هل نقدر نسيطر على الوسواس القهري مع دكتور عمرو يسري | Can we control OCD
Vložit
- čas přidán 2. 01. 2023
- مرض الوسواس القهري تقريبا كل الناس سمعت عنه بس مازال في لَبس غي المرض دا عند ناس كتير من أصحاب المرض نفسه و الأهم كمان ممن حولهم
عايز اقول كلمتين عنه، من أشهر الأسئلة اللي بنتسألها ألا و هي اولا أنواعه ، اشهر حاجة فيه ان الناس بتتصور ساعات ان الوسواس القهري ان الناس بتهتم بالنظافة و بس
حقيقة الأمر ان النظافة و الاهتمام بالنظافة سواء الشخصية او نظافة المكان اللي حواليا و كذلك النظام ان الحاجات تبقى متنظمة
الناس لما بتعلى في درجات الوسواس اوي بيقضوا معظم وقتهم يعني ٨٠ % ل ٩٠ % من وقتهم بينضفوا ، بينظموا بيحَسوكوا
حد بيقعد يتوضأ فترات كتيره جدا يقعد في الحمام ٣ ل ٤ ساعات او في الصلاة يفضل يصلي ساعتين تلاتة الفرض ف على ما يخلص الفرض دا يكون دخل في اللي بعده دخل
الحقيقة ان الاقوى و اللي أصبح دلوقتي مشهور و بنشوفه كتير ان الناس اللي بتيجي تبكي بدل الدموع دم لان عندها افكار تجاه الذات الإلهية لا تصح و لا تليق
منها و العياذ بالله السَب - سب الذات الإلهية- و الحقيقة الناس بتقعد تشكك في نفسها
هيقولي هو انا كفرت ؟ و معظم اللي بيجوا طبعا بيبقوا ملتزمين بطبيعة الحال
عشان كدة هو داخل في صراع مع نفسه ف بنقول لهم
يا اولاد الحلال هو انت مستمتع بالفكر دا ؟
يقولي لأ طبعا دا انا عايز انتحر
ليه يا حبيبي عايز تنتحر؟
من كتر ما انا مش قادر استحمل فكرة ان انا بقول كلام زي دا على الله سبحانه وتعالى
سؤال تاني مهم اوي عايز أشاور عليه هو
هو احنا بنقدر نسيطر على الوسواس القهري و لا لأ ؟
كتير من أهالي المرضى ما عندهمش العلم بيجوا على ولادهم او أهلهم
بس يا حبيبي قرب من ربنا شوية
يا سيدي ما انا مقرب من ربنا بس مافيش فايده
لان الوسواس القهري عبارة عن فكرة غصب عني بتفرض نفسها عليا و الفكرة دي مش بتاعتي و معرفش جايالي منين و ساعات الناس توسوس كمان لدرجة انهم بيفتكروا ان هما اللي جايبين الفكرة مع انهم رافضنها
مرض مزعج جدا جدا و ليه درجات عديدة
قصة السيطرة الإرادية على المرض يعني الواحد يقدر يتحكم في نفسه
ممكن تبقى موجوده في دخلة المرض و الأعراض بسيطة او بنشوفها احنا كأطباء لما المريض يبتدي علاج و هو بيخف
ف لو قلنا مجازا كدة ان العرض الواحد للوسواس من ١ ل ١٠
من ١ ل ٥ لعل المريض يقدر شوية بإرادته يسيطر على الفكرة
يسيطر على الفكرة يعني ايه؟
الفكرة الوسواسية بتبقى عاملة زي المغناطيس
المغناطيس دا بيشد الانتباه ، لو انا الارادة بتاعتي شغالة بقدر اخد الإنتباه بتاعي تاني من الفكرة المرضية و اروح اعمل حاجه تانية عادية في حياتي
اشتغل و لا اتفسح و لا اكل و لا استحمى عادي و لا اقعد مع اصحابي إلى اخره
إنما لو الفكرة قوتها و العرض قوته زاد عن ٥
الرادة البني آدم بيفقد السيطرة عليها خالص
