٥ حاجات ممكن يعملها النرجسي لو قطعتي عنه كل وسائل الاتصال بيكي(No contact) ....... كوثر سند

النرجسي حيعمل ايه لما تقطعي التواصل معاه وتعملي no contact ٥ احتمالات او توقعات
بما ان النرجسيين بشر زينا ومش زينا فهم بتختلف ردود افعالهم من واحد للتاني لكن كل ردود الافعال بتكون في نطاق الندالة برضه ، المهم عشان كدة حيكون فيه عدة ردود افعال حنعرضها يعني تعتبر احتمالات وممكن نرجسي واحد يعمل اكتر من رد فعل منهم وممكن يجربهم كلهم على حسب وضع كل واحد ووضع شريكته .
١- ممكن يكون رد فعل النرجسي عنيف جدا على قطع التواصل اللي انتي عملتيه خصوصا لو هو مالي ايده منك وعارف انك مستحيل تتركيه وان انتي بتعاقبيه بس مش ناوي تتركيه ، عنيف مش بمعنى ضرب لكن بمعنى انه انتي مش عايزاني يبقى انا كمان مش عايزك ويقطع هو كمان الاتصال و يعمل لك بلوكات هو كمان ولو شافك اصلا في الشارع حيعمل نفسه ميعرفكيش ، طيب انتي اذا كنتي فعلا تعافيتي تماما من التعلق المرضي والادمان وفعلا مقررة تتركيه ومفيش حاجة تضطرك تستمري معاه فدة حيكون في مصلحتك وتمام ومفروض تتمني ان دة يستمر ، اما لو انتي لسة مدمناه ومتعلقة بيه وقطعتي الاتصال كنوع من العقاب او التقل فدة حيكون مجازفة لان قطع الاتصال بيمس الذات المتضخمة عند النرجسي وبيلمس اسوأ نقطة ضعف عنده وهي الخوف من الهجر فبيكون احيانا رد فعله انه ينتقم منك عشان هجرتيه فيبعد وميرجعش تاني وممكن كمان يروح يجيب ضحية جديدة ويعلن عن ارتباطه بيها على الملأ عشان ينتقم منك ودي اسوأ حاجة ممكن تحصل معاكي في الوقت دة لانها بتدوس على نقطة ضعف عندك وهو عدم الاحساس بالامان اللي هو زرعها فيكي ، وكمان بتمس ثقتك في نفسك اللي هو حطمها وتبدأي تقولي انا العيب فيا انا محدش حبني ، انا مستحقش اتحب وطبعا بيكون تحطيم كامل لكي ، وللاسف بتخسري المعركة طبعا فلو انتي مش ناوية تتركيه فعلا ابعدي تماما عن قصة قطع الاتصال . وخدي بالك انتي في الحالة دي حتكوني هشة جدا لدرجة انه بعد مايتجوز عليكي مثلا ممكن يرجع لك ويقدر يرجعك ويخليكي تتقبلي الوضع اللي انتي اصلا كنتي بتعاقبيه بسببه ، فلازم تشتغلي على نفسك وتسمعي التشافي او تتابعي مع طبيب يخرجك من التعلق المرضي دة ، ولما تتعافي تماما تقدري تاخدي قرار الترك او الاستمرار
٢- ممكن بقى يكون رد فعله معاكس تماما وخصوصا في حالة انه عامل عملة كبيرة او انتي معاكي دليل ضده او متأكد جدا انك خلاص قررتي تتركيه مش قطع تواصل لمجرد المناوشات ، في الحالة دي حيحاول يعيد التواصل عن طريق موبايلات اولادك او اي حد من اهلك او يناوشك ببوستات ع الفيس على اساس انك بتراقبيه من اكونت تاني وهو فاهم انك حتعملي كدة او يجيب رقم جديد ويحاول يتواصل معاكي منه دة في حالة انك عاملة بلوكات ، المهم ان هو حيوصل لك ويبدأ يفتح معاكي مواضيع عامة عشان يجس النبض ويشوف انتي حتتجاوبي ولا لا ، ودة طبعا لانه مش بسهولة يفرط في مصدر وقود بيعتبره من املاكه ، وكمان لو معندوش مصدر بديل حيكون عايز يرجعك بسرعة او انه عنده مصدر مؤقت فحيكون عايز يثبتك عشان وقت مايحب يرجعك يرجعك وتكوني جاهزة على تكة يعني ، يعني بيظبطك ويركنك تحت الطلب طيب انتي لازم تكوني فاهمة التكتيك اللي بيعمله دة كويس جدا عشان لومقررة تتركيه تبقي فاهمة انه ميأثرش عليكي ، هو ايه اللي بيعمله بقى ؟ هو بيبعت لك رسالة اويكلمك مكالمة فيها كلام مش ممسوك وبيحمل اكتر من معنى زي انا حاسس اني تايه او انا مش مبسوط ويقولها في نص الكلام من غير مايجيب سيرتك اصلا فانتي حيوصلك انه تايه ومش مبسوط عشان انتي بعيدة وفي نفس الوقت مقالهاش بصراحة فمخك يتلخبط ماهو لوعايز يقول انك انتي السبب كان قال ، وتبدأي تدخلي في حلقة مفرغة من التفكير اللي مش بينتهي ويرجع هو محور تفكيرك طول الوقت بعد ماكنتي بدأتي تخرجي من النار دي وهو دة تماما غرضه من المكالمة ، والاسوأ بقى انه بعد المكالمة ممكن يختفي كام يوم فيخليكي بقى تشتاقي للمكالمة اللي بعدها يمكن يقول حاجة توضح معنى اللي قاله في المكالمة اللي فاتت ، وبكدة تلاقي نفسك رجعتي وبوظتي قطع الاتصال اللي بدأتيه ومن غير ماتحسي بتلاقي نفسك على تواصل معاه ، وتلاقي نفسك دخلتي في دايرة التلاعب تاني ودخلتي في العلاقة من تاني ، اذا كنتي ناوية قطع التواصل عشان قررتي تتركي النرجسي ، احذري اسلوب السحب دة واوعي تقعي فيه واستمري على القطع وعدم الرد والافضل متقرأيش رسايله والافضل بلوكات وتفهمي كل اللي حواليكي ان محدش يوصل لك منه اي رسالة بما فيهم اولادك طبعا الا فيم يخص مصاريفهم فقط.
٣- تكتيك خطير ممكن يعمله النرجسي عشان يقنعك تقطعي قطع التواصل ، بيلبس ماسك جديد ويتقمص شخصية الانسان المحترم اللي بيشيل المسئولية المستقيم اللي بقى بيعتكف في المسجد وبيشتغل ٢٤ ساعة والكريم اللي عنده استعداد يجيب لك حتة من السما ، المهم حيتحول من النقيض للنقيض واي عيب مضايقك حيعمل عكسه تماما ويبدأ يبعت لك قروده الطائرة عشان يشرحوا لك الوضع الجديد ومش بعيد تشوفي دة على الفيس في بوستاته الدينية وكلامه عن انه نصير المرأة او ندمه ع اللي عمله في حبيبته او ندمه على اخطاؤه المهم حيعمل لك صورة جديدة لفارس احلامك ، ويبدأ بقى يوصل لك رسالة مع قروده الطائرة انه بيقول انه طفولته كانت مأساوية وانه كان ضحية الظروف واهله هم السبب في كل التصرفات اللي عملها معاكي وهو حاليا بيتعالج واديكي شايفة النتيجة ، ودة طبعا حيكون اخطر جزئية في التكتيك لانه عارف انك متعاطفة فحيصعب عليكي ومدمنة اصلاح فحتجري عليه عشان تساعديه يتعالج ، وطبعا مش محتاجة افكرك ايه اللي ممكن يعمله لو رجعتي له بعد كل دة والفضايح اللي عملتيها له وعرفتي الناس مشاكله وانه بيتعالج وكمان المجهود اللي عمله عشان يرجعك فلازم حياخد حقه منك وحينتقم شر انتقام وبتكون الحياه بعد الرجوع اسوأ بكتير من قبل ماتقطعي معاه ، ومش محتاجة اكرر ان النرجسي مش بسهولة يتعالج ومش بيتغير بدون علاج فمتصدقيش انه اتغير لمجرد انه غير سلوكه .متفكريش ترجعي عشان تعالجيه انتي اولى بالمجهود دة لانك محتاجة تتعالجي من اثر حياتك معاه واللي عمله فيكي ، استعيدي نفسك واستعيدي حياتك الاول والاهم .

