جميع بطاقات البنك الشعبي💳: المزايا والإقتطاعات الخاصة بها 🏦 Banque populaire
Vložit
- čas přidán 27. 08. 2024
- مرحبا أصدقائي في هذا الفيديو قمت بشرح جميع بطاقات البنك الشعبي bank chaabi المزايا والعيوب والإقتطاعات و للتحكم في البطاقات البنكية كل ما عليك هو تحميل تطبيق pocket bank
لا تنسى الإشتراك في القناة ✅، وتفعيل زر الجرس 🔔 لتتوصل بكل جديد 🆕
---------------------------------------------------------------------------------------------------------------
#البنك_الشعبي
#pocket_bank
#bank_chaabi
توضيح مهم للمشاهدين : ⚠⚠
بالنسبة للأثمنة المذكورة في الشرح فهي فقط HT اي غير شاملة للضريبة وليست TTC
مثلا
بطاقة la prima ثمنها 50 درهم HT في السنة لكن الثمن الذي يتم اقتطاعه هو 55 درهم TTC في السنة .
أي بنسبة زيادة 10%
أنا عندي la prima وعندي اقتطاع ديال 16 درهم شهريا فقط
بطاقة لابريما الثمن ديالها في السنة هو 55 درهم ولكن انت كيقطعو ليك 18 دراهم في الشهر وهادشي كيختلف من حساب لحساب ومن باقة لباقة خصك تقولي النوع الحساب لي عندك او تدخل للتطبيق وتقولي شنو مكتوب بجانب 18 دراهم في الشهر باش نقدر نفهم او تواصل معايا في انستغرام .
ممكن تعطيني المواقع لي سحبتي منها من غير جوجل ادسنس او المدونة .
@@LBANKA.ONLINE واش هاد البطاقة متنفعش من فوق 25 سنة جاوبني الله يحفطضك pack live
@@twinschanel6779 لا
شكرا أخي على هذا الشرح الرائع جزاك الله بألف خير
أحسنت شكرا على المعلومات القيمة.
الله يحفظك اخويا العزيز
الله اجازيك بالخير
Chokran khoya zin bghit n3rf chhal imkn lya njbd mn syaj bnk mn lkichy
Mn cih bank yemkin lik tjbed hta 30.000 ta9riban kayna f jmi3 bita9at ms mumkin ten9as f plafond wela ten9as fih rir mn application .
بطبيعة الحال اذا كان عندك بطاقة سياش بنك اما اذا كانت مثلا عندك بطاقة ديال البنك الشعبي وبغيتي تسحب من البنوك الأخرى الماكس 2000 درهم وكيقتطعو ليك 6 دراهم .
@@LBANKA.ONLINE شكرا خويا ❤️❤️❤️🙏
ostad momkine sso2al wach kayna chi tari9a maywasslonich lwra9 li dar dyal lbanca
انت ملي تفتح الحساب كتقوليهم مابغيتش توصلني شي حاجة للدار واذا فتحتي الحساب اونلاين غادي يسولك غادي تقوليهم لا .
اخي بالنسبة ل بطاقة la Prima هل هناك اقتطاعات أخرى في الشهر
و ماهي نسبة الاقتطاعات لتطبيق pocket bank
الاقتطاع في بطاقة لابريما على حسب نوع الحساب او الباقة لي غادي تعطى ليك معها يمعنى الاقتطاعات كتختلف حسب نوع الحساب اما بوكيت بنك مجاني الا في بعض الحالات ديال الرسائل القصيرة لي كتجيك في الهاتف بحال دخلو ليك شي فلوس ... بعض المرات كيقتطع عليهم ولكن داكشي قليل .
تبارك الله عليك
الله يبارك فيك شكرا 🙏🙌🌹
اخي بغينا شي فيديو على بطاقات التجاري وفا بنك خاصة بطاقات بلا حدود الخاصة بمغاربة الخارج وشكرا
عندي شرح واحد اخي على بعض العروض اما بخصوص جميع البطاقات مالقيتش معلومات كثيرة في حالة لقيتها غادي نقدم شرح على جميع البطاقات ان شاء الله .
الله يجازيك بالخير
اللهم أمين 🙏
السلام ممكن تكلمنا عن Att'Amine chaabi hissab لمن و علاش و شكرا
وعليكم السلام ان شاء الله غادي نتحدثو عليه .
خويا اولا شكرا على المعلومات ثانيا شكرا لانك تتجاوب الجميع وهدا من نبل اخلاقك... انا عندي سؤال بغيت نعرف كيفاش الواحد يدير باش يخرج بطاقة للاهل ديالو وهو خارج المغرب باش يبقاو يخرجو الفلوس من حسابه في المغرب.. يعني اشنو خاصو يدير باش هوما يتسلمو البطاقة من البنك فالمغرب
مرحبا
اذا كان عندك حساب في البنك الشعبي كاين جوج طرق اما تبقى تسيفط ليهم في الشعبي كاش وكيكون عليها شي اقتطاعات او في حالة كنت في المغرب كدير طلب على بطاقة مسبقة الدفع وكتخصصها لي فرد من أفراد العائلة وكتبقى تشارجيها ليه غير من التطبيق ديال pocket bank اما فهاد الحالة فكنظن ماكاينش شي حل من غير الشعبي كاش يعني
mise a disposition vers chaabi cash
السلام عليكم اخي جزاك الله خيرا الى بغيت نفتح حساب توفير ودفعت شيك فنفس اليوم واش كدخل في نفس الاطار ولا غايحلو حساب ليا اخر
وعليكم السلام اذا كان عندك حساب بنكي كتمشي عندهم وكتفتح حساب توفير ولكن كيكون مرتبط بالحساب البنكي.
@@LBANKA.ONLINE شكرا اخي الكريم. .الله يوفقك
العفو مرحبا .
السلام عليكم.. la prima ممكن تشري بيها فالمواقع ديال المغرب ؟
وعليكم السلام نعم ممكن وحتى المواقع الأجنبية قريب غادي نعاود نحط شرح جديد ديال هاد البطاقات
شكرا اخي على شرح بغيت نسولك انا عندي la icard وتقضيت بدك 15الف درهم خارج المغرب ودبا مبقاش يمكنني نشري بها مزال كيفاش لحل اخي الله يجازيك
العفو أخي
كاين حل واحد هو تخدم بصولد بايبال يعني تشريه وبه خدم في المواقع لي كتدعم الدفع ببايبال او شوف شي حد من العائلة خدم بالدوتاسيون ديالو هادي الحلول لي كاينة
مفهمتش صاراحة واش كيكون اقتطاع سنوي زائد الشهري
اذا ركزتي في الشرح غادي تلقاني هضرت فقط على البطاقات والأثمنة ديالها وذكرت الثمن السنوي ديالها بدون احتساب الضريبة HT مهضرتش على الباقات أو الحسابات لي كيكون فيهم اقتطاعات شهرية وبعض الأحيان كل 3 أشهر
@@LBANKA.ONLINE مثلا la prima شحال كيكون الاقتطاعات الشهرية لا ببغيت نديرها
على حسب العرض لي غادي ديرو انت منقدرش نحدد ليك بالضبط سير عندهم للوكالة وقوليهم بغيت حساب عادي وغادي يعطيو ليك بطاقة لابريما .
