【大埔家姐帶路之大埔名物尖叫系列】今集繼續對唔住大家睇片時煩請降低音量|繼續創造慘痛回憶|大埔名物14粒|藥房名貓叮叮噹噹|極度崩潰雀屎路|「椰青」咁大個布甸包|大埔人真係好好|大埔一日遊齊來找共鳴
Vložit
- čas přidán 8. 06. 2022
- 【大埔家姐帶路之大埔名物尖叫系列】今集繼續對唔住大家睇片時煩請降低音量|繼續創造慘痛回憶|大埔名物14粒|藥房名貓叮叮噹噹|極度崩潰雀屎路|「椰青」咁大個布甸包|大埔人真係好好|大埔一日遊齊來找共鳴
繼上集長洲家姐之後,今集邀請到大埔家姐帶我遊足全日大埔~對於大埔嘅回憶仲停留係上年夏天,慘痛嘅玩水繩索尖叫經歷,一心諗住今集嚟大埔開開心心,點知都係忍唔住突發尖叫,對唔住大家,觀看影片時煩請降低音量,多謝合作。
未去玩,先去醫肚,大埔出名多嘢食,大埔家姐唔係帶我去熟口熟面嘅大埔墟熟食中心,而係去三不館車仔麵,呢間鋪頭好巴閉,如果晏少少到,免不了要排隊,大埔家姐話有時叫foodpanda要等超過一個鐘添呀!入到鋪頭,先唔講佢啲嘢食,單係姐姐嘅服務態度都俾足滿分!嘢食方面,記得要試佢哋嘅辣汁,香辣惹味,終於明白點解咁受歡迎。食嘅時候一定要落菜脯,甜甜辣辣,好食到自己買咗一樽返去做手信^^
第二間TakEateasy X FirsTeǎ,相信大家係IG都見過唔少佢哋嘅比利時玉桂蘋果餡格仔餅,Igable之餘,又係大埔人鍾意嘅嘢食!不過我自己對於蘋果餡格仔餅冇太大興趣,反而另一間麵包店仲吸引我@@
就係煒成麵飽,之前佢哋嘅焦糖布蕾法包曾經停售,依家終於有返,去到大埔一定要買返個食,勁好彩撞正出爐時間,輕輕鬆鬆就買到~見到實物估唔到佢成個「椰青」咁款!仲要$20咋,經濟實惠又美味,入面嘅蛋漿呈半融化狀態,家姐都忍唔住買多個返屋企食呀xd
最後一間,家姐推薦榕基滷水,轉咗新鋪,位置坐得更舒服~鵝肉鵝腸同滷豆腐必食,啲鵝肉又真係幾嫩,鵝腸又真係爽脆喎!可以試埋佢哋嘅辣汁,香而不辣,果然冇介紹錯。
唔知大家平時去大埔會食啲咩呢?
今次食嘅都係大埔人平時食嘅嘢為主,雖然唔係最出名嗰幾間,但呢幾間絕對唔差!同家姐行咗成日,先知原來大埔真係好大,你哋又行勻晒成個大埔未?
今集依然係資訊性滿滿+大埔人共鳴系列。好似大埔名貓、雀屎路同14粒等等,一講完大家都明㗎啦~片入面大埔家姐講嘅3樣大埔名物,你哋又認唔認同呢?唔准諗即刻答:講底3樣大埔名物!