[@monmonashaheen1237]

إللي عايش نرجسي يحس بقدر وقيمه وعمق حلقاتك، جزاكي الله خيرا

[@ammaallah4193]

النرجسي مهما عملتي مش بيرضي ركزي علي نفسك ان كنتي زوجه وان كنتي مخطوبه ا رميه في الزباله واهربي شكرا يا دكتورة ❤️❤️

[@mimiloulou7329]

انا شاكة انو خطيبي ترجسي خفي كيف اتأكد بالضبط

[@user-id-kawthers-sanad]

٤- النرجسي ممكن يحاول استرجاعك بطريقة بدائية غبية زيه لكن المشكلة انها بتمس نقطة ضعف عندك اللي هي التعاطف ، هو عارف انك متعاطفة وبيصعب عليكي اي حد فممكن لما تقطعي التواصل معاه يدعي ان عنده كارثة حياتية ، اما حيعمل عملية او عنده مرض مميت او عمل حادث ،او حد مات له ، او فقد وظيفته ، المهم انه حيفجر اي كارثة يجيبك بيها وانتي طبعا بنت ناس واصيلة ولازم تقفي جنبه لحد مايقوم بالسلامة وتعملي بأصلك وبعد كدة حترجعي لقطع التواصل ودي بتكون نيتك ، لكن اللي بيحصل انه بعد ماتواجدتي معاه حيشتغلك طبعا ويفضل يشكر فيكي ويبوس ايدك ورجلك ان انتي اصيلة ووقفتي جنبه وبس خلاص رجعنا للدايرة المسمومة تاني ، المشكلة هنا ان انتي ممكن يكون عندك مشاكل من الطفولة مقدرتيش ترضي احد ابويكي كنرجسي ولسة بتحاولي تحصلي على الحب عن طريق ارضاد الاخرين فتروحي تاخدي بالك منه عشان يحبك وهو اصلا معندوش مشاعر ونلف بقى حوالين نفسنا ، وتفضلي مصدر الوقود للنرجسيين طول عمرك بحثا عن ان حد يحبك ، متقعيش في نفس الجحر مرتين ( المؤمن لا يلدغ من جحر مرتين ، لانه المؤمن يرى بنور الله ) وبطلي تحلي مشاكل الناس وتحاولي تراضيهم وراضي نفسك وركزي في مشاكلك مع نفسك وصالحيها
٥- تشويه السمعة من ضمن الالاعيب القذرة اللي بيعملها النرجسي في حالة قطعتي التواصل معاه وطبعا بيكون عايز ينتقم منك عشان تركتيه وفي نفس الوقت بيعمل لك ارهاب وتهديد انك لو مرجعتيش حيزود في تشويه سمعتك ، وطبعا انتي المفروض لاتلتفتي ابدا للهبل بتاعه دة لانها فترة وكل حاجة بتنكشف وكل الناس بتفهمه سواء رجعتي ودة معناه انه كداب والا مكنش رجعك او تركتيه وهو نفسه حيقول انك مفيش زيك وخصوصا لو دخل في مرحلة البكاء والانهيار لما يفقد الامل في رجوعك متشغليش بالك باللي بيقوله انتي مع ربنا وان الله يدافع عن اللذين امنوا فكوني منهم ، وممكن كمان يهددك بانه ياخد منك الاولاد او يؤذيهم وهو بيكون عارف نقط ضعفك وبيحاول يهددك بيها وممكن يتلف ممتلكاتك وممكن مثلا ياخد منك الموبايل العربية زي مابيعاقب اولاده ، وممكن يخرجك من بيتك او يخليكي برة و يروح يغير طبلة الباب (الكالون ) وخصوصا لو انتوا لسة مفيش طلاق وهو يقدر يفتح وطبعا بعضهم بيدخل ياخد اللي هو عايزه ومنهم اللي بيسرق دهب زوجته ، يعني اي شيء ممكن يعمله في سبيل انه يرجعك وينتقم منك في نفس الوقت . مينفعش تعملي قطع اتصال غير لو انتي مأمنة نفسك وبيتك وجاهزة لمناوشات النرجسي .

[@QamarAlwan]

جزاكي الله خيرا يارب

[@tradersuk9363]

يا الهي حضرتك دكتوره انا مش عارفه انتي ازاي دارسه كل ده بالحذافير ؟ لو سمحتي انا عمل معايا كده قلي انه حيخسر شغله لو رفعت عليه نفقه مع اني رفعت وكسبت لاطفالي وهددته باني حاخد نفقه ليا هنا ابتدى يحنن قلبي بأنه كفايه كده عليكيوا عشان الشغل ممكن يترفد بعتله ان انته معدتش تحوفني زي الاول بحاجة الشغل ده لان بيغير شغل ومش ثابت اصلا من لما عرفته ..دلوقتي انا رفعت طلاق وهو رفض قدام القاضي ومش عايز يدفع نفقتي قلت اوك حيتنى لغاية ما يدفع مدارس الولاد للسنه الجديده تفتكري حيدفع ؟ هو وعدني في الصيف لانه بيشتغل بالخليج ..وانا ليا سنه عامله no contact وحاول يشوه سمعتي عشان ارجع وانا مقبلتش ..وتواصل مع اهلي مقبلتش فرفعت القضيه ومن غاية ما كسبت النفقه لحد دلوقتي مبيتكلمش وما بيبعتش حاجه انا ولا فارقلي لاني مش عايزاه بس كان دايما عايز يتكلم مع الولاد لكن بطل يبعت اي كلام او اي سؤال ..عارفه انه فاكر كده اني حتحرقص ولا افكر فيه لا بلعكس انا اهنته وذليته لانه انسان واطي فهوه متأكد اني مش عايزاه بس الفكره بحتة انه يدفع مصاريف مدارس الولاد لذلك اجلت الطلاق لاخر الصيف ..ودايما يقلي ادفعي من فلوسك ادفعي من مؤخرك كذا وكذا ..ودلوقتي لنا فبيت الزوجيه فرشته وعشت بيه مع اطفالي هل ممكن ييجي ينام هنا او يغير كالون البيت زي ما ذكرتي ؟ اتجنب ده ازاي ؟؟ معقوله يبقى حرب في الصيف ده انا عايزه اعيش بسلام كفايه حرب بكرهه ومش عايزاه

[@jubranj6887]