تبارك الله على شرح الممتاز خويا لكن بنسبة لي بطاقة رزق هل ممكن ان يروح شخص غيري للبنك يعني اخي امي ..... ويحط ليا فيها لفلوس بدل مني
شكرا لك 🙌 لا غير ممكن لأنه حساب توفير يخص فقط الزبون وهو الذي يتصرف فيه فقط وليس مثل حساب الشيك او الحساب الجاري .
يعني بطاقة رزق لا يمكن الإسفاد من ميزة التحويل النقدي
التحويل النقدي من حساب بنكي اخر ديال بنك اخر او ديال نفس البنك انت فقط لي كدير ليها تحويل من الحساب ديالك العادي هادشي لي عارف انا اخويا .
آدا بغيت نصيفت الفلوس يتشدو في الشباك الأوتوماتكي بلا بطاقة حيت ملي كنبغي ندير هاد العملية تقولي هاد الميزة مكيناش في الحساب ديالك واش خاصني النبدل البطاقة
@@hlkff1155
حساب توفير مافيهش ميزة الشعبي كاش خصك ضروري حساب بنكي .
السلام عليكم من فضلك سؤال بالنسبة لي افعل التجارة الالكترونية و استعملت بطاقه icard عند استقبال نقودي في هده البطاقة هل سيدهبو نقودي الى الحساب مباشرة؟؟
وعليكم السلام
بطاقة la icard صالحة للشراء من المواقع الأجنبية مايمكتش تستقبل فيها الفلوس الفلوس كتستقبلهم في الحساب ديالك
طرلينا فيديو غلى بطاقة swipe بنك شعبي
نعم غادي ندير شرح عليها ان شاء الله .
السلام عليكم ورمضان مبارك سعيد أخي الفاضل ، توضيح بسيط ، أنا أتوفر على بطاقة رزق للبنك الشعبي ومدة صلاحيتها أربع سنوات ولايمكن بها شراء التعبئات أو أداء الفواتير من الشباك الأتوماتيكي.
وعليكم السلام أخي الله يبارك فيك و شكرا على مرورك 🤍 بالنسبة لمدة الصلاحية تتغير مع مرور الوقت قد يطرأ تغيير في المدة من قبل المؤسسة البنكية .
ان شاء الله غادي يكون شرح اخر مفصل أكثر و معلومات دقيقة 🙏✌
شكرا على المعلومات وبغيت نسولك واش بطاقة LIVE كاتلعب نفس الدور ديال بطاقة i card
بحالاش مثلا هاد الدور لي كتقصد ؟؟
Nkdro nchri biha mn lmawaki3 l2ajnabya bhal I card
لا أخي ملي كدير باقة #live كتستافد من بطاقة la icard باش يمكن ليك تشري من الإنترنيت . اما بطاقة LIVE مايمكنش تشري يها من المواقع الدولية .
Wach n9dr ns7eb flous paypal mn carte visa jerebt makhdmatch wach khasni nfte7 dotation wla chno jawbni stp
ممكن تذكر ليا اسم البطاقة البنكية لي عندك ؟
3ndi carte visa
@@souhabrahimi785
الاسم ديالها ؟ أما فيزا او ماستر كارد غير نوع
انا واحدة في هادو لي شرحت هي لي عندك ؟
#live
Salam w3lykom bnisbal cart Gold wach omknli nkhls biha hamalat i3lanya faisbook ....
Wa 3alikom salam Oui mumkin
انا بغيت نربط الحساب البنكي مع الادسنس اليوتوب اشنو نوع لاكارط البنك الشعبي لي تنصحني بيها باش تطلبها ؟
و تكون كتخرج اكثر من 40 الف ريال من الكيشي
دير حساب عادي فيها بطاقة la populaire و جرب ربطها مع أدسنس حيت اما ماجربتهاش + في حالة متربطاش مع أدسنس خوذ معاها بطاقة la icard .
عندي سؤال :
خويا أنا مشيت لبرا ..وخليت كارت كيشي ديال البنك الشعبي...مع واحد الشخص باش يخرج كل شهر مبلغ يعطيه لوالديا
من بعد ما جيت لبرا...هد الشخص كل يوم خرج مبالغ كبيرة ...لم أثفق معه
بالصدفة إتصلت بمدير البنك الشعبي باش نعرف التطورات...فإكتشفت سرقة أموالي
طلبت من المدير يوقف هد لكارت بعدما حكيت له
في اليوم التالي مشا داك الشخص الي عطيتو كارت كيشي باش يجبد فلوس لكن مشات له لكارت في الصراف الآلي
خويا عندي سؤال
واش يقدر هد الشخص يدخل للبنك واسترجع لكارت ؟
أو يقدر يعمل شي حل باش يرجعها ؟
حيت تاصلت بالمدير باش نراقب لكن مكجاوبو
وممساليش باش نمشي حتال المغرب
أرجوا تجاوبني ...
وشكرا
ساهلة أخي بلوكي البطاقة غير من تطبيق البنك الشعبي اذا كان عندك في الهاتف أو اتصل بمصلحة الزبناء كاع ماتتصل بمدير والبطاقة كتحبس في البلاصة واخا يبغي يدخل ياخوذها مغاديش يعطيوها ليه لأنه ماشي صاحب البطاقة والحساب.
سلام خويا بغيت نسولك واش كاينة كارط إشوبينك فالبنك الشعبي
وعليكم السلام كاينة بطاقة La icard تقريبا بحال ايشوبينغ. راني هضرت عليها في هاد الشرح .
خويا البروفيسور الله يخليك انا عندي بطاقة prima ديال البنك الشعبي. واش نقدر نفعل فيها dotation باش نحجز تذاكر السفر عبر الطائرة الى الخارج وأيضا حجز الفنادق في الخارج؟
100.000 dh لي يمكلك تخرج برا لبلاد . كاتاكتيفا مرا وحدا غكاع بناكييي
خويا بالنسبة للطاقة i-card واش اي عملية د الشراء درتيها عبر الإنترنت في المواقع الاجنبية فيها اقتطاع ديال 2 في المائة؟
نعم ولكن مؤخرا قالو بلي حيدو هادشي حتى نحط شرح جديد عليهم ان شاء الله.
@@LBANKA.ONLINE
شنو لي حيدو خويا العزيز. ممكن تشرح لي اكثر؟ الله يحفظك خويا.
داك النسبة ديال 2 %
bensba la poupilaire nakdr nachri biha f national wala nkhels biha chi prouduit b net normal jawbni allah yhfdk
نعم زادوها مؤخرا
La prima t9drer tchri biha men site national ola tkhels l'eau o les taxes?