في الحالة دي لا محال من ان المريض يبتدي علاج دوائي بتاع الوسواس القهري و ربنا سبحانه و تعالى يجيب الشفا
مشكله تانية شهيرة جدا عند أمراض الوسواس القهري انهم ساعات لما يبتدوا و لما نكتب لهم علاج من قبل ما يبتدوه يبتدوا يوسوسوا على العلاج نفسه يبقى هو في عز ال handicap الشلل الحركي الاجتماعي او الوظيفي إلى اخره
تقول له يا سيدي اتفضل العلاج و ناخد بالسبب و ربنا يجيب الشفا
لأ بس اصل العلاج هيعملي كذا
و ساعات ناس تانيه لما تبتدي العلاج
الوسواس يبتدي يخف يا اما بيتعنتروا و يقوموا مبطلينه ف الأعراض بترجع تاني تعلى او انهم بيبتدوا يركزوا في الآثار السلبيه و الجانبية بتاعة العلاج
حقيقة الأمر ان الطب معني بالتعامل مع الأمراض و الأعراض المرضية
طيب هل في علاج في الدنيا مالوش آثار جانبية؟
ساعات يعني تندرا كدة نقول هو الواحد لو اكل ٣٠ حتة لحمة في الوجبة و لا ٦ أطباق رز هي دي مالهاش آثار جانبية! اي حاجة بتزيد عن حدها ليها آثار جانبية
و من الأدوية اللي احنا بنكتبها ال FDA او المنظمة العالمية المعنية بال approval انهم يثبتوا ان الدوا دا صالح بيخلونا نكتب أدوية بجرعات معينة بيبقوا دي الجرعات الآمنة للجسم فترة معينة و تركيبات معينة او الدوا دا لازم يتاخد لوحده
و في الحتة دي بأُشير إليها علشان بردو الناس اللي بيتعنتروا و بياخدوا أدوية من دماغهم
ميصحش ابدا لان ممكن يدخلوا نفسهم في مشاكل كبيرة ما يعرفوش يخرجوا منها
من الأسئلة أيضا الشهيرة جدا جدا المتعلقه بالوسواس
هو انا هفضل اخد الدوا طول عمري؟
حقيقة الأمر انه زي أى مرض تاني لو هو مزمن اه بيبقى في مادة ناقصه في الجسم مثلا و بعوضها من بره او بأخد مادة من برة تانية بتنشط المركز اللي بيفرز المادة دي ف بفضل عايش حياة طبيعيه
كدة يبقى لازم اخد العلاج طول عمري زي أمراض شهيرة جدا منها الضغط والسكر مثلا معظم الناس بيبتدوا العلاجات بتاعتها و ما بيبطلوهاش و لو بطلوها هيتعبوا و خدوها الدنيا استقرت و استقام حالهم و صحتهم بقت تمام
و النوع التاني ساعات بيجي بعض الأعراض مخففة و بتكون مابقلهاش كتير قوي و بندي علاج لفترة مؤقته و بعدين توقف الدوا و ربنا يجيب الشفا و ما يحتاجوش دوا تاني
بعض هؤلاء الأشخاص بينتكسوا مع الوقت و الانتكاسات في الطب النفسي هنبقى نتكلم عليها بالتفصيل ان شاء الله في اوقات تانية
ليها علاقة بال
seasonality & periodicity
يعني الموسمية و التكرار يعني تلف و تيجي تاني زي كتير مشهور اوي الاضطرابات الوجدانية
هنتكلم ان شاء الله عنها
لعل مريض الوسواس القهري ربنا اكرمنا على الأرض في الزمن ده بإن ليه علاج بإذن الله الرحمن شافي كلما ابتدينا فيه العلاج بدري كلما النتايج بتبقى افضل على مستوى سرعة التحسن و على مستوى السيطرة الكاملة على الأعراض و أضعف الإيمان بدل الحجم بتاع المرض ما هو عمل شلل تام لحياة البني آدم بيعمل تحسن شوية