دكتورة ارجو منك الرد انا متابعه ومتشافيه زوجي نرجسي خبيث خفي اكتشفت ده بعد ١٥ سنه زواج وبعد قصة حب تزوجنا لكن طول مده زواجنا كان بيخوني وبيضربني ويبقولي انت السبب لاني بخون لكن من فترة ٣ اشهر صحيت وكأني كنت فغيبوبه طوال ١٥ سنه وقطعت عنه العلاقه الحميميه وانا عايشه معاه بنفس البيت ومن ٣ اشهر واحنا فحالة حرب بالبيت يوم نرجع وايام نتخانق عايزيني اعتذر على حاجه هايفه وهو خاين بكل نوع الخيانه النهارده اتخانقت معاه خناقه كبيره وانا قلتلوا اتجوز اذا تريد انا محتاجه اتكلم معاك يا دكتورة ارجو الرد ارجوك

[@anaa3253]

مستحيل تتشافي تماماً وتستمري معاه لأنه مثل الرمال المتحركة دائماً يسحبك للخلف .. الناس اللي من الأساس قوية من الداخل ممكن تتعايش مع النرجسي بس هذا شيء نااادر

[@shaymaanouair8069]

يعني فعلا مهما يبان أنه اتغير مفيش امل؟؟

[@user-mm1qx3rq2m]

@@shaymaanouair8069 ما يتغيرش هو لابس قناع جديد

[@shaymaanouair8069]

والقناع ده بقي لحد ايه اللي هيحصل..ويشيله

[@anaa3253]

@@shaymaanouair8069 هو مايقدر يشيل الأقنعه لحد مايوصل لذاته الحقيقية والنرجسيين منفصلين عن ذواتهم بسبب صدمات الطفولة .. احنا كلنا انفصلنا عن ذواتنا في طفولتنا بسبب الصدمات لذلك لب وجوهر الحياة الحقيقي هو العودة لذاتنا الحقيقية .. الطريق صعب علينا جداً ويحتاج جهد ووقت لكن النرجسي أوجد له نفس مزيفة وصار يجملها ويغذيها وما عنده استعداد يتنازل عنها عشان يبحث عن نفسه الحقيقية .. هذا شيء صعب جداً عليه أصلاً مايفكر فيه لأنه مرعووووب انه ينظر داخل نفسه ويكتشف عيوبه ويتذكر ما حصل له .. ننظر لهم بنظرة الرحمة والشفقه لكن مانسلمهم أنفسنا ولا مصيرنا لأنهم للأسف يعتبرونا مصدر لإمدادهم بالطاقة اللي مايقدرون يولدونها من الداخل بسبب انفصالهم التااام عن أنفسهم .. المسألة فعلاً مثل قانون الغاب آكلك عشان أعيش ولا عندهم أي طريق ثاني إلا بمعجزة إلهية

[@QamarAlwan]

كلامك مظبوط

[@samsungprime2385]

يطول الفيديو زي ما يطول براحتك كلامك من ذهب وتفتحي عيني علي اللي هيحصل وكانك بتسمعي صوت تفكيري

[@user-wn9gd3hq1d]

انا عايزه اعرف انا كمان نوع شخصيتي ايه

[@nadiaismail589]

د٠

[@nadiaismail589]

د٠د٠

[@shoshoelkassby2365]

لأول مرة بعمري اكتب تعليق لأحد و الله شاهد علي ذلك.. لكن من كثرة دقة كلامك و الصور اللي بتذكريها لأفعال النرجسي و ردود افعالهم و كيفية التعامل معهم حبيت أأمن علي كل كلامك عنهم و أشيد به حتي اكون داعم مثلك لكل من يعيش مع نرجسي و ايضاً لأني كان من نصيبي الصعب، و السئ لكن الله المستعان اني تزوجت مرتين و كانوا الاثنين نرجسيين بكل انواعهم و شوية و بعض الشيء بحكم الخبرة مع الاول حصلت علي نتيجة بعض الشيء ايجابية مع الثاني لأني خلاص بقي عندي خبرة فيهم.. جزاكي الله تعالى كل الخير عن ڤيديوهاتك و اتمني للجميع التشافي منهم و الانتصار عليهم لأنهم حرفياً اصعب حرب يمكن للإنسان يخوضها و خصوصاً اذا فيه بينكم اولاد

[@ameera7ataya420]

لما قطعت التواصل نهااااائي وعاملته بالتجاهل الجميل لمدة سنة كاملة بس ما كان علي ولا غلطة واحدة وكنت قايمة بكل واجبااتي لكن قطعت التواصل وسحبت العاطفة من تصرفاتي معه واعتبرته انه مش موجود .. المهم قرر يتجوز بس ما قدر يتجوز وصار ينام برا الغرفة وصار يلف حوالين حاله متل المجنون بس ما قدر يسألني مالك وما سأل وانا طوال السنة تشافيت وسبحان الله عملت نفس الي حكته الدكتورة بحلقات التشافي بس تشافيت لقيت الفيديوهات وهسا رجعت بشخصية اقوى بمليون مرة ومشيت كل شي متل ما بدي وهيو شاف قديش عندي قدرة وقوة وحاليا بنتعامل على اساس خدمة مقابل خدمة ..
وهيني عم تابع فيديوهات الثقة بالنفس
وبس 🥰😅

[@miaadalharbi2479]

الله يوفقك

[@olaabdelaziz8857]

انا طلبت الطلاق وفعلا أطلقت وتزوجت بعد 7شهور سري يعني أولادي وهو ميعرفوش.... وبتعامل بطريقة الصخره الرماديه..... لان في طلبات للأولاد فأنا مضطره للكلام معاه... وهو فاكر ان انا واخده هدنا او راحه وبعدين نرجع لبعض.... لكن هو مازال بيتعامل بالصمت العقابي

[@user-mm1qx3rq2m]

برافو عليك

[@user-zm1vn1ym9z]

يا دكتوره من فضلك عاوزين روتين الحياه الصحيحه للمطلقات .ازاي تتعامل في بيت ابوها ومع العالم بعد الطلاق.انا عامله حلقات في قناتي عن المطلقات من نرجسي .وفي بيت الأهل بعد الطلاق ولكن نريد حلقه من الدكتوره فهي اكتر خبره

[@user-hb6to3xe3w]

اي حياة صحيحة صدقيني كيف بدنا نكون طبيعيين في بيئة مش طبيعية حياة صعبة صعبة للمطلقة التكيف قاتل كبرت الف سنة بعد الطلاق

[@faithful567]

يا ريت

[@faithful567]

@@user-hb6to3xe3w فعلا صدقتي مجتمع ظالم واهل اظلم

[@user-hb6to3xe3w]

@@faithful567 انا موظفة ومني محتاجة لحدا بس والله العظيم شاب شعر راسي من القهر وكلو لان انا اخترت الطلاق ودفعت التمن غالي

[@doniachakir8188]

مبروك عليكي الطلاق

[@selmamohamed1237]

اظن انه جرب كل التكتيكات... العنف والاستفزاز... ثم الاهتمام بالاولاد وتحسين علاقته بهم... القرود الطائرة لاقناعي بالعودة والتهديد بالزواج.. ماسك الشخصية النموذجية والاهتمام بمنظره أمام اهلي... ثم التهديد بالزواج وفعلا أعاد علاقته بأحد نسائه... واخيرا حمله تشويه سمعة فظيعة...