Oui
Khyoya ana ylh 7lit 3ndhom compet 3tawni icrad olive ona mtlbtch ucard l9ithom 9t3o lya 80 dh an mbritch icard 3fak chno ndir
خويا ممكن تمشي للوكالة وتلغيها قوليهم مابغيتش انا هاد البطاقة ويحيدوها ليك لكن انت لقيتي 80 درهم أو 86.5 درهم شنو مكتوب حداها في التطبيق ؟؟؟
للتصحيح لابريما الاقتطاع هو 16.50 درهم ليس 50 درهم
انت تحدثت فقط عن سعر البطاقة البنكية وليس سعر الباقة البنكية pack هناك اختلاف كبير وسعر بطاقة la prima مع احتساب الرسوم هو 55 درهم في السنة.
بغيت بطاقة باش ندير تحويل من الغرب إلى فرنسا أش من بطاقة تنصحني بها وشحال ديال الاقتطاع وشكرا
كيفاش اختي كتقصد من الغرب الى فرنسا ؟؟
اخي شنو خاص بدير باش نحيد i card ما بقيتش بغيتها اشنو الجراءات و شكرا
كتمسي عندهم كتقوليهم بغيت نحيد هاد البطاقة وكترجعها ليهم واذا كان باقي الصلاحية ديالها كتخلص عليها الاقتطاع السنوي .
بالنسبة لحساب توفير يمكن لك تشوف حساب ديالك شحال فيه.كيف دالك. واقتطاع بطاقة رزق من شباك مجاني
الحساب ديالك ديال توفير ممكن تشوف شحال فيه غير من التطبيق ديالك pocket bank وكذلك اذا بقيت عاقل حتى من الشباك
واخا السؤال ديالك ماوضاحش مزيان
كوتليك بطاقة رزق شحال اقتطاع ديالها من عملية سحب من كيشي
@@mehdidamenati3783
فابور اخي
@mehdidamenati3783 فابور
سلام عليكم ممكن تجاوبوني انا بغيت ندير حساب على قبل لاسنسييس غيحولوا ليا فيها فلوس الزوج تاعي الله يرحموا شنو نوع الحساب لي ندير
وعليكم السلام اختي
من الأحسن فتح حساب في cih bank لي أرخص وافضل اذا كانت شي وكالة قريب ليك ديالهم .
اما البنوك اخرين غالين شويا
Had lbita9a la i-c@rd wach imkn nchhn biha f binance
اخي انا معنديش فكرة على binance شوف أي بطاقة دولية وجربها .
Wach n9dro nkhalsso biha sans contact
اسم البطاقة ؟
سلام اخي عندي 2 بطافات واحدة visaواخرى la prima شكون احسن بغيت نوقف وحدة وشحال الاقتطاع ديال كل واحدة واش الاقتطاع شهري ولا سنوي ؟
وعليكم السلام بطاقة فيزا شنو الاسم ديالها ؟
وبالنسبة لابريما كيختلف الثمن حسب الباقة pack لي عندك انت .
@@LBANKA.ONLINE فيزا سميتها la populaire
@@user-ql5iv2ly2u
من أحسن خلي بطاقة فيزا أفضل من لابريما مهما كان الاقتطاع السنوي فيزا أفضل . وكيفما ذكرت ليك سابقا أنه الاشتراك السنوي كيختلف على حسب نوع الباقة لي مشترك فيها الزبون .
@@LBANKA.ONLINE دبا la prima يلله خرجات لي وش الا وقفتها غيتوقف الاقتطاع ولا غيقتاطعو لي
@@user-ql5iv2ly2u
غالبا غادي يقطعو ليك الاشتراك ديالها السنوي وقفها حسن خدم غير ببطاقة واحدة .
بالنسبة لبطاقة رزق هل هناك إقتطاعات شهرية ؟ او فقط سنوية واش يمكن ليا ناخد شيك فيها
بطاقة رزق هي بطاقة مرتبطة بحساب توفير المجاني يعني مافيهاش اقتطاعات وخص يكون عندك حساب توفير يعني غير كتجمع فيه الفلوس وكيبقاو يتزادو على شكل نسب مئوية كل 3 اشهر او كل سنة و باش تاخذ شيك خص يكون عندك حساب بنكي مثلا بطاقة la prima اما بطاقة رزق مخصصة فقط لحساب توفير .
لا رزق هذيك غي ديال التوفير يعني غير كتخبع فيه فلوسك معندكش الخق فالشيكات وميمكنش إفيرسي لك شي واحد فلوس فيها انت لي عندك الحق تفيرسي فيها فقط .الشيكات لا، شي واحد إفيرسي لك فلوس لا بغيتي دير به الفيزا لا ميمكنشي يعني تروج الفلوس ممنوع هاد الحساب ظيال رزق غير ديال التوفير فقط كتحط فيه فلوسك فقط
شكرا اخي على التوضيح 🙏👌
@@LBANKA.ONLINEانا ايبقا يصفط ليا الاخ تاعي شي فلوس من خارج المغرب شمن وحدة تنفعني كت واش بنك شعبي مزيانة نيت
واش كيكونو اقتطاعات على كل مرة سحبت منها فلوس لي وصلوني وشحال كيقطعو تقريبا وشكرا
Slm khoya , binisba la carte la prima , sawalt f la banque galo li t9adri tkharji biha flos men barra lmaghreb
وعليكم السلام نعم زادوها مؤخرا ولات جميع البطاقات ديال البنك الشعبي دولية
@@LBANKA.ONLINE تحياتي ✌️
@@alaska7745 ✌
@@LBANKA.ONLINEانا ايبقا يصفط ليا الاخ تاعي شي فلوس من خارج المغرب شمن وحدة تنفعني كت واش بنك شعبي مزيانة نيت
واش كيكونو اقتطاعات على كل مرة سحبت منها فلوس لي وصلوني وشحال كيقطعو تقريبا وشكرا
@@alaska7745 واش اختي فيها اقتطاعات بزااف
اخويا أنا بطاقتي تاريخ انتهاء 2025واش لدخلت المغرب نقدر نسحب مايحتاج اجددها ثلاث سنين مادخلت
اذا كانت مازال الصلاحية ديالها ملي دخل للمغرب سحب بها عادي واذا كانت انتهت الصلاحية ديالها سحب بلا بها ولكن من داخل الوكالة سحب لي بغيتي ولكن غادي يقطعو ليك وثم طلب التجديد ديالها
salam akhi ana ka jeune 3ndo 22ans wach katb9a code 30 CIH hiya ahssn carte o ila non afak bach tans7ni merci beaucoup o bonne continuation !
سلام اخويا من خلال التجربة عندي حساب في سياش وحساب في التجاري وفابنك و البريد بنك
سياش مزيان ولكن كيوقعو فيه مشاكل في التطبيق وفي الشباك والبريد بنك راه معروف الخدمات مزال قديمة شويا الزحام وزيد وزيد انا بالنسبة ليا فتح حساب البنكة ليك اون لاين راه شرحتو في القناة راه مجاني و مكيقطعو والو غير هو خصك تخلي فيه فلوس دائما ماتخليهش سالب او صفر درهم و خدم مرتاح التطبيق زوين عندهم خدم بتطبيق البنكة ليك او التجاري وفابنك لي عجبك راه بحال بحال .
