Felana Rasolondraibe - Velona aho

Lasa ihany
Lay orambe omaly
Tsy nahitako anao
Mazava be androany
Mamiratra avy hatrany :
Eo ianao
Marina tokoa
Tadidiko avokoa
Reo teninao
Hoavy ny maraina
Handresy ny aina
Hoy ianao
F’izaho tsy nihevitra
Fa hoe tena ho ahy
Ilay ianao niteny
Namerina ombieny
Hoe ho velona aho
F’izao vao fantatro
Fa mba ho ahy koa
No nandresenao
Nanafoananao
Ny haizina
Androany aho
Toa maivamaivana
Mifalifaly ny foko
Satria velona ao
Tena ao anatiko ao
Ianao
Sambatra aho
Satria tanteraka
Ho ahy ny teninao
Nitsangana ianao
Dia feno aina ny anatiko ao
Ao ianao