[@jamilamahdi2899]

شكرا دكتورة ، على المعلوات التي تعطينا جميع الفيديوهات اطلعت عليه وكلها صحيحة وكانك تعيشين معي وتحللين ما يقع بالضبط ، العلم حاجة عظيمة

[@safiazaghloul3519]

كيف أتواصل مع حضرتك هاتفيًا ضروري حيث إني أعيش خارج مصر واحتاج التواصل معك ضروري

[@drines6532]

والله كنت عم بستناكي وبدوس لايك قبل ماسمع الفيديو

[@naglaashahin7688]

وانا زيك بعمل لايك قبل المشاهدة

[@ertaqy2897]

وانا مثلك

[@yosrashaalan7442]

انا رفعت دعوى طلاق و قاطعته و احنا في نفس البيت
قطع مصروفي الشخصي طبعاً و هو أساساً بيسحب السيارة بدون أسباب لأنه متحكم و منع اشتراك النادي للأولاد ....... عشان اوافق اسحب دعوى الطلاق لبس ماسك انسان محترم و لكن مش قادر يكون لطيف فقط مانع نفسه من الغضب و الخناق و النقد و السخرية و الوقود السلبي اللي هو أصلاً كان عايش عليه لمدة ١٤ سنة ما بيمر أسبوع بدون خناق و شد و جذب لكن ضاغط جداً على أعصابه عشان يكون كدة بيتجنب يقضي وقت معانا عشان يحافظ على الهدوء المصطنع و لكن في شهر رمضان افتعل مشكلة مع بنتي و انفجر فيها و ضربها ضربتين و بعدين خاف من رد فعلي توقف عن الضرب و أخد منها الموبيل و كسره في الحيطة فضل يخبط في الموبيل لحد ما كسر الشاشة تماماً و الحيطة نفسها اتكسرت و هو ينظر لي و منتظر مني رد فعل و انا بابص له ببرود و أول مرة اشوفه غضبان غضب حقيقي و وجهه أحمر و أنفاسه سريعة جداً و صدره بيتحرك من كتر الغضب و رايح جاي في الشقة مش قادر يسيطر على نفسه
عرفت ساعتها ان كل الغضب اللي شفته منه قبل كدة كان تمثيل

[@samahibrahim2836]

الله معاكي
عملتي ايه دلوقتي وصلتي لايه
حسبنا الله ونعم الوكيل
ربنا يدافع عننا جميعا يارب

[@user-go1bb5vo3q]

ربنا يفكك منو زي ما ربنا فكني منو

[@tradersuk9363]

ومستنيه ايه من واحد زي ده !

[@yosrashaalan7442]

@@samahibrahim2836
سبت له البلد كلها و رجعت بلدي مع ولادي لكن مش سالمة من أذاه و غضبه و استفزازه ليه عن طريق المصاريف و التحكمات لكن أفضل من وجودنا في نفس البيت

[@yosrashaalan7442]

@@user-go1bb5vo3q آمين يارب العالمين

[@abeerali1769]

لما قطعت عنه الاتصال نهائى انا واهلى وابنى جالى يتذلل علشان يرجعلى وقالى انا محتاجلك طردته وقولتله انا مرتاحه منك بجد ارتحت نفسيا وعلى فكره انا زوجه ثالثه رجع لزوجاته إللى كان مفهمنى انه بيكرههم ربنا يخده هو ونسوانه راجل كذاب

[@hebhaljalal3615]

ايش دخل نسوانه😳

[@user-yr3tl7rk1d]

هو راجل كذاب.هورجعلك.علشان.والله.أعلم.في.إله.مصلحه.عندك.أو.شئ.إنتي.أخذتيه.منه.

[@aytoibrahim5454]

طيب ليه قبلتي من الأول تكوني زوجة ثالثة

[@hyss_fkkhafagy9305]

ج

[@amany247]

@@aytoibrahim5454
قدر ونصيب ما ينفع نسألها ليه تتزوجه هو شيء حصل وانتهى

[@omimaelsayed4551]

الله يكرمك ممكن نعرف اكتر عن النرجسي الخفي بدقه والشخصيه الحديه وممكن وقت الفيديو يطول شويه.

[@user-wu9my4uk9x]

ايوه ضرووري

[@kiraalg3040]

ياريت كنت شفت فيديوات بتاع حضرتك من قبل كل الي قلتيه حصل معايا بس الحمد لله ابتديت إفهم شخصيتو و اتعلمت من حضرتك حتى أستطيع التغلب عليه شكرا

[@shyma4799]

النرجسي ألحد بالله ومشيت عنه
راح رافق خدامه وعاملها ملكه عشان يضايقني
قلتله بالهنا 😋

[@QamarAlwan]

ههههههه يالطيف تلطف
الي عندي نفس الحاجة مع حاجات تانية

[@user-vj3jp7zb8v]

😂😂😂😂😂😂

[@alaerayan9711]

لا حول و لا قوة الا بالله.قمة الغباء

[@maryamsalama6521]

يليقو ع بعض 👏👏

[@merehanmousa6124]

قوليلها احسن تستاهلي

[@sosoamer6110]

ربنا يكرمك يارب انا خفيت على ايد حضرتك وبدعيلك في كل صلاه ربنا يكرمك يارب كل الفيديوهات حافظها عندى

[@fatimzahrasousou1039]

والله العظيم كلامك صحيح بشكل مطلق وكأنك تعيشين معي

[@user-bq5kh9cy9g]

عايزين حلقه عن النرجسى المسيطر اللى مسافر وطريقه تخليه يدفع مصاريف الولاد

[@asmaahussein3910]

ياريت يا دكتور لانو بيستخدم بعد الزعيق والاهانه الصمت العقابى

[@tamaraaaali4174]

اختي رفعت عليه قضية في المحكمة ودفع من نفسو لما عرف

[@daywithabeer8336]

قبل مااشوف المقطع لايك ♥️

[@adalahfoundation3664]

الحمدلله تخلصت منه للأبد ، ومستعدة أحكي لك قصتي بالكامل كيف طرق التواصل معك دكتورة

[@fatimaalfaqeeh8348]

تفيدينا لو سمحتي

[@fatimaalfaqeeh8348]

احكيلنا قصتك

[@saharmegahed968]

؟؟

[@gtg2739]

احكى لنا بليز

[@user-yr3tl7rk1d]

إحكيلنا القصه علشان نتعظ

[@alsabanjwm80]

ي دكتورة لاحظت انه يخاف اذا صار وحيد ..اذا تركوه زوجته واولاده..وبصراحة الاولاد اذا انحازوا مع الام . وهو لوحده سلاح قوي للأم.لأني طلبت الطلاق ..وبعدها حاول يهدي الوضع على أساس يلبي لي اللي أبغاه.. ولكن انا بينت له اني رجعت مو لأجله ولأجل الاولاد. لأجل اخذ الاجر في الاهتمام بعمي..وصار يغار باهتمامي لعمي وأولادي وإهمال له متعمدة.وصار يحس إنه خسر الاهتمام مني..ومازلت اني اوضح له اني قوية جدا.وما اخاف من شي ولا احبه كثير.ولايهمني.اقوم بواجبي وبس..لكن من وقت ما ارسل له عن فيديوهات في تنمية الذات ويقلدني في شعوره بالقوة مثلي.رغم اني احاول انفر منه.لكن هو يتقرب مني وانا عادي بالنسبه لي. اصبح انسان يحاول مع نفسه انه يكون افضل وسبحان الله وفاته أمه و وفاة صديقه اصبح انسان متغير صار هادئ ولا يستطيع الجدال.

