماية الاجهزة من ارتفاع وانخفاض التيار
ماجبتش سيرة انه بيمنع قصر الدائرة والتسريب لان الحاجات دي ليها ادوات اخري للحماية واللي هي ايضا لا تحمي الاجهزة المنزلية
لكن الجهاز المذكور بيمنع ضرر الأجهزة من ارتفاع وانخفاض التيار وضد الحمل الزائد وانا وضحت ذلك بالتجربة العملية وضرورة استخدامة كبيرة لحماية الاجهزة وليس تقنيا خطأ ... تقبل تحياتي
@@DoctorHandasa حتي ولو استخدمته في مراقبة ارتفاع او انخفاض جهد لي مرتبط مع تيار يعتبر خطاء تقني ومن اجل تاكد من كلامي استخدم جهاز راسم مهبطي oscilloscope و واقراء تأثير موجة قبل جهاز و بعده وكيف ياثر عليها. انا قلت لايوجد معيار يقول يجب ان يستخدم في دواير كهربايية وابحث عن ذلك وشكرا
تمام .. شكرا علي افادتك والمعلومات القيمة
السلام عليكم ورحمة الله
قمت بتركيب قاطع حماية من ارتفاع وانخفاض الكهرباء فينوس، ولكن الجهاز لم يرجع للعمل تلقائيا بعد عودة الكهرباء علما بأن القيم كانت أعلى قيمة ٢٤٠ فولت وأقل قيمة ١٩٥ فولت.
رجاء الافادة
وقيمة الفولت الفعلية كانت ٢٣٨ عند عودة الكهرباء
عليكم السلام ورحمة الله .. ممكن تعلي الفولت حتي ٢٥٠ .. ماهو نوع المفتاح؟
@@DoctorHandasa فينوس علما بأن المفتاح ليس فيه غير ست مراحل ضبط فقط .. فولت أعلى وأقل فولت وامبير وزمن رجوع بعد كل مرحلة منهم
عيب مفتاح فينوس انه مش بيرجع الكهرباء الا لما تنخفض بمقدار ١٥ فولت عن القيمة المضبوط عليها والا فعليك ان اتعيد تشغيله بنفسك بعد كل رجوع للكهرباء
طيب الفجر كانت القراءة في حدود ٢٣٩ هل اضبط الجهاز على ٢٥٥ حتى يرجع للعمل تلقائيا ولا يوجد خطر على الأجهزة من ارتفاع التيار
اعلي مم ٢٥٠ فولت يمثل خطر علي الأجهزة للأسف لذلك هو عيب سئ في مفتاح فينوس
على الثلاجات طب المحاولات دى مش غلط
بين كل محاولة والتانية عدد من الثوانى حضرتك بتحدده وبالتالى مفيش خطورة على التلاجة او اى جهاز
انا مركب قاطع حمايه فينوس محترم
عدي فريزر کریازي ، 6 درج اشغل لمدة شهر بعد كدا كلما اشغله جهاز يتحرق في الشقة حرق مروحة وشفاط و فيشه مكوى الشركة قالت الكهرباء ضعيفة والجهاز شغال وسليم ايه الحل اشتري منظم للفريزر اسمه وايه مواصفاته ومنين اشتري و هل هو امن على الجهاز وباقي الأجهزة شكرا جزيلا
ممكن هندسه رقم تليفون للتواصل
اهلا بحضرتك ... اتشرف بتواصلك معى عن طريق صفحة الفيسبوك بها كل بيانات الاتصال
او رقم الواتس
تحت امرك هتواصل معاك علي فيسبوك
الله ينور يا باشمهندس الشرح جميل جدا ومفهوم بس ممكن نسأل حضرتك هو لو عملت ضبط على أعلى فولت 250فولت خطر على الأجهزة ياريت الافادة لو سمحت ولك جزيل الشكر
اهلا وسهلا بحضرتك شكرا لزوقك
بالنسبة لقيمة أعلى فولت فهى تقريبية على حسب الجهاز فى اجهزة تتحمل لحد 260 فولت
لكن عن تجربة الأفضل الا يتم زيادة القيمة عن 250 فولت
شكرا لزوق حضرتك يا باشمهندس
لو انا عندي الكهرباء ٢٥١ هينفع معاها
جهد ٢٥١ هو عالي علي الأجهزة .. يفضل استخدام ستبليزر
لو سمحت أنا عندي مفتاح ماركه فينوس ممكن تعرفني في p5وp6في النوع ده فايدتهم ايه
تم الرد علي نفس الكومنت
لو انا عندي الكهرباء ٢٥١ هينفع معاها
٢٥١ جهد عالي علي الأجهزة .. يفضل استخدام ستبليزر
لو سمحت الجهاز دة بيفصل فى اى حالة اى شورت فى الشقة لا قدر الله...
ماجربتوش فى حالة الشورت وان كان منطقى انه يفصل لان الشورت هو امبير عالى جدا اعلى من اللى هو نظبوط عليه .. ولكن لا انصح بالإعتماد عليه لوحده لمنع حدوث قصر كهربى .. لابد من قاطع رئيسى قبله
@@DoctorHandasa تمام يبقى افضل تركيب مفتاح اساسى عمومى قبلة للامان فى حالة الشورت ..كتر خيرك
@@hdanielle4164 تحت امرك
السلام عليكم ازاي احصل عليه ارجو الافاده
@@abdallahzakaria1420 من اى محل بيع ادوات كهربائية ... يفضل تجيبه من المحلات الكبيرة اللى سمعتها أفضل