الأدوية بتخلي البني آدم يعرف ياخد و يدي مع الدنيا لدرجة ان اللي عندهم وسواس من و هم صغيرين بس الوسواس بسيط زاد عندهم في سن ٣٠ او ٤٠ ما بقوش قادرين يعيشوا لما بيبتدوا علاج بيقولوا لنا ياااه دا حتى قبل ما احس بالأعراض الكبيرة دي دا انا ما كونتش عايش بردو كويس
ما شاء الله د. عمرو ربنا يبارك فيك و يديك الصحة والعافية يارب Bravo كمل مفيده جدا في ميزان حسناتك يا رب
صح لاحول ليهم ولا قوة دورنا اننا ندعمهم في علاجهم بالكامل كأهل شكرا جدا للمعلومات ولتعبك ومجهودك دكتور عمرو♥️
ربنا يحفظك❤❤❤
ربنا يباركلك يا دكتور يارب حضرتك فعلا احسن دكتور نفسي لعلاج الوسواس القهرى كفايه معاملتك مع مريض هفضل ادعي لي حضرتك طول العمر
معلومات قيمة و الموقع رائع و ان كنت اود ان اري بشاشة حضرتك بعيد عن الشمش التي تقبض الوجه و المكان المظلل يصنع البشاشة
well done doctor
best regards and reconcile
بستخدم لوسترال أقراص منذ فترة طويلة
عن انو وسواس بتحكوا وغيري بوسوس ووواسواسو قدي عالف اذا اني بوسوس
ياريت ي دكتور تنزلنا فيديو عن طريق التغلب على الوسواس عشان يعلم الله ان الواحد تعب بسببه ومش قادر اوصل لحضرتك نظرا لاني ساكن في الصعيد
شكرًا لتواصلك معنا، لحجز موعد في العيادة في أحد المواعيد المتاحة التالية عن طريق الاتصال او الواتساب
📞 +201116886876
المواعيد بأسبقية الحضور
الأحد من الساعة ١٢ إلى الساعة ٦
الاثنين من الساعة ٢ إلى الساعة ٦
الأربعاء من الساعة ٢ إلى الساعة ٨
المواعيد بالحجز و الدفع المسبق
الخميس من الساعة ١٢ إلى الساعة ٤
العنوان: ١/٤ عمارات نيركو الجديدة - زهراء المعادى- القاهرة
ربنا يشفي مرضانا جميعا 🤲
يمكنك الاتصال بالعيادة في المواعيد الموضحة للإستفسار عن الكشف اونلاين
دواء fluoxetine..يشفي من الوساوس..
هل شفيت ؟
Such an informative video🫶🏻. I would recommend lessening the camera's positions transition though.
Thank you for your feedback
This shall be considered in new videos creation
د. ما هو الحل؟
انا مقيم خارج الوطن العربي، وأبني يعاني من كل هذة الاعراض😢 لااا أعرف ماذا أفعل
وما الحل
هو في العشرينات من العمر
يمكنك الاتصال بالعيادة في المواعيد الموضحة للإستفسار عن الكشف اونلاين
شكرًا لتواصلك معنا، لحجز موعد في العيادة في أحد المواعيد المتاحة التالية عن طريق الاتصال او الواتساب
📞 +201116886876
المواعيد بأسبقية الحضور
الأحد من الساعة ١٢ إلى الساعة ٦
الاثنين من الساعة ٢ إلى الساعة ٦
الأربعاء من الساعة ٢ إلى الساعة ٨
المواعيد بالحجز و الدفع المسبق
الخميس من الساعة ١٢ إلى الساعة ٤
العنوان: ١/٤ عمارات نيركو الجديدة - زهراء المعادى- القاهرة
ربنا يشفي مرضانا جميعا 🤲
ممكن عنوان العياده
١/٤ عمارات نيركو الجديدة زهراء المعادى القاهرة
@@dr.amryosry شكرا يادكتور
أنا لازم اجي العيادة ولا ممكن عن طريق النت