[@user-pv6ur2yv8p]

استاذه كوثر رجاءا شوفي حلقه رضوي الشربيني يوم الجمعه امس
كانت بتطرح قانون الضرب الجديد ومعاها قاضي عرفي الي مفروض بيحل نزاعات زوجيه راجل قمه ف النرجسيه ممكن تتكلمي عنه وتفضحي الي زيه امانه عليكي
ليك ياجماعه

[@amany247]

اختي قرأت انه لا يجوز الحلف بالامانة او الحلف بغير الله

[@nawalalmousa589]

كلام في الصميم ربنا ينورك مثل ماتنورينا كل شي عمله معيا حسبي الله ونعم الوكيل على كل نرجسي
الحمدالله تشافيت فضلامن الله

[@aurora_kwt3385]

اتصل علي خلال يومين ١٧٠ مرة = 170 missed calls 😅 ومازلت مستمرة بالتجاهل !

[@hibaqareesh5653]

غريب هن بيكابرو بيتصل مرة وحدة وينتظر وبعدها يمكن يبكي بس ما يتنازل يتصل مرة تانية بس بيسب وبيعصب وبيقول باي ورايح

[@lailaamerla]

ايه الحكايه أنا ٥٠ و١٠٠ مره بطريقه هستيريا ورسائل مش ممكن علامات استفهام وتعجب

[@psychology4469]

برافووو عليكي بطله

[@psychology4469]

@@lailaamerla برافو 👍🏼

[@majdavlogs417]

@@hibaqareesh5653 فعلا حتى انا تكبررر علي وش الحل

[@latifabarzizi1326]

هو دايمن عندو بديل حيعمل بالضحية إيه
هو موش فاضي ليها اصلا ولا هو مهتم بنو كونطاكت بتعها الله انقم منو شر انتقام

[@hagary226]

بجد مفيش كلمة فى اى فيديو سمعته لحضرتك لم تحدث كأنك تعرفى قصتى😅
هو مفيش حد مبتكر فيهم 😂😅كلهم نفس الصندوق مفيش حد خارج الصندوق😆😆
الحمد لله كل افعاله لا تؤثر و بدأت بعمل فيديوهات لنصيحة الاسر
و اخر حاجة بيقولى فيديوهاتك اتعلمت منها و اتغيرت😇يا حرام

[@wisam3496]

شكرا على معلوماتك يا دكتوره كل لي قلتيه حصل ولله لولا الاولاد ومش عارفه اروح معاهم فين ماكنتش قعدت معاه دقيقه واحده ربنا يجازيك الف خير

[@Nor..137]

ماشاء الله عليكي يادكتوره شرح فوق الممتاز وفيتي وكفيتي الله يبارك فيكي

[@shahndaelsayed7836]

انا قررت قرار لا رجع فيه فى قطع الاتصال بيه وطلبت منه الطلاق بعد٢٢ عام ولكن رفض وقال مش بمزاجك لما اعوز انا وقاعدين فى نفس البيت لكن كل واحد لحاله بس مش بطل استفزاز فى كل شئ حتى بنتى فى ثانويه عامه وكل ما يراها بتذاكر يعلى الاغانى على الاخر ويشرب سجاير وهى عندها جيوب انفيه او يرش بيرسول بحجة فى ذباب دخل الشقه والخ الخ ربنا يرحمنا منه انا واولادى تعبنا منه

[@omrukiahaider7701]

الله يقويكِ .....كل الذي يفعله لكي يستفزكِ وتعيريه اهمية ...الحل هو الاهمال ....اعتبريه حشرة موجودة في المنزل ....يعني درجة النذالة بأضرار أبنته بهذه الطرق كيف تتوقعين منه ان يكون رجل سوي!!!!!
وعن تجربة توقعي افعال اصعب من هذه الافعال
فأنهاالحرب وعليكِ الصمود لكي تنجحي في تحقيق هدفكِ....

[@QamarAlwan]

ياربي نفس الشء بيحصل معي

[@yms845]

الله يقويك ويجعل لك مخرج

[@ahamadchouchan2132]

ربنا يرحمك منوااا امين

[@tasnimali1561]

حضرتك هنا بتسردى هو بيعمل ايه كردود افعاله المتوقعه واللى هى صحيحه مائه بالمائه،لكن السؤال هنا طبعا الضحيه شخصيا محتاجه تتعامل مع الردود الافعال البزيئه ببرود وتجاهل مش سهل يادكتوره حد متسلط انه يعصبك ويثير زعلك ويتعمد الايذاء بكل ما اوتى من قوه ووطأه كيف للضحيه تلاقى زرار التحكم ؟زى بالظبط انسان وقع بحريق والعياذ بالله مثلا كيف تطلب منه يتحكم باعصابه وما يصرخ وما ينفجر وما يعافر حتى يخرج من ازمته ومنتظره رد حضرتك

[@zizi3191]

لا يلدغ مؤمن من حجر مرتين صدق الرسول الكريم صلى الله عليه وسلم

[@Dooodie-]

جحر وليس حجر❤️

[@manalombelal9210]

علشان فيه بديل قوي مش بتفرق معاه وبيبيع في لحظةولا بيسأل وكمان ممكن يقطع الفلوس ويبعتها للتانية

[@mahaalbetar3572]

فيديوهاتك استفدت منها جدا جزاك الله كل خير

[@grizoyt9396]

والله يا دكتور تعبت من هدا الشيطان انا وابناءي

[@hibaqareesh5653]

الله يهون عليكي اقرأي كل يوم قرآن وصلي وادعيلو الله يهديه

[@aishamohamed3362]

ربنا يبارك في حضرتك.......انى احبك في الله دكتورة كوثر

[@sajedhLlah]

جزاك الله خيراً ويبارك فيك 🌼♥️

[@meromero8614]

يادكتورة انا محتاجه أتواصل معاكي ضروري
انا مدمره نفسيا ومحتاجه مشورتك ممكن تساعديني

[@zainabnaceur279]

والله أنا كمان عيزة أتواصل معاها أنا تقهرة منو كثير

[@m_b_h5984]

مظبوط صح خمس سنوات مش حاسس بالأمان معاها

[@faithful567]

انا فعلا عملتله نو كونتاكت ولم يستطع التواصل معي فطلقني غيابي ومنع عني وعن الاولاد المصروف

[@anaa3253]

ارفعي عليه قضية اذا تقدرين لأن ماراح يصرف عليهم إلا بأمر قضائي

[@faithful567]

@@anaa3253 رفعت بس المحاكم بالها طويل

[@anaa3253]

@@faithful567 الله كريييم .. توكلي على الله وراح تمر الشهور الصعبه بسهولة ان شاءالله وادعي ربنا بيقين وبدون تعلق بالنتيجة .. انا مريت بوضعك تماما وفاهمة شعور الرعب والهلع لو خلصت فلوسي والأولاد يبون شي لكن الحممممممدلله ربي أعاني والفال لك حبيبتي

[@wafyaaahmedahmed8491]

ما يهمهم في الدنيا غير المال والعكننه علي الغير

[@haont7gamer961]

الله يعوضني..رحت عند اهلي ومعايا شنطة صغيرة....ولاذهب ولا حاجة..العوض من الله

[@emanseyam6109]