مشكور اخي الكريم على شرحك الوافي
واش اذا بغيت نحول نوع الحساب ديالي الى
bank populaire لان عندي نوع الحساب
pack
واش ممكن
على حسب لقلتي نتا في احد التعاليق بانه اقل تكلفة غير 0 درهم
ممكن ولكن على حسب نوع العمل ديالك والسن مايمكنش يديرو ليك عرض من 18 سنة ل 25 سنة وانت عندك مثلا 28 سنة فهمتي . وأيضا خصك انت تشوف الغرض لي عندك من هاد الحساب يعني واش يكون عندك حساب عادي او حساب للشراء من الإنترنيت من الأفضل تمشي عندهم وشوف الإمكانية ديال التغيير
@@LBANKA.ONLINE الغرض ديالي هو انني نطيح من تكلفة الحساب لكن في نفس الوقت نشري من الانترنيت من ا ل مواقع الدولية
حتاش فاش كنضرب الحساب في اخر السنة مابين البطاقتين
La prima w la i@ard
كنلقى 298 درهم هاد شي بلا اقتطاعات الاخرى
وشكرا لك
بالنسبة للعروض ديال البنك الشعبي عندهم اقتطاعات بزااف كاين عرض واحد مزيان هو ديال الشباب #live من 18 ل 25 سنة و كتاخوذ معه بطاقة la ic@rd فابور وكتلخص فقط 5.5 دراهم في الشهر . انا في نظري شوف التجاري وفابنك او cih bank .
@@LBANKA.ONLINE العرض ديال الشباب لايف عجبني لكن للاسف محدود عند سن 25 سنة
بالنسبة ابناك لذكرتي
cih bank
فيه مشاكيل بزاف مؤخرا قريت بلي تم اقتطاع من الارصدة ديال المستخدمين بدون اسباب ناهيك عن المشاكيل الاخرى لكان سمعو في كل مرة
اما التجاري معندذيش فكرة عليه
انت في نظرك شنو هو احسن بنك لفيه اقل اقتطاعات ممكنة ويكون كيعطي بطاقة دولية
@freeman85ful
3 ديال البنوك حاليا لي مزيانين
التجاري وفابنك , cih bank , bank of africa
التجاري عندو بزاف ديال العروض اذا كان السن ديالك أقل من 35 سنة فتح الحساب من الهاتف ديالك راه سبق ليا شرحتو في القناة .
Cih bank
عندهم كذلك عروض متنوعة ورخيصة فتح كود 30 اذا كان السن ديالك أقل من 30 سنة أو فتح حساب go من الهاتف ديالك واستفاد منو فابور .
بنك افريقيا عندهم كذلك عروض متنوعة كاين عرض Azur كتفتحو من الهاتف ديالك و مجاني من 18 سنة حتى ل 39 سنة ولكن ملي كتدخل في 40 سنة كتخلص 20,9 في الشهر وغادي نشر الشرح ديالو فهاد الشهر ان شاء الله.
خويا الله يحفضك شنو هي لاكارط اللي تقدر تنصحني بها مع العلم انا مشترياتي عبر الإنترنيت
خوذ بطاقة la populaire وطلب معها la icard .
من الأحسن دير حساب #Live وتاخوذ بطاقة La icard فابور
ولكن مع اي عرض خذتيها يعني نوع الحساب لي حل معاهم .
قبل ما تخوذ بطاقة la icard كنت حل حساب هاد الحساب شمن نوع انا قلت ليك اذا كنت مشترك في باقة # live راه كتاخوذها فابور وهادشي لي دايرين حتى في الموقع ديالهم .
Wch fo9 men 25 ans matsl7ch ?
ممكن سوال انا عندي باك اسونسيل ب 14 درهم لشهر ولكن كيقطعولي 55 درهم فكل عام واش بطاقة داخلا معا باك ولا كتخلها خارج باك الله ينورك
دخل للتطبيق ديالك وقلي شنو مكتوب بجانب اقتطاع 55 درهم
اما بالنسبة للباك كيكون عندو ثمن واحد ماشي كل حاجة بوحدها
@@LBANKA.ONLINE fraise carte monétique 55 dh
ومعها 14 اقتطاع الشهري لباك انا بغيت نتاكد واش باك دخلا معاه لكارط مخص يتخلصو علها كل عام 55 درهم
@@abdelhakimabdo8648
واخا اخويا انا غادي نشرح ليك الباقة دائما كطيح رخيصة على كل حاجة بوحدها انت دارو ليك حساب عادي ودارو ليك معه بطاقة لابريما
بطاقة لابريما 55 درهم في السنة
و 15.4 دراهم ديال مصاريف صيانة الحساب
اما انت مادايرش الباك كل شهر وانت أكد ليا شنو مكتوب مع 14 دراهم باش نتأكد مزيان
@@LBANKA.ONLINE
مكتوب 14 commission
ومكتوب 1.4 taxe sur valeurs ajoutées
سولتهم فتلفون قالولي عندك pack essentiel موظف
يعني دبا شفروني
انا غادي نوضح ليك انت عندك
Commission 14 dh
هادي انت درتي شي حاجة في حسابك بحال مثلا سحبتي الفلوس لي دخلو لحسابك قبل ما دوز عليهم 24 ساعة المهم هاد الاقتطاع خاص بشي عملية قمت بها في التطبيق
دابا انت خصك تكون متأكد من أي حاجة
واش أول مرة كيقطعو ليك 14 دراهم ولا كل شهر كتجيك ولا كل عام ؟
و 55 درهم لي مكتوب حداها frais carte monétique يعني الثمن ديال البطاقة ماشي ديال حساب essentiel من أحسن عاود سولهم وقوليهم كيفاش حساب essentiel 14 دراهم في الشهر ودابا كيتقطعو ليا 55 درهم ديال البطاقة و 14 دراهم كل شهر ولكن تأكد من المعلومات عندك تكون نسيتي شي حاجة .
هل يمكن طلب بطاقة ثانية ،مع العلم ان البطاقة الاولى لا زالت صالخة ،لكن السحب اليومي قليل،2000درهم
الحل هو التوجه للوكالة البنكية وطلب تغيير البطاقة ويمكن تغيير أيضا نوع الحساب والباقة لكي يتناسب مع البطاقة الجديدة لكن حاول الإستفسار عن أي شيء لا تفهمه قبل التغيير والتوقيع على أي مستند .
اقتطاع بطاقة أسفار بارك الله فيك؟
معرفتش الثمن ديالها على داكشي ماديرتوش .
واش ممكن نبدل لاكارط من ailes الى prima
بعض الوكالات كيبغيو يبدلو العرض وبعض منهم لا يعني انت وزهرك في الوكالة لي حليتي فيهم واخا منطقيا ممكن تبدل لي بغيتي لكن شنو السبب باش بغيتي تبدل حيت انا فقط ذكرت ثمن بطاقة لابريما اما ملي كتجي في الباقة pack كيكون اقتطاع سنوي اخر .
