බෝගම්බර බන්ධනාගාරය - Bogambara prison

බෝගම්බර බන්ධනාගාරය
👌ලෝක උරුමයක් ලෙසින් නම්කර ඇති ලංකාවේ සිපිරිගෙය
පැරණි බෝගම්බර බන්ධනාගාරය ඉතා ඓතිහාසික වටිනාකමක් ඇති ස්ථානයක් වන අතර එහි ප්‍රධාන ගොඩනැගිල්ල 1876 වර්ෂයේදී බ්‍රිතාන්‍ය ජාතිකයින් විසින් ඉදිකර බෝගම්බර බන්ධනාගාරය පිහිටුවන ලදී. බන්ධනාගාර දෙපාර්තමේන්තු ඉතිහාසය තුලද බෝගම්බර බන්ධනාගාරයට සුවිශේෂී වැදගත් කමක් හිමි වේ. වරෂ 1815 න් වසර 61 කට පසුව එනම් වරෂ 1867 දී එංගලන්ත එඩිම්බරෝ වික්ටෝරියා මහරැජිනගේ ඔටුන්න ආකෘතියට මේ බෝගම්බර දඟගෙය ගොඩනංවා ඇත. හිස්‌ පළඳනාව හෙවත් ඔටුන්නෙහි හැඩය විදහා පාමින් දිගින් අඩි 556 ක්‌ද, පළලින් අඩි 144 ක්‌ද, උසින් අඩි 102 ක්‌ වන එකම අත්තිවාරමේ තැනූ මේ මහා ප්‍රාසාදය ආසියාවේම වූ දිගම අත්තිවාරම ලෙස නම් දරා තිබේ. මෙවන් අපූරු ගෘහ නිර්මාණ ශිල්පයක්‌ ඇසුරෙහි වූ මේ ගොඩනැඟිල්ලේ ඇත්තේ දොරටු දෙකකි.
එම දොරටු දෙක ගොඩනැඟිල්ලේ වම්පස හා දකුණුපස ඉදිකොට ඇති හෙයින් එක්‌කෝ වම් පසින් ඇතුළු වී දකුණු පසින් පිටවිය හැකියි. නැතිනම් වම් පසින් ඇතුළුව දකුණු පසින් පිටව යා හැකිය. එනමුදු .......
මෙම ගොඩනැගිල්ල හා කොටු පවුර ඉදිකර ඇත්තේ මෙරට එවකට බන්ධනාගාර පරිපාලක ජෙනාල් හා පොලිස් කොමසාරිස්වරයා වූ N.R.Sondrass මහතාගේ අධීක්ෂණය යටතේ රජයේ වැඩදෙපාර්ථමේන්තුව සහ එවකට සිරකරුවන් 92 ගේ ආධාරයෙනි. මුලු භූමිය හෙක්ටෙයාර් 5596 කි. සිරමැදිරි 04 කින්, සිරකුටි 43කින් සිරකරුවන් 408 ක් දැමියහැකි සිරමැදිරි 328 කින් සමන්විත ගොඩනැගිල්ලකි. ප්‍රථම ජේලරවරයා වන්නේ Wolintan මහතාය.
මෙම බෝගම්බර බන්ධනාගාරය මහල් තුනකින් සමන්විත වන අතර මෙය ලෝක උරුමයක් ලෙසද නම් කර ඇත. ලංකාව තුල මරණීය දණ්ඩනය ක්‍රියාත්මක කල බන්ධනාගාර දෙකෙන් එකක් ලෙසද බෝගම්බර සිර ගෙය ප්‍රසිද්ධිය උසුලයි.
බෝගම්බර බන්ධනාගාරය, ශ්‍රී ලංකාවේ පිහිටි දෙවන විශාලතම සිරගෙය වේ. මෙහි සිටි රැඳවියන් සඳහා තම ආගම ඇදහීමට අවැසි සියලුම සිද්ධස්ථාන ද මෙම බන්ධනාගාරය තුළ ස්ථාපිත කර තිබී ඇත. බ්‍රිතාන්‍ය අධිරාජ්‍යවාදීන් බෝගම්බර හිර ගෙය නිරමාණය කරනු ලැබුවේ අධිරාජ්‍යවාදීන්ට එරෙහිව සටන් කළ දේශප්‍රේමී ප්‍රභූන් හා රදලයන් රඳවා තබනු පිණිස වන නමුත් පසු කාලයේදී දරුණු ගණයේ අපරාධකරුවන්, මිනීමරුවන්, මංපහරන්නන් රඳවා තබන ස්ථානයක් බවට බෝගම්බර සිපිරි ගෙය පරිවර්තනය වී තිබේ.මෙම අති දැවැන්ත බන්ධනාගාර ගොඩනැඟිල්ල අභ්‍යන්තරය ගුප්ත අඳුරින් වැසී ඇත. ලී තරප්පු පෙළෙහි ඇත්තේ බොල් හඬකි. එම බිහිසුණු පරිසරය තුල රැඳවියකුගේ සියොළඟම සලිත කරවීම අරමුණු කොට ගෘහ නිර්මාණ ශිල්පය පවා යොදා ගත් බව පැහැදිලිය.