*特別鳴謝大埔家姐
三不館車仔麵
地址:大埔廣福道88號地下
兩餸一麵 $34 (秘制香醬鳳爪、滷水鮮豬大腸)
三餸一麵 $42 (醬燒豬頸肉、清甜蘿蔔、蠔油冬菇)
茶記奶茶 $22
金牌口水雞 $32
TakEateasy X FirsTeǎ
地址:大埔寶湖道3號寶湖商場2樓227F號鋪
比利時玉桂蘋果餡格仔餅 $29
百香火龍龍井茶 $29
黑糖珍珠奶茶 $32
煒成麵包食品店
地址:大埔同秀坊11號地鋪
西米布甸 $11
焦糖布蕾法包 $20
榕基滷水專門店 1992
地址:大埔廣福道97-99號地鋪
招牌滷水獅頭鵝(例) $80
爽脆滷鵝腸 (一兩) $19
滷豆腐 $12
撰文、主持:Yvonne Lam
攝影、剪接:Doris Wong
美術:Anita Lam
延伸閱讀:
【長洲家姐帶路之長洲2.0】
/ cdkzvpcnofv
【18區去玩-大埔林村訓練營】
• 【18區去玩-大埔林村訓練營】
【18區去玩-大埔林村訓練營2.0】
• 【18區去玩-大埔林村訓練營2.0】
【18區去玩-大埔小白鷺水上運動競技場】十米滑梯刺激到Y小編講粗口
• 【18區去玩-大埔小白鷺水上運動競技場】十米...
這位女主持嗰把聲音好嘈!
睇完之後真係覺得感覺好差 嗰女主持好似好高貴 去大自然地方 但又怕又大叫 老實講唔係四處都只會有可愛貓貓 🐱如果真心驚 不如安排去食米之蓮餐廳
條女把聲好煩,大驚小怪,佢個髮型好唔掂
剪走大呼小叫的鏡頭比較好 🙉
對嗰啲農家仔菜檔非常反感,張公共地方霸晒來擺貨又整到週圍非常污糟,而且對政府罰款唔放在眼內,極其霸道!咁嘅菜檔最好全部消失!
做乜成日遮住家姐個樣啫 又唔係冇影過☹
條女真係好多懶音,唔掂又唔靚幾時先換人
我在錦山村長大,在60年代的林村河,好多人在林村河游水的,也常見婦女在河邊洗衫。70年代起,污染嚴重,林村河有了一個別名,叫做黑龍江,80年代後有河道工程展開,河水經過40 年,才漸有好轉🎉
呢集好睇又好笑,幾鍾意睇家姐系列,雖然家姐唔能夠代表哂嗰區嘅街坊口味,起碼都有新角度睇吖~
阿婆豆腐花 成個大埔最好食㗎 冇一個做到 嫩滑 到咁樣㗎 如果你有話好食嘅 介紹下 成個大埔搵唔到第二間
好幽默,風趣,輕鬆開心謝謝推介!❤
大埔有咁多鷺鳥就係因為你地最後介紹嗰個「景點」,運頭角呢個小山丘,其實有個名堂:「大埔鷺鳥林」,就如其名,係鷺科鳥類聚居點。喺大埔,人類有舊墟(風水廣場嗰頭),新墟(大埔墟四里同舊街市)同埋大埔中心,仲有個工業邨(而家改稱為創新園),鷺鳥們都唔輸蝕,自己喺個山頭度有個墟,仲帶挈埋吐露港長年一大群鷺鳥集結覓食,乃大埔區一大壯觀景點。據某考古研究(來源請求?🤣),大埔早喺一千年前開始已經有呢班恐龍(當然包埋佢地嘅歴代祖先啦。p.s.鳥類都係恐龍嚟)聚居,分分鐘仲歴史悠久過我地人類,佢地先係真真正正嘅原居民🤣。呢個亦係香港其中一個「具特殊科學價值地點」,而且罕有有鷺鳥林如此接近人類聚居點。
丫小编咁驚嚇小昆蟲就米出黎拍大自然feel喇
這一間的車仔麵, 我有食過, 水準一般, 但是價錢就貴一些🙄
I lived in Tai Po for 25 years, and lived for over 30 years in the New Territories East, I never seen there have many Delicious food all over Tai Po District where of I live.
星期四見到y小編好開心
又見Y小編,多d出鏡呀!❤️❤️
哇!個包好想食呀😋😋
富善街,以前係布行,單車舖多,富善街車平到垃圾站左前有個街市,街市右手邊林村河有木屋街市,仁興街以前得3間棺材鋪,點叫棺材街,唔好亂來啦,查清楚先講,去睇返(女人四十)(雞同鴨講)啦,兩套戲都有睇到呢兩條街,圖書館有相片放大左富善街㗎,大埔藥房出名係廣福道間藥房貓(啊七)。
大埔好正