شكرًا لتواصلك معنا، لحجز موعد في العيادة في أحد المواعيد المتاحة التالية عن طريق الاتصال او الواتساب
📞 +201116886876
المواعيد بأسبقية الحضور
الأحد من الساعة ١٢ إلى الساعة ٦
الاثنين من الساعة ٢ إلى الساعة ٦
الأربعاء من الساعة ٢ إلى الساعة ٨
المواعيد بالحجز و الدفع المسبق
الخميس من الساعة ١٢ إلى الساعة ٤
العنوان: ١/٤ عمارات نيركو الجديدة - زهراء المعادى- القاهرة
ربنا يشفي مرضانا جميعا 🤲
يمكنك الاتصال بالعيادة للإستفسار عن الكشف اونلاين
العيادة اجازة يوم الأحد القادم الموافق ١٣ أغسطس
يا دكتور من فضلك ساعدني تعبتتتتتتت ولله تعبتتتتتتتت😩😩😩😩😩😩😩😩
شكرًا لتواصلك معنا، لحجز موعد في العيادة في أحد المواعيد المتاحة التالية عن طريق الاتصال او الواتساب
📞 +201116886876
المواعيد بأسبقية الحضور
الأحد من الساعة ١٢ إلى الساعة ٦
الاثنين من الساعة ٢ إلى الساعة ٦
الأربعاء من الساعة ٢ إلى الساعة ٨
المواعيد بالحجز و الدفع المسبق
الخميس من الساعة ١٢ إلى الساعة ٤
العنوان: ١/٤ عمارات نيركو الجديدة - زهراء المعادى- القاهرة
ربنا يشفي مرضانا جميعا 🤲
خوذ دواء prozac 20. وسوف تشفى نهائيا...
انا شفيت تماما...لمدة سنة على الاقل..
انصحك باستشارة الطبيب النفسي..
الله يشفيك ويعافيك
سلام وعليكم @@kriss8874
السلام عليكم أختي الكريمة أنا سيدة في55 أعاني مما أنت فيه كان عندي ورد يومي أقرأه بعد صلاة العصر الآن بسبب الوسواس لا أحمل المصحف من الخوف أن تهاجمني أفكاري فأصبح في حزن شديد أخذت موعد معا الطبيب لكنه بعد أسابيع هنا في فرنسا لا بد من موعد والإنتضار صعب على نفسي مررت بنفس الرحلة العلاجية و كلما انقطعت عن الدواء عاد الوسواس و بقوة وأدخل في الإكتآب أتمنى لك لي أن تعود الحياة في قلوبنا لأن الوسواس يطفئها لكن الفرج قريب أتمنى أن تكوني بخير الآن شفائك يعيد الأمل لنفسي.
انصحك بمشهاده حلقات مثنى عطار راح ترتاحي وتنسين مرض
السلام عليكم يا دكتور
انا بعانى من وسواس قهر ى ما يقرب من ٢٠ سنة وكل مرة كنت باخد العلاج الدوائي وبرجع تمام امارس حياتى بشكل طبيعى من ٢٠٠٣ الى ٢٠١٠ كنت باخد علاج من ٢٠١٠ الى ٢٠١٧ كنت موقفة علاج وكنت مشغولة بس كان كل رمضان مزاجى يتغير مع العبادات لان الوسواس اوله كان موت ودينى من ٢٠١٧ اتنقلت من شغلى لمكان تانى وفوجئت انه رجعلي تانى بنوبات الهلع والرغبة المستمرة ف الحركه وزيادة الافكار دون سيطرة ورجعت الطبيب واعطانى علاج وجلسات سلوكية وصلحت فيها نظرتى لنفسى وثقتى ف نفسى زادت واتشفيت منه ورجعت لطبيعتى وكنت كويسة جدا وناجحة ف شغلى ثم عاد تانى بعد ما قللت العلاج ايام كرونا واضطرينا للجلوس ف البيت وهنا جالى خوف من المرض ومن اذى النفس ورجعت جرعة العلاج زى ما كانت وقعدت ٣ سنين كويسة جدا وكنت شاغلة نفسى بحاجات كتير وكنت حاسة انى ف احسن حالاتى النفسية وقللت العلاج من نفسى كنت باخد باروكستين كنت باخد اتنين ف الاسبوع وبعدين قلتلها لواحدة ف الاسبوع