زي ما انت قولتي بالظبط كله ( في نطاق الندالة)
كل ردود أفعاله على قطع الاتصال او غيره كلها في نطاق محاولة الذل و الندالة او الفضاااااااااايح و الكذب بالاتصال بالناس و القرايب و تشويه صورتك و تقليب في القديم و الكذب
و يبعت يقولك اثبتي عكس اللي انا قولته للي الناس
و هوا كمان يقطع الاتصال و يكلم الاولاد فقط

[@abeeralshafey3043]

ههههههههههه تم والله وحسبي الله ونعم الوكيل فيه

[@cairo7643]

نفس الوضع تماما حسبي الله ونعم الوكيل

[@hatemazap4683]

كدة بقت حرب أصبح علاقة الود والرحمة حرب مع رجل نرجسى شبطان وهل هتبقى عيشة دة
هو دة عقابه اى فى الاخر عن تجارب حضرتك هل يعاقب فى الدنيا قبل الآخرة

[@devadodo4301]

انا زوجه نرجسي خفي كنت دايمأ مطيعه لاقصي درجه لان مليش اهل وبحبه وزاد ف نرجسيته َوبعدين خني مع اكتر من واحده بعدها فوقت لنفسي معملتي اتغيرت وهو بتجاهل الخيانه

[@happykiddz9974]

كلامك 💯👍👍👍..كلو حصل معايا...ربنا يبارك فيكي.

[@user-mt1ph3gc8e]

فعلا جوزي بيبعتلي رسايل وينزل اشعار علي الفيس وخلي الاهل يتعاطفو معاه وينكرو هجري ليه كم اكرهه

[@fadfad3223]

ليه دائم تتكلمي عن الزوج والزوجه النرجسي نريد بين الأصدقاء والأسر

[@user-uz4tx3lc8t]

ما شاء الله عليكي يا دكتوره بتوصفى حياتي كامله

[@popohgoh]

انل وحده عنيت كتير اوي بس الحمد لله انا اتعافى من الإدمان ده وشكر الدكتوره اوي وكله ده عليه الأجر والثواب❤️❤️

[@user-pv6ur2yv8p]

عن تجربه يا استاذه كوثر انك لما ترجعي بعد الحيل دي كلها الي بيعملها فعلا بالتفصيل
محدش هيتعاطف معاكي لانه امام الناس عمل المستحيل عشاني من الاخر مفيش خلاص الرحمه عند ربنا بس

[@hanakambay9072]

كلامك سليم.... بس في مرحلة بتعرفي الصح وساعتها لا تهتمي شو ما الناس حكت... المهم تخلصي منه وترتاحي

[@saharmegahed968]

صحيح

[@hananlemin3139]

@اكسجين القلب الناس دي مش حتحمل عنك ألم المرض إذا مرضتي بسبب القهر و لا حتموت بدالك إذا موتي من القهر فستعيني بالله

[@nonot3406]

أختي والله العظيم جاني ضغط على قلبي وصدري والعادة الشهرية ما توقف وأذني ما عاد اسمع صحتكم أهم شي

[@user-us1nc3kb3f]

أسوء صفه فى النرجسية القلب غير موجود والأنانية وحب الامتلاك وتسخير الطرف الآخر لقضاء مصالحهم وكثيره العلاقات والصدقات وفى الاخر تتكلم عن الصلاه والتدين هو احنا تعبنا من شويه

[@alamiamal3608]

كنت عارفة اني شخصية حدية بعد ما عشت قصة دامت خمس سنين مع النرجسي واستطعت ان اقطع الاتصال به رغم انه حاول مرات عديدة بمساعدة اصدقاء له غير أن مشكلتي احس باني اصبحت مثله لا ابكي حين اسمع شخصا توفي مهما كانت صلة القرابة ولا اتعاطف مع اي كان
هل من الممكن ان اتغير واصبح نرجسية مثله للعلم مدة الانفصال سنة كاملة حاليا ولن ارجع له مهما كان

[@menaahmed5296]

النرجسيى مابيسالش اذا كان نرجسي ولا لا 😂لكن انتى تعلمتى تتعاملى دون نقطه ضعفك العاطفيه فقط

[@user-sy2uq5oi9q]

ممكن ضحية النرجسي تتحول نرجسيه سمعت الكلام من دكتور بعلم النفس قبل شوي

[@salma9101]

مشكووورة ست كوثر 💖💖

[@aberazmy297]

جزاكم الله عنا الف خير
بارك الله فى علم حضرتك
ولا يحرمنا منك

[@user-cr1js6xd7j]

يا دكتوره انا بحبك اوى اوى واستفت منك كتير شكرا جزيلا لحضرتك

[@mahamadhi8622]

الله يجزاكي كل خير ياريت بس الفيديو يطول شويه لما اول ما بنندمج معاك بتخلص الحلقه

[@QamarAlwan]

استاذة اين القانون في هذه الحالات السيئه
جدا جدا
معقول ما في جهة تخاف الله توقف معنا نحن الستات المظلومين

[@naiitijjakhadija9281]

هنالك عداله الاهيه دعوة المضلوم مستجابه مهما طال الزمن

[@hebahassan1489]

ف وقتك والله✌✌✌

[@AaAa-nu1dx]

بوركتي دكتورة على مجهودك معانا
لو سمحتي انا بقالي سنه قطعه عنو كل وسائل الامداد وهجرتو بس لسه عايشين بنفس البيت عشان الاولاد
وما عملش اي ردة فعل باستثناء بعض المشاكل اللي تعودت عليها بس انا ماعدتش مهتمه وهو قطع عننا المصروف وبطل يشتغل
قاعد دايما في البيت مفلس
سوالي ليه لغاية الان ما عملش حاجه ولا طفش ولا حاول يصالحني ويسترجع العلاقه
هو ممكن يكون بخطط لايه
مش حيقدر يتجوز لانو مفلس ماديا
لو سمحتي تردي على السوال ضروري لاني محتارة في امري

[@mahaomar9073]

نفس حالتك بالظبط بس سنة ونص ولا راضي يطفش ويسيب البيت ولا راضي يطلق ومش عارفة هو عاوز ايه او ناوي علي ايه بالعكس بقي قاعد في البيت اكتؤ من الاول ياريت الدكتورة كوثر ترد علينا

[@saharmegahed968]

عايز يطفشك من البيت

[@fatimazehra6945]

هو يتمنى تخرجي من البيت لانك انت ماعملتيش خلع وسبتي البيت.وهو مش قادر اطلقك لانو مستحيل يلقى وحدا كيفك.وانت عملتي عين العقل لو انت تشتغلي ومش عاوزا طلقيه اعتبيريه طفل وتعايشي معاه على اساس انو عندك طفل مريض عقليا وانت لازم تصبري عليه.لو انت تشتغلي وطايقه تعيشي ولادك طلقيه وروحي ربي عيالك بعيد عنو هو انسان مش مسؤول تماما.هذا كلام دكتور مش كلامي عشان انا مش دكتوره .الله افرج عليا وعليك يارب

[@lausanne7173]

انا طلبت الطلاق و هو وافق و انا لسه في بيت الزوجية لحد متخلص مدرسة بنتي بس خايفة من الذهاب عند اهلي هما ميسورين و حابين اني أطلق و بيشجعوني لكن المشكلة ان أمي سيكوباتية يعني حخلص من نرجسي و اعيش مع سيكوباتية عنيفة

[@lamyaaadel2156]

فكرى كويس قوى لأن الوضع كده مش هيكون مريح بالنسبه ليكى ولا لبنتك
حاولى تشوفى حل انكوا تكونوا فى سكن مستقل
وياريت تصلى استخارة كتييييييير علشان ربنا ينور بصيرتك ويعملك اللى فيه الخير