මෙම බන්ධනාගාරය ස්ථාපිත කර ඇත්තේ ඉපැරණි බෝගම්බර වැව ගොඩ කළ ස්ථානයේ බව ඉතිහාසයේ සඳහන් වේ. එකල මහනුවර බෝගම්බර වැව පිහිටා තිබි ඇත්තේ මෙම භූමියේ බව පැවසෙන අතර, බෝගම්බර බන්ධනාගාරය ඉදිකර ඇති ස්ථානයේ පිහිටි බෝගම්බර වැවේ එදා ඇහැලේපොල කුමාරිහාමි දියේ ගිල්වා මරා දැමීමෙන් අනතුරුව එම මළ සිරුර ගොඩගත් ස්ථානය අදත් මෙම බෝගම්බර බන්ධනාගාරය තුළ දැක ගත හැකි ලෙසින් තැනවූ කුඩා ස්මාරකයක් ද ඇත.
උඩරට ඇතිවූ වියවුල් හේතුවෙන් ශ්‍රී වික්‍රම රාජසිංහ රජු තමා ළඟින් සිටි ඇහැලේපොල නිළමේ සමඟ උරණ වී සබරගමුවට යවා ඔහුගේ දරුපවුල ඝාතනය කිරීමත් සමඟ ඇහැලේපොළ කුමාරිහාමි ඇතුලු තවත් කීපදෙනෙකු බෝගම්බර වැවේ රාජ නියෝග මත ගල්බැද ගිල්වා මරාදමා ලක්මවට කලුපැල්ලමක් එක්කරන ලද්දේ මහනුවර බෝගම්බර වැව අසලදී බව කවුරුත් දන්නා ප්‍රකට කරුණකි. ඇහැලේපොළ මොණරවිල කුමාරිහාමිගේ දේහය පාවි පාවි තිබී, ගොඩගැසු ස්ථානයේ වත්මන් බණ්ධනාගාර බෝධින් වහන්සේ පිහිටුවා ඇත. සිරිවිකුම් රජගේ අවසාන සමයේ රජු සහ දේවේන්ඳ්‍ර මූලාචාරියා ලවා ඉදිකරන ලද, එදවස ටිගොල් කුඹුර හා අලකොල ගොල්ලකුඹුර ගොඩකර සාදන ලද කිරිමුහුද නොහොත් වත්මන් නුවර වැව හා බෝගම්බර වැව යනු වැව් දෙකකි.
එකල කන්ද උඩරට රජු විසින් රජයට විරැද්ධව කෝලහල කළ උදවිය ඝාතනය කරන ලද්දේ වරථමාන මධ්‍යම වෙළෙඳපොලට ඉදිරියෙන් ඇති Hangmans Hills නම් ස්ථානයේය. එදවස පුද්ගලයන් එල්ලා මරන ලදී. නමුත් උඩරට සිංහළ රාජ්‍ය අහෝසිවීමත් සමඟ ලංකාවේ දණ්ඩනීතිය ඉංගිරිසි ආරයට සැකසුනි.
1876 වසරේ මහනුවර බෝගම්බර බන්ධනාගාරය ඉදි වූ පසු එහි මරණ දණ්ඩනය ක්රියාත්මක කර ඇත. ලංකාවේ පළමුවරට, එකවර තිදෙනෙකු එල්ලා මරා දැමිය හැකි ආකාරයේ එල්ලුම්ගසක් නිර්මාණය කර ඇත්තේ ද බෝගම්බර බන්ධනාගාරයේ පමණි. බන්ධනාගාර ගොඩනැගිල්ලේ පහත මාලයේ එල්ලුම්ගස පිහිටා තිබේ. බන්ධනාගාරයේ “ඩී” වාට්ටුව වෙන්වී තිබෙන්නේ මරණීය දණ්ඩනය නියම වූ රැඳවියන්ට හා මරණීය දණ්ඩනය ඇපිල් කළ රැඳවියන්ටය. බන්ධනාගාරයේ බිම් මහල, ජීවිතාපේක්ෂාවන් දුරස් කළ මරණීය දණ්ඩනයට නියම වූ හා මරණීය දණ්ඩනයට අභියාචනා ඉදිරිපත් කළ රැඳවියන් වෙනුවෙනි.
මරණ දඬුවමට ආසන්න දිනයන්හිදී දඬුවම නියම වූ තැනැත්තා දිනෙන් දින කාමර හතක්‌ හරහා විත් පෝකරය අසල මැදිරියට එයි. එහිදී තමන් කැමැති ඕනෑම ආහාරයක්‌ අනුභව කිරීමටත් නිවැසියන් බැහැ දැකීමටත් හැකි වුවද දඬුවම් ලැබූ කිසිවෙක්‌ එහිදී ආහාරගත් බවක්‌ හෝ නිවැසියන් සමග දොඩමළු වූ බවක්‌ සඳහන්ව නැත.මහමෙරක් උසට ජීවිතාපේක්ෂාවන් පොදි බැඳ ජීවිතයේ එක්තරා නිමේෂයකදී ඒ සියල්ලටම සමුදීමට සිදුව මරණය එනතුරු බලා සිටින මිනිසුන් අඩි 10x10 කුඩා අඳුරු කුටියක සිර කළ කල්හි ඔවුන්ට කුමක් දැනුනු හැඟීම හා ජීවිතයේ බරැතිම වේදනාවෙන් මඩිනු ලැබූ ඔවුන්ට ලොවට කීමට යමක් තිබේද?