وساعات كنت بطنش اخدها كنت حاسة انى خلاص بقيت كويسة جدا ومش محتاجاه الى ان وقعت واصيبت بكسر ف رجلى شهرونصف فى الاول قعدت ف البيت ٢٣ يوم كنت كويسة فيهم جدا ومواظبة على عباداتى من بعد رمضان وكنت مبسوطة جدا الى ان شفت بوست على الفيس عن وفاة شخص وتأثرت ويومها معرفتش انام بليل وحصلت رعشة ف جسمى من الخوف وساعتها قلت لنفسى انى هيحصلى زيه ولكن بدون افكار زائدة وبعدها بقيت احس بهزة الاعصاب فى راسى وجسمى وبقيت اذكر الله طول الليل وبقيت مفيش نوم ولا شهية ووزنى نزل جدا بس بدون نوبات الهلع اللى انا متعودة عليها ولا الاحساس بالحركة الزائدة ولا كثرة الافكار ورجعت اخد البرشام تانى يوميا وبعدها بدات تظهر الوساوس كنت سب للذات الإلهية فقط ودماغى بقت بتسترجع كل الوساوس اللى كانت بتجينى قبل كده ولما الاقى حد بيذكر الله اركز ف الموضوع ولما انا بذكر ربنا بستغرب نفسى ولما بلاقى اى شئ اقول عليه كده من داخلى وبتدت تزيد معايا وتتوسع بس ده تفكيرى العادى مش افكار زائدة وتركت كل حاجة حبى لشغلى وكل اهتماماتى ومبقتش بفكر غير انى ازاى انسى ده وارجع زى الاول وبقيت خايفة اسمع القران لحسن اقول حاجة وحاسة انى بقيت من جوه نفسى مش كويسة وبتفكر فى حاجات بتضايقنى عن الله وانا مش راضية عنها بقيت اصلى وادعى كتير انى ارجع زى الاول وبقيت بدور ف حلقة مفرغة وكلمت الطبيبة زودتلى جرعة العلاج سيروكسات ٣٧.٥ ابتديت اتحسن شوية بس ما زالت كل الوساوس ف دماغى ومش بفكر فى اى حاجة غير انى اخلص منها وارجع لطبيعتى ودايما بفكر ف شكلى قبل ما يحصل كده كنت مبسوطة جدا ف شغلى وعلاقاتى بالناس حتى الناس ف الشغل بيقولولي انتى مالك حزينة كده ليه ولما بروح الشغل بحس انى غريبة عن كل الناس اللى حواليا وانا ازاى بفكر ف كده ومش بفكر فى اى حاجة من امور الدنيا مبقاش عندى امل ف اى حاجة ولا بقى عندى اى احتياجات زى كل الناس ولا عندى اهداف احققها ومعظم تفكيرى سلبى ف اخرة اللى انا فيه ايه وان ربنا هيزعل منى رغم انى مواظبة على كل عباداتى زى ما انا بس مش حاسة بيها واصبحت بلا مشاعر ممكن حضرتك تساعدني ازاى ارجع شغفى ف الحياة وازاى ارجع افكر ف حياتى زى الاول لو فى خطوات معينة اطبقها مع نفسى لانى حاسة انى ضايعة انا بقالى ٤ شهور على نفس الحال مع اخذى للعلاج ولا جديد غير انى بقيت بنام نوم متقطع وباكل عن الاول هل اللى بيحصلى ده يعتبر وسواس بس غير طريقته ولا ده منى انا وسوست نفسى ودخلت ف هذه الحالة لان بحس ان الحاجات دى بتخرج منى وفى الفاظ وحاجات صعبة بتلاقيها جوايا رغم انى على خلق وعمرى ما قلت الفاظ وحشة ولا بحب الهزار حتى بكده ممكن حضرتك تقولى مكن اساعد نفسى ازاى وهل برمجة العقل الباطن مفيدة ف حالتى ولو مفيدة اطبقها ازاى من فضلك واقول لنفسى ايه
اسفة على الطالة ياريت حضرتك تساعدني ربنا يجازيك الف خير
انصحك بمشاهده برنامج مثنى عطار راح تنسين مرض اسمه وسواس