سلام عليكم اخي البطاقة لمكن ليا نخرج بها الفلوس من جميع الشبابيك من غير شباك ديال الشعبي اوشحال هي الاقتطاعات ديالها في السنة جزاك الله خير
وعليكم السلام اخويا كاين بزااف ديال الحسابات وكتختلف على حسب السن و العمل ديالك !! منقدرش نحدد ليك بالضبط
بطاقة #live يمكن تسحب بيها الفلوس من بايونير
نعم ممكن
خويا انا بغيت كارط على حساب الڤيرمو تاع الخدمة فقط..؟!! باش تنصحني اينا عرض .. وشكرا
قلي السن ديالك شحال ؟ وانا غادي نعطيك اختيارات في 3 ديال البنوك وانت اختار لي عجبك .
@@LBANKA.ONLINE 30عام اخويا
كاين العرض الأول في cih bank عرض كود 30 فابور ما تخلص والو .
كاين العرض الثاني في التجاري وفابنك البنكة ليك فابور كتفتح الحساب من الأنترنيت
وكاين عروض اخرى كتخلص عليها انا غادي نخلي ليك هنا جميع العروض وشوف لي عجبك 👇👇
عروض bank of africa 👇
czcams.com/video/9pe5tN60cdc/video.html
عروض التجاري وفابنك 👇
czcams.com/video/8do6PwNNFE8/video.html
عروض البريد بنك 👇
czcams.com/video/mrfkg9dAAbQ/video.html
وعروض cih bank قريب غادي نحطها اليوم أو غدا ان شاء الله .
Allykhlik mchit lyoma nakhd la carte ana ftht comote atlbt #live dyal les étudiants mais fach mchit lyom 3tawni m3aha hta i card fach rj3t jtachft bli khasni nkhls 3liha wana assln matlbthach homa 3tawehali db n9der nrj3 3ndhom wela la?
على حسب العرض لي دايرين كيقولو بلي بطاقة icard فابور اذا طلبو منك تخلص عليها دير ليها إلغاء من التطبيق او سير عندهم لغيها
أخي الاقتطاعات كاينا الشهرية والسنوية. بالإضافة الى الاقتطاعات السنوية هناك تقريبا 16 درهم اقتطاع شهري أظن لكل بطاقة
لا توجد إقتطاعات للبطاقة بل كاينة اقتطاعات خاصة بنوع كل حساب وغادي نشرحها ان شاء الله .
Khouya ana 3ndi carte bank la prima okay9t3o liya 200 dh fl3am + 16dh fchehar
دخل لتطبيق pocket bank وقولي شنو مكتوب بجانب كل اقتطاع
@@LBANKA.ONLINE kaynin 2 lwla 15 dh mktoba 7daha commission otanya fiha derham ones katbin 7daha taxe sur valeur ajoutée
وانت شنو درتي باش قطعو ليك 15 دراهم سيفطتي فلوس لشي حد
1.5 الضريبة كيقطعوها على مبلغ 15 دراهم كيقطعو 10 % من قيمة المبلغ
سلام هل بطاقة la popailaire visa ممكن نسحب بيها من مواقع ربحية ونسحب من بايبال الا فعلت دوتاسيو
وعليكم السلام لا
اخويا ديجا سولتك عا دابا وسمح ليا واش تجاري وفا بنك احسن حتا من بنك شعبي باقي حاير غير من هاد ناحية صافي
التجاري وفابنك أفضل وفي المرتبة الأولى cih bank هذا رأي شخصي وكل واحد والرأي ديالو والتجربة ديالو لي دوزها مع البنوك .
@@LBANKA.ONLINE وايلي علاش cih في المرتبة الأولى من اينا ناحية ياك كايقولوا فيها مشاكل وعليها زحام
@salaheddineamsterdam6626
اخي شوف لي يناسبك انا قلت ليك رأي شخصي وتجربة شخصية
@@LBANKA.ONLINE صافي شكرا الله اعزك
سلام واش يمكن نغير بطاقة la prima ب la popailire
وعليكم السلام نعم ممكن ولكن داكشي مرتبط بالدخل ديالك والسن ديالك وبزاف ديال العوامل حاول تمشي للوكالة باش تاخوذ معلومات أكثر
Salam koya ana jani salir dyali fach ndir lgichi kanlga bli ksaloni alfayn dh wch i9dr kon mchkil fsistim fhd l3id
وعليكم السلام الشعبي راه فيه هاد المشكل مرة مرة كيوقع فيه ولكن كنظن هاديك لي طلعات ليك راه انت عندك معاهم تسبيق على الأجرة
ممكن تنصحني بشي بطاقة دولية نكون فيها الاقتطاعات قليلة؟
نصحك بي cih bank أو التجاري وفابنك هما لي تحل عندهم حساب وراني دويت عليهم وعلى العروض ديالهم في القناة .
خويا انا موظف وعندي حساب جاري مع البنك الشعبي ومحتاج البطاقة الدولية. واش e-carde صالحة ليا ولا غالية؟ عفاك فيدني الله يخليك
لا ماشي غالية طلبها وخدم بها
@@LBANKA.ONLINE
سمحلي وخا كثرت عليك الأسئلة، انا تنخاف من نسبة 2 في المائة على كل عملية قمت بها. شنو رايك؟؟
2:20
Hadchi 3ndk.mashihch ana 3ndi live wkan9d nkhrj fnhar 5000 dh onta glti katkhrj ghi 2000 dh
سلام فعلا حاليا كتخرج 5000 درهم شكرا على التوضيح ولكن شي حاجة عندي خاطئة متعنيش كلشي خطأ و المعلومات كتغيير من مدة لمدة مكتبقاش كيفما هي بحال شحال تقدر تسحب من اليوم او مدة صلاحية البطاقة وبالنسبة للأثمنة المذكورة ديال البطاقات HT HORS TAXE بدون ضريبة راني ذكرتها في التعليقات وهاد الشرح غادي يتعاود يتحط اخر جديد فيه كلشي ولكن فأول الشرح غادي نوضح بلي المعلومات ممكن تتغير مع مرور الوقت لأن البنك كل مدة كيتخذ اجراءات بحال تغيير البطاقات وغيرها .. والمعلومات فهاد المجال راه قليلة بزااف ✌
خويا الله اجزيك فتحت حساب بنك شعبي عطيتهم شك فيه 10 مليون وشديت روسي وقالو ليا لكارط كيشي غتشديه واحد 10 ايام بغيت نعرف اشمن نوع بطاقة غيعطيوليا حيتاش كاليا موظف على حسب شك مفعمت والو فيدني بارك الله فيك
صراحة منقدرش نعرف دابا حيت كاين تقريبا 15 نوع ديال الحساب ولكن لي غادي يديروه ليك هو حساب الشيك ولكن نوع الباقة pack منقدرش نعرف . أما على حسب لي قال الموظف فراه ما قال حتى حاجة مفيدة غير خربق .