[@jayanathsamaranayake1618]

ආ...නියමයි මල්ලි...හරිම වටිනවා...ජයවේවා තෙරුවන් සරණයි ...🙏❤🌻

[@nayomidealwis3447]

අහම්බෙන් ලැබුණ අවස්ථාවක්.... මේ විස්තර බෙදා ගත්තට ස්තුතියි .. ජය වේවා...

[@shashikaliyanage7660]

Program eka hondai malli.godak sthuthi.oyata jayama wewa🌷🌷🌷🌷

[@DulipWickramasinghe]

බොහොම ස්තූති ❤

[@maheshipramuditha9343]

ගොඩක් වැදගත් දෙයක්..ස්තූතියි..❤

[@badrawikramasingha8183]

අඩේහ් මගෙ කොල්ලො...❤නියමයි

[@hemalmohottala4720]

ලස්සන වැඩක් මල්ලි. 👍❤

[@user-yx8vi9cz5l]

Great Job malli..! Keep it up.

[@ravipannila4335]

ලස්සන වැඩක්

[@dineshtheja6191]

👍

[@asinihasoga1611]

❤

[@nadeegamage5495]

😳

[@UthumImesh-vq3rs]

බලන්න යන්න පුලුවන් කවද්ද මේක..ප්‍රවේශ පත් ගනන් කීයද

[@dulaniwalpola3214]

ඒ උනාට වැලිකඩ බන්ධනාගාර යේ එල්ලුම් ගහ හොදට තියේනේ.ඇයි මේකේ ගරාවැටිලා

[@DulipWickramasinghe]

මේ බන්දනාගාරෙ බාවිතයෙන් ඉවත් කරල තියෙන්නෙ....

[@nethu225]

මමත් පුතාව අරන් එනවා පෙන්නන්න

[@DulipWickramasinghe]

🌹

[@UthumImesh-vq3rs]

බලන්න යන්න පුලුවන් කවද්ද මේක..ප්‍රවේශ පත් ගනන් කීයද

[@UthumImesh-vq3rs]

බලන්න යන්න පුලුවන් කවද්ද මේක..ප්‍රවේශ පත් ගනන් කීයද

[@DulipWickramasinghe]

බලන්න යන්න පුලුවන් රුපියල් 100 ප්‍රවේශ පත්‍රයක්.