[@QamarAlwan]

مبارك انو رضي يطلق اذا متاكدة انو نرجسي
انفدي بحلدك
وامك بضل افضل منو بكتير
ممكن تشتغلي مع الوقت .وتقضي وقت برا البيت. وربنا معاكي

[@lausanne7173]

@@QamarAlwan بس لا ثقة في نرجسي ده ممكن يكون وافق بس عشان يهدي الوضع و يشوف مخططاتي حتوصل لفين و بعدين يرجع يترجى انا عاملة حسابي على كده

[@drines6532]

@@lausanne7173 كملي على قرارك واوعي تشكيلو من امك ليستخدم الفكرة ضدك
واشتغلي على بنتك ونفسك وقوي شخصيتك

[@lausanne7173]

@@drines6532 المصيبة انه قبل ما افهم انه نرجسي كنت يشتكي من أمي كثير و هو كان بيمنعني عنها بحجة حتاذيني و لمده خلاني ابعد عنهم لفترة و اكيد كيستعمل ده وقت تشويه السمعة

[@mimiali5420]

سلام
زوجي نرجسي خفي جددداااا
انا لما وعييت وتبعت الخطوات اللازمة تعافيت تماما واصبحت مرتاحة نفسيا وعملت نو كونطاكط فكان رد فعلو انو دخل في عزلة طوييييلة وبقينا كذلك خصوصا اننا كبرنا في السن ولازلنا في النوكونطاكط وكل واحد فينا لحالو ولو اننا في بيت واحد

[@mounaterroufi5520]

من لخر هاذ الخبيث سلاحو هو لسانو الوغ ممنوع نخليوه يوصل لينا اولا نعطيوه فرصة يهدر والله يجبر خاطرنا 🙏

[@saramadkour2709]

ياريت حضرتك توضحى لو النرجسى ده صديق بيكون نفس تصرفات المتزوج اتمنى حضرتك تتكلمى فى الجزء ده من الاصدقاء النرجسين سواء ولاد أو بنات. ..شكرا

[@shganyazan9000]

كل النرجسيين نفس التصرفات. لانهم مضطربين نفسيا

[@NoorAlhoda211]

صح يا دكتورة .. كل كلامك صح .. ربنا يبارك فيكي 👍👍👍💖💐

[@enasomara9126]

دا اسوء من كدا انه بيحاول يقنعك انه انتى السبب يعني بيلبسها فيكي انتى حسبي الله ونعم الوكيل

[@fatenfadel4664]

ياريت يعمل كده ويقدم فروض الطاعة ويشعر بالاسف من اللى عمله لكنه مكابر ومعاند ومش معترف بأنه أخطأ اصلا ولا بيعمل اى حاجة غلط وهو الملاك الوحيد اللى على الأرض

[@engymohammed7788]

ربنا يبارك لحضرتك زي ما بتنورينا

[@ghadaeissa3124]

حصل معايا فعلا طلبت الطلاق ورفض وأهلي رجعوني لانه باقي عليا وبعد ما جعت اتجوز..... بس ولااتهزيت وطلبت الطلاق اكتر وصممت على موقفي وقلتله لو هاكمل عشان الولاد واهه شيفاه مزلول ورجع ومبيرحش غير مره في الأسبوع وضربها وبهدلها وانا ولافي دماغي..... انااللي ربيته وكل شويه اهدده اني في يوم يصحى مش هيلاقي ني انا والعيال وهاخلعه بس مستنياها يكبروا وهو اللي هيطق وانا برتاح اليوم او اليومين اللي بروحهم هناك..... وهو ولا يقدر يتكلم

[@toutaloula380]

هي حتى لو أحلى منك و أحسن منك هيضربها و هيبهدل أي واحدة لأنه مريض و معقد من الستات عموما

[@ayatshaban5902]

السلام عليكم
نحتاج نعرف بالتفصيل خطوات الانفصال عن النرجسي في حال كانو مخطوبين او في علاقة تعارف بس وصلت لمرحلة الادمان
وهل لازم اتعافى قبل مااسيبو ولا اسيبو اول
واذا كنّا في مرحلة الصمت العقابي ازاي استغلها واهرب
واذا كنّا في مرحلة محاولة اعادة العصر الذهبي ازاي اسيبو

[@dzwld7625]

اول شيء اختي هو قطع الاتصال نهائيا واتخاد قرار نهائي بالإنفصال راح يحاول يعمل استرجاع علاقة بكل الطرق يجب أن تبقي قوية وثابتة على رأيك

[@noganogaa8167]

ممكن يقول إن أهله السبب أو يقول أنا معمولي سحر

[@user-il1rs9jc3t]

شكرا ليكى انا فعلا كنت محتاجه اسمع الكلام دا اوى

[@youmnawagdy6249]

الوصف دقيق بشكل مرعب.. جرب وعمل كل كلمة في الفيديو

[@3olaqutb489]

جميل جدا جدا الفيديو 💕

[@oomar9181]

انا لما قطعت كل اتصال معاه وعاملته بنفس الطريقة صمت عقابي صمت عقابي بس قطع عني المصروف تماما ومستمر في هجره الان بنكمل سنتين هو جالس بملحق يجي للعيال يجلس معاهم دقايق ويمشي يتونس بس لانه منسحب من تربيتهم ومصاريفهم ومشاكلهم وانا مستمرة ابني في شخصيتي المهدمة واعيد ثقتي فيها وادعي ربي ورجعت اتعبد ربي افظل من لما كان هو معانا بس وما ادري ايش بتنتهي له الامور

[@user-wq1uf4eb1x]

كأنك تتكلمين عنى ولكن الشقة بأسمى انا

[@hananmohamed6743]

انا زيك بالضبط هو عملى بلوك و قطع الاتصال ومشي ومش عايز يصرف ع اولاده

[@QamarAlwan]

كان يعمل بالماضي
لكن الان ليس المصروف منو والحمد لله رب العالمين

[@hananmohamed6743]

@@QamarAlwan ازى ممكن تقوليلى عشان استفيد من تجربتك

[@ahamadchouchan2132]

عملت ،no contactوهددتوا وعند دليل يوديه في دهيا بعد مكان اسد اصبح فااار ام من تونس ادعولي انو يرجعلي اولادي

[@sciencejewelsusmle6516]

انا كمان عملت no contact و هدته - بس هو ساكت و ماسمعتش منه اي حاجه- ربنا يستر

[@ahamadchouchan2132]

@@sciencejewelsusmle6516 ربي معاك

[@najlamousavi2024]

انا علي مدار ٢٤ ساعة افكر في .و انا طالبة الطلاق بس افكر في و اهلوا الي اذوني
و انا مستحيل ارجعلوا و هو اصلا مش ناوي يرجعني انا افكر فيهم علي طول حتي في عز فرحتي و في حزني و انا اشتغل و انا اطبخ و.....