Wach bita9at #live wakha idoz lik fiha salire kayab9aw nafs 9tita3at
نعم
Khoya ana bghit ndir hisb tawfir chkon li mzn carte wal karni
بطاقة أفضل اصلا راه كنظن مبقاش الكارني في أغلب البنوك تلغى عندهم ولات بطاقة توفير .
@@LBANKA.ONLINE momkin tktb liya bilafronsi maroc khoya lah yahfadak jawbni
السلام عليكم واش يمكن بطاقات Lai-cart ندير بها اعلان ممول حتى من الانستغرام
وعليكم السلام نعم ممكن .
السلام وعليكم اخي البطاقة la prima واش مايمكنش لي نخرج بيها اكثر من 2000
وعليكم السلام على حسب تطبيق pocket bank اذا كان فيه إمكانية تتحكم في السقف ديال السحب
ولدي عندي سؤال من فضلك تجاوبني
أنا منذ أزيد من أربع سنوات فتحت كونط غير ب250درهم في البنك الشعبي من يومها لم ادخر فيه ولم اغلقه
اليوم تاصلو بي طلبو مني نسحب بطاقة AILES ViSa من البنك رغم أني لم اطلبها
هل بإمكاني اغلاقها؟
وهل علي واجبات اقتطاعات للبنك؟؟؟
سلام عليكم لا يجب دفع أي مصاريف من الأفضل أن تقومي بإغلاق الحساب نهائيا معهم .
@@LBANKA.ONLINE شكرا لك جزيلا على الإجابة
سلام عليكم
باي بانك تنصحني
وشكرا
وعليكم السلام قلي شحال السن ديالك وشنو الغرض لي عندك من هاد الحساب ؟ واش غير تحط فلوس ؟ تخدم به ؟ تشري من أنترنيت ؟
@@LBANKA.ONLINE غير باش يدوزلي فلوسي ديل الخدمة
كاين بنوك أرخص ولا أنت بغيتي في البنك الشعبي ؟
Comment on peut rechargee la carte asfar enligne merci
مع الأسف معنديش التطبيق باش نشرح ليك الخطوات بالضبط.
بنفس الطريقة بحال virement لشي كونط?
نعم غادي تكون بحال الفيرمون كيفما عند cih bank والبريد بنك
اخي عندي بطاقة la populaire و كيقتاطعولي 40 درهم فالشهر و ملي بغيت نبدل قاتلي لا ميمكنش شنو ندير قهروني هه
سلام اختي ممكن تبدل الحساب لي عندك ولكن داكشي متعلق بالعمل ديالك والسن ديالك بعض المرات مكيكونش خيارات من غير تبدل البنك ولكن اذا قدرتي تتواصل معايا في انستغرام و دير سكرين شوت لداك الاقتطاع ديال 40 درهم في الشهر باش نعرف باش متعلق او انت حدد ليا نوع الحساب لي عندك .
خويا انا حليت كونط فالبنك الشعبي 8 شهر دابا وعطاوني كارط لابريما وعمرني حطيت فالكونط ديالي شي حاجة واش ممكن يسدوه ليا ولا يكون تسد
غالبا تلقى عندك اقتطاعات ولكن قانونيا الكونط ماكيتحركش لمدة عام كيتسد .
salam khoya bikhir /ana 3andi cart la populiare 9ay9at3o liya kola ch har chi 60dh ma3rftch 3lach
وعليكم السلام اخي كيقتطعو ليك ثمن الباقة Pack انت كتكون داير معاهم باقة معينة اما انا فقط شرحت غير ثمن ديال البطاقة بوحدها .
@@LBANKA.ONLINE عفاك حتى انا فلول كنت عملت هاد ل pack حيت مكنتش فاهما و دب بغيت نلغيه مبغاتش ديك سيدة شنو نعمل الله يحفظك ؟؟
اذا مبغاتش تبدلها ليك كيكون المشكل على حسب العمل ديالك او السن ديالك ولكن رغم ذلك كان خصها تبدلها ليك في حالة مبغاتش قوليها اذا مبدلتيش ليا صافي غادي نسحب فلوسي وسدي ليا هاد الحساب دابا .
بمعنى جميع بطاقات البنك الشعبي غير صالحة للسحب عبر باي بال او سكريل
خصها تكون فيزا كارد وتكون دولية باش تسحب بها من بايبال اما سكريل معنديش تجربة فيه .
@@LBANKA.ONLINE
اي تقدر تسجب من باي بال من البنك الشعبي ؟
صراحة مالقيتش حتى بطاقة فيه لي ممكن تسحب بها
السلام عليكم ، الله يخليك أنا عندي بطاقة laprima حطت فلوس وسافرت لدولة عربية ، معرفتش لو تاخرت برا ، شحال قيطعو في السنة مع العلم أنا ماكنستعملش الدارت،
باختصار أنا حاطا فلوس قلال ، ومحتاجاهم خفت نرجع بعد تلات سنين نلقاهم نقصو كتير ، المرجو التوضيح وشكرا،
وعليكم السلام ولكن واش عارفة نوع الحساب او نوع الباقة لي عندك ؟ لأنه أنا في الشرح تحدثت فقط على ثمن البطاقات بدون رسوم HT وليس الباقات .
@@LBANKA.ONLINE شكرا جزيلا ، يمكن جا ري ، لكي أخرج وادخل عادي،
المهم ماشي موظفة في القطاع العام او القطاع الخاص ؟ بالنسبة اذا كنت خارج هاد الصنفين فسيتم اقتطاع 198 درهم كل سنة .
@@LBANKA.ONLINE شكرا على التوضيح ، الله يسر امورك اخي،
انا عند ي بطاقة رزق واش مانقدرش نخرج من شي بنك من غير بنك شعبي حنت قالو لي العكس
اذا قالو ليك العكس صافي خرج بها بالنسبة ليا راه هاد الشرح غادي نعاود نلوح واحد جديد ان شاء الله.
انا ايبقا يصفط ليا الاخ تاعي شي فلوس من خارج المغرب شمن وحدة تنفعني كت واش بنك شعبي مزيانة نيت
واش كيكونو اقتطاعات على كل مرة سحبت منها فلوس لي وصلوني وشحال كيقطعو تقريبا وشكرا
صحح معلوماتك بطاقة اسحب بها 5000في اليوم وليس هناك اي انقطاع فهي مجان
البطاقة la populaire لا يمكن ان تسحب اكتر من 2000 در في اليوم
لم اكمل مشاهدة الفيديو لان باقي البطاقات ليس لي بها علم
المرجو ان تنشر اخبارا تكون موتوق منها
أضف إلى معلوماتك : سقف السحب في البطاقات البنكية او مدة صلاحية البطاقة تتغير مع مرور الوقت قد تكون هذه السنة صالحة لسحب 2000 درهم السنة المقبلة ستصبح 5000 درهم وأيضا يتغير سقف السحب من عرض لآخر وكذلك نفس الأمر مع مدة صلاحية البطاقة قد تكون البطاقة 3 سنوات وبعد التجديد قد تصبح صالحة لمدة 6 سنوات هذه الأشياء لا يمكنني التحكم فيها أخي .
بالنسبة للنشر فدائما أتأكد من صحة المعلومات قدر الإمكان رغم شح المعلومات المتعلقة بالأبناك . وعلى الأقل تعلم دائما شكر الناس على المجهودات التي يقدمونها ✌
Khoya wach icard nkhdam biha 3adi flforex
نعم
@@LBANKA.ONLINE hit kol wahd chno taygol.
Chhal mn wahd gal icard maymnkch tstalm biha lflous mn broker
راني ذكرت في الفيديو غير صالحة لسحب الأموال من المواقع الربحية كيفما كانت .
@@LBANKA.ONLINE Momkin nsift usdt erc20 mn binance lexness ???
Laa
انا عندي بطاقة la prima كيقطعو ليا 15 درهم شهريا كفاش بلان
انا في الشرح دويت على الثمن ديال البطاقات فقط مادويتش على العروض او الباقات وانت عندك الباقة الاسم ديالها "الحساب الشعبي" وكيقطعو 15 دراهم في الشرح والباقات دائما كيكون الثمن رخيص على مصاريف الحساب العادي + ثمن البطاقة .
خويا عفاك جاوبني الله يسهل عليك انا بغيت كارط فالبنك الشعبي خاصة بالتجارة الالكترونية يعني نخلص بيها الادس اشمن كارط غتصلاح ليا
ممكن تاخوذ بطاقة عادية ديال la prima وتطلب معها بطاقة la icard او اذا كنت طالب فتح حساب #live كتاخوذ بطاقة live# و كيزيدوك معاها La icard هي بطاقة دولية ممكن تخدم بها او دير بطاقة واحدة la gold وخدم بها . اذا كنت يلاه بادي في الخدمة سير ل cih bank فتح حساب معاهم فابور وخدم على راسك
خويا انا مشت لبنك طلبت ليهم بطاقة
La icard باش نقدر نشري بيها من المواقع
مع العلم انني عندي بطاقة La prima
ملي فكرت لقيت راسي معندي مندير بجوج بطاقات
واش ممكن نلغي la prima ونبقا نتيري ب la icard ونشري بيها من الانترنت
يعني واش ماشي بالضروري تبقا عندي ديك la prima بلا ميبقاو يقطعو ليا وأنا مكنستعملهاش
@kacemoueto6633
لا بطاقة la prima كتستعملها في السحب من الشباك وبطاقة la icard كتستعملها في الشراء من الإنترنيت مايمكنش تحيد la prima وتخلي غير la icard
@@LBANKA.ONLINE مشكور خويا
دمت في خدمة الصالح العام
مرحبا 🙏
خويا بالنسبه لبطاقة رزق انا عندي حساب التوفير نيت اصبقلي سفطولي فلوس ملخارج يعني صحح معلومتك
مرحبا خويا تصحح ليا ونصحح ليك مكاينش مشكل واش فقط عندك بطاقة رزق بوحدها و حساب توفير ما عندكش مثلا بطاقة اخرى يعني حساب بنكي وقبل مايسيفط ليك الفلوس شنو عطيتيه رقم الحساب البنكي ولا رقم حساب توفير ؟؟؟
اما بخصوص اخي بطاقة توفير او حساب توفير راه غير من المغرب و مايقدرش شي حد يسيفط ليك فيه ماشي حتى من الخارج راه مستحييل راه الشخص لي سيفط ليك من الخارج راه انت عندك حساب بنكي وبطاقة اخرى وفداك الحساب البنكي توصلتي بالمبلغ اما باش يجيك في حساب التوفير ملي تمشي للوكالة شي نهار وسولهم قوليهم واش ممكن نتوصل بفلوس من الخارج لحساب التوفير لي عندي .
@@LBANKA.ONLINE خويا راه هدرت معك عن تجربه سيد كان في خارج المغرب اسفطلي فحسابي باش يكمل فلوس واحد الدار نيت حساب واحد لي عندي هو حساب التوفير وفاش بغا يصيفط عطيتو نمرا ديال لحساب وحد لكود من البنك سميتو كود سويفت تنقولك هادشي بحالي شتيه بعينيك
@@LBANKA.ONLINE اش غنسول اخويا معندي لاش نكدب عليك و الله حتى سيفطلي فداك لحساب لوحيد لي عندي هو التوفير واش كاين لي تيقول لفلوس لا لاش حالين هما
ممكن تتواصل معايا في الفيسبوك او انستغرام !!؟
خويا انا عندي لايف الا شاف شي حد رقم بطاقه البنكيه واش يقدر يشتري ليا فلوس من الحساب
من أحسن ما توريش رقم البطاقة البنكية ديالك وتاريخ الصلاحية ديالها لشي حد غير احتياط اما في الغالب راه مكيوقع والو اذا كنت كتعرف تتعامل مع التطبيق .
واش الڤيرمون بالمجان ف البنك الشعبي
اذا كان عندك الشعبي والشخص اخر عندو الشعبي كيوصلو في البلاصة وفابور
واذا كان عندك الشعبي و الشخص اخر عندو بنك مختلف ماشي فابور .
كاين لي كيوصل في البلاصة وكيقطعو عليه 15 دراهم وكاين لي كيوصل من بعد 48 ساعة كيقطعو عليه 22 درهم .
@@LBANKA.ONLINE😮
👍
Asfar mab9ach kayi3tiwba carte visa kafya
ممكن ولكن راه كاينة في الموقع الرسمي ديالهم .
👌👏
Thanks 😉💪
ممكن تسحب لبطاقة رزق كتر من 2000 درهم فاليوم
لا
خويا الله إخليك انا عندي la populaire ولكن مكفيانيش 4000 درهم في النهار ابغيت ديال 10000 باش تنصحني وكنبغي نشري مره مره من الانترنيت اشنو الحل ولك جزيل الشكر….
سلام أولا كنعتذر على التأخر في الرد لكثرة التعليقات وكترة الانشغالات اليومية لكن دائما أحاول الإجابة في أقرب وقت.
البنك الشعبي عندهم بطاقة la titanium لي كاينة في عرض permium plus ولي كتمكنك من سحب 10.000 درهم يوميا و كيقطعو عليها شهريا 151 درهم HT بدون احتساب الرسوم يعني في المجموع خصك تخلص 1993 درهم منصحكش به ومن أحسن اذا بغيتي بطاقة تسحب ليك أكثر بدل البنك.
@@LBANKA.ONLINE شكرا على الرد ، مزيدا من التألق ان شاء الله
اخي الكريم نسيت لكود شنو ندير
الكود ديال البطاقة لي كتسحب به الفلوس او الكود ديال التطبيق ؟؟
كود سحب النقود وشكرا
توجه للوكالة البنكية لي حليتي فيها الحساب البنكي .