[@user-yf7zu6qr4f]

شكرا لحضرتك فيديو ممتاز وحقيقي

[@faizamohammed8188]

الله ينصرنا ويخرجنا من هذه العلاقه منتصرين ..
المضحك بالموضوع اني زوجي نرجسي بخييييل جدا يعني ما فيش معاه تلفون حديث علشان يكون معاه واتس ووفيس ..ذا عائش على تلفون بزرارات القديم جدا ..
اسال الله ان يمن عليه بتوبه عاجله او بمنيه عاجله تخلصنا منه

[@azzanawar8221]

انا عملت كده وهو قطع الاتصال ولكن جزءيا لأن هو كل يوم جمعة يهملنى وهو واخد دور في البيت لوحده واذا نزلنا معه يقول لي اطلعى فوق مع اولا دك يا حبيبتي اعمل ايه وانا أصبحت اهرب منه ومن الجلوس معه اصبحت لا اريد ان اتعامل فى ظل انسان غشاشء ومخادع هل استمر في قطع الاتصال كما قلت لك

[@meriemrima8365]

شكرا. يادكتور. على. كل. المعلومات

[@basmaalgazar3509]

ربنا يسعدك دنيا واخره يارب

[@sosolubbad]

انت رووعه انا حاسه انك عايشه معايا

[@naglaaali591]

الله يبارك في علمك .فعلا دي صفات زوجي بالتفصيل

[@naglaaali591]

فعلا. رفض يبعت مصاريف للأولاد

[@momotop2034]

عملى صمت العقابى وشوهلى سمعتى مع،العلم انه ابويا ميعبرنيش لما التقى به عندما التقى به حمد الله كشفتو على حقيقته وزع الورث على اخواتى وحرمنى من ورث

[@psychology4469]

انا كمان ابويا نرجسي خفي يغووووور في داهيه بفلوسه خليك اقطع علاقتك معاه و لا تكلمه و لا تعبره

[@user-nz2wq6bn6x]

انا في حالة التشويه الآن
الحمد لله مش ماثر عليى
بس اولادي اللي زعلانين
عشاني
عرفتهم بحضرتك عشان يسمعوا
فيديوهاتك
الله يبارك في عمرك يادكتورة 🌹

[@rababmohamed4206]

فيديو رائع

[@raniamasawreh572]

كان يخليني برا ويقفل الباب ويمنعني ادخل ويرمي ملابسي في الزباله وياخد السياره ويقطع المصروف وصلت فيه يقطع الماي والكهربا والتلفون ولما تركته صار يشوه سمعتي واتهمني في فيديو وسخ متله وهوا واضح ان اللي فيه مش انا ولا حتى تشبهني وفي يوم كان رابطلي في الطريق واتهجم عليا في الضرب في الشارع مافي شي ما عمله وبدون اي اسباب الحمد لله خلصت منه

[@nahedf9046]

حمدالله على السلامتك عقبال عندي امبارح اتقنق معايه ومد ايدو عليه عشان انقل الختم من صبعي الي صبع تاني 😭😭😭

[@raniamasawreh572]

@@nahedf9046 الله يسلمك اعملي اي شي تخلصي الحياه معهم مستحيله

[@user-mm1qx3rq2m]

هذا مش نرجسي

[@nahedf9046]

@@user-mm1qx3rq2m لاء طبعا نرجسي مجرم

[@saraadam2981]

هذا نرجسي سيكوباتي
احذري منه كتير
ربنا يحميكي من شره

[@user-jm5ux1is5h]

بارك الله بيج استاذة في ميزان حسناتك يارب هل النرجسي يتقصد هذه التكتيكات وكيف يعرفها ام هي تصدر منه لا اراديا ؟؟

[@sanaeouhammou4467]

6:48 لو سمحتي شنو قصدك بمعاكي دليل ضدو هل ممكن تءكري امثلة ، كذالك عملة كبيره مثل مذا مثلا

[@user-uo2yj9cl7h]

أنا في فترة الصمت العقابي بقالى شهرين وبدأ في الفصال في مصاريف الاولاد وحملة تشويه سمعتي عند أولاد وأهله بس انا عاملاله صمت عقابى وقطع الاتصال ومعرفش حاجة عنه ومش عايزه اعرف

[@hanentay6023]

انا مثلك بالضبط عاملة ايه في حياتك ونفسيتك

[@wijdanerodayna2701]

وانا متلكم في ثمن عقابي

[@wijdanerodayna2701]

وانا متلكم في ثمن عقابي

[@flexyst]

O ana mitlkome 6 Achhor 😉

[@sarahsabbah8290]

👍🏻😪😪

[@myfibromyalgiaexperience4780]

نفسي اعرف هل فيه رجال طبيعيين موجودين فى الحياة ولا كلهم نرجسيين
هل فيه حب حقيقى بين المتزوجين
ما هى الصفات الطبيعية الواحد اصبح متلخبط

[@joumanaali628]

والله نفس الاسئلة بساله لنفسي وماعم لاقي جواب

[@FatiMa-kt9zi]

كلام حقيقي

[@user-by6xy1gg8f]

هو اتفاجيء الاول بقطع الاتصال والحظر وعمل صمت عقابي واما لاقني مصممه على عدم التواصل حاول برسايل بعيدة عن الموضوع الاساسي وانتي حب عمري وبعدها تواصل مع اهلي ما عجبهم كلامه وعملو له حظر واخر رساله كانت شبه تهديد اني لازم افوق قبل فوات الاوان مش عارفه وقتها كان اوان انهو فاكهه ههههه وكمان قال بلاش نكون اعداء مع اني اصلا ما فعلت شيء ولا تكلمت بشيء يخلق عداوة فقط اول ما كشفته انه غير طبيعي ارسلته ما يرجع تاني وقطعت الاتصال وانا اسكن شقتي وهو ساكن مع طليقته اللي لسه وارثه جديد وهو فرحان انو جت مني وانا بحمد ربي انه مشغول عني ..بس قطع عني المصروف ولا يسأل ابدا على ابنه لافي عيد ولا غيره وكل ما حاول حد من اخواته الحديث عنه اعمل لهم بلوك ...المشكله استاذه كوثر اتواصل معه ازاي فيما يخص حقوقي وحقوق ابني الماديه وحتى اهلي ما بيطيقوه لان اعذاره وكلامه غير منطقي وبيقولو هنصرف احنا على ابنك ولا نطلب منه وحالتهم مستورة ..علمينا كيف التواصل بعد الانفصال ؟؟ والله المستعان

[@marelkhwaga1286]

ارفعي عليه قضية نفقة وخدي حق ابنك بالقانون

[@user-by6xy1gg8f]

@@marelkhwaga1286 القضية شغالة والله المستعان والله يغنينا من فضله ويغنينا عن خلقة يارب

[@HananAli-uy2by]

طيب انا شخصيه قويه وزوجي نرجسي كيف يكون التعامل

[@oq2593]

مشتركين في القناه
ومفعلين الجرس
وبندوس لايك
وبنعمل كومنت
ولو فيه شي ثاني راح اسويه
ياحبيلك بس يادكتوره 🌹

[@user-om8hb6sg3c]

صار يحتقرني أكثر ويتجاهلني ومنع عني كل شي

[@serenarnaout182]

اي دكتور لازم الواحد يزوره ،دكتور إصلاح اجتماعي واسري ولى نفسي

[@ameeraalbeek3668]

صمت عقابي ولا برد على اي حد من اهله ومن اهلي

[@5.v.l657]

ربنا يستر علينا

[@poweerflower7931]

قطعت معه التواصل رغم أننا متزوجين و في بيت واحد...لم يصبرو صار يهددني بالطلاق و أنه تعب مني و من تصرفاتي...لم يعد يهمني كرهته و كرهت أنانيته
شكرا دكتورة على النصائح و بالأخص كيفية تجاهله و عدم التعصب

[@SouadSouad-nd7om]

أنا في نفس وضعيتك