Salam khoya 3afak momkin tnshni bchi cart brit ndir lida3 flforex 3ndi visa populaire mais mahdmatch lia fskril ohta flminsa dyal tadawl mat9blatch lia 3afak nshni bchi cart n9dr ndir biha lida3 osahb
Ana 3ndi banc cha3bi
وعليكم السلام واش بغيتي بطاقة في البنك الشعبي او بنك أخر ؟
Ah fbanc cha3bi
شوف بطاقة La icard كتخلص عليها 86.5 درهم في العام .
Wach akhya n9dar nshb biha lflos flminsa forex
الشعبي كيعطيو للبنات بطاقة ailes الى بغيت نبدلها واش ممكن ؟ واش 300 درهم ف العام ؟
ممكن تبدلها و 300 درهم منقدرش نقولك بالضبط على حسب الباقة لي عندك يعني pack لي مرتبط بالبطاقة البنكية أما في الشرح فقط حددت البطاقات بوحدها وليست في اطار عروض بنكية .
@@LBANKA.ONLINE سولت قالو لي على حساب الباك وعلى حساب الصالير واخا يبدلوها غاتبقا نفس الاقتطاعات ماعرفتش هادشي واش صحيح ولا لا .وقالو لي هديك 380 درهم لي بغا يشريها بوحدها .كيقتطعو في العام 90 درهم على حساب هادشي لي قالو لي
@@deejasol6765
فعلا بعض البنوك مكيبغيوش يبدلو العروض على حسب العمل ديالك و السن ديالك حين كاين عروض مخصصة لفئة معينة ماشي لكلشي . واذا كان الاقتطاع كيجيك بزااف سد معاهم وفتح حساب في بنك اخر
@@LBANKA.ONLINE قال لي بانه كيقطعو 35 درهم في الشهر انا عندي بطاقة محمد السادس كيقتاطعو 25 في الشهر . انا بغيت غا نتأكد واش هديك 390 درهم la carte ailes .واش في العام ولا 4 سنوات وشكرا؟
@@LBANKA.ONLINE مايمكنش نسد حيت عندي كريدي
بطاقة la populaire حيدوها شحال هادي
مازال لحد الآن كاينة بطاقة la populaire !
La gold
Kifach en devis , En dotation
بطاقة la gold en devis هي بطاقة بالعملة الأجنبية
بطاقة la gold dotation هي بطاقة مرتبطة بحساب بالدرهم وخاصة فقط بالدوتاسيون لي كيسمح لينا به مكتب الصرف .
@@LBANKA.ONLINE الله يوفقك
@@Samio98
امين خويا 🙌🙏
La populaire 86,9 dh machi 79 dh
اذا كان الثمن زايد كيكون إما بسبب التكاليف الأخرى
وباش تتأكد دخل للحساب ديالك وشوف الإقتطاع السنوي ديالها شنو داخل فيه أو بسبب بعض الرسوم الإضافية لي مكتعلنش عليه المؤسسة البنكية راه الأسعار لي درتها كاملة من الفيديو مأخوذة من جدول التسعيرات الخاص بالبنك الشعبي في الموقع الرسمي ديالهم .
Wach mzyana
المعلومات راه حطيتهم عليها في الشرح و انت شوف راسك شنو باغية ديري ببطاقة البنكية واش غير السحب والأداء ولا بغيتي بطاقة دولية لي تمكنك تشري من الإنترنيت .
أخي عندي بطاقة populaire كيقطعو لي،44درهم شهريا هل هذا الشي عادي
دخل للتطبيق ديالك وقلي شنو مكتوب حدا داك الاقتطاع ديال 44 درهم ونشرح ليك كلشي .
عفاك اخويا انا فاتحة حساب توفير في بنك الشعبي وكانو كيقطعو ليا منو بززززاف .مشيت واحد النهار خرجت داك الشي لي كان باقي عندى ومن تم ما رجعت عندهم واش معنديش مناش نخاف
معندك مناش تخاف .
@@LBANKA.ONLINEعافك واش نمشي نسدو ولا نخليه دابا تقريبا عام باش سحبت فلوسي
سير سدو أفضل ولكن اذا قالو ليك خلص شي حاجة خليه ليهم و سير بحالك حتى يسدوه لراسهم.
@@LBANKA.ONLINE شكرا بزززاف
كيفاش قطعو لك،ماتيقطعو والو
لم تذكر بطاقة visa
اي نوع بالضبط ؟ فيزا يوجد فيها انواع كثيرة !!
@@LBANKA.ONLINE visa populaire
اظنك صديقي لم تشاهد الفيديو كاملا ذكرتها في الشرح تأكد جيدا 😉
خويا انا حاليا فتحت حساب التوفير وعطاوني بطاقة رزق في حالة بغيت نفتح حساب اخر معاهم باش نستافد من تطبيق بوكيت بنك وبطاقة لي نخدم بيها في الانترنيت واش يمكن نحل 2 حسابات دفعة وحدة ونبقى فيما بغيت نحول من حساب التوفير الى الحساب الاخر او العكس واش يمكن نستافد من هد الخدمة
ممكن تفتح جوج حسابات و غادي يكونو مرتبطين ولكن مسألة التحويل بين حساب توفير والحساب البنكي ديالك ممأكدش منها ونسبة كبيرة غادي يكون في التطبيق pocket bank .
@@LBANKA.ONLINE حيت في سياش كينا هد القضية بغيت غير نعرف واش كينة حتى في البنك الشعبي
@livaevian6187
كاينة تقريبا في جميع البنوك غير في الشعبي ممتأكدش منه
@@LBANKA.ONLINE الله يحفظك حتى تاكد ليا الله ينورك
@livaevian6187
واخا ان شاء الله
درج معانا أخويا راك كدوي غي مع مغاربة ماشي مشارقة خيفهم لا نيفهموكش.
سلام اخي رأيك مقبول ولكن انا كنتحدث باللغة العربية لأنني كنرتاح فيها أكثر ملي بديت وكنظن لغة عربية بسيطة ماشي شي لغة لي فصيحة أكثر و في حالة مفهمتيش شي حاجة انا نشرحها ليك لأنه كاين مصطلحات بنكية في الشروحات وبالعكس ماشي غير المغاربة معانا راه كاين المشاهدين من دول عربية ومقيمين بالمغرب .
@@LBANKA.ONLINE
الموضوع موجه للمغاربة أخويا كون أن البنك الشعبي متواجد في المغرب بوحدو، لا أضن أن المشارقة يهمهم الأمر، ولك واسع النظر
@@redahumanist
نعم اخي بطبيعة الحال ولك أيضا واسع النظر في المشاهدة او البحث عن ما يلائمك .
غريب وانت بم تتحدث الان
اذا كنت تقصدني أخي فأنا حاولت تقديم شروحات بالدارجة أجد صعوبة في التقديم رغم أننا نتحدث بها يوميا ولكن منذ البداية في 2019 وانا أقدم شروحات باللغة العربية فمن أراد متابعتي فمرحبا به ومن وجد صعوبة في فهم اللغة العربية فله كامل الحرية في اختيار ما يريد . ومريضنا مابه باس .
هل بنك شعبي يفعل بايونر
خصك فقط بطاقة دولية وتكون فيزا بحال visa gold